ʻʻಆಮಿ ಶೀದಾ ಸಾಂಗುಂಕ್ ಜಾಯ್ನಾತ್‌ಲ್ಲೆಂ ಸಾಹಿತ್ಯದ್ವಾರಿಂ ಸಾಂಗೊನ್‌ ಆಮ್ಚೆಂಚ್‌ ಪ್ರತಿಭಟನ್ ಕರ್ಯೆತ್‌ʼʼ ಅಶೆಂ ಮ್ಹಣಾಲೊ ನಾಮ್ಣೆಚೊ ಮಟ್ವ್ಯೊ ಕಾಣ್ಯೆಂಗಾರ್‌ ಮೆಲ್ವಿನ್ ಪಿಂಟೊ ನೀರುಡೆ.
ತೊ ಸಪ್ತೆಂಬರ್‌ 7 ವೆರ್‌ ಸಾಂ ಲುವಿಸ್ ಕೊಲೆಜ್‌ ಕೊಂಕಣಿ ಸಂಸ್ಥ್ಯಾಚ್ಯಾ ʻಬೊಲ್ಕಾಂವ್ʼ ಮ್ಹಯ್ನ್ಯಾಳ್ಯಾ ಬಸ್ಕೆಚ್ಯಾ ಪಯ್ಲ್ಯಾ ಬಸ್ಕೆರ್‌ಥಾವ್ನ್‌ ʻಮಟ್ವ್ಯೊ ಕಾಣಿಯೊ ಆನಿ ಹಾಂವ್‌ʼ ಮ್ಹಳ್ಳ್ಯಾ ವಿಶಯಾಚೆರ್‌ ಉಲಯ್ತಾಲೊ.
ʻಆರುಂಧತಿ ರೋಯ್‌ ಹಿಚಿ ದುಸ್ರಿ ಕಾದಂಬರಿ The ministry of utmost happniess ಹಾಂತುಂ ತಿ ಗೋಧ್ರಾ ವಿಶಿಂ ಉಲಯ್ತಾ, ಪ್ರಸ್ತುತ್ ರಾಜಕೀಯ್ ಪರಿಗತೆ ವಿಶಿಂ ಉಲಯ್ತಾ, ಕಾಶ್ಮೀರಾ ವಿಶಿಂ ಉಲಯ್ತಾ… ಪುಣ್ ಹೆಂ ಸರ್ವ್ ಸಾಹಿತ್ಯಾಚ್ಯಾ ವರ್ತುಲಾಂತ್ ಯೆತಾ. ಚಾಫ್ರಾ ನ್ ಹೆಂ ಪ್ರೇತನ್ ತಾಚ್ಯಾ ನಾಟಕಾಂನಿ, ಕವಿತೆಂನಿ, ಬರ್ಪೂರ್ ಕೆಲಾಂ. ದಲಿತ್ ಸಾಹಿತ್ಯಾಂತ್ಯಿ ಆಮಿ ಹೆಂ ಪಳೆತಾಂವ್, ಬ್ಲ್ಯಾಕ್ ಲಿಟರೇಚರಾಂತೀ ಆಮಿ ಹೆಂ ಪಳೆತಾಂವ್. ಆಯ್ಚ್ಯಾ ಸಂದರ್ಭಾರ್ ಸಾಹಿತ್ಯ್ ಬೋವ್ ಗರ್ಜೆಚೆಂ ಮ್ಹಣ್ ಮ್ಹಾಕಾ ಭಗ್ತಾ. ಕಿತ್ಯಾಕ್ ಆಜ್ ವ್ಯಕ್ತಿ ಚಡ್ ಆನಿ ಚಡ್ ಸಂಕೀರ್ಣ್ ಜಾಲ್ಯಾತ್ ದೆಕುನ್ ವ್ಯಕ್ತಿ ಸ್ಪೂರ್ತಿ ಜಾಂವ್ಚೆಂ ಉಣೆಂ ಜಾವ್ನ್‌ಂಚ್ ಯೆತಾ. ತ್ಯಾ ಸ್ಥಿತೆಂತ್ ಬಹುಶಾ ಸಾಹಿತ್ಯಾಕ್ ತಿ ಜವಾಬ್ದಾರಿ ಚಡ್ ಆಸಾ. ಕಿತೆಂ ಆಮಿ ಶೀದಾ ಸಾಂಗುಂಕ್ ಅಸಾದ್ಯ್ ಗೀ, ತೆಂ ಆಮಿ ಸಾಹಿತ್ಯಾ ದ್ವಾರಿಂ ‘ಇನ್‍ಡೈರೆಕ್ಟ್’ ಜಾವ್ನ್ ಸಾಂಗ್ಯೆತ್ ಕೊಣ್ಣಾ…ʼ ಅಶೆಂ ಮ್ಹಣಾಲೊ.
