ವಿಶ್ವ ಕೊಂಕಣಿ ಕೇಂದ್ರಾಂತ ‘ಸಿ. ಎ. ಪವರ್-25’ ಸಮಾರೋಪ ಸುವಾಳೊ

3

ತರ್ನಾಟ್ಯಾಂಕ ಆತ್ಮವಿಶ್ವಾಸ ಆನಿ ಸರ್ವ ಆಸಕ್ತಾಂಕ ಉಗತೆ ಜಾವನ ಆಸುಚೆ ವಿಶೇಷ ರೀತಿಚೆ ತರಬೇತಿ ವಿಶ್ವ ಕೊಂಕಣಿ ಕೇಂದ್ರಾಚೆ ಸಿ.ಎ. ಪವರ್ 25 ತರಬೇತಿ. ಸೀಸನ್ – 8, ಸಿ ಎ ಇಂಟರ 20 ದಿವಸಾಚೆ ಮುಫತ ತರಬೇತ ಶಿಬಿರಾಚೆ ಸಮಾರೋಪ ಸುವಾಳೊ 30-03-2026 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆ.

ಯೆದೊಳ್ ಪರ್ಯಂತ ಸಿ.ಎ. ಇಂಟರ 7 ಸೀಸನ್ ಯಶ ಸಾಧಿಸುನು ಉತ್ತಮ ಫಲಿತಾಂಶಯ್ ದಿಲಾಂ. ತಶೀಂಚಿ ಛಾತ್ರಾಂನಿ ಹಠಾರಿ, ಸಾಧನೆನ ಶಿಕುನ ಯಶ ಪಾವಚಾಕ ಸಾಧ್ಯ ಜಾತಾ. ಆತ್ಮವಿಶ್ವಾಸಾನ ಆನಿ ಸೋಣಾಶಿ ಅಭ್ಯಾಸ ಕರತಾ ಆಸಲಾರಿ ಮಾತ್ರ ಸಿ ಎ ಫಲಿತಾಂಶ ಜಯ ಫಾವ ಜಾತ್ತಾ, ತಶೀಂಚಿ ಸರ್ವ ಛಾತ್ರಾಂನಿ ಸಿ ಎ ಇಂಟರ್ ಪರೀಕ್ಷೆಂತ ಯಶ ಪಾವಕಾ ಆನಿ, ಸಿಎ ಅಂತಿಮ ಪರೀಕ್ಷಾ ಪಾಂವಡ್ಯಾರಿ ಯೆವಕಾ ಅಶಿಂ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನಿ ಶಿಬಿರಾರ್ಥಿಂಕ ಶುಭ ಸಾಂಗಲೆಂ.

ಮುಖೇಲ ಸೊಯರೆ, ಚಾರ್ಟಡ್ ಅಕೌಂಟೆಂಟ್ ಆಫ್ ಇಂಡಿಯಾ (ICAI) SIRC ಕಾರ್ಯದರ್ಶಿ ಸಿ ಎ ಬಾಲಸುಬ್ರಹ್ಮಣ್ಯ ಎನ್ ಹಾನ್ನಿ ಛಾತ್ರಾಂಕ ಉದ್ದೇಶಿಸುನ ಸಿಎ ಕೋರ್ಸ್ ಮಸ್ತ ಕಠಿಣ ಆಸಲ್ಯಾರಿಯ ತಾಜೆ ದಿವಸಭರ ಪರಿಶ್ರಮಾನ, ಅಭ್ಯಾಸ ಕರತಚಿ ಏಕಚಿ ಸಮರ್ಪಣಾ ಭಾವಾನ ವಾವರ ಕೆಲ್ಯಾರಿ ಸಾಧನ ಕೊರೂಕ ಜಾತ್ತಾ. ಅಶಿಂ ಶಿಬಿರಾರ್ಥಿಂಕ ಬರೆಂ ಮಾಗಲೆಂ.

ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯೂಶನ್ ಮುಖೇಲ ಸಿ ಎ ಗೋಪಾಲಕೃಷ್ಣ ಭಟ್ ಹಾನ್ನಿ ಸಿ.ಎ. ಇಂಟರ್ ಪರೀಕ್ಷೆ ಬೊರೊವಚಾಕ ಪರೀಕ್ಷಾರ್ಥಿಂಕ ಅವಶ್ಯಕ ಜಾವನ ಆಸುಚೆ ಮನೋಸಾಮರ್ಥ್ಯ ಬದ್ದಲ ವಿವರಣಾತ್ಮಕ ಜಾವನು ಶಿಬಿರಾಚೆ ಉದ್ದೇಶ ಸಾಂಗಲೆಂ.

