ಸ್ವಾತಂತ್ರ್ಯ ಹೋರಾಟಗಾರ ಜಾವನು ದಕ್ಷಿಣ ಕನ್ನಡ- ಉಡುಪಿ ಜಿಲ್ಲಾ ಪ್ರದೇಶಾಕ ಭಾರತಾಚೆ ಸಂಸತ್ತಾಂತು ಪಯಲೆ ಪಾವಟಿ ಪ್ರತಿನಿಧಿತ ಕೆಲ್ಲೊ ಸಂಸದ ಮಂಗಳೂರಾಚೆ ಬಂದರ, ವಿಮಾನ ನಿಲ್ದಾಣ, ರಾಷ್ಟ್ರೀಯ ರಸ್ತೊ, ರೈಲಾ ಮಾರ್ಗ, ರಾಷ್ಟ್ರೀಯ ತಾಂತ್ರಿಕ ವಿದ್ಯಾ ಸಂಸ್ಥೊ ಅಶಿಂ ಸ್ಥಾಪನ ಕರನ, ಪ್ರದೇಶಾಚೆ ಸರ್ವತೋಮುಖ ಅಭಿವೃದ್ಧಿಚೆ ಕಾರಣೀಕರ್ತ ಜಾಲ್ಲೊ ಉಳ್ಳಾಲ ಶ್ರೀನಿವಾಸ ಮಲ್ಯ ಹಾಂಗೆಲೆ ಜಲ್ಮ ದೀಸ, ಮಂಗಳೂರು ಶಕ್ತಿನಗರಾಚೆ ವಿಶ್ವ ಕೊಂಕಣಿ ಕೇಂದ್ರ ವತೀನ ಪಡೀಲಾಂತ ಆಸಚೆ ಉಳ್ಳಾಲ ಶ್ರೀನಿವಾಸ ಮಲ್ಯ ಹಾಂಗೆಲೆ ಪುತ್ಥಳಿಕ ಮಾಲಾರ್ಪಣ ಕರಚೆ ಮುಖಾಂತರ ಆಚರಣ ಕೆಲೆಂ.
ಟ್ರಸ್ಟಿ ಡಾ ಮೋಹನ ಪೈ ಪ್ರಾಸ್ತಾವಿಕ ಜಾವನು ಶ್ರೀನಿವಾಸ ಮಲ್ಯ ಹಾಂಗೆಲೆ ಸರಳ ಜೀವನ ಆನಿ ಸಬಾರ ಸೇವಾ ಬದ್ದಲ ಪರಿಚಯ ದಿಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಮ್ಹಾಲ್ಗಡೆ ಲೇಕ ತಪಾಸಕ ನಂದಗೋಪಾಲ ಶೆಣೈ, ಉಪಾಧ್ಯಕ್ಷ ಗಿಲ್ಬರ್ಟ್ ಡಿಸೋಜಾ, ಖಜಾಂಚಿ ಬಿ. ಆರ್ ಭಟ್, ಟ್ರಸ್ಟಿ ರಮೇಶ್ ಡಿ ನಾಯಕ್, ವಾಲ್ಟರ್ ಡಿಸೋಜಾ, ಕೆ ಸಿ ಸಿ ಐ ಅಧ್ಯಕ್ಷ ಅನಂತೇಶ್ ವಿ ಪ್ರಭು, ಗೌ. ಕಾರ್ಯದರ್ಶಿ ಅಶ್ವಿನ ಪೈ ಮಾರೂರು, ಪಡೀಲ ಕಾರ್ಪೊರೇಟರ್ ರೂಪಾ ಶ್ರೀ, ಆನಿ ಕಿಶೋರ್ ಕೊಟ್ಟಾರಿ, ಶ್ರೀ ವೆಂಕಟರಮಣ ದೇವಳಾಚೆ ಟ್ರಸ್ಟಿ ಸಿ. ಎ. ಜಗನ್ನಾಥ ಕಾಮತ, ಉಳ್ಳಾಲ ವಿನೋದ ಮಲ್ಯ ಆನಿ ನವೀನ್ ನಾಯಕ್, ಗಣೇಶ್ ಭಟ್ ಆನಿ ಡಾ ಬಿ. ದೇವದಾಸ್ ಪೈ ಹಾನಿ ಸಗಳೆ ಕಾರ್ಯಕ್ರಮಾಂತ ಉಪಸ್ಥಿತ ಆಶಿಲೆಂ.
