Nanu Marol Thottam

ವಾಲ್ಟರ್ ದಾಂತಿಸ್ ಮುಖಾರೀ ಕೊವ್ಳಿ ಕಾಡ್ತೆಲ್ಯಾಂಕ್ ಖಂಡಿತ್ ಜಾವ್ನ್ ಏಕ್ ಮಾರ್ಗದರ್ಶಕ್. ಕೋಣಿ ಚಾರ್ ಪ್ರಾಯೋಜಕಾಂಕ್ ಧರ್ನ್ , ಪಾವೊತಿ ತಯಾರಾಯ್ ನಾಸ್ತಾನಾ ಕೊವ್ಳ್ಯೊ ಕಾಡ್ನ್ ಉಪ್ರಾಂತ್ ಲೊಕಾನ್ ಸಹಕಾರ್ ದೀವ್ನಾ ಮ್ಹಣೊನ್ ತಾಂಕಾಂ ದುರ್ಸೊಂಚ್ಯಾ ಬದ್ಲಾಕ್ ಕಶಿ ಪಾವೊತಿ ತಯಾರಾಯ್ / ಮಾರ್ಕೆಟಿಂಗ್ ಕರುನ್ ಕೊವ್ಳಿ ಕಾಡುಂಕ್ ಜಾಯ್ ತೆಂ ವಾಲ್ಟರ್ ದಾಂತಿಸಾನ್ ದಾಖವ್ನ್ ದಿಲಾಂ. ಕಾಂಯ್ ಮಹಿನ್ಯಾಚ್ಯಾ ಮಹಿನ್ಯಾಂನಿ ಹ್ಯಾ ಕೊವ್ಳೆ ಪಾಟ್ಲ್ಯಾನ್ ತಾಣೆಂ ಕಾಡ್‍ಲ್ಲಿ ಮ್ಹಿನತ್ ವರ್ಣುಂಕ್ ಆಸಾಧ್ಯ್. ಕೊವ್ಳೆಚ್ಯಾ ಹಯ್ರೆಕ್ ಕ್ಷಣಾಂತ್ ವಾಲ್ಟರಾಚೆಂ ಪ್ರಯತ್ನ್ ಉಟೊನ್ ದಿಸ್ತಾ. ಜಾಂವ್ದಿ ತೆಂ ಸಂಗೀತ್, ಜಾಂವ್ದಿ ತೆಂ ಗಾವ್ಪಿ / ಗಾವ್ಪಿಣ್ಯಾಂಚಿಂ ವಿಂಚವ್ಣ್. ಹಾಚ್ಯಾ ಆದಿಂ ತರೀ ವಾಲ್ಟರಾಚಿಂ ಪದಾಂ ಕೊವ್ಳ್ಯಾಂನಿ ಆಯ್ಕಾಲ್ಯಾಂತ್ ತರೀ ಎಕ್ ಕವಿಕ್ ಮೆಳಾಜೆ ಆಸ್‍ಲ್ಲೊ ಮಾನ್ ತ್ಯಾ ಪದಾಂ ಪಾಟ್ಲ್ಯಾನ್ ವಾಲ್ಟರಾಕ್ ಮೆಳೊಂಕ್ ನಾ ತಶೆಂ ಮ್ಹಾಕಾ ಭಗ್ತಾ. ಆತಾಂ ತಾಚ್ಯಾ ಖುದ್ದ್ ನಾಂವಾರ್ ಕೊವ್ಳಿ ಕಾಡ್ಲ್ಯಾ, ತಾಚಿಂ ಖುದ್ದ್ ಪದಾಂ ಆಟಾಪ್ಲ್ಯಾಂತ್. ಖಂಡಿತ್ ಜಾವ್ನ್ ಕೊಣೆ ಆಯ್ಕಾಲ್ಯಾಂತ್ ತಾಂಚ್ಯಾ ಕಾಳ್ಜಾಂನಿ ಹಿಂ ಪದಾಂ ರಾಜ್ ಕೆಲ್ಯಾಂತ್. ಹೆಂ ಖಂಚಾಯ್ ಪ್ರಶಸ್ತ್ಯಾಂಚ್ಯಾಕೀ ಉಣೆಂ ನಂಯ್.