ಎಚ್. ಆರ್. ಆಳ್ವ

ಗಾಂವಾನ್ ಪ್ರಸ್ತುತ್ ಉಡುಪಿ ದಿಯೆಸೆಜಿಚ್ಯಾ ಪಾಂಗ್ಳಾಚೊ ಎಚ್. ಆರ್. (ಹೆರಾಲ್ಡ್ ರೆಜಿನಾಲ್ಡ್ ) ಆಳ್ವ ಸಿವೈಎಮ್ ಮಯ್ನ್ಯಾಳೆಂ 'ಆಮ್ಚೊ ಯುವಕ್' ಆನಿ 'ಪಾಂಗ್ಳಾಚೊ ಪ್ರಕಾಸ್' (ಫಿರ್ಗಜ್ ಪತ್ರ್) ಹಾಚೊ ಸ್ಥಾಪಕ್ ಸಂಪಾದಕ್. ರಾಕ್ಣೊ ಸಂಪಾದಕೀಯ್ ಮಂಡಳಿಚೊ ಆದ್ಲೊ ಸಾಂದೊ. ಕೆಮಿಕಲ್ ಇಂಜಿನಿಯರಿಂಗ್ ಡಿಪ್ಲೊಮಾ ಜೋಡ್ನ್ ಎಮ್.ಸಿ.ಎಫ್, ಪಣಂಬೂರ್ ಹಾಂಗಾಸರ್ ವಾವ್ರಾಕ್ ಸುರ್ವಾತ್ ಆನಿ ಉಪ್ರಾಂತ್ 'ಮರಿಯಾ ಎಡ್ವಟೈಸರ್ಸ್' ಸ್ವಂತ್ ಉದ್ಯಮ್. ರಾಜ್ಯ್‌ಶಾಸ್ತ್ರಾಂತ್ ಸ್ನಾತಕೋತ್ತರ್ ಪದ್ವಿ ಆನಿ ಎಲ್.ಎಲ್. ಬಿ. ಸನದ್. 1972 ಥಾವ್ನ್ ಆಜ್ ಮೆರೆನ್ ಖಳನಾಸ್ತಾನಾ ಕೊಂಕ್ಣಿ ಆನಿ ಕನ್ನಡಾಂತ್ ಬರಪ್. ಕೊಂಕ್ಣೆಂತ್ ಆನಿ ಕನ್ನಡಾಂತ್ ತಾಣೆ ಹಜಾರಾಂ ವಯ್ರ್ ಲೇಖನಾಂ ಬರಯ್ಲ್ಯಾಂತ್. ಶೆಂಬೊರಾ ವಯ್ರ್ ರೇಡಿಯೊ ಕಾರ್ಯಕ್ರಮಾಂ ಸಾದರ್ ಕೆಲ್ಯಾಂತ್. ತಾಣೆ ಬರಯಿಲ್ಲ್ಯಾ 'ಅಂದ್ಕಾರಾಂತ್ಲೆಂ ಕಿಟಾಳ್' ನಾಟಕಾಚಿಂ 6 ಪ್ರದರ್ಶನಾಂ ಜಾಲ್ಯಾಂತ್. ಮಂಗ್ಳುರ್ ದಿಯೆಸೆಜಿಚಾ ಕಥೊಲಿಕ್ ಯುವ ಸಂಚಾಲನಾಂತ್ - ಕಾರ್ಯದರ್ಶಿ ಜಾವ್ನ್ ಏಕ್ ಆವ್ದಿ, ಅಧ್ಯಕ್ಷ್ ಜಾವ್ನ್ ಪಾಟಾಪಾಟ್ ತೀನ್ ಆವ್ದ್ಯೊ ತಾಣೆ ಸೆವಾ ದಿಲ್ಯಾ. ಮಂಗ್ಳುರ್ ದಿಯೆಸೆಜಿಚಾ ಗೊವ್ಳಿಕ್ ಪರಿಷದೆಚೊ ಕಾರ್ಯದರ್ಶಿ ಜಾವ್ನ್ ಪಾಂಚ್ ವರ್ಸಾಂ ತೋ ವಾವುರ್ಲಾ. 'ಐಸಿವೈಎಮಾಂತ್ಲೆ ಮ್ಹಜೆ ದೀಸ್' ತಾಚೆಂ ಪುಸ್ತಕ್. ಮರಿಯಾಡ್ಸ್ ಪ್ರಕಾಶನಾಖಾಲ್ ಜಾಯ್ತೆ ಬೂಕ್ ತಾಣೆ ಪ್ರಕಾಶಿತ್ ಕೆಲ್ಯಾತ್.