ಕೊಂಕಣಿ ಸಮುದಾಯ್ ನೆದರ್ಲ್ಯಾಂಡ್ಸ್ ಆನಿ ನೆದರ್ಲ್ಯಾಂಡ್ಸ್ ಗೊಂಯ್ಕಾರ್ ಸಮುದಾಯ್, ಹೋಫ್ಡಾರ್ಪ್ ಹಾಣಿ ಸಾಂಗಾತಾ ಮೆಳೊನ್, ದಸೆಂಬರ್ 9 ವೆರ್ ಸಾಂತ್ ಜುವಾ೦ವಾ ಬಾವ್ತಿಸಾಚ್ಯಾ ಐತಿಹಾಸಿಕ್ ಇಗರ್ಜೆಂತ್, ಮಾ| ಬಾ| ರಿಚರ್ಡ್ ಲೋಬೊ. ಎಸ್.ವಿ.ಡಿ, ಮಾ| ಬಾ| ಆಲ್ಬರ್ಟ್ ಟೊಪ್ಪೊ ಎಸ್.ವಿ.ಡಿ, ಅನಿ ಮಾ| ಬಾ| ನವೀನ್ ರೊಡ್ರಿಗಸ್ ಹಾಂಚ್ಯಾ ಮುಕೆಲ್ಪಣಾರ್ ನತಾಲಾಂಚೊಂ ಉತ್ಸವ್ ಸಂಭ್ರಮ್ಲೊ. ಆಧ್ಯಾತ್ಮಿಕ್ ಸಂಬಂಧ್ ವಾಡಂವ್ಚ್ಯಾ ಆನಿ ಚಡಂವ್ಚ್ಯಾ ದಿಶೆನ್ ಅರ್ಥಾಭರಿತ್ ಪವಿತ್ ಸಂಭ್ರಮಿಕ್ ಎವ್ಕರಿಸ್ತಾಂತ್ ವಾಂಟೊ ಘೆತ್ಲೊ.
ಮಿಸಾ ಉಪ್ರಾಂತ್, ವಿವಿದ್ ಖೆಳ್ ಅನಿ ಕ್ರಿಸ್ಮಸ್ ಗಾಯನಾ ಸವೆಂ ಕಾರ್ಯೆ೦ ಫುಡೆಂ ಸರ್ಲೆ೦. ಸಾಂದ್ಯಾಂನಿ ಖುದ್ ರಾಂದ್‌ಲ್ಲೆಂ ಕೆಲ್ಲೆಂ ಜೆವಾಣ್, ಕ್ರಿಸ್ಮಸ್ ಆಯೆರ್ ಎಕಾಮೆಕಾ ವಾಂಟುನ್ ಘೆತ್ಲೆ.
ಮಂಗ್ಳುರ್ ಆನಿ ಗೊಂಯ್ಚ್ಯಾ ರುಚಿಚೆಂ ಖಾಣ್ – ಜೆವಣ್ ಧಾದೊಶಿ ಜೇವ್ನ್, ಕಾರ್ಯಾಚೊ ಆನಂದ್ ಜೊಡ್ಲೊ. ಹ್ಯಾ ಸ್ಮರಣೀಯ ಆಚಾರನಾಂತ್ ಚಡುಣೆ 55 ಜಣಾಂನಿ ವಾಂಟೊ ಘೆತ್ಲೊ ಆನಿ ಹೊ ಕ್ರಿಸ್ಮಸ್ ಆಚಾರಣಾಚೊ ಅನ್ಭೊಗ್ ಗಾವಾಂಥಾವ್ನ್ ಪಯ್ಸ್ ಪರ್ಗಾಂವಾಂತ್ ಭಾವಾಡ್ತಿ ಭಾವ್ ಭಯ್ಣ್ಯಾಂನಿ ಜೊಡ್ಲೊ.