ತೊ ಆಪ್ಲ್ಯೊ ಮಟ್ವ್ಯೊ ಕಾಣಿಯೊ ತೀನ್‌ ಕಾಲೆತಿಚ್ಯೊ ಜಾವ್ನಾಸೊನ್‌ ಪಯ್ಲೆಂ ಆಪ್ಣಾಚೊ ಸ್ವಅನ್ಭೋಗ್‌ಚ್‌ ಕಾಣ್ಯೊ ಜಾಲ್ಯಾತ್ ತರ್, ದುಸ್ರೆಂ ಹೆರಾಂಚ್ಯಾ ಜಿಣ್ಯೆಂತ್‌ ಆಪ್ಣೆಂ ಪಳೆಲ್ಲೆಂ ಆನಿ ತಿಸ್ರೆಂ ಆಪ್ಣೆಂ ಆಪ್ಲ್ಯಾಚ್ ಭೆಸಾಕ್ ವಿಮರ್ಶಾತ್ಮಕ್ ರಿತಿಂ ಪಳೆವ್ನ್ ಲಿಕ್‍ಲ್ಲ್ಯೊ ಕಾಣಿಯೊ- ಮ್ಹಣ್ ವಾಂಟೆ ಕರ್ನ್‌ ಲಗ್ಬಗ್ 40 ಮಿನುಟಾಂ ಆಪ್ಲ್ಯಾ ಸಾಹಿತ್ಯಾವಿಶಿಂ ಉಲಯ್ಲೊ. ತ್ಯಾ ಉಪ್ರಾಂತ್ ಲಗ್ಬಗ್ 40 ಮಿನುಟಾಂ ಸಂವಾದ್ ಚಲ್ಲೊ. ಸುಮಾರ್‌ 35 ಸಾಹಿತಿಂನಿ ಹಾಂತುಂ ವಾಂಟೊ ಘೆತ್ಲೊ.
ಕಾರ್ಯಾಚ್ಯಾ ಸುರ್ವೆರ್‌ ಸಾಂ ಲುವಿಸ್ ಪರಿಗಣಿತ್ ವಿಶ್ವ್‌ವಿದ್ಯಾಲಯಾಚೊ ವೈಸ್‌ ಚಾನ್ಸಲರ್‌ ದೊ. ಫಾ. ಪ್ರವೀಣ್‌ ಮಾರ್ಟಿಸ್‌ ಹಾಂಣಿ ಆಬೊಲ್ಯಾಚ್ಯಾ ಝಡಾ ಮುಳಾಕ್‌ ಉದಾಕ್‌ ವೊತ್ಚೆ ಮಾರಿಫಾತ್‌ ʻಬೊಲ್ಕಾಂವ್ʼ ಮ್ಹಯ್ನ್ಯಾಳ್ಯಾ ಬಸ್ಕೆಚೆಂ ಉಗ್ತಾವಣ್‌ ಕೆಲೆಂ. ಹ್ಯಾ ವೆಳಾರ್‌ ಕೊಂಕಣಿ ಸಂಸ್ಥ್ಯಾಚೊ ನಿರ್ದೇಶಕ್‌ ದೊ. ಫಾ. ಮೆಲ್ವಿನ್ ಪಿಂಟೊ, ಸಾಂ ಲುವಿಸ್ ಕೊಲೆಜ್‌ ಪರಿಗಣಿತ್ ವಿಶ್ವವಿದ್ಯಾಲಯಾಚೊ ಕುಲ್‌ಸಚಿವ್ ದೊ. ಆಲ್ವಿನ್‌ ಡೆʼಸಾ, ʻಬೊಲ್ಕಾಂವ್ʼ ಬಸ್ಕೆಚೊ ಸಂಚಾಲಕ್‌, ಕಿಟಾಳ್‌ ಜಾಳಿಜಾಗ್ಯಾಚೊ ಸಂಪಾದಕ್‌ ಎಚ್. ಎಮ್. ಪೆರ್ನಾಲ್‌ ಆನಿ ಸಾಂ ಲುವಿಸ್ ಪರಿಗಣಿತ್ ವಿಶ್ವ್‌ವಿದ್ಯಾಲಯ್‌ ಕೊಂಕಣಿ ಸಂಸ್ಥ್ಯಾಚೊ ಕಾರ್ಯೆಂ ಸಂಯೋಜಕ್‌ ಜೋಕಿಮ್‌ ಪಿಂಟೊ ವೆದಿರ್‌ ಆಸ್‌ಲ್ಲೆ.
