ಸಿ.ಎ. ಪವರ್ 25- ಸಿ.ಎ ಇಂಟರ್ ಸೀಸನ್ -8 ಶಿಬಿರಾಚೆ ಉಗ್ತಾವಣ ಸಮಾರಂಭ 11-03-2026 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆಂ. “ಸಿ.ಎ. ಪವರ್ 25” ತರ್ನಾಟೆಂಕ ಸಿ.ಎ. ಪರೀಕ್ಷಾಪೂರ್ವ ತರಬೇತಿ ಆತ್ಮವಿಶ್ವಾಸ ವಾಡೊವಚೆ, ಆನಿ ಆಸಕ್ತಾಂಕ ಮುಕ್ತ ಜಾವನ ಆಸುಚೆ, ಏಕ ವಿಶೇಷ ತರಬೇತಿ ಜಾವನ ಆಸಾ.
ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನಿ ತರಬೇತಿ ಶಿಬಿರ ದಿವೊ ಲಾವನ ಉಗ್ತಾವಣ್ ಕೆಲೆಂ. ಸೊಯರೆಂಕ ಸ್ವಾಗತ ಕರನು, ಉಲಯತಚಿ “ತ್ರಿಶಾ ಸಂಸ್ಥೊ ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ಮಾನಾಚೆ ಸಂಪನ್ಮೂಲ ವ್ಯಕ್ತಿಂಕ ಆಪೊವನು ಪ್ರೊತ್ಸಾಹ ದಿಯತ ಆಸಾ. ಹೆಂ ಶಿಬಿರ ಸಿ.ಎ. ಶಿಕಪಾಚೆ ವಿದ್ಯಾರ್ಥಿಂಕ ಮಸ್ತ ಉಪಯುಕ್ತ ಜಾವನು ಆಸುನು ಆತ್ಮವಿಶ್ವಾಸ ಆನಿ ಅಭ್ಯಾಸಾನ ಸಂಪೂರ್ಣ ಸದುಪಯೋಗ ಘೆವನು ಯಶ ಪಾವಕಾ ಅಶಿಂ ಶುಭ ಸಾಂಗಲೆಂ.
ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯೂಶನ್ ಸ್ಥಾಪಕ ಆನಿ ಮುಖೇಲ ಸಿಎ ಗೋಪಾಲ ಕೃಷ್ಣ ಭಟ್ ಹಾನ್ನಿ ಸಿ.ಎ. ಪರೀಕ್ಷಾ ಎದುರಿಸುಚಾಕ ಛಾತ್ರಾಂಕ ಅವಶ್ಯಕ ಜಾಲೆಲೆ ಮಾಹಿತ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಜಾಲೆಲೆ ವಿಲಿಯಂ ಡಿಸೋಜಾ, ರಮೆಶ್ ಡಿ ನಾಯಕ್ ಆನಿ ಸಿಎಒ ಡಾ ಬಿ ದೇವದಾಸ ಪೈ, ತ್ರಿಶಾ ಸಂಸ್ಥೆಚೆ ಪ್ರೊ ಗೌರಿ ಕಾಮತ ಹಾನ್ನಿ ವೇದಿರಿ ಉಪಸ್ಥಿತ ಆಸಿಲಿಂಚಿ.
ಶ್ರೀದೇವಿ ಶೆಣೈ ನ ಕಾರ್ಯಕ್ರಮ ನಿರೂಪಣ ಕರನ, ಅಪರ್ಣಾ ಸಾಂಗಾತಾಕ ಪ್ರಾರ್ಥನ ಕೆಲೆಂ. ಎಕ್ವಿಸ್ ದಿವಸಾಚೆ ಹೆಂ ಫುಕಟ್ ಸನಿವಾಸೀ ವಿಶೇಷ ಪ್ರಶಿಕ್ಷಣ ತರಬೇತಿಂತ ಭಾಯಲೆ ಗಾಂವಾತಾಕುನಯ ಅನುಭವೀ ಉಪನ್ಯಾಸಕ ತರಬೇತ ದಿತಾತಿ. ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ಸಂಸ್ಥೊ ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ಹೆಂ ತರಬೇತಿ ಯೋಜನೇಕ ಸಾತ ಮೆಳೊವನ ಆಸಾತಿ.