ಹೆಂ ತರಬೇತಿಕ ಭಾಯಲೆಂ ಗಾಂವಾ ಥಾವನ ಸಂಪನ್ಮೂಲ ವ್ಯಕ್ತಿಂಕ ಆಪೊವಣೆ ದಿವನು ಮಸ್ತ ಅನುಭವೀ ಉಪನ್ಯಾಸಕಾಂಕ ಆಹ್ವಾನ ಕೆಲೆಲೆಂ ಆಸಾ. ತಶೀಂಚಿ ನಾಸಿಕ್ ಥಾವನ ಉಪನ್ಯಾಸಕ ಜಾವನ ಆಯಿಲೊ ಸಿ ಎ. ದರ್ಶನ್ ಚಂದಾಲಿಯಾ, ಹಾನ್ನಿ ಛಾತ್ರಾಂಕ ಉದ್ದೇಶಿಸುನ, ಅಸಲೆ ಏಕ ಬರೆಂ ಜಾವನು ಸರ್ವ ರೀತೀನ ಸೌಕರ್ಯ ಆಸುನು, ಸುವ್ಯವಸ್ಥಿತ ಮಾರ್ಗದರ್ಶನ ದಿವಚೆ ಶಿಬಿರ ಆಯೋಜನ ಕೆಲೆಲೆ ವಿಶ್ವ ಕೊಂಕಣಿ ಕೇಂದ್ರಾಕ ಅಭಿನಂದನ ಕರತಚಿ ಸರ್ವ ಛಾತ್ರಾಂಕ ಶುಭ ಸಾಂಗಲೆಂ.

ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ವಿಲಿಯಂ ಡಿಸೋಜಾ, ರಮೆಶ್ ಡಿ ನಾಯಕ್, ಟ್ರಸ್ಟಿ ಗಿಲ್ಬರ್ಟ್ ಡಿಸೋಜಾ ಆನಿ ಸಿಎಒ ಡಾ ಬಿ ದೇವದಾಸ ಪೈ, ತ್ರಿಶಾ ಸಂಸ್ಥೆಚೆ ಪ್ರೊ ಗೌರಿ ಕಾಮತ್ ಹಾನಿ ವೇದಿರಿ ಉಪಸ್ಥಿತ ಆಶಿಲಿಂಚಿ. ಕಳವಲೆಲೆ ಶಿಬಿರಾಂತ ಭಾಗಿ ಜಾವನು ಉತ್ತೀರ್ಣ ಜಾಲೆಲೆ ಛಾತ್ರಾಂಕ ಹೆಂ ಸಂಧರ್ಭಾರ ವೇದಿರಿ ಉಪಸ್ಥಿತ ಆಶಿಲೆಂ ಮಾನೆಸ್ತಾಂನಿ ಗೌರವ ದೀವನ ಮಾನ ಕೆಲೆಂ. ಹೆಂ ಮುಫತ ರಾವಪಾಚೆ ತರಬೇತ ಶಿಬಿರಾಂತ ಪರೀಕ್ಷಾರ್ಥಿಂಕ ನವೀನ ರೀತೀನ ಪೂರ್ಣ ಪ್ರಮಾಣೇರಿ ಪುನರಾವರ್ತನ ಅಭ್ಯಾಸ ದಿವನು ಆಖೇರಿಚೆ ಪರೀಕ್ಷಾಕ ತಯಾರ ಕರಚೆ ಉದ್ದೇಶ ಜಾವನ ಆಸಾ. ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ಸಂಸ್ಥೊ ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ಹೆಂ ತರಬೇತಿ ಯೋಜನೆಕ ಹಾತ ಮೆಳೊವನ ಆಸಾತಿ.

ದ.ಕ, ಉಡುಪಿ, ಚೆನ್ನೈ, ತುಮಕೂರು, ಗೋಂಯ ಆನಿ ಕೊಚ್ಚಿ ದೂರ ದೂರ ತಾಕುನ ಆಯಲೆಂ ಶಿಬಿರಾರ್ಥಿಂ ಉತ್ಸಾಹಾನ ಭಾಗಿ ಜಾವನ ಆಶಿಲಿಂಚಿ. ಆನಿ ಕಾಳಜಾ ಥಾವನ ಶಿಬಿರಾಂತ ತಾನ್ನಿ ಘೆತ್ತಿಲೆ ಅನುಭವ, ವಾಂಟುನ ಘೆತಲೆಂ. ಶಿಬಿರಾರ್ಥಿ ಪ್ರತೀಶ್ ಕೆ ಹಾಣಿ ಅತಿಥಿಂಕ ಸ್ವಾಗತ ಕರನು, ಸತ್ರ ಸಂಚಲನ ಕರನು ದೇವು ಬರೆಂ ಕೊರೊ ಸಾಂಗಲೆಂ. ನಮೃತಾ ಬಾಳಿಗಾನ ಪ್ರಾರ್ಥನ ಕೆಲೆಂ.