ಬೆಂದೂರ್ ಫಿರ್ಗಜೆಚ್ಯಾ ಪ್ರೀತಾ ಲೋಬೊ ಹಿಣೆ ಸಾಂ. ವಿಶೆಂತ್ ಪಾವ್ಲ್ ಸಭಾ, ಮಂಗ್ಳುರ್ ಕೇಂದ್ರೀಯ್ ಸಮಿತಿ ಅಧ್ಯಕ್ಷ್ ಹುದ್ದೊ ಸಾಂಬಾಳ್ಚೆ ಸವೆಂ, ಸಭೆಚ್ಯಾ 66 ವರ್ಸಾಂಚ್ಯಾ ಇತಿಹಾಸಾಂತ್ ಪಯ್ಲೆ ಪಾವ್ಟಿಂ ಸ್ತ್ರೀ ಅಧ್ಯಕ್ಷ್ ಜಾವ್ನ್ ದಾಕ್ಲೊ ರಚ್ಲಾ.
ತಿಣೆ ಆದ್ಯಾತ್ಮಿಕ್ ಸಲಹಾದಾರ್ ಮಾ| ಬಾ| ಫ್ಲೇವಿಯನ್ ಲೋಬೊ ಹಾಂಚೆ ಥಾವ್ನ್ ಪ್ರಮಾಣ್ ವಚನ್ ಘೆವ್ನ್ ಹುದ್ದೊ ಸ್ವೀಕಾರ್ ಕೆಲೊ. ಹ್ಯಾ ಸಂದರ್ಬಾರ್ ಆದ್ಲೊ ಆಧ್ಯಾತ್ಮಿಕ್ ಸಲಹಾದಾರ್ ಮಾ| ಬಾ| ಫ್ರಾನ್ಸಿಸ್ ಡಿಸೋಜಾ ಆನಿ ಬೆಂದೂರ್ ಫಿರ್ಗಜೆಚೊ ವಿಗಾರ್ ಮಾ| ಬಾ| ವಾಲ್ಟರ್ ಡಿಸೋಜಾ ಹಾಜರ್ ಆಸ್ಲೆ.
ನಿಕಟ್ ಪೂರ್ವ್ ಅಧ್ಯಕ್ಷ್ ಭಾ| ಜ್ಯೊ ಕುವೆಲ್ಲೊ ಹಾಣಿ ಆಪ್ಲ್ಯಾ ಸ ವರ್ಸಾಂಚ್ಯಾ ಆವ್ಧೆಂತ್ ಪಾಟಿಂಬೊ ಆನಿ ಸಹಕಾರ್ ದಿಲ್ಲ್ಯಾ ಸರ್ವಾಂಚೊಂ ಉಪ್ಕಾರ್ ಭಾವುಡ್ಲೊ. ಪ್ರತೇಕ್ ಜಾವ್ನ್ ಕಾರ್ಯದರ್ಶಿ ಭಾ| ಲಿಗೋರಿ ಫೆರ್ನಾಂದ್ ಆನಿ ಖಜಾಂಚಿ ಭಾ| ಕ್ಲೆರೆನ್ಸ್ ಮಚಾದೊ ಆನಿ ಸರ್ವ್ ಸಾಂದ್ಯಾಂಚೊಂ ತಾಣಿ ಹ್ಯಾ ವೆಳಾರ್ ಉಡಾಸ್ ಕಾಡ್ಲೊ. ನವ್ಯಾ ಅಧ್ಯಕ್ಷಾಂಕ್ ಬರೆಂ ಮಾಗ್ಲೆಲ್ಯಾ ತಾಣಿ, ಆಪ್ಲೊ ಸಂಪೂರ್ಣ್ ಸಹಕಾರ್ ಭಾಸಾಯ್ಲೊ.
ಪ್ರೀತಾ ಲೋಬೊ ಹಿಣೆ ಆಪ್ಣಾಕ್ ಅಧ್ಯಕ್ಷ್ ಜಾವ್ನ್ ವಿಂಚುನ್ ಕಾಡ್ಲೆಲ್ಯಾ ಸರ್ವಾಂಚೊ ಅಬಾರ್ ವೆಕ್ತ್ ಕೆಲೊ ಆನಿ ಸರ್ವ್ ಸಾಂದ್ಯಾಂಚೊ ಸಹಕಾರ್ ಮಾಗ್ಲೊ.
