ಕ್ರಿಸ್ಬೆನ್ ಮ್ಯೂಜಿಕ್ ಹ್ಯಾಚ್ ಫೆಬ್ರವರಿ ಮಹಿನ್ಯಾಂತ್ ಹೆಂ ಚೆಡುಂ ಕೋಣ್ ದೆವಾ ಆನಿ ಮನ್ಶ್ಯಾ ಕಾಳ್ಜಾ ಗುಂಡಾಯೆಂತ್ ದೋನ್ ವಿಬಿನ್ನ್ ಮ್ಯೂಜಿಕ್ ವೀಡಿಯೊ ಆಪ್ಲ್ಯಾ ಯೂಟ್ಯೂಬ್ ಜಾಳಿಜಾಗ್ಯಾರ್ ಲೊಕಾರ್ಪಣ್ ಕರ್ಚ್ಯಾರ್ ಆಸಾ.
ಪಯ್ಲೊ ವೀಡಿಯೊ ‘ಹೆಂ ಚೆಡುಂ ಕೋಣ್ ದೆವಾ’ ಏಕ್ ಟಪೋರಿ ಪದ್ ಜಾವ್ನಾಸೊನ್, ಕ್ರಿಸ್ಟೊಫರ್ ರೋಶನ್ ಲೋಬೊ- ಕುಲ್ಶೆಕರ್/ಬಾಹ್ರೆಯ್ನ್ ಹಾಣೆಂ ಲಿಕ್ಲಾಂ. ಕೊಂಕ್ಣೆಂತ್ಲೊ ರೊಕ್ ಸ್ಟಾರ್ ಮೆಲ್ವಿನ್ ಆಂಟನಿ ಡಿಸೋಜಾನ್ ಹೆಂ ಉಡ್ತೆಂ ಪದ್ ಗಾಯ್ಲಾಂ. ರೋಶನ್ ಡಿಸೋಜಾ ಆಂಜೆಲೋರಾನ್ (ಆರ್ ಡಿ ಸ್ಟುಡಿಯೊ ಕಾವೂರ್) ಸಂಗೀತ್ ಸಜಯ್ಲಾಂ ಆನಿ ಕ್ರಿಸ್ಟೊಫರ್ ರೋಶನ್ ಲೋಬೊ-ಸಾಂಗಾತಾ ಮೆಳೊನ್ ತಾಳೊ ಬಸಯ್ಲಾ. ಒರ್ಫಿಯಸ್ ಸ್ಟುಡಿಯೊ ಡಿಜಾಯ್ನ್ಸ್ ಯೆರ್ನಾಕುಲಂಚ್ಯಾ ನಿತಿನ್ ಕುಟ್ಟುಂಗಲಾನ್ ಹ್ಯಾ ಆಡಿಯೊಚೆಂ ಮಿಕ್ಸಿಂಗ್ ಆನಿ ಮಾಸ್ಟರಿಂಗ್ ಕರುನ್ ಆಡಿಯೋಚಿ ಗ್ರೇಸ್ತ್ ಕಾಯ್ ವಾಡಯ್ಲ್ಯಾ. ವೀಡಿಯೋಚಿ ಜವಾಬ್ದಾರಿ ತರ್ನ್ಯಾ ರೆಡ್ ಚೇರ್ ಪ್ರೊಡಕ್ಶನಾನ್ ಘೆತ್ಲ್ಯಾ. ವೀಡಿಯೊಂತ್ ಯತಿಕ್ ರಾಜ್ ಆನಿ ಅಂಕಿತ ಆಚಾರ್ಯಾ ಹಾಣಿಂ ಪ್ರಧಾನ್ ನಟನ್ ಕೆಲಾಂ. ನಾಚ್ಪಾಂತ್ ನಾಚ್ ಸೊಭಾಣ್ ಪಂಗ್ಡಾನ್ ಸಾಂಗಾತ್ ದಿಲಾ. ಸುಮಿತ್ ಸಾಲಿಯಾನ್ ವೀಡಿಯೋಚೆಂ ದಿಗ್ದರ್ಶನ್ ಕೆಲಾಂ. ರಾಹುಲ್ ಪಿಂಟೊನ್ ಸಿನೆಮಾಟೊಗ್ರಾಫಿ ಆನಿ ಕೊರಿಯೊಗ್ರಾಫಿ ಕೆಲ್ಯಾ. ಆರ್ವಿನ್ ಲೋಬೊನ್ ಎಡಿಟಿಂಗ್ ಆನಿ ಪ್ರಜ್ವಲ್ ಸುವರ್ಣಾನ್ ಕಲರ್ ಗ್ರೇಡಿಂಗ್ ಆನಿ ವೀ ಎಫ಼್ ಎಕ್ಸ್ ಕರುನ್ ವೀಡಿಯೊ ಚಡಿತ್ ಸೊಭಿತ್ ಕೆಲಾ. ಆಪ್ಲ್ಯಾ ವೆಲೆಂಟಾಯ್ನಾಚ್ಯೆ ಸೊಧ್ನೆರ್ ಆಸ್ಚ್ಯಾ ತರ್ನ್ಯಾ ಜೊಡ್ಯಾಂಕ್ ಹೊ ವಿಡಿಯೊ ಜೊಕ್ತೊ ಮ್ಹಣ್ ಕ್ರಿಸ್ಬೆನ್ ಮ್ಯೂಜಿಕ್ ಹಾಣಿ ಅಭಿಪ್ರಾಯ್ ವೆಕ್ತ್ ಕೆಲ್ಯಾ.
