“ದಾಮೋದರ್ ಮಾವಜೋ ಹಾಂಚಿ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ್ ಕಾದಂಬರಿ ಕಾರ್ಮೆಲಿನ್ ಏಕ್ ಸಂಘರ್ಶಾಂಚಿಂ ಕಾಣಿ. ಹ್ಯಾ ಹಾದಂಬರಿಂತ್ ಏಕ್ ನಯ್ ಜಾಯ್ತೆ ಸಂಘರ್ಶ್ ಆಸಾತ್ – ಭಿತರ್ಲೆ ಆನಿ ಭಾಯ್ಲೆ. ನಯ್ತಿಕತಾ ಆನಿ ವೆವ್ಹಾರಿಕತಾ ಮಧ್ಲೊ, ವರ್ಗ್ ಆನಿ ಜಾತಿ ಮಧ್ಲೊ, ದುಡ್ವಾದಾರ್ ಆನಿ ದುಬ್ಳ್ಯಾಂ ಮಧ್ಲೊ, ಮಝಾ ಆನಿ ಮಜ್ಬೂರೆ ಮಧ್ಲೊ . .. ಅಶೆಂ ವೆವೆಗ್ಳೆ ಸಂಘರ್ಶ್ ಬೋವ್ ಆಪುರ್ಬಾಯೆನ್ ಲೇಖಕಾನ್ ಕಾದಂಬರಿಂತ್ ಪಿಂತ್ರಾಯ್ಲ್ಯಾತ್” ಮ್ಹಣಾಲೊ ಬ್ಯಾಂಕ್ ಒಫ್ ಮಹಾರಾಷ್ಟ್ರ ಹಾಚೊ ವಿಶ್ರಾಂತ್ ಸಿ.ಎಮ್.ಡಿ ಅಲನ್ ಸಿ. ಎ. ಪಿರೇರಾ.
ಮಾನೆಸ್ತ್ ಪಿರೇರಾ ಸಾಂ. ಲುವಿಸ್ ಪರಿಗಣಿತ್ ವಿಶ್ವವಿದ್ಯಾಲಯ್ , ಕೊಂಕ್ಣಿ ಸಂಸ್ಥ್ಯಾಚ್ಯಾ ಬೊಲ್ಕಾಂವ್ :12 ಕಾರ್ಯಾವಳಿಂತ್ ದಾಮೋದರ್ ಮಾವ್ಜೋ ಹಾಂಚಿ ಕಾರ್ಮೆಲಿನ್ ಕಾದಂಬರಿ ; ಏಕ್ ವಾಚಪ್ ಹ್ಯಾ ವಿಶಯಾಚೆರ್ ಆಪ್ಲೆ ವಿಚಾರ್ ತೋ ಮಾಂಡ್ತಾಲೊ.
ಮುಂದರುನ್ ತಾಣೆ ಮ್ಹಳೆಂ ” ಗೊಂಯಾಂತ್ ತೀನ್ ವರ್ಸಾಂ ಬ್ಯಾಂಕಾಂತ್ ಶಾಖಾ ವೆವಸ್ಥಾಪಕ್ ಜಾವ್ನ್ ಹಾಂವೆ ಕಾಮ್ ಕೆಲಾಂ. ಪಯ್ಲ್ಯಾ ಮಾಳಿಯೆಚ್ಯಾ ಮ್ಹಜ್ಯಾ ಬ್ಯಾಂಕ್ ದಫ್ತರಾಂತ್ಲ್ಯಾನ್ ಮ್ಹಾಕಾ ಇಸ್ಕೊಲಾಚೆಂ ಮಯ್ದಾನ್ ಸಾರ್ಕೆಂ ದಿಸ್ತಾಲೆಂ. ಥಂಯ್ಸರ್ ಶಿಕ್ಚಿಂ ಭುರ್ಗಿಂ ದಿಸಾಕ್ ಹಜಾರೊಂ ರುಪ್ಯಾಂಚೊಂ ಕ್ಯಾಂಡಿ – ಖಾಣಾಂಚ್ಯೊ ವ್ಯಾರ್ ಕರ್ತಾಲಿಂ. ಪೂಣ್ ಇಸ್ಕೊಲಾಚಿ ಫೀ ಭರುಂಕ್ ಆಮ್ಚ್ಯಾ ಬ್ಯಾಂಕಾಕ್ ರೀಣಾಕ್ ಯೆತಾಲಿಂ. ಕಾರಣ್ ವ್ಹಡಿಲಾಂನಿ ಭಾಯ್ಲ್ಯಾ ಗಾಂವಾಂತ್ ಘೊಳೊನ್ ಶಿಕ್ಪಾಕ್ ಮ್ಹಣ್ ಭುರ್ಗ್ಯಾಂಚ್ಯಾ ಖಾತ್ಯಾಕ್ ದಾಡ್ಲ್ಲೊ ದುಡು ತಿಂ ಅಶೆಂ ವಿಬಾಡ್ತಾಲಿಂ. ಕ್ರೀಸ್ತಾಂವಾಂ ಮಧೆಂ ಜಾತ್ ಆನಿ ವರ್ಗಾಚೊ ಬೇದ್ ತವಳ್ ದಾಟ್ ಆಸ್ಲೊ ಹಾಂವೆ ಖುದ್ ಪಾರ್ಕಿಲಾಂ. ಎಕಾಮೆಕಾ ಲಗ್ನಾಂ ಜಾಯ್ನಾತ್ಲಿಂ. ಕಾರ್ಯಾಂಕ್ ವಚಾನಾತ್ಲೆ”
“ಕಾರ್ಮೆಲಿನ್ ಕಾದಂಬರಿ ಆಮಿ ಚಾರ್ ವಾಂಟೆ ಕರುನ್ ಪಳವ್ಯೆತ್. ಪಯ್ಲ್ಯಾ ವಾಂಟ್ಯಾಂತ್ – ಗೊಂಯಾಂತ್ ಆಯಿಲ್ಲೊ ಸಾಂಕ್ರಾಮಿಕ್ ಟೈಫಾಯ್ಡ್ ತಾಪ್, ಆವಯ್ – ಬಾಪಯ್ಕ್ ಹೊಗ್ಡಾವ್ನ್ ಅನಾಥ್ ಜಾಲ್ಲೆಂ ಭುರ್ಗೆಂ ಕಾರ್ಮೆಲಿನ್. ದುಸ್ರ್ಯಾ ವಾಂಟ್ಯಾಂತ್ ಕಾರ್ಮೆಲಿನಾಚೆ ಕಾಜಾರಿ ಜಿವಿತಾಂತ್ ಆಯಿಲ್ಲೆಂ ವಾದಾಳ್, ಪಿಂವ್ಡೊ ಆನಿ ಜುಗಾರಿ ಘೊವ್. ತಿಸ್ರ್ಯಾ ವಾಂಟ್ಯಾಂತ್ – ಕುವೇಯ್ಟಾಂತ್ ಕಾರ್ಮೆಲಿನಾಚೆಂ ಕಾಮ್ ಆನಿ ಆಪ್ಲಿ ಪರಿಗತ್ ಧುವೆಕ್ ಯೆಂವ್ಚಿ ನಾಕಾ ಮ್ಹಣ್ ಕಾರ್ಮೆಲಿನಾನ್ ಕರ್ಚೊ ಸಾಕ್ರಿಫಿಸ್ ಆನಿ ಚವ್ತ್ಯಾ ವಾಂಟ್ಯಾಂತ್ – ನಯ್ತಿಕತಾ ಆನಿ ವೆವ್ಹಹಾರಿಕತಾ ಮಧ್ಲೆಂ ಝುಜ್”
“ತಿಚ್ಯಾ ಧುವೆನ್ ತಿಚೆಪರಿಂ ಜಾಯ್ನಾಸ್ತಾಂ, ಬರೆಂ ಶಿಕಪ್ ಜೊಡುನ್ ಗೊಂಯಾಂತ್ಚ್ ಬರೆಂ ಜಿವಿತ್ ಸಾರಿಜೆ ಮ್ಹಣ್ಚೆಂ ಕಾರ್ಮೆಲಿನಾಚೆಂ ಸಪಣ್, ತಿಚಿ ಧುವ್ ಶಿಕ್ಪಾಂತ್ ನಾಫಾಸ್ ಜಾವ್ನ್ ‘ಹಾಂವೀ ತುಜೆಂ ಪರಿಂ ಕುವೇಯ್ಟ್ ವಚೊನ್ ದುಡು ಕಮಾಯ್ತಾಂ’ ಮ್ಹಣ್ ಸಾಂಗ್ಚೆ ಸವೆಂ ತುಟ್ತಾ. ಆನಿ ತವಳ್ ಕಾರ್ಮೆಲಿನಾಚೆಂ ಸಯ್ರಾಣ್ ಚುಕ್ತಾ ಆನಿ ಧುವೆಚ್ಯಾ ಕಪಾಲಾರ್ ಥಾಪಡ್ ಬಸ್ತಾ. ಕಾಣಿಯೆಚೊ ಹೊ ಸಮಾರೋಪ್ ಆಪ್ಣಾಕ್ ಆಂವಡ್ಲೊ” ಮ್ಹಣ್ ಅಲನ್ ಪಿರೇರಾ ಮ್ಹಣಾಲೊ.
