ಕರ್ನಾಟಕ್ ಕಾರ್ಯನಿರತ್ ಪತ್ರಕರ್ತಾಂಚೊಂ ಸಂಘ್ (ನೊ) ಹಾಚೆಂ ಮ್ಹಾ ಅಧಿವೇಶನ್ ಆನಿ 39 ವೆಂ ರಾಜ್ಯ್ ಪತ್ರ್‌ಕರ್ತಾಂಚೆಂ ಸಮ್ಮೇಳನ್, ಆಯ್ತಾರಾ, ಕೆಯುಡಬ್ಲ್ಯೂಜೆ ರಾಜ್ಯಾಧ್ಯಕ್ಷ್ ಶಿವಾನಂದ ತಗಡೂರು ಹಾಂಚ್ಯಾ ಅಧ್ಯಕ್ಷ್‌ಪಣಾರ್, ಕೊಪ್ಪಳ – ತುಮ್ಕೂರ್ ಸಿದ್ಧಾರ್ಥ ತಾಂತ್ರಿಕ್ ಮಹಾವಿದ್ಯಾಲಯಾಚ್ಯಾ ಸಬಾಸಾಲಾಂತ್ ಚಲ್ಲೆಂ. ಕಾರ್ಯಾಕ್ ರಾಜ್ಯಾಚೊ ಕನ್ನಡ, ಸಂಸ್ಕೃತಿ ಆನಿ ಪಾಟಿಂ ಉರ್ಲೆಲ್ಯಾ ವರ್ಗಾಚೊ ಕಲ್ಯಾಣ್ ಮಂತ್ರಿ ತಶೆಂ ಕೊಪ್ಪಳ ಜಿಲ್ಲ್ಯಾಚೊ ಖಬಾಡ್ಡಾರಿ ಮಂತ್ರಿ ಶಿವರಾಜ್ ಎಸ್. ತಂಗಡಗಿ , ಮುಕೆಲ್ ಮಂತ್ರಿಚೊ ಮಧ್ಯಮ್ ಸಲಹಾದಾರ್ ಕೆ. ವಿ ಪ್ರಭಾಕರ್, ಕೊಪ್ಪಳ ವಿಶ್ವವಿದ್ಯಾಲಯಾಚೊ ಸಹ ಕುಲಗುರು ಪ್ರೊ. ಬಿ. ಕೆ ರವಿ, ಕೊಪ್ಪಳ ಶಾಸಕ್ ರಾಘವೇಂದ್ರ ಹಿಟ್ನಾಳ್ ಆನಿ ಹೆರ್ ಮಾನೆಸ್ತ್ ಹಾಜರ್ ಆಸ್ಲೆ.
ಕಾರ್ಯಾಂತ್ ಕರ್ನಾಟಕ್ ಕಾರ್ಯನಿರತ್ ಪತ್ರಕರ್ತಾಂಚೊಂ ಸಂಘ (ನೊ) ಮಹಾರಾಷ್ಟ್ರ ಘಟಕಾಚೊ ರಾಜ್ಯಾಧ್ಯಕ್ಷ್ ರೋನ್ಸ್ ಬಂಟ್ವಾಳ್ ಹಾಕಾ ಕೆಯುಡಬ್ಲ್ಯೂಜೆ ಸಾಧಕ್ ವಿಶೇಸ್ ಪ್ರಶಸ್ತಿ ದೀವ್ನ್ ಮಾನ್ ಪಾಟಯ್ಲೊ. ಮಾಧ್ಯಮ್ ಹಾಗೂ ಸಮಾಜಸೇವಾ ಶೆತಾಂತ್ ಮಾನೆಸ್ತ್ ರೋನ್ಸಾನ್ ದಿಲ್ಲಿ ಮೌಲಿಕ್ ಸೆವಾ ಮಾನುನ್ ಘೆವ್ನ್ ತಾಕಾ ಹೊ ಗವ್ರವ್ ಪಾಟಯ್ಲಾ ಮ್ಹಣ್ ಕೆಯುಡಬ್ಲ್ಯೂಜೆ ಪ್ರಧಾನ್ ಕಾರ್ಯದರ್ಶಿ ಜಿ. ಸಿ ಲೋಕೇಶ ಹಾಣಿ ಹ್ಯಾ ವೆಳಿಂ ಸಾಂಗ್ಲೆಂ.