‘ಮನ್ಶ್ಯಾ ಕಾಳ್ಜಾ ಗುಂಡಾಯೆಂತ್’ ಭಕ್ತಿಕ್ ಗೀತ್ ಡೆರೆಲ್ ಕಾಪುಚಿನ್ ಹಾಂಚ್ಯಾ ನಿರ್ಮಳ್ ಆನಿ ಆಶಾವಾದಿ ಚಿಂತ್ನಾಂಚ್ಯಾ ಲಿಕ್ಣೆ ಥಾವ್ನ್ ವ್ಹಾಳ್ಳಾಂ ಆಶೋಣ್ ಹ್ಯಾ ಗಿತಾಕ್ ಕ್ರಿಸ್ಟೊಫರ್ ರೋಶನ್ ಲೋಬೊನ್ಭಾರತೀಯ್ ಶಯ್ಲೆಚೊ ತಾಳೊ ಬಸಯ್ಲಾ. ರೋಶನ್ ಡಿಸೋಜಾ ಆಂಜೆಲೋರಾನ್ ಗೀತ್ ಸಜಯ್ಲಾಂ ಆನಿ ಬಾಹ್ರೆಯ್ನ್ ಚ್ಯಾ ಅನುಗ್ರಹ ಡಿಸೋಜಾ ಆನಿ ಶಾರ್ಲಿನ್ ಅಂದ್ರಾದೆ ಹಾಣಿಂ ಹೆಂ ಗೀತ್ ಗಾಯ್ಲಾಂ. ಪ್ರೋಪಿಕ್ಸ್ ಸ್ಟುಡಿಯೊಚ್ಯಾ ಐವನ್ ಪಿರೇರಾನ್ ವೀಡಿಯೋಚಿ ಜವಾಬ್ದಾರಿ ಘೆತ್ಲ್ಯಾ ಆನಿ ಹಾಂತುಂ ಮಂಗ್ಳುರ್ಚ್ಯಾ ಥೊಡ್ಯಾ ಸಂಸ್ತ್ಯಾಂಚಿ ನಿಸ್ವಾರ್ಥಿ ಸೆವಾ ಪಿಂತ್ರಾಯ್ಲ್ಯಾ. ಕರೆಜ್ಮಾಚ್ಯಾ ಕಾಳಾಕ್ ಹೆಂ ಗೀತ್ ಜೊಕ್ತೆಂ ಆಸುನ್, ಹ್ಯಾ ಗಿತಾಂತ್ ಮನ್ಶಾಪಣಾಚಿಂ ಭೊಗ್ಣಾಂ ಉಮಾಳೊನ್ ಯೆಂವ್ಚಿಂ ದಿಸ್ತಾತ್ ಮ್ಹಣ್ ಕ್ರಿಸ್ಬೆನ್ ಮ್ಯೂಜಿಕ್ ಹಾಣಿ ಅಭಿಪ್ರಾಯ್ ವೆಕ್ತ್ ಕೆಲ್ಯಾ.
2020 ವರ್ಸಾಚ್ಯಾ ಮೇ, ಮಹಿನ್ಯಾಂತ್ ಸ್ಥಾಪಿತ್ ಜಾಲ್ಲ್ಯಾ ಕ್ರಿಸ್ಬೆನ್ ಮ್ಯೂಜಿಕಾನ್ ನಮುನ್ಯಾವಾರ್,ಕೊಂಕ್ಣಿ ಮ್ಯೂಜಿಕ್ ವೀಡಿಯೊ ಮೊಕ್ಳಿಕ್ ಕೆಲ್ಯಾತ್. ಆಯ್ಚ್ಯಾ ಹ್ಯಾ ತಾಂತ್ರಿಕ್ ಕಾಳಾರ್ ಕೊಂಕ್ಣಿ ಪದಾಂ ಲೊಕಾ ಮೆರೆರ್ ಪಾವಂವ್ಕ್ ವಿವಿಧ್ ಪಂಥಾಹ್ವಾನಾಂ ಆಸ್ತಾನಾ, ಕ್ರಿಸ್ಬೆನ್ ಮ್ಯೂಜಿಕಾನ್ ಆಪ್ಲ್ಯಾ ಯೂಟ್ಯೂಬ್ ಚಾನೆಲಾ ಮುಕಾಂತ್ರ್ ವಿವಿಧ್ ವಿಷಯಾಂಚೆರ್ ಮ್ಯೂಜಿಕ್ ವೀಡಿಯೊ ರಚುನ್ ಕೊಂಕ್ಣಿ ಸಂಗೀತ್, ಜಿವಾಳ್ ದವರುಂಕ್ ಹರ್ ಪ್ರಯತನ್ ಕೆಲಾಂ.
