ಡ್ಯಾ ದಿಸಾದಿಂ ಮಾನೆಸ್ತ್‌ ಸ್ಟೀವನ್ ಕ್ವಾಡ್ರಸಾನ್‌ ಇತಿಹಾಸಾಚ್ಯಾ ಲಾಂಬಾಯೆಕ್‌ ಇಗರ್ಜ್‌ ಮಾತೆವರ್ವಿಂ ಘಡ್‌ಲ್ಲೆ ಅಪವಿತ್ರ್‌ ಸಂಗ್ತಿ ಉಜ್ವಾಡಾಕ್‌ ಹಾಡ್ಲ್ಯಾತ್. ಪವಿತ್ರ್ ಆನಿ ಪವಿತ್ರ್ ನ್ಹಂಯ್ ಜಾಲ್ಲ್ಯಾಂಚೆ ಮಧೆಂ ತ್ಯಾ ದೆಕುನ್‌ಚ್‌ ಹಾಂಗಾಸರ್‌ ಏಕ್ ಸವಾಲ್‌ ಉಬ್ಜಾತಾ. ಇಗರ್ಜ್‌ ಮಾತೆವರ್ವಿಂ ಫಕತ್ ಅಪವಿತ್ರ್‌…
ಸ್ತೆಫಾನ್ ಸವ್ಯಾನ್ ಆಪ್ಣಾ ಆದ್ಲ್ಯಾ ಪಾಪಾಚ್ಯಾ ಮೊಡ್ಯಾಕ್ ಫೊಂಡಾಂತ್ಲೊ ಭಾಯ್ರ್ ಕಾಡ್ನ್ ತುಂ ಪಾಪಾ ನ್ಹಂಯ್ ಮ್ಹಣ್ ತಾಚ್ಯಾ ಮೊಡ್ಯಾಕ್ ಪಿಡ್ಡ್ಯಾರ್ ಕರ್ನ್ ತಾಚಿ ಮುದಿ ವೋಡ್ನ್ ಕಾಡ್ನ್ ಫುಟೊವ್ನ್ ತಾಚೆಂ ಮೊಡೆಂ ಟಯ್ಬರ್ ನಂಯ್ತ್ ಉಡಯಿಲ್ಲೆಂ. ಬಾರಾವ್ಯಾ ಜುವಾಂವ್ನ್ ಆಪ್ಲ್ಯಾ ದವರ್ನ್ ಘೆತ್‌ಲ್ಲೆ ಬಾಯ್ಲೆಕ್ ಸಭೆಚೆ ಜಾಗೆ ಬರವ್ನ್ ದಿಲೆ, ಹಜಾರ್ ಲೊಕಾಂಚಿ ಖುನ್ ಕರಯ್ಲಿ. ಮ್ಹಾಕಾ ಜಾಣ್ವಾಯ್ ಆಯ್ಲ್ಯಾ ಉಪ್ರಾಂತ್ ಖುನ್, ಅತ್ತ್ಯಾಚಾರ್, ನಿಷ್ಕುಚಾರಿ ಅಸಲ್ಯಾ ಕಾರಣಾಂಕ್ ಲಾಗುನ್ ಇಂಡಿಯಾಂತ್ಲ್ಯಾ ತೆಗಾಂ ಬಿಸ್ಪಾಂಕ್ ಕಾಡ್ನ್ ಉಡಯಿಲ್ಲೆಂ ಆಯ್ಕಾಲಾಂ. ಕಥೊಲಿಕ್ ವೆವಸ್ತ್ಯಾಂತ್ ಏಕ್ ಮಹಾನ್ ನಿಯಂತ್ರಕ್ ಆಸಾ ಆನಿ ಸಹನಿಯಂತ್ರಕ್ ಆಸಾತ್. ಹೋಲಿ ಫಾದರ್, ಹಿಜ್ ಎಮಿನೆನ್ಸ್, ಹಿಜ್ ಗ್ರೇಸ್, ಹಿಜ್ ಎಕ್ಸೆಲೆನ್ಸಿ ಅಶೆಂ ಉಲ್ಲೇಕ್ ಕರ್ನ್ ಆಪಯ್ಜೆ ಪಡ್ತಾ. ತೆಂಚ್ ಲಾದ್ರುಕ್, ಬಾಲ್ತುಕ್ ಭೋವ್ ಮಾನೇಸ್ತ್ ಮ್ಹಣ್ತಾನಾಂ ಸಕ್ಡಾಂಕ್ ವಿರಾರ್ ಜಾತಾ, ಹಾಸೊ ಯೆತಾತ್, ಜಾಳ್ ಭರ್‌ಲ್ಲೆ ವೊಂಕಾರೆಯ್ ಯೆತಾತ್. ತಾಂಚೆಂ ಎಕ್ಸೆಲೆನ್ಸಿ, ಗ್ರೇಸ್ ಸಕ್ಕಡ್ ಚಲ್ಚೆಂ ಲಾದ್ರು-ಬಾಲ್ತುನ್ ಆಪ್ಲ್ಯಾ ಘಾಮಾಂತ್ಲ್ಯಾನ್ ಘಾಲ್ಲ್ಯಾ ವಾಂಟ್ಯಾಂತ್ಲ್ಯಾನ್ ತರೀ ಲಾದ್ರು – ಪೆದ್ರುಕ್ ಎಕ್ಸೆಲೆನ್ಸಿಯ್ ನಾಂ ಮಾತ್ತಿಯ್ ನಾಂ.
ಕ್ರಿಸ್ಮಸ್‌ಜಾಂವ್‌, ಯಾ ಪಾಸ್ಕಾಚಿ ಪರಬ್ ಜಾಂವ್, ತ್ಯಾ ದಿಸಾಚೆಂ ಮಿಸಾಚೆಂ ಬಲಿದಾನ್‌ಮ್ಹಳ್ಳ್ಯಾರ್‌ಅಧ್ಯಾತ್ಮಿಕತಾ ಮಾತ್ರ್‌ ನಂಯ್, ಸಂಭ್ರಮ್‌ಯೀ ಆಸ್ತಾ. ಪುಣ್‌ ಮೀಸ್‌ ಮುಗ್ದೊನ್‌ ಯೆತಾನಾ ಏಕ್ ಶ್ರೇಣೀಕೃತ್‌ ಬಂಡವಾಳ್‌ವಾದಿ ಸಮಾಜೆಚಿ ಸರ್ವ್ ಲಕ್ಶಣಾಂ ಇಗರ್ಜೆಂತ್‌ ದಿಸೊನ್‌ ಯೆತಾತ್. ಮೀಸ್‌ ಚಲೊವ್ನ್‌ ವೆಲ್ಲೊ ಪಾದ್ರ್ಯಾಬ್…
ಆನಿ ಜರ್ ಆಮಿ ಹ್ಯಾ ಖರ‍್ಗಾಥಾವ್ನ್ ಉತ್ರಾಲ್ಯಾಂವ್, ತಾಚೆ ಪಯ್ಲೆಂ ಕಿತ್ಲ್ಯಾ ಲೊಕಾಂಚಿ ಬಲಿ ಭೆಟಂವ್ಕ್ ಆಸಾ ಮ್ಹಣ್ ಹಾಂವ್ ನೆಣಾಂ, ತ್ಯಾ ಉಪ್ರಾಂತ್ಲೊ ಸಂಸಾರ್ ಮಾತ್ ವೆಗ್ಳೊಚ್ ಆಸ್ತಲೊ. ಆಮಿ ಎದೊಳ್ ಪಳೆವ್ನ್ ಆಯಿಲ್ಲ್ಯಾ ಸಂಸಾರಾಪ್ರಾಸ್ ಬದ್ಲಾಲ್ಲೊ ಬಿಲ್ಕುಲ್ ವೆಗ್ಳೊಚ್ ಏಕ್ ಸಂಸಾರ್. ಆನಿ ಹ್ಯಾ ಬದ್ಲಾಪಾಚಿ ಹ್ಯಾ ವೆಳಾರ್ ಖಂಡಿತ್ ಜಾವ್ನ್ ಗರ್ಜ್ ಆಸಾ, ಹ್ಯಾ ಖರ‍್ಗಾಥಾವ್ನ್ ಬಚಾವ್ ಜಾವ್ನ್ ಉರ್‌ಲ್ಲ್ಯಾ ಸರ್ವಾಂನಿ ಸಾಂಗಾತಾ ಬಸೊನ್ ಯೆದೊಳ್ ಪರ್ಯಾಂತ್ ಹೊ ಸಂಸಾರ್ ಚಲವ್ನ್ ಹಾಡ್‌ಲ್ಲ್ಯಾ ರೀತಿವಿಶಿಂ ಆಪಾಪ್ಲ್ಯಾ ಅಂತಸ್ಕರ‍್ನಾಂಚಿ ಝಡ್ತಿ ಕರಿಜೆ. ದೇವ್, ಸಮಡ್ತಿ ಆನಿ ಧರ‍್ಮಾಂಚಿ ಆಮ್ಕಾಂ ಗರ್ಜ್ ಆಸಾಗಿ, ಆಸಾ ತರ್ ಕಸಲೆ ದೇವ್, ಆನಿ ಖಂಯ್ಚೆ ಧರ್ಮ್ ಮ್ಹಳ್ಳೆವಿಶಿಂ ಚಿಂತಿಜೆ. ಆತಾಂ ಚಾಲ್ತೆರ್ ಆಸ್ಚ್ಯಾ ಸರ್ವ್ ರಾಜಕೀ, ತಾಂತ್ರಿಕ್, ವೆವ್ಹಾರಿಕ್ ಆನಿ ವಯ್ಜಾಕೀ ಮಾಂಡಾವಳೆಂಚೊ ವಿನ್ಯಾಸ್ ಬದ್ಲುನ್, ಪ್ರಭಾವೀಕ್ ಥರಾನ್ ನವ್ಯಾನ್ ಮಾಂಡುನ್ ಹಾಡ್ಚೆಂವಿಶಿಂ ತಕ್ಲಿ ಆಟಯ್ಜೆ.
ಆಜ್ ಆಮಿ ಪ್ಯಾಂಟ್ ಶರ‍್ಟಾಂಚ್ ಆಮ್ಚೆಂ ಸಂಯ್ಭಿಕ್ ನ್ಹೆಸಣ್ ಜಶೆಂ ವಾಪಾರ‍್ತಾಂವ್. ಕಾಶ್ಟಿನ್ಹೆಸೊಂಕ್ ಸಯ್ತ್ ಜಾಯ್ನಾತ್‌ಲ್ಲ್ಯಾ ಎಪ್ರಿಲ್, ಮಾಯೆಂತ್ಲ್ಯಾ ಧಗಾಕ್, ತಿತೀನ್ ಪೀಸ್ ಸೂಟ್ ಶಿರ‍್ಕಾವ್ನ್ ರೆಸ್ಪೆರಾಕ್ ಉಬೆ ರಾವೊನ್ ಶಿಜ್ತಾಂವ್. ಆಮ್ಚಿ ಸಂಸ್ಕೃತಿಚ್ ಜಾಯ್ ಮ್ಹಣ್ ಆಸ್‌ಲ್ಲಿ ತರ್ ಆಮಿ ಕಾಸ್ಟಿ ನ್ಹೆಸೊನ್ ಯಾ ಕಾಸ್ಟಿ ಚಡ್ ಕ್ರೂಡ್ ಜಾತಾ ತರ್, ಕಾಚ್, ಉರ‍್ಮಾಲ್ ಕುತಾಂವ್ ಘಾಲಿಜೆ ಆಸ್‌ಲ್ಲೊ. ಪೂಣ್ ಆಮಿ ಪ್ಯಾಂಟ್ ಶರ‍್ಟಾಂಕ್ ಮಾನುನ್ ಘೆತ್ಲಾಂ ತರ್ ಆಮ್ಚೆಂ ಕೆದಾಳಾಯ್ ನಂಯ್ ಆಸ್‌ಲ್ಲಿಂ ಕುರ‍್ತಾಪಜಾಮಾಂ, ಶೆರ‍್ವಾನಿ ಆಮ್ಚೆಂ ಸಾಂಸ್ಕೃತಿಕ್ ನ್ಹೆಸಣ್ ಕಶೆಂ ಜಾತಾ?