ʻಬೊಲ್ಕಾಂವ್ʼ ಉಗ್ತಾವಣ್‌ ಕರ್ನ್‌ ಆಪ್ಲೊ ಸಂದೇಶ್‌ ದಿಲ್ಲ್ಯಾ ದೊ. ಫಾ. ಪ್ರವೀಣ್‌ ಮಾರ್ಟಿಸ್‌ ಹಾಂಣಿ ʻ144 ವರ್ಸಾಂ ಆದಿಂ ಸಾಂ ಲುವಿಸ್ ಕೊಲೆಜಿಚ್ಯಾ ಸುರ್ವಾತೆಥಾವ್ನ್‌ ಕೊಂಕಣಿ ಭಾಶೆಕ್‌ ಆನಿ ಭಾಶೆಚ್ಯಾ ವಿವಿಧ್ ಚಟುವಟಿಕೆಂಕ್ ಪ್ರೇರಣ್-ಪ್ರೋತ್ಸಾಹ್‌ ದಿಲ್ಲೆ ಜೆಜ್ವಿತ್‌ ಯಾಜಕ್‌ ಅಜೂನ್‌ ಕೊಂಕಣಿ ಭಾಶೆಕ್‌ ತ್ಯೆಚ್‌ ಮಾಪಾನ್‌ ಪ್ರೋತ್ಸಾಹ್‌ ದಿತೆ ಆಸಾತ್. ʻಬೊಲ್ಕಾಂವ್ʼ ಮ್ಹಯ್ನ್ಯಾಳ್ಯಾ ಬಸ್ಕೆ ಮಾರಿಫಾತ್‌ ಸಾಹಿತಿಂಕ್ ಆನಿ ತಾಂಚ್ಯಾ ಸಾಹಿತ್ಯಾಕ್ ಲಾಗ್ಶಿಲ್ಯಾನ್ ಒಳ್ಕೊಂಕ್‌, ಭೊಗುಂಕ್‌ ಏಕ್ ಆವ್ಕಾಸ್ ಮೆಳ್ತಾ. ಹಾಂಗಾಸರ್‌ ಚಲ್ಚೊ ಸಂವಾದ್ ಕೊಂಕಣಿ ಭಾಶೆಚ್ಯಾ ಉದರ್ಗತೆಕ್‌ ಪ್ರೇರಕ್‌ ಜಾಂವ್ದಿʼ ಮ್ಹಳೆಂ.
ಕಾರ್ಯಾಚ್ಯಾ ಸುರ್ವೆರ್‌ ʻಬೊಲ್ಕಾಂವ್ʼ ಮ್ಹಯ್ನ್ಯಾಳ್ಯಾ ಬಸ್ಕೆಚೊ ಸಂಚಾಲಕ್‌ ಎಚ್. ಎಮ್. ಪೆರ್ನಾಲಾನ್‌ ಕಾರ್ಯಾಚ್ಯಾ ಕಾರ್ಯ್‌ ವಿದಾನಾವಿಶಿಂ ಸವಿಸ್ತಾರ್‌ ಮಾಹೆತ್‌ ದಿಲಿ.