ಸುರ್ವೆರ್ ಬೊಲ್ಕಾಂವ್ ಕಾರ್ಯಾವಳಿಚೊ ಸಂಚಾಲಕ್ ಎಚ್ಚೆಮ್, ಪೆರ್ನಾಲ್ ಹಾಣಿ ಉಲವ್ಪಿ ಅಲನ್ ಸಿ. ಎ. ಪಿರೇರಾ ಹಾಂಚಿ ಸಯ್ರ್ಯಾಂಕ್ ಒಳಕ್ ಕರುನ್ ದಿಲಿ. ಕಾರ್ಯಾಕಾರಿ ನಿರ್ದೇಶಕ್ ದೊ| ಆಲ್ವಿನ್ ಡೆಸಾ ಹಾಣಿ ಬೊಲ್ಕಾಂವ್ ಡಾಯ್ರಿ ದೀವ್ನ್ ತಾಂಚೊ ಸ್ವಾಗತ್ ಕೆಲೊ.
ಉಲವ್ಪಾ ಉಪ್ರಾಂತ್ ಚಲ್ಲೆಲ್ಲ್ಯಾ ಸಂವಾದಾಂತ್ ಎಚ್. ಆರ್. ಆಳ್ವ, ಡೊ| ಜೀತಾ ಲೋಬೊ, ಡೊ| ಪ್ರೇಮ್ ಮೊರಾಸ್ ಆನಿ ಜ್ಯೋ ಲೋಬೊ, ಕುಲ್ಶೇಕರ್ ಹಾಣಿ ವಾಂಟೊ ಘೆತ್ಲೊ. ಮುಕ್ಲೊ ಬೊಲ್ಕಾಂವ್ 13 ವೊ ಅವಸ್ವರ್ ಎಪ್ರಿಲ್ 12 ವೆರ್ ದುಸ್ರ್ಯಾ ಆಯ್ತಾರಾ ಚಲಂವ್ಚೊ ನಿರ್ಧಾರ್ ಘೆತ್ಲೊ.
ಕೊಂಕ್ಣಿ ಸಂಸ್ಥ್ಯಾಚೊ ಸಂಯೋಜಕ್ ಪಿಂಟೊ, ವಾಮಂಜೂರ್ ಹಾಣಿ ದಿನ್ವಾಸ್ ಪಾಟಯ್ಲೆ, ವಾಂಗ್ಡಿ ಕು| ವನಿತಾ ಹಿಣೆ ಸಹಕಾರ್ ದಿಲೊ.
1 comment
I literally enjoyed today’s session, It was very informative and it was so enriching. Wonderful observations and notes. Sir Pereira put them all on a wider canvas with his experience as Syndicate Bank Manager in Goa. The ground realities described by Sir Pereira are really heart touching. The struggles and difficulties faced by poor women of Goa are more or less same in Mangalore too, I feel, in 1960s and 70s.
Well done Sir, a truly experience and a treat to listen to your valuable speech. Thank you for your time. Looking forward for more sessions like this in Bolkavm in future as well.
A well curated program HM Sir supported by St Aloysius University. Bolkavm is really a big blessing to the konkani literature enthusiasts of Mangalore. Kudos