ಮ್ಹಜ್ಯಾ ಪಾತ್ಯೆಣೆಂತ್, ಜಾಂವ್ ಏಕ್ ಫಿಲ್ಮ್ ಯಾ ನಾಟಕಾಚೆಂ ಪಯ್ಲಿ ತಾಂಕ್ ತಾಚೆಂ ಸ್ಕ್ರಿಪ್ಟ್. ಹೊ ಬರೊ ಆಸಾತ್ ತರ್, ಪನ್ನಾಸ್ ಠಕೆ ಕಾಮ್ ಜಾಲ್ಲೆಬರಿಂ. ಸ್ಕ್ರಿಪ್ಟಾಕ್ ಗುಮಾನ್ ದೀನಾಸ್ತಾಂ ಮಾಗಿರ್ ಖಂಯ್ಚ್ಯಾರಿತಿಚಿ ಕುಸ್ತಿ ಕೆಲ್ಯಾರೀ ಕಿತ್ಲೆ ಪಯ್ಶೆ ಖರ‍್ಚಿಲ್ಯಾರೀ ತಿ ಕೃತಿ ಬರಿ ಜಾಂವ್ಕ್ ಸಾಧ್‌ಚ್ ನಾಂ. ಸಿನೆಮಾ ಯಾ ನಾಟಕ್ ಬರೊ ಮ್ಹಣ್ತಾನಾ, ಹಾಂವ್ ಹಾಂಗಾ ಹಿಟ್ ಜಾಂವ್ಚೆವಿಶಿಂ, ಯಾ ಕಮರ‍್ಶಿಯಲ್ ಜಯ್ತಾವಿಶಿಂ ಉಲಯ್ನಾಂ. ಲಾಟ್‌ಪೋಟ್ ಸಿನೆಮಾಂನಿಂ ಕರೋಡಾಂನಿಂ ಕಮಾಯಿಲ್ಲೆ ಜಾಯ್ತೆ ದಾಕ್ಲೆ ಆಸಾತ್. ಹ್ಯಾ ನಾಟಕಾಚ್ಯಾ ಜಯ್ತಾಂತ್ ಸ್ಕ್ರಿಪ್ಟ್ ಪಯಿಲ್ಲೆಂ ಕಾರಣ್. ಇಂಗ್ಲಿಶ್ ಕಾದಂಬರಿಚ್ಯಾ ಮಜತೆನ್ ಬಾಪ್ ಆಲ್ವಿನ್ ಸೆರಾವೊನ್ ಏಕ್ ಅವ್ವಲ್ ನಾಟಕ್ ರಚ್ಲಾ. ಮರ‍್ಣಾ ತಸ್ಲೊ, ಏಕ್ ಸೊಂಪೊ ಆನಿ ತಿತ್ಲೊಚ್ ಸಂಕೀರ‍್ಣ್ ವಿಶಯ್ ಘೇವ್ನ್, ಸುರ‍್ವೆರ್ ಥಾವ್ನ್ ಆಖೇರ್ ಪರ್ಯಾಂತ್ ಎಕಾ ಘಡ್ಯೆಕ್ ಸಯ್ತ್ ಗುಮಾನ್ ದುಸ್ರೆಕಡೆಂ ವರುಂಕ್ ಜಾಯ್ನಾತ್‌ಲ್ಲೆಬರಿಂ, ಕುರ‍್ಕುರಿತ್ ಸಂಭಾಶಣಾಂತ್, ಹಾಸೊನ್ಂಚ್ ಮರ‍್ಣಾಕ್ ಯೆವ್ಕಾರ್ ಮಾಗೊಂಕ್ ಶಿಕಂವ್ಚೊ ನಾಟಕ್ ತಾಚಾ ಲಿಖ್ಣೆಥಾವ್ನ್ ಉದೆಲಾ. ಹಾಂವೆ ತಾಚೆ ಹ್ಯಾ ಪಯ್ಲೆಂಚೆಂ ನಾಟಕ್ ಪಳೆಂವ್ಕ್‌ನಾಂತ್ ಜಾಲ್ಲ್ಯಾನ್ ತಾಂಚೆ ಸವೆಂ ಹ್ಯಾ ನಾಟಕಾಕ್ ಜೊಕುಂಕ್ ಮ್ಹಾಕಾ ಜಾಯ್ನಾ. ಹೊ ನಾಟಕ್ ಬಾಪ್ ಆಲ್ವಿನಾಚ್ಯಾ ನಾಟಕಾಂಚೊ ಬೆಂಚ್‌ಮಾರ್ಕ್ ಜಾಲೊ ತರ್, ಉಪ್ರಾಂತ್ ದುಸ್ರ್ಯಾ ಮೊಲಾಮಾಪ್ಣೆಂಚಿ ಗರಜ್ ನಾಂ.
ಆಮ್ಕಾಂ ಏಕ್ ವಿಚಿತ್ರ್ ನಮೂನೆಚೊ ಗೊಂದೋಳ್.. ಪಯ್ಲೆಂ ಥಾವ್ನ್ ಬೊಂಬ್ಯಾಪೂಜಾ ಆಡ್ವಾರ‍್ಲ್ಯಾ ಮ್ಹಣ್ ಸಾಂಗೊನ್ ತಾಚೆ ಸಾಂಗಾತಾಚ್, ಇಮಾಜ್ಯೊ ಆನಿ ಪಾಯ್ನೆಲಾಂಕ್ ಮಾಗ್ಣೆಂ ಭೆಟಂವ್ಕ್ ಶಿಕೊನ್ ಆಮ್ಕಾಂ ಏಕ್ ಸಾಸ್ಣೀಕ್ ಘುಸ್ಪೋಡಿತ್ ಪರಿಗತೆಂತ್ (state of perpetual confusion) ದವರ‍್ಲಾಂ. ಪಾವಾನಾತ್‌ಲ್ಲ್ಯಾಕ್, ವಿಚಾರುಂಕ್ ಗೆಲ್ಯಾರ್ ಆಮಿ ಕರ‍್ಚಿ ಬಿಲ್ಕುಲ್ ಬೊಂಬ್ಯಾಪೂಜಾ ನ್ಹಂಯ್.
ಫಾಲ್ಯಾಂ ಕೊಣೇಂಯ್ ಕೊಣಾಯ್ ಪಾದ್ರಿ ಮಾದ್ರಿಚೆರ್ ರೋಸ್ ಪುಸ್ಲೊ ತರ್ ತಿಂ ಅಪವೀತ್ ಜಾತಾತ್? ರೋಸ್ ಸೊಡ್ಯಾಂ, ಎಕಾ ಘಡ್ಯೆಕ್ ಪಾಪಾಸಾಯ್ಭಾಚೇರ್ ಜಬರ್‍ದಸ್ತೆನ್ ಸೊರೊಚ್ ವೊತ್ಲೊ ಮ್ಹಣ್ ಚಿಂತ್ಯಾಂ, ಪಾಪ್ ಸಾಯ್ಭಾಚ್ಯಾ ಪವಿತ್‌ಪಣಾಕ್ ಕಾಂಯ್ ಫರಕ್ ಪಡಾತ್‌ಗಿ? ಆಮಿ ಆಮ್ಚೆಸ್ತಕಿ ಆಮ್ಚ್ಯಾ ಕರ್‍ನ್ಯಾನಿಂ ಪವಿತ್ ಯಾ ಅಪವಿತ್ ಜಾತಾಂವ್ ಶಿವಾಯ್, ಕೊಣಾಯ್ಚ್ಯಾನ್‌ಯ್ ಆಮ್ಕಾಂ ಪವಿತ್ ಯಾ ಅಪವಿತ್ ಕರುಂಕ್ ಜಾಯ್ನಾಂ. ರೋಸ್ ಪುಸ್ಚಿಂ ವ್ಹಕಲ್ ಆನಿ ನ್ಹವ್ರೊ ಸಯ್ತ್ ರೋಸ್ ಪುಸ್‌ಲ್ಲೆ ವರ್‍ವಿಂ ನಿತಳ್ ಯಾ ಪವಿತ್ ಜಾಯ್ನಾಂತ್. ಪೂಣ್ ಕಿತೆಂ ಕರ್‍ಯಾಂ.? ಆಮ್ಚ್ಯೊ ತಕ್ಲ್ಯೊ ಕುಂಬು ನೆಂ. ತ್ಯಾ ಗಾಂವಾಂತ್ ಆತಾಂಯ್ ತ್ಯಾ ಪಾದ್ರ್ಯಾಬಾನ್ ಸಾಂಗ್‌ಲ್ಲೆಂಚ್ ವೇದವಾಕ್ಯ ಚಲ್ತಾ, ಫಕತ್ ವ್ಹಕಲ್ ಆನಿ ನವ್ರ್ಯಾಕ್ ಮಾತ್ ರೋಸ್ ಪುಸುನ್ ತಾಂಚೆ ಪವಿತ್‌ಪಣ್ ಪಾಡ್ ಕರ್‍ತಾತ್ (!?)
ಪಾಟ್ಲ್ಯಾ ಥೊಡ್ಯಾ ದಿಸಾಂಥಾವ್ನ್ ಫಾಟಾಪಾಟ್ ಮೊಕ್ಳಿಕ್ ಜಾಲ್ಲ್ಯಾ ಕೊಂಕ್ಣಿ ಫಿಲ್ಮಾಂಚೀಚ್ ಖಬರ್. ಕೋಣ್ ಕೊಂಕ್ಣೆಚೆ ಅಛ್ಚೆ ದಿನ್ ಆಯ್ಲೆ ಮ್ಹಣ್ ಬೊಲ್ಮೆಂ ಸಾಂಗೊನ್ ಪುಗ್ತಾನಾ, ಕೋಣ್ ತುಳು ಫಿಲ್ಮ್ ಶೆತಾಂತ್ ಘಡೊನ್ ಆಸ್ಚೆಂಚ್ ಪಿಶೆಂಪಣ್ ಕೊಂಕ್ಣೆಂತ್‌ಯ್ ಘಡೊನ್ ಆಸ್ಚೆವಿಶಿಂ ರುದಾನ್ ಕರ್ತಾ.…
ಹೆಂ ವರಸ್ ಕೊಂಕ್ಣಿ ಸಂಗೀತ್ ಮೊಗಿಂಕ್ ಫೆಸ್ತಾಚೆಂ ವರಸ್‍ಚ್ ಸಯ್. ಎಕಾ ಪ್ರಾಸ್ ಏಕ್ ಆಪುರ್ಬಾಯೆಚ್ಯೊ ಕೊವ್ಳ್ಯೊ ಕೊಂಕ್ಣಿ ಸಂಗೀತ್ ಸಂಸಾರಾಂತ್ ಆವಾಜ್ತೇ ಆಸಾತ್. ಡೊನಿ ಕೊರೆಯಾಚ್ಯೆ “ಹೀರೊ” ಕೊವ್ಳೆವಿಶಿಂ ಹಾಂವೆಂ ಬರಯಿಲ್ಲೆಂ. ಕೆವಿನ್ ಮಿಸ್ಕಿತಾಚಿ “ಏಕ್ ಗೀತ್” ಕೊವ್ಳೆನ್ ಸಂಗೀತಾಚ್ಯಾ ತಳ್ಯಾಂತ್…