ದುಸ್ರಿ ʻಬೊಲ್ಕಾಂವ್ ಬಸ್ಕಾ ಅಕ್ತೋಬರಾಚೆ 12 ತಾರಿಕೆರ್‌ ಸಕಾಳಿಂ ಧಾ ವರಾರ್‌ ಚಲ್ತಲಿ. ಹ್ಯಾ ಕಾರ್ಯಾಂತ್‌ ಸಾಂ ಲುವಿಸ್ ಪರಿಗಣಿತ್ ವಿಶ್ವವಿದ್ಯಾಲಯಾಚೊ ಕುಲ್‌ಸಚಿವ್ ಸಾಹಿತ್ಯಾಚೊ ಮೆಸ್ತ್ರಿ ದೊ. ಆಲ್ವಿನ್‌ ಡೆʼಸಾ ‘ಸಾಹಿತ್ಯ್ ಆನಿ ವಿಮರ್ಸೊ’ ಹೆ ವಿಶಿಂ ಉಲಯ್ತಲೊ.
8 comments
Very nice initiative, hats off to the brilliant idea 👏👏👏
I personally feel it’s a great idea💡 and initiative/direction and something new for a new revolution and it is the need of the hour. Thanks for the organisers.
ಸಾಂ ಲುವಿಸ್ ಕೊಲೆಜಿಚ್ಲ್ಯಾ ಬೊಲ್ಕಾಂವಾಕ್ ರಿಗ್ತಾನಾಂಚ್ಚ್ ತಿ ಮಾಳಯ್, ತೊ ಉಗ್ತೊ ಜಾಗೊ ಪಳೆತಾನಾಂಚ್ಚ್ ಎಕಾ ಬರೈಣಾರಾಕ್ ಉತ್ತೇಜನ್ ದಿಂವ್ಚೊ ಜಾಗೊ ಮ್ಹಣ್ ಮಾಕಾ ಭೊಗ್ಲೆಂ. ಉಪ್ರಾಂತ್ ಮೆಲ್ವಿನ್ ಪಿಂಟೊ, ನೀರುಡೆನ್ ಆಪ್ಮಾಕ್ ಕಾಣಿಂ ಬರಂವ್ಕ್ ಕಶೆಂ ಉತ್ತೇಜನ್ … ಆನಿ ತಾಣೆಂ ಬರಯಿಲ್ಯೆಲ್ಕಾಯೈಾ ಕಾಣಿಂಯೆಚೆಂ ಥೊಡಿ ವೋಳ್ ಸಾಂಗುನ್ ತ್ಯಾವಿಶಿಂ ವಿವಿದ್ ಥರಾಂಚಿ ವಿವರ್ ದೀವ್ನ್ ಬೊಲ್ಕಾವಾಂಚೊ ಸುರ್ವಾತ್ ಉಂಚ್ಲ್ಯಾ ಮಟ್ಟಾಚೊ ಜಾಲೊ.
ಹಿ ಮಾಂಚಿ ಸಾಹಿತ್ಯಾ ವಿಶಿಂ ಅದ್ಯಯನ್ ಆನಿ ವಿಮರ್ಸೊ ಆಪ್ಣಾಂವ್ಕ್ ಖಂಡಿತ್ ಸಹಕಾರ್ ಜಾತೆಲಿ.
ಬೊಲ್ಕಾಂವ್ ನವ್ಯಾ ಆನಿ ಮಾಲ್ಘಡ್ಯಾ ಲೇಖಕಾಂಕ್ ಸಾಹಿತ್ಯಾವಿಶಿಂ ಗೂಂಡ್ ಚಿಂತಾಪ್ , ಉತ್ತ್ತೀಮ್ ಶೈಲಿ, ಸಾಹಿತ್ಯಾಚಿ ಚೌಕಟ್ಟ್, ಆರಂಭ್ ತಶೆಂ ಸಂಪವ್ಣೆವಿಶಿಂ ವಿವಿಧ್ ಲೇಖಕಾಂ ಥಾವ್ನ್ ವಿವಿಧ್ ಮಾಹತೆ ಲಾಭ್ತೆಲಿ. ಆನಿ ಹ್ಯಾವರ್ವಿಂ ಲೇಖಕಾಂಚಿ ಸಾಹಿತ್ಯ್ ಉಂಚ್ಲ್ಯಾ ಮಟ್ಟಾಕ್ ಪಾವೊಂಕ್ ಕಾರಾಣ್ ಜಾತೆಲಿ. ಆನಿ ಹೆಂ ಬೊಲ್ಕಾಂವ್ ಕೊಂಕ್ಣೆ ಕಲೆ ಆನಿ ಸಾಹಿತ್ಯಾಕ್ ಬೊವ್ ಗರ್ಜೆಚೆಂ ಜಾಂವ್ಕ್ ಪಾವ್ತೆಲೆಂ.
