ದಿ. ಬಸ್ತಿ ವಾಮನ ಶೆಣೈ ಹಾಂಗೆಲೆ ದುಸರೆ ವರಸಾಚೆ ಪುಣ್ಯತಿಥಿಚೆ ಅಂಗ ಜಾವನು ವಿಶ್ವ ಕೊಂಕಣಿ ಕೇಂದ್ರಾಂತ ಅಂಕುಶ ನಾಯಕ್ ಹಾನ್ನಿ ಸಿತಾರ್ ಆನಿ ಬಾಲಚಂದ್ರ ಪ್ರಭು ಹಾಂಗೆಲೆ ಗಾಯನ ಮುಖೇನ ಶ್ರದ್ಧಾಂಜಲಿ ಅರ್ಪಣ ಕೆಲೆಂ. ರಾಜೇಶ್ ಭಾಗವತ ಹಾನಿ ತಬಲಾ, ಶ್ರೀದತ್ತ ಪ್ರಭು ಹಾನಿ ಫಕವಾಜ, ಪ್ರಸಾದ್ ಕಾಮತ್ ಹಾನಿ ಹಾರ್ಮೋನಿಯಮಂತು ಸಹಕಾರ ದಿಲೆಂ.
ಹೇಚ ಸಂದರ್ಭಾರ ದಿ. ಬಸ್ತಿ ವಾಮನ ಶೆಣೈ ಹಾಂಗೆಲೆ ಪುತ್ಥಳಿಕ ಮಾಲಾರ್ಪಣ, ಪುಷ್ಪ ನಮನಾ ನಂತರ ಶ್ರದ್ಧಾಂಜಲೀಚೆ ಉತ್ರಾಂತ ವಿಶ್ವಕೊಂಕಣಿ ಕೇಂದ್ರಚೆ ಅಧ್ಯಕ್ಷ ನಂದಗೋಪಾಲ ಶೆಣೈ ಹಾನಿ ಕೊಂಕಣಿ ಅಭಿವೃದ್ಧಿಕ ಬಸ್ತಿ ವಾಮನ್ ಮಮ್ಮಾಲೆ ಮಹಾನ್ ದೇಣೆ ಸ್ಮರಣ ಕೆಲೆಂ.
ವ್ಹೊಡಲೆ ಚಿಂತಕ ಪ್ರಭಾಕರ ಜೋಶಿ, ಡಾ ಕಸ್ತೂರಿ ಮೋಹನ್ ಪೈ ಬಂಟವಾಳ ನಾರಾಯಣ ಕಾಮತ್, ಎಡ್ವರ್ಡ್ ಸಿಕ್ವೆರಾ, ಗೀತಾ ಸಿ ಕಿಣಿ, ಜ್ಯುಲಿಯೆಟ್ ಮೊರಾಸ್, ಹಾನಿ ಬಸ್ತಿ ವಾಮನ್ ಮಾಮ್ಮಾಲೆ ವಿಶಿಷ್ಟ ವ್ಯಕ್ತಿಮತ, ಮುಖೆಲಪಣ ಸಾಮರ್ಥ್ಯ ಹೆಂ ಪೂರಾಯ ಅಟವಣ ಕರನು ನಮನ ಅರ್ಪಣ ಕೆಲೆಂ.
ವಿ. ಕೊ ಕೇಂದ್ರ ಕಾರ್ಯದರ್ಶಿ ಸಿಎ ಗಿರಿಧರ ಕಾಮತ್, ಖಜಾಂಚಿ ಬಿ ಆರ್ ಭಟ್, ಟೃಷ್ಟಿ ವಿಲಿಯಂ ಡಿ ಸೋಜ, ರಮೇಶ ನಾಯಕ್ ಆನಿ ವಾಲ್ಟರ್ ಡಿಸೋಜಾ, ಪಯನ್ನೂರ ರಮೇಶ್ ಪೈ ಆನಿ ಸಂಶೋಧನಾ ನಿರ್ದೇಶಕ ಡಾ ಬಿ ದೇವದಾಸ ಪೈ ಆನಿ ಮಸ್ತ ಇತಲೆ ಬಸ್ತಿ ವಾಮನ ಶೆಣೈಲೆ ಅಭಿಮಾನಿ ಲೋಕ ಉಪಸ್ಥಿತ ಆಶಿಲಿಂಚಿ.
ವಿ.ಕೊ.ಕೇ ಟ್ರಸ್ಟಿ ಶಕುಂತಲಾ ಆರ್ ಕಿಣಿ ಆನಿ ಸುಚಿತ್ರಾ ಎಸ್ ಶೆಣೈ ಹಾನಿ ಕಾರ್ಯಕ್ರಮ ಸಂಯೋಜನ ಕೆಲ್ಲೆಂ. ಡಾ ವೈಷ್ಣವಿ ಕಿಣಿನ ಬಸ್ತಿ ವಾಮನ ಶೆಣೈ ಅಭಿಮಾನ ಗೀತ ಗಾಯಲೆಂ.
Have any thoughts?
Share your reaction or leave a quick response — we’d love to hear what you think!
-
0
-
0
-
0
-
0
-
0
