9
ಮಾರ್ಚ್ ಎಕ್ ತಾರಿಕೆರ್ ಕಲಾಂಗಣಾಂತ್ ಮಾಂಡುನ್ ಹಾಡ್ಲೆಲ್ಯಾ’ರೊಬಿನ್ ಸಿಕ್ವೇರಾ ಲೈವ್’ ಸಂಗೀತ್ ಕಾರ್ಯಕ್ರಮಾವೆಳೀಂ ಹೇಮಾಚಾರ್ಯಚೆಂ ಪುಸ್ತಕ್ ‘ಆಮ್ಚಿ ಮಾತಿ ಆಮ್ಚಿಂ ಮನ್ಶ್ಯಾಂ’ (ದುಸ್ರೊ ಭಾಗ್) ಹಾಚಿ ಮೊಕ್ಳಿಕ್ ಜಾಲಿ.
ಹಿ ಕೃತಿ ‘ಕೊಂಕ್ಣಿ ಅಬೊಲೆಂ’ ಜೋಯ್ಸ್ ಪೋಂತೆಸ್ ಓಜೇರಿಯೊಂಕ್ ಅರ್ಪಣ್ ಕೆಲ್ಯಾ ಆಸ್ತಾಂ, ಜೋಯ್ಸ್ ಬಾಯೆನ್ ಹ್ಯಾ ಪುಸ್ತಕಾಚಿ ಉಗ್ತಾವಣ್, ‘ಮಾಂಡ್ ಸೊಭಾಣ್’ ಸಂಸ್ಥ್ಯಾಚೊ ಪುಡಾರಿ, ಲುವಿ ಪಿಂಟೊ, ಸಂಯೋಜಕ್ ಆನಿ ಕರ್ನಾಟಕ ಕೊಂಕ್ಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಶ್, ಜೊಕಿಮ್ ಸ್ಟೇನಿ ಅಲ್ವಾರಿಸ್, ಸಂಸ್ಥ್ಯಾಚೊ ಮಹಾ-ಪೋಶಕ್ ರೊಯ್ ಕಾಸ್ತೆಲಿನೊ , ಇಯಾನ್ ಕೇರ್ಸ್ ಸಂಸ್ಥ್ಯಾಚಿ ಇನಾ ಮಸ್ಕರೇನಸ್, ಲೇಖಕ್ ಹೇಮಾಚಾರ್ಯಾ ಆನಿ ದಾಯ್ಜಿವರ್ಲ್ಡ್ ಸಂಸ್ಥ್ಯಾಚೊ ವ್ಹಡಿಲ್ ವಾಲ್ಟರ್ ನಂದಳಿಕೆ ಹಾಂಚೆ ಸಾಂಗಾತ್ಪಣಾಖಾಲ್ ಕೆಲಿ.
ವೊಲ್ಟರ್ ನಂದಳಿಕೆನ್ ಹ್ಯಾ ಪುಸ್ತಾಕಾಚ್ಯಾ ಉಗಮಾವಿಶ್ಯಾಂತ್ ಆನಿ ಹಾಂತ್ಲಿಂ ಆಂಕಣಾಂ ದಾಯ್ಜಿವರ್ಲ್ಡ್ ವಾಹಿನಿಚೆರ್ ಉಜ್ವಾಡಾಯಿಲ್ಲ್ಯಾ ಪಾಟ್ಲ್ಯಾನ್ ಆಸ್ಚೊ ತಾತ್ಪರ್ಯ್ ಕಳಿತ್ ಕೆಲೊ.
