ಗಾಝ ಇಸ್ಲಾಮಿಕ್ ಯುನಿವರ್ಸಿಂಟಿಂತ್ 2007 ಪಾಸುನ್ ಇಂಗ್ಲಿಶ್ ಸಾಹಿತ್ಯಾಚೊ ಮೆಸ್ತ್ರಿ ಜಾವ್ನಾಸ್‌ಲ್ಲೊ ದೊ| ರಿಫಾತ್ ಅಲಾರೀರ್ 44 ವರ್ಸಾಂಚ್ಯಾ ತರ್ನ್ಯಾ ಪ್ರಾಯೆರ್ ಇಸ್ರೇಲಿ ಸಯ್ನಾಚ್ಯಾ ಗುಳ್ಯಾಂಕ್ ಬಲಿ ಜಾಲೊ. ಲಂಡನ್ ಯುನಿವರ್ಸಿಟಿ ಕೊಲೆಜಿಂತ್ ತಾಣೆ ಇಂಗ್ಲಿಶ್ ಸಾಹಿತ್ಯಾಂತ್ ಎಮ್.ಎ. ಆನಿ ಮಲೇಶಿಯಾಚ್ಯಾ ಪುತ್ರ ಯುನಿವರ್ಸಿಟಿಂತ್ ಜಾನ್ ಡನ್‍ ಹಾಚ್ಯಾ ಕವಿತಾ ಸಾಹಿತ್ಯಾಚೆರ್ ಪಿ.ಎಚ್. ಡಿ. ಆಪ್ಣಾಯಿಲ್ಲಿ. ಯುನಿವರ್ಸಿಟಿಂತ್ ವಿದ್ಯಾರ್ಥಿಂಕ್ ಶಿಕಂವ್ಚ್ಯಾ ಬರಾಬರ್ We Are Not Numbers ಮ್ಹಳ್ಳೆಂ ಸಾಹಿತಿಕ್ ಸಂಘಟನ್ ಬಾಂದುನ್ ಕಾಣಿಯಾಂ ಮುಕಾಂತ್ರ್ ಪ್ರತಿರೋಧ್ ದಾಕಲ್ ಕರ್ಚೆಂ ಕಾಮ್ ಸಾಹಿತ್ಯಾಚಾ ವಿದ್ಯಾರ್ಥಿಂಕ್ ಆನಿ ಸಾಹಿತ್ಯಾಸಕ್ತಾಂಕ್ ಸಾಂಗಾತಾ ಘೆವ್ನ್ ತೋ ಕರುನ್ ಆಸ್ಲೊ.
Refaat Alareer
2023 ದಸೆಂಬರಾಚ್ಯಾ 6 ವೆರ್ ಇಸ್ರೇಲಿ ಸಯ್ನಾನ್ ತೋ ಜಿಯೆವ್ನ್ ಆಸ್‌ಲ್ಲ್ಯಾ ಕಟ್ಟೊಣಾಚೆರ್ ‘ಸರ್ಜಿಕಲ್ ಬೊಂಬಿಂಗ್’ ಕರುನ್ ತಾಕಾ, ತಾಚಿ ಭಯ್ಣ್, ತಿಚ್ಯಾ ಭುರ್ಗ್ಯಾಂಕ್, ತಾಚೊ ಭಾವ್, ತಾಚ್ಯಾ ಭುರ್ಗ್ಯಾಕ್ ಸಯ್ತ್ ಜಿವೆಶಿಂ ಮಾರ್ಲೆಂ. ಇಸ್ರೇಲಿ ಮುಳಾಚ್ಯಾ ಫೊನಾಂಥಾವ್ನ್ ತಾಕಾ ಜಿವೆಶಿಂ ಮಾರ್ಚ್ಯೊ ಧಮ್ಕ್ಯೊ ಸರಾಗ್ ಯೇವ್ನ್ ಆಸ್‌ಲ್ಲ್ಯೊ ಜಾಲ್ಯಾರೀ, ತಾಣೆ ವಸ್ತಿ ಕರುನ್ ಆಸ್ಚಿ ಬಡ್ಗಾ ಗಾಝಚಿ ಸುವಾತ್ ಸೊಡ್ನ್ ವಚೊಂಕ್ ತಾಣೆ ಸ್ಪಶ್ಟ್ ಇನ್ಕಾರ್ ಕೆಲ್ಲೆಂ.
ಇಸ್ರೇಲಿ ವಾರ‍್ಯಾಸಯ್ನಾಚ್ಯಾ ಅಮಾನುಷ್ ಹಲ್ಲ್ಯಾಕ್ ದೊ| ಅಲಾರೀರ್ ಬಲಿ ಜಾಲಾ, ತಾಚಿ ಪತಿಣ್ ಆನಿ ಭುರ್ಗ್ಯಾಂಕ್ ಪಾಟಿಂ ಸಾಂಡುನ್ ಗೆಲಾ. ಆಪುಣ್ ಏಕ್ ದೀಸ್ ಇಸ್ರೇಲಿ ರೊಕೆಟಿಂಕ್ ಬಲಿ ಜಾತಲೊಂ ಮ್ಹಳ್ಳೊ ಸ್ಪಶ್ಟ್ ಅಂದಾಜ್ ಆಸ್‌ಲ್ಲ್ಯಾ ದೊ। ಅಲಾರೀರಾನ್ ಹಿ ಕವಿತಾ, ತಾಚ್ಯಾ ಭುರ್ಗ್ಯಾಂಕ್ ಉದ್ದೇಶುನ್ ಬರಯಿಲ್ಲಿ ಆಸುಂಯೆತಾ. ತಾಚ್ಯಾ ಮರ‍್ಣಾ ಉಪ್ರಾಂತ್ ಆತಾಂ ಹಿ ಕವಿತಾ ಇಸ್ರೇಲಿ ಸಯ್ನಾಚ್ಯಾ ರೊಕೆಟ್ ಆನಿ ಬೊಂಬಾಂಕ್ ಬಲಿ ಜಾಲ್ಲ್ಯಾ ಬಾಪಾಯಾಂನಿ, ವಾಂಚೊನ್ ಉರ್ಲೆಲ್ಯಾ ತಾಂಚ್ಯಾ ಭುರ್ಗ್ಯಾಂಕ್ ಬರಯಿಲ್ಲಿ ಜಾವ್ನ್ ಪರಿವರ್ತಿತ್ ಜಾತಾ. ಎಕಾ ಕಾಣಿಯೆಗಾರಾಕ್ / ಕವಿಕ್ ಮಾರ್ಚೆಂ ಸುಲಭ್. ಜಿವೆಶಿಂ ಮಾರ್ಚೆಂ ಮಾತ್ ಬೊವ್‌ಶಾ ಕಶ್ಟ್ – ಮ್ಹಳ್ಳೆಂ ಹಿ ಕವಿತಾ ಸ್ಪಶ್ಟ್ ಸಾಂಗ್ತಾ.
■ ಎಚ್ಚೆಮ್
ಜರ್ ಹಾಂವ್ ಮೆಲೊಂ
ತರ್ ತುಂವೆ ಜಿಯೆಜೆ
ಮ್ಹಜಿ ಕಾಣಿ ಸಾಂಗುಂಕ್
ಮ್ಹಜ್ಯೊ ವಸ್ತು ವಿಕುಂಕ್
ಏಕ್ ಕುಡ್ಕೊ ವಸ್ತುರ್ ಮೊಲಾಕ್ ಘೆಂವ್ಕ್
ಆನಿ ಇಲ್ಲೆಂ ಸುತ್….
ಗಾಝಚ್ಯಾ ಖಂಯ್ಚ್ಯಾಯ್ ಏಕಾ ಮುಲ್ಯಾರ್
ಸರ್ಗಾಕುಶಿಂ ಪಳೇತ್,
ನಪಂಯ್ಚ್ ಜಾವ್ನ್ ಜಳ್ಚ್ಯಾ ಉಜ್ಯಾಂತ್
ಕೊಣಾಯ್ಕಿ, ಆಪ್ಣಾಕ್ ಯ್ ಆನಿ ಆಪ್ಲ್ಯಾ ಕುಡಿಕ್ ಸಯ್ತ್
ಆದೇವ್ಸ್ ಮ್ಹಣ್ಣಾಸ್ತಾಂ
ಸಾಂಡುನ್ ಗೆಲ್ಲ್ಯಾ
ಬಾಪಾಯ್ಕ್ ರಾಕ್ಚ್ಯಾ
ನೆಂಟ್ಯಾ ಭುರ್ಗ್ಯಾಚ್ಯಾ
ದೊಳ್ಯಾಂಕ್ ಪಡೊಂ
ಲಾಂಬ್ ಶಿಮ್ಟೆಚೊ ಏಕ್ ಧವೊಚ್ ಸೊಂರ್ಗೊ…
ಮ್ಹಜೊ ಸೊಂರ್ಗೊ,
ತುಂವೆ ಕೆಲ್ಲೊ ಮ್ಹಜೊ ಸೊಂರ್ಗೊ
ಉಬ್ತಾಂ ವಯ್ರ್ ಮಳ್ಬಾರ್
ಎಕಾ ಖಿಣಾಕ್ ತರೀ ಚಿಂತು ತೊ
ಆಂಜ್ ಏಕ್ ಆಯ್ಲಾ
ವಾಂಟುಂಕ್ ಮೋಗ್
ಜರ್ ಹಾಂವ್ ಮೆಲೊಂ
ತರ್ ಭರ್ವಸೊ ಫುಲೊಂ
ಏಕ್ ಕಾಣಿ ಮೆಳುಂ…
■ ಹಿಬ್ರು ಮುಳ್ : ಡೊ. ರಿಫಾತ್ ಅಲಾರೀರ್
■ ಕೊಂಕ್ಣೆಕ್ : ಕಿಶೂ, ಬಾರ್ಕುರ್
Have any thoughts?
Share your reaction or leave a quick response — we’d love to hear what you think!
-
0
-
0
-
0
-
0
-
0
-
0
4 comments
Heart wrenching poem Sir. Thanks for translating and sharing with us.
How cruel can Israel be… Killing innocent people is Cowardness.
Assassinating a poet ? Worst than Hitler’s genocide.
Heart touching. Well translated Kishoo. Thank you.
Excellent
Kisoo bab… Story aani kavita read karon disturbe jaalo…
Aamka aamche kasht vhod distat, pun sonsarat jalyo gajali aikalyar aamche kasht kayench naant..
Kishoo bab thanks tumka aani tumchya chintnank….
Ek bore articl dilya kittall k hi dhanywad
…Harry fernandes Barkur..