ಸಾಂ. ಲುವಿಸ್ ಕೊಂಕಣಿ ಸಂಸ್ಥ್ಯಾಕ್ ಆನಿ ಹಿ ಸುರ್ವಾತ್ ಕೆಲ್ಲ್ಯಾ ಕಿಟಾಳಾಚ್ಯಾ ಎಚ್ಚೆಮಾಕ್ ಅಭಿನಂದನ್.
ಸಭಾರ್ ದಿಸಾಂ ಉಪ್ರಾಂತ್ ಏಕ್ ಪ್ರಬುದ್ದ್ ಸಾಹಿತಿಕ್ ಕಾರ್ಯೆಂ ಆಯ್ಕೊಂಕ್ ಮೆಳ್ಳೆಂ. ಶಿಕ್ಲೆಲೆಂ ಲಿಸಾಂವ್ – ಏಕ್ ಬೊರೊ ಬೊರೊವ್ಪಿ ಬೊರೊ ವಾಚ್ಪಿ ಜಾಂವ್ಕ್ ಜಾಯ್ ಬೊರೊವ್ಪಿ ಬೊರೆ ಜಾಯ್ಜೆಯ್ ತರ್ ನಿರಂತರ್ ಚಿಂತಾಪ್ ಗರ್ಜೆಚೆಂ ಆನಿ ಚಿಂತಾಪ್ ಲಿಕ್ಣೆ ರುಪಾಕ್ ಯೇಜಾಯ್ ತರ್ ತೇ ಲೇಖಕಾನ್ ಬೊಗೊಂಕ್ ಗರ್ಜೆಚೆಂ.
ಬೋವ್ ಉತ್ತೀಮ್ ಕಾರ್ಯೆಂ. ಶಭಾಷ್ ತುಮ್ಕಾಂ.
It’s indeed an unique concept. Bolkavm – the Name/Space itself is a very special, a homely feeling.
The idea of introducing an author opened a kind of Pandora Box where hidden treasure is available. Fr. Melwyn being the first introductory writer did a marvelous job by going through his entire literary journey. And a face to face discussion explored opportunities for the new writers an inspiration to start writing, how to begin, what are the fields to choose and get connected to the reality of your surroundings, to feel, to observe and enjoy good reading as well writing.
It should be like this, a close knit connectivity between the audience and the author to know each other, discuss freely.
I hope the future sessions will enhance our knowledge in the field of literature be it poetry, short stories or any research related articles.
