ಗಾವಾಂತು ಸಿ.ಎ. ಪರೀಕ್ಷಾಪೂರ್ವ ತರಬೇತ ಲಭ್ಯ ಆಸಲ್ಯಾರಯ, ಸಾಮಾನ್ಯ ಸಾಮರ್ಥ್ಯ ಆಸುಚೆ ಯುವಕಾಂಕ ಆತ್ಮವಿಶ್ವಾಸ ವಾಡೊವಚೆ, ಆನಿ ಸರ್ವ ಆಸಕ್ತಾಂಕ ಮುಕ್ತ ಜಾವನು ಆಸುಚೆ, ವಿಶಿಷ್ಟ ರೀತಿಚೆ ತರಬೇತ ಜಾವನು ಆಸಾ, ವಿಶ್ವ ಕೊಂಕಣಿ ಕೇಂದ್ರಾಚೆ ‘ ಸಿ.ಎ. ಪವರ್ 25’ ತರಬೇತ ಶಿಬಿರ.
ಹ್ಯಾ ಪಾವಟಿ ಅಸಲೆ ಪಾಂಚವೆ ” ಸಿ.ಎ. ಪವರ್ 25- ಸಿ.ಎ ಇಂಟರ್ ಸೀಸನ್ -5 ತರಬೇತಿ ಶಿಬಿರಾಚೆ ಸಮಾರೋಪ ಸಮಾರಂಭ 25-11-2024 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆಂ. ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯೂಶನ್ ಸ್ಥಾಪಕ ಆನಿ ಮುಖೇಲ ಆಡಳಿತ ಅಧಿಕಾರಿ ಸಿಎ ಗೋಪಾಲ ಕೃಷ್ಣ ಭಟ್ ಹಾನ್ನಿ ಸಿ.ಎ. ಪರೀಕ್ಷಾ ಎದುರಿಸುಚಾಕ ಪರೀಕ್ಷಾರ್ಥಿಂಕ ಅವಶ್ಯಕ ಜಾಲೆಲೆ ಉಪಯುಕ್ತ ಸಲಹಾ ದಿವನು ಶುಭ ಸಾಂಗಲೆ.
ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನ್ನಿ ಛಾತ್ರಾಂನಿ ತಾಂಗೆಲೆ ನಿರಂತರ ಜಾಲೆಲೆ ಛಲ ಸಾಧನಾ, ಧೃಢ ನಿರ್ಧಾರ, ಆತ್ಮವಿಶ್ವಾಸಾನ ಮಾತ್ರ ತಾಂಕಾ ಸಾಧನ ಕರಚಾಕ ಫಾವೊ ಜಾತ್ತಾ ಅಶಿಂ ಜೀವನಾಂತ ಚಲ್ಲೆಲೆ ಅಶಿಲೆಂ ಉದಾಹರಣ ದಿವನು ಶಿಬಿರಾರ್ಥಿಂಕ ಉದ್ದೇಶಿಸುನ ಉಲಯಿಲಿಂಚಿ”. ಉಪಾಧ್ಯಕ್ಷ ಶ್ರೀ ವಿಲಿಯಂ ಡಿಸೋಜಾ ವಿದ್ಯಾರ್ಥಿಂಕ ತಾಂಗೆಲೆ ಮನೋಸಾಮರ್ಥ್ಯ ಉಪಯೋಗ ಕರನು ಪ್ರತೀ ಹಂತಾರ ಮೇಟ ಚಣು ಜಯಶೀಲ ಜಾವಚೆ ಆನಿ ಆತ್ಮವಿಶ್ವಾಶ ವಾಡೊವಚೆ ಅನುಕೂಲತಾ ಬದ್ದಲ ಮಾಹಿತ ದಿಲ್ಲೆಂ. ಸಿಎಒ ಡಾ ಬಿ ದೇವದಾಸ ಪೈ, ಚಟುವಟಿಕಾ ತರಬೇತಿಚೆ ಉಪನ್ಯಾಸಕ, ಸಂಪನ್ಮೂಲ ವ್ಯಕ್ತಿಂ ಉಪಸ್ಥಿತ ಆಶಿಲಿಂಚಿ. ಲಕ್ಷ್ಮಿ ಕಿಣಿ ಹಾನಿ ವಿದ್ಯಾರ್ಥಿಂಕ ಯೆವಚೆ ದಿವಸಾಂತ ವಿಶ್ವ ಕೊಂಕಣಿ ಕೇಂದ್ರಾಂತ ಚಲಚೆ ಅಣಕ ಪರೀಕ್ಷಾ ಬದ್ದಲ ವಿವರಣ ದಿಲೆಂ. ಶಿಬಿರಾರ್ಥಿಂನಿ ಅತೀ ಉತ್ಸಾಹಾನ ಶಿಬಿರಾಂತ ತಾನ್ನಿ ಘೆತ್ತಿಲೆ ಅನುಭವ, ಜ್ನಾನ ವಾಂಟುನ ಘೆತಲೆಂ.
ವಿದ್ಯಾರ್ಥಿ ಅದಿತಿ ಪೈ ಆನಿ ಶೃತಿ ಹೆಗ್ಡೆ ನ ಕಾರ್ಯಕ್ರಮ ನಿರೂಪಣ ಕರನು ವಂದನಾರ್ಪಣ ಕೆಲೆಂ.
ವೀಸ (೨೦) ದಿವಸ ಭರ ಅವಧಿಚೆ ಹೆಂ ಮುಫತ್ ಸನಿವಾಸ ತರಬೇತ ಶಿಬಿರಾಂತ ಪರೀಕ್ಷಾರ್ಥಿಂಕ ನವೀನ ಮಾದರಿಚೆ ಸಂಪೂರ್ಣ ಪುನರಾವರ್ತನಾ ಆನಿ ಅಣಕ ಪರೀಕ್ಷಾ ದಿವನು ಅಂತಿಮ ಮಟ್ಟಾರ್ ತಯಾರ ಕರಚೆ ಜಾವನ ಆಸಾ.
ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ಸಂಸ್ಥಾ ಸಿ.ಎ. ಪವರ್ 25 ತರಬೇತಿ ಯೋಜನೇಕ ಹಾತ ಮೆಳೊವನು ಆಸಾತಿ.
