ಪ್ರಸನ್ನ್ ನಿಡ್ಡೋಡಿ

'ಪ್ರಸನ್ನ್ ನಿಡ್ಡೊಡಿ' ಮ್ಹಳ್ಳ್ಯಾ ಲಿಖ್ಣೆ ನಾಂವಾರ್ ಬರಂವ್ಚೊ ಹಿಲರಿ ಸಿ ಡಿ ಸಿಲ್ವಾ, ಗಾಂವಾಂತ್ ನಿಡ್ಡೊಡಿ ಫಿರ್ಗಜೆಚೊ. ಆತಾಂ ಮಿರಾರೋಡ್, ಮುಂಬಯ್ ವಸ್ತಿ ಕರುನ್ ಆಸಾ. 8 ವೆ ಕ್ಲಾಸಿ ಥಾವ್ನ್ಂಚ್ ಕೊಂಕ್ಣಿ ಸಾಹಿತ್ಯಾ ಥಂಯ್ ವೋಡ್. ಸುಮಾರ್ 150 ವಯ್ರ್ ಕವಿತಾ, 25 ವಯ್ರ್ ಕಾಣ್ಯೊ, ಆನಿ ಸಭಾರ್ ಲೇಕನಾಂ, ವಿನೊದ್ ತಶೆಂ ಲಲಿತ್ ಪ್ರಬಂಧ್ ಬರಯ್ಲ್ಯಾತ್. ಬಿ ಎ. ಡಿಗ್ರಿ ಆನಿ ಮಾರ್ಕೆಟಿಂಗ್ ಡಿಪ್ಲೊಮಾ ತಸೆಂಚ್ ಕೊಂಕ್ಣಿ ಸಾಹಿತ್ಯ್ ಡಿಪ್ಲೊಮಾ ಜೊಡ್ಪಿ. ’ತಾನ್’ , ’ಆಪ್ಲೊ ಪರ್ಕಿ’ ತಾಚೆ ಕವಿತಾ ಜಮೆ. ಮುಂಬಯ್ ಆಕಾಶ್‌ವಾಣಿರ್ ಕವಿತಾ ಸಾದರ್ ಕೆಲ್ಯಾತ್. ಸುಮಾರ್ ವರ್ಸಾಂ ಪಾಸುನ್ ಮುಂಬಯ್ತ್/ ಮಿರಾ ರೋಡಾಂತ್ ಕೊಂಕ್ಣಿ ಭಾಸೆಚೊ ಕಾರ್ಯಾಳ್ ವಾವ್ರ್ ಕರುನ್ ಆಸಾ. ಪ್ರಸ್ತುತ್ ಸೈಂಟ್ ಜೊಸೆಫ್ಸ್ ಕೊಂಕಣಿ ವೆಲ್ಫೇರ್ ಎಸೊಶಿಯೇಶನಾಚೆಂ ಪತ್ರ್ ’ಕೊಂಕಣಿ ಪ್ರೇರಣ್’ ಹಾಚೊ ಸಂಪಾದಕ್ ಜಾವ್ನ್ ಆಸಾ.