Kudos to the Institute of Konkani and HM & Team for a well organized session.Awaiting eagerly for the next session on 12 October. Jai Bolkavm. Jai Konkani.
ಬೊಲ್ಕಾಂವ್ ಏಕ್ ಅತ್ವೊಚ್ ಅನ್ಭೊಗ್. ಸಾಹಿತಿಕ್, ತಾಚಾ ಜಿಣ್ಯೆವಿಶಿಂ, ಸಾಹಿತ್ ವಾಡ್‌ಲ್ಲ್ಯಾವಿಶಿಂ ಹೆರಾಂಸಂಗಿಂ ವಾಂಟುನ್ ಘೆಂವ್ಕ್ ಮೆಳ್ಚೊ ಏಕ್ ಆವ್ಕಾಸ್. ಹ್ಯಾ ವರ್ವಿಂ ಸಾಹಿತಿಕ್ ಲಾಗ್ಶಿಲ್ಯಾನ್ ಒಳ್ಕುನ್,ತಾಚೆ ಸಂಗಿಂ ಸಂವಾದ್ ಚಲವ್ನ್ ತಾಕಾ ಜಾಣಾ ಜಾಂವ್ಕ್ ಮೆಳ್ಚೊಯೀ ಏಕ್ ಆವ್ಕಾಸ್ ಮ್ಹಣ್ಯೆತ್. ಆಜ್ ವಾಚಪ್ ಉಣೆಂ ಜಾಲ್ಲ್ಯಾ ಹ್ಯಾ ಕಾಳಾರ್, ಹ್ಯಾ ವರ್ವಿಂ ಸಾಹಿತ್ಯಾಥಂಯ್ ಆಸಕ್ತ್ ಚಡಂವ್ಕ್ ಆಸ್ಚೊ ಸಂದ್ರಾಪ್ ಮ್ಹಣ್ಯೆತ್. ಭೋವ್ ಗರ್ಜೆಚೆಂ ಮ್ಹಳ್ಯಾರ್ ಹರ್ಯೇಕಾ ಸಾಹಿತಿಕ್ ಬೊಲ್ಕಾಂವಾಂತ್ ಫುಡಾರಾಂತ್ ತಾಚೆವಿಶಿಂ ಉಲಂವ್ಕ್ ಆವ್ಕಾಸ್ ಮೆಳ್ತಾ ಮ್ಹಳ್ಳಿ ದಾಧೊಸ್ಕಾಯ್. ಮಟ್ವ್ಯಾ ಕಾಣಿಯಾಂವಿಶಿಂ ಉಲವ್ಪ್ , ತಾಚಾ ಭಾಯ್ರ್ ಆನಿ ಭಿತರ್ ಸಬಾರ್‌ಶ್ಯೊ ಗಜಾಲಿ ವಾಂಟುನ್ ಘೆತ್ಲ್ಯೊ. ಸಾಹಿತ್ಯಾದ್ವಾರಿಂ ಪ್ರತಿಭಟನ್ ಮಾತ್ರ್ ನ್ಹಯ್ ಏಕ್ ಆವಾಜ್‌ಯೀ ಉಟವ್ಯೆತ್ ಮ್ಹಳ್ಳೆಂ ಮ್ಹಜೆಂ ಚಿಂತಾಪ್. ಆಮಿಂ ಆಮ್ಚ್ಯಾ ಸಾಹಿತ್ಯಾನಿಂ, ಬರ್ಪಾನಿಂ ಜಾಯ್ತ್ಯೊ ಗಜಾಲಿ ಉಗ್ತಾಡಾಕ್ ಹಾಡ್ತಾಂವ್. ಚಡ್ತಾವ್ ತ್ಯೊ ಕಳ್ತಾತ್ ತರೀ ಕಳಾನಾತ್‌ಲ್ಲ್ಯಾ ಗಜಾಲ್ಯಾವಿಶಿಂ ಉಲಂವ್ಕ್ ಬೊಲ್ಕಾಂವ್ ಏಕ್ ಸೂಕ್ತ್ ಜಾಗೊ. ಪರತ್ ಮೆಳ್ಯಾಂ ಬೊಲ್ಕಾಂವಾಂತ್.
‘ಬೊಲ್ಕಾಂವ್’ ನವ್ಯಾ ಆನಿ ಪರ್ನ್ಯಾ ಸಾಹಿತಿಂಕ್ Examples, ಪ್ರೇರಣ್ ದೀಂವ್ಕ್ ಬರೆಂ ಪ್ರಯತನ್. ಲಿಖ್ತೆಲ್ಯಾಂನಿ ಫಾ.ಮೆಲ್ವಿನಾನ್ ಸಾಂಗ್ಚೆ ಬರಿ ಅಪುಣ್ ಕಿತ್ಯಾಕ್ ಬರಯ್ತಾಂ ಮ್ಹಣ್ ಚಿಂತುನ್ ಬರಯ್ಲ್ಯಾರ್ ತ್ಯಾ ಸಾಹಿತ್ಯಾಕ್ ಮೋಲ್ ಆಸಾ.
ಪಯ್ಲ್ಯಾ ಪಾವ್ಟಿಂಚ್ 35 ಸಾಹಿತ್ ಮೋಗಿ ಹಾಜರ್ ಜಾಲ್ಲೆ ಆಯ್ಕೊನ್ ಖುಶಿ ಜಾಲಿ. ಹೆಂ ಕಾರ್ಯಕ್ರಮ್ ಆಯೋಜಿತ್ ಕೆಲ್ಲ್ಯಾ ಸರ್ವಾಂಕ್ ಅಭಿನಂದನ್
Wow! a brilliant concept. I wish all the best.