“ಸಿ.ಎ. ಇಂಟರ್ ಪರೀಕ್ಷೆಕ ತಯಾರ ಕರಚೆ ವೀಸ ದಿವಸಾಚೆ ಏಕ ವ್ಯವಸ್ಥಿತ ಸನಿವಾಸ ತರಬೇತಿ ಶಿಬಿರ ಸಮಾರೋಪ ಸುವಾಳೊ ವಿಶ್ವ ಕೊಂಕಣಿ ಕೇಂದ್ರ ಹಾಂಗಾ ಆರತಾಂ ಚಲ್ಲೆಂ. ಯುವಾಂಕ ಆತ್ಮವಿಶ್ವಾಸ ವಾಡೊವಚೆ ಆನಿ ಸರ್ವ ಆಸಕ್ತಾಂಕ ಮುಕ್ತ ಆಸಚೆ ವಿಶಿಷ್ಟ ರೀತೀಚೆ ತರಬೇತಿ ವಿಶ್ವ ಕೊಂಕಣಿ ಕೇಂದ್ರಾಚೆ ಸಿ.ಎ. ಪವರ್ 25 ತರಬೇತಿ. ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನಿ ಮುಖೇಲ ಸೊಯ್ರೆಂಕ ಸ್ವಾಗತ ಕರನ, ವಿದ್ಯಾರ್ಥಿಂಕ ತಾಂಗೆಲೆ ನಿರಂತರ ಛಲ ಸಾಧನಾ, ಧೃಢ ನಿರ್ಧಾರ, ಆತ್ಮವಿಶ್ವಾಶಾನ ತಾಂಗೆಲೆ ಲಕ್ಷ್ಯಾ ಕಡೇನ ಪಾವಚಾಕ ಫಾವ ಜಾತಾ. ಅಶೆಂ ಶಿಬಿರಾರ್ಥಿಂಕ ಸಲ್ಲಾ ದಿಲೆಂ.
ಮುಖೇಲ ಸೊಯ್ರೆ ಜಾವನ ಕೆನರಾ ಛೇಂಬರ ಆಫ್ ಕಾಮರ್ಸ ಇಂಡಸ್ಟ್ರಿ ಅಧ್ಯಕ್ಷ ಸಿ.ಎ. ಅನಂತೇಶ್ ವಿ. ಪ್ರಭು ಹಾನಿ ಇತಲೆಂ ಬರೆಂ ಮಾರ್ಗದರ್ಶನ ದಿವಚೆ ಆನಿ ಸಾಧನ ಕರನು ದಾಕೊವಚಾಕ ಉಪಯುಕ್ತ ಜಾಲೆಲೆ ಕಾರ್ಯಕ್ರಮ ಮಾಂಡುನ ಹಾಳೆಲೆ ವಿಶ್ವ ಕೊಂಕಣಿ ಕೇಂದ್ರಾಕ ತಾರೀಫ್ ಕೆಲೆಂ. ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯೂಶನ್ ಸ್ಥಾಪಕ ಸಿಎ ಗೋಪಾಲ ಕೃಷ್ಣ ಭಟ್ ಹಾನಿ ಸಿ.ಎ. ಪರೀಕ್ಷೆ ಬೊರೊವಚೆ ಪರೀಕ್ಷಾರ್ಥಿಂಕ ಅಗತ್ಯ ಜಾವನು ಜಾವಕಾ ಜಾಲೆಲೆ ಮೌಲ್ಯ ಬದ್ದಲ ಉಪಯುಕ್ತ ಸಲ್ಲಾ ದಿವನು ಶುಭ ಸಾಂಗಲೆಂ. ಉಪನ್ಯಾಸಕ ಸಿ.ಎ. ರಾಚೇಂದ್ರ ಮುಂಬಯಿ ವೇದಿರಿ ಉಪಸ್ಥಿತ ಆಶಿಲಿಂಚಿ. ಉಡುಪಿ ತ್ರಿಶಾ ಕ್ಲಾಸಸ್ ಅಕಾಡೆಮಿಕ್ ಮ್ಯಾನೇಜರ್ ಗೌರಿ ಕಾಮತ್ ಹಾನಿ ವಿದ್ಯಾರ್ಥಿಂಕ ಮುಖಾರ ಅಣಕ ಪರೀಕ್ಷೆಕ ಹಾಜಾರ ಜಾವಚೆ ಗರಜ ಸಮಜಾಯಲೆಂ.
ಹೆಂ ಸಂದರ್ಭಾರ ಅದಲೆ ವರಸ ಸಿ.ಎ. ಪವರ್ 25 ಇಂಟರ್ ಪರೀಕ್ಷೆಂತ ಉತ್ತೀರ್ಣ ಜಾಲೆಲೆ ವಿದ್ಯಾರ್ಥಿಂಕ ಸನ್ಮಾನ ಕೆಲೆಂ. ತಾನಿ ತಾಂಗೆಲೆ ಖೂಶೆಲ್ಲ್ಯೊ ಅನುಭವ ವಾಂಟುನ ಘೆತಲೆಂ.
ವಿದ್ಯಾರ್ಥಿ ದೀಪ್ನಾ ಜೆ, ವೈಷ್ಣವಿ ನ ಪ್ರಾರ್ಥನ ಕೆಲೆಂ. ಇ ಜೆ ಸೃಜನಾ ನ ಅತಿಥಿಂಕ ವೇದಿರಿ ಸ್ವಾಗತ ಕೆಲೆಂ. ವಿಜೇತ್ ಸಿಕ್ವೇರಾ ನ ಕಾರ್ಯಕ್ರಮ ನಿರ್ವಹಣ ಕೆಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಮುಖೇಲ ಅಧಿಕಾರಿ ಡಾ. ಬಿ. ದೇವದಾಸ್ ಪೈ ನ ಉಪಕಾರ ಆಟೊವಣಿ ಉತ್ರಾಂ ಸಾಂಗಲೆಂ.
