ಉಬ್ಬ ಮೂಡ್ ಬಿದ್ರಿ

ಉಬ್ಬ, ಮೂಡ್ ಬಿದ್ರಿ ನಾಂವಾನ್ 1984 ಥಾವ್ನ್ ಬರಂವ್ಕ್ ಸುರು ಕೆಲ್ಲ್ಯಾ ಉರ್ಬಾನ್ ಡಿಸೋಜಾನ್, ಕನ್ನಡಾಂತ್ ಎಂ.ಎ ಸನದ್ ಪಯ್ಲೆಂ ರೇಂಕ್, ಸ ಭಾಂಗ್ರಾ ಪದಕಾಂ ಸಾಂಗಾತಾ ಜೊಡ್ಲ್ಯಾ. ಫಿಲೊಸೊಫಿ, ಡಿಪ್ಲೊಮಾ ಇನ್ ಜರ್ನಲಿಸಂ, ಎಕ್ಸೆಕ್ಯೂಟಿವ್ ಎಂಬಿಎ ಆನಿ ಬಿ.ಎಡ್ ಸನದ್ಯೊ ಆಸ್ಚೊ ಹೊ ವೃತ್ತೆನ್ ಏಕ್ ಶಿಕ್ಷಕ್. ವಿದೆಶಾಂತ್ ತಶೆಂ ಭಾರತಾಂತ್ ’ಪ್ರಾಂಶುಪಾಲ್ ’ , ಡಾಯ್ರೆಕ್ಟರ್ ಜಾವ್ನ್ ಕಾಮ್ ಕೆಲ್ಲೊ ಆತಾಂ ಬೆಂಗ್ಳೂರ್ ಏಕಾ ಕಾಲೇಜಿoತ್ ಇಂಗ್ಲಿಶ್ ವಿಭಾಗಾಚೊ ಮುಖೆಲಿ ಜಾವ್ನ್ ಸೆವಾ ದೀವ್ನ್ ಆಸಾ. ಪನ್ನಾಸಾ ವಯ್ರ್ ಇಂಗ್ಲಿಶ್ ಮಟ್ವ್ಯೊ ಕಾಣಿಯೊ ಆನಿ ಪಂದ್ರಾ ವಯ್ರ್ ಕಾದಾಂಬರಿ ಕೊಂಕ್ಣೆಕ್ ತರ್ಜುಮೊ ಕೆಲ್ಯಾತ್. ಮಿತ್ರ್, ಝೆಲೊ, ಕಾಣಿಕ್, ಪಯ್ಣಾರಿ, ಉಮಾಳೊ , ಆಮ್ಚಿ ಮಾಯ್, ಉದೆವ್, ಜೆಜುರಾಯ್, ಆಮ್ಚೊ ಯುವಕ್, ಅಶೆಂ ಹರ್ಯೆಕ್ ಪತ್ರಾರ್ ಹಾಣೆಂ ಬರಯ್ಲಾಂ. ಜಾಯ್ತಿಂ ಲೇಕನಾಂ, ಶೆಂಭೊರಾವಯ್ರ್ ನಿತಿಚ್ಯೊ ಕಥಾ, ವಿವಿಧ್ ಕೊಂಕ್ಣಿ ಪತ್ರಾಂನಿ ಫಾಯ್ಸ್ ಜಾಲ್ಯಾಂತ್. ತಮಿಳಾಂತ್ ದೋನ್ ಮಟ್ವ್ಯೊ ಕಾಣಿಯೊ, ತುಳ್ವೆಂತ್ ತಶೆಂ ಇಂಗ್ಲಿಶಾಂತ್ ಲೇಖನಾಂ ಬರಯ್ಲ್ಯಾಂತ್. ಕನ್ನಡಾಂತ್ ಚುಟುಕಾಂ, ಕವಿತಾ ,ಲೇಕನಾಂ ,ಕಾಣ್ಯೊ ಪ್ರಗಟ್ ಜಾಲ್ಯಾತ್. “ಪಾಟಿಂ ಘರಾ” ಆನಿ “ಕಾಣ್ಯಾoಚೊ ಘೊಸ್” ತಾಚ್ಯೆ ದೋನ್ ಮಟ್ವ್ಯಾ ಕಾಣಿಯಾಚೆo ಬೂಕ್ ಪ್ರಗಟ್ ಜಾಲ್ಯಾತ್. ರಾಕ್ಣೊ ಪತ್ರಾರ್ ಬರಯಿಲ್ಲಿಂ ’ಆರ್ಥಾಭರಿತ್ ಜಿಣಿ’ ನಾವಾಂಚಿಂ ತೀಸ್ ಲೇಖನಾಂ ಬುಕಾ ರುಪಾರ್ ಪ್ರಗಟ್ಲ್ಯಾಂತ್. ಉಜ್ವಾಡ್ ಪತ್ರಾರ್ ‘ ಜಿಣ್ಯೆಕ್ ಸೂಪ್ ‘ ಅಂಕಣ್, ವೀಜ್ ಪತ್ರಾರ್ ‘ ಶಿ’, ‘ ಆಯೆಶಾ ‘ ‘ ಪೋಸ್ಟ್ ಮ್ಯಾನ್’ ಆನಿ ದಿವೊಚೆರ್ ‘ರಾತಿಕ್ ಹಜಾರ್ ದೊಳೆ ‘ ಸಾಂಕಳ್ ಕಾಣಿಯೊ ಫಾಯ್ಸ್ ಜಾಲ್ಯಾತ್. ತೀನ್ ವರ್ಸಾಂ ‘ಆಮ್ಚೊ ಯುವಕ್’ ಪತ್ರಾಚ್ಯಾ ಸ೦ಪಾದಕೀ ಮಂಡಳಿಚೊ ಸಾಂದೊ ಜಾವ್ನ್ ಸೆವಾ ದಿಲ್ಯಾ. ಸರ್ವ್ ಕೊಕ್ಣಿo ಪತ್ರಾಂನಿ ಬರಯ್ತ್ ಆಸಾ. 2018 ವ್ಯಾ ವರ್ಸಾ ‘ ಬೆಸ್ಟ್ ಟೀಚರ್ ‘ ಪುರಸ್ಕಾರ್ ತಾಕಾ ಮೆಳ್ಳಾ.