ಲೊಕ್ಡಾವ್ನ್ ಮೋಗ್- ಲೊಕ್-ಡಾವ್ನಾಕ್ ಲಾಗುನ್ ವೆಗ್ಳಾಚಾರಾಚಿಂ ಭೊಗ್ಣಾಂ ಆಟಾಪ್ಚೆಂ ಮೋಗ್ ಕರ್ಣಾರಾಂಚೆಂ ಪದ್, ಯೋ ಮೊಗಾ- ಗೊಂಯ್ಚ್ಯಾ, ನಾಮ್ಣೆಚ್ಯಾ ಸೋನಿಯಾ ಶಿರ್ಸಾತಾಚ್ಯಾ ಗಣ್ಘಣಿತ್ ತಾಳ್ಯಾ ಥಾವ್ನ್ ಗಾಯ್ಲೊಲೆಂ ಮೊಗಾ ಪದ್, ಪಯ್ಲೊ ಕುಮ್ಗಾರ್- ಪಯ್ಲ್ಯಾ ಕುಮ್ಗಾರಾ ವೆಳಾರ್ ಗಾಂವ್ಚೆಂ ಗೀತ್, ಓ ಸಾಂಟಾ ಕಮ್- ಪೆಂಡಮಿಕಾ ವೆಳಾಚ್ಯಾ ಅಸಾಂಪ್ರದಾಯಿಕ್ ಕ್ರಿಸ್ಮಸ್ ಆಚಾರಾಣಾಚ್ಯಾ ಕಾಳಾರ್ ಉದೆಲ್ಲೆಂ ಇಂಗ್ಲಿಶ್ ಭಾಶೆಚೆಂ ಕ್ರಿಸ್ಮಸ್ ಪದ್, ಯೇ ನಾರಿ- ನಿಹಾಲ್ ತಾವ್ರೊಚ್ಯಾ ಗ್ರೇಸ್ತ್ ತಾಳ್ಯಾ ಥಾವ್ನ್ ಮೊಗಾ ಪದ್, ಶೀತಳ್ ವಾರ‍್ಯಾ – ಪ್ರಕೃತಿಚೆಂ ವರ್ಣನ್ ಗಾವುನ್ ಉದೆಲ್ಲೆಂ ಉಂಚ್ಲ್ಯಾ ಉತ್ರಾಂಚೆಂ ಪದ್, ಬಿರ್ಬಿರೊ ಪಾವ್ಸ್- ನಾಚ್ಪಾಕ್, ಉಡ್ತೆಂ ಮೊಗಾ ಪದ್, ಮಾಯ್ಚೊ ಪಾಲಂವ್- ಆವಯ್ಪಣಾಕ್ ವರ್ಣುನ್ ಗಾಯ್ಲೆಲೆಂ ಸಿಂತಿಮೆಂತಾಳ್ ಪದ್ ಆನಿ ಪನ್ನಾಸಾವ್ಯಾ ಪಾಂವ್ಡ್ಯಾರ್- ಪನ್ನಾಸಾವ್ಯಾ ಜಲ್ಮಾ ದಿಸಾಕ್ ಘಡ್ಲೆಲೆಂ ಪದ್ – ಎದೊಳ್ ಕ್ರಿಸ್ಬೆನ್ ಮ್ಯೂಜಿಕಾಚೆ ಎದೊಳ್ ಮೊಕ್ಳಿಕ್ ಜಾಲ್ಲೆ ವೀಡಿಯೊ. ಮಿನತೆನ್ ತಯಾರ್ ಕೆಲ್ಲೆ ವೀಡಿಯೊ ಚಡ್ ಆನಿಂ ಚಡ್ ಕೊಂಕ್ಣಿ ಲೋಕಾಕ್ ಪಾವಾಜಾಯ್ ಮ್ಹಳ್ಳಿ ಕ್ರಿಸ್ಬೆನಾಚಿ ಆಶಾ.
ಸಬ್ಸ್ಕ್ರಾಯ್ಬ್ ಕರುಂಕ್ ಗಾಂಚ್ : https://www.youtube.com/channel/UCzaX6JQnpN1Z6ywHfUawVgw
