ಮಂಗಳೂರ ಶಕ್ತಿನಗರಾಚೆ ವಿಶ್ವ ಕೊಂಕಣಿ ಕೇಂದ್ರ ಸಹಯೋಗಾನ ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನ (ರಿ) ಆನಿ ದಕ್ಷಿಣ ಕನ್ನಡ ಜಿಲ್ಲಾ ಕುಡಾಳ್ ದೇಶಸ್ಥ ಆಧ್ಯ ಗೌಡ್ ಬ್ರಾಹ್ಮಣ ಸಂಘ (ರಿ), ಹಾಂಗೆಲೆ ಸಂಯುಕ್ತ ಆಶ್ರಯಾರ ಕುಡಾಳ್ ದೇಶ್ಕರ್ ಸಮುದಾಯಾಚೆ ಪದವಿ ಆನಿ ಪದವಿ ಪೂರ್ವ ವಿದ್ಯಾರ್ಥಿಂಕ ರಾವಪಾಚೆ ಸಹಿತ ತೀನಿ ದಿವಸಾಚೆ ಪ್ರಗತಿ ಆನಿ ಸ್ಪೂರ್ತಿ -2025 ವ್ಯಕ್ತಿತ್ವ ವಿಕಸನ ತರಬೇತ ಘಡಯಲಾಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿಎ ನಂದಗೋಪಾಲ ಶೆಣೈ, ಹಾನ್ನಿ ದಿವೊ ಲಾವನು ಕಾರ್ಯಾಗಾರ ಉಗ್ತಾವಣ ಕೆಲೆಂ. ಆನಿ ಶಿಬಿರಾರ್ಥಿಂಕ, ತಾಂಗೆಲೆ ಆವಸು ಬಾಪಸುಂಕ ಉದ್ದೇಶಿಸಿಸುನು, “ಶಿಕ್ಷಣ ಮ್ಹಳಾರಿ ಏಕ ವಿದ್ಯಾರ್ಥಿಂಗೆಲೆ ಸರ್ವತೋಮುಖ ಅಭಿವೃದ್ಧಿ ಹಾಜೆ ಸಾಂಗಾತಾಕ ಕೌಶಲ್ಯ ಅಭಿವೃದ್ದಿ ವಾಡೊವಕಾ, ಅಸಲೆ ಶಿಬಿರಾಚೆ ಅಗತ್ಯ ಆಸಾ. ಆಮಗೆಲೆ ಮಾತೃ ಭಾಷಾ ಕೊಂಕಣಿ ಆಮಗೆಲೆ ಆಸ್ಮಿತಾಯ ಆನಿ ತೆಂ ಮಾನಸಿಕ, ಉದ್ಯೋಗ, ಸೇವಾ ಮನೋಭಾವ ಆತ್ಮವಿಶ್ವಾಸ ಬಲಿಷ್ಟ ಕರತಾ, ಹಾಜೆ ನಿಮಿತ್ತ ಸಮಾಜಯ ಸದೃಢ ಜಾತ್ತಾ ಅಶಿಂ ಸಾಂಗಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷರಾದ ಶ್ರೀ ಡಿ. ರಮೇಶ ನಾಯಕ್ ಮೈರಾ, ಹಾನಿ “ಹೆಂ ಕಾರ್ಯಾಗಾರಾಂತ ವಿದ್ಯಾರ್ಥಿಂಗೆಲೆ ವ್ಯಕ್ತಿತ್ವ ಕೌಶಲ್ಯ, ಜ್ಞಾನ ಆನಿ ತಾಜೆ ಅನ್ವಯ ಸಾಮರ್ಥ್ಯ ಆನಿ ಸಾಂಸ್ಕೃತಿಕ ಮೌಲ್ಯ, ವರೊವನು ವಾಡೊವಚೆ ವ್ಚಾರ ಅಸತಾ ಸರ್ವ ಛಾತ್ರಾಂನಿ ಹಾಜೆ ಸದುಪಯೋಗ ಘೆವಕಾ ಅಶಿಂ ಸಾಂಗುನು ಪ್ರಾಸ್ತಾವಿಕ ಉತ್ರಂ ಉಲೊವನು ಅತಿಥಿ ಗಣ್ಯಾಂಕ ಸ್ವಾಗತ ಕರನು, ಶಿಬಿರಾಥಿ೯ಕ ಅಭಿನಂದನ ಕೆಲೆಂ.
ಹ್ಯಾ ಸಂದರ್ಭಾರ ವಿಶ್ವ ಕೊಂಕಣಿ ಕೇಂದ್ರ ಕಾರ್ಯನಿರ್ವಹಣಾಧಿಕಾರಿ ಡಾ. ಬಿ. ದೇವದಾಸ್ ಪೈ, ಮುಖೇಲ ಸೊಯರೆ ಜಾವನು ಭಾಸ್ಕರ್ ಪ್ರಭು, ಮ್ಹಾಲ್ಗಡೆ ಡೆಚ್ಚಾರು ಗಣಪತಿ ಶೆಣೈ, ಮೈರಾ ಗೋಪಾಲ್ ಸಾಮಂತ್, ಮೋಹನ್ ನಾಯಕ್ ಒಡ್ಡೂರು, ಪೂರ್ಣಾನಂದ ಸೇವಾ ಪ್ರತಿಷ್ಠಾನಾಚೆ ಅಧ್ಯಕ್ಷ ಶ್ರೀ ಮುರಳಿಧರ ಪ್ರಭು ವಗ್ಗ, ಕಾರ್ಯದರ್ಶಿ ಶ್ರೀ ರವೀಂದ್ರ ನಾಯಕ್ ಕುಂಟಲ್ಪಾಡಿ, ಆದಲೊ ಅಧ್ಯಕ್ಷ ಶ್ರೀ ವಿಜಯ ಶೆಣೈ ಕೊಡಂಗೆ, ದ.ಕ. ಜಿಲ್ಲಾ ಕುಡಾಳ್ ದೇಶಸ್ಥ ಆದ್ಯ ಗೌಡ್ ಬ್ರಾಹ್ಮಣ ಸಂಘಚೆ ಪದಾಧಿಕಾರಿ ರಾಮಕೃಷ್ಣ ಪ್ರಭು ಮಾರಿಬೆಟ್ಟು, ಉಪೇಂದ್ರ ನಾಯಕ್ ಮೇರೀಹಿಲ್, ಪ್ರಭಾಕರ ಪ್ರಭು ಗುರುನಗರ, ಅನಂತ ಪ್ರಭು ಮರೋಳಿ, ಪಾವನಾಕ್ಷಿ ಪ್ರಭು ವಗ್ಗ, ಶ್ರೀಮತಿ ಸುಚಿತ್ರ ರಮೇಶ ನಾಯಕ್ ಉಪಸಿತ ಆಶಿಲಿಂ.
ಶಿಬಿರಾಚೆ ತರಬೇತದಾರ ಕುಡ್ಪಿ ವಿದ್ಯಾಶೆಣೈ ಹಾನ್ನಿ ಶಿಬಿರಾರ್ಥಿಂಕ ಕಾರ್ಯಾಗಾರಾಚೆ ಉದ್ದೇಶ ಆನಿ ಅಭಿ ಶಿಕ್ಷಣ ದಿವನು ಶಿಬಿರಾರ್ಥಿಂಕ ಸಜಾವಟ ಕೆಲೆಂ.
ಡಾ. ವಿಜಯಲಕ್ಷ್ಮಿ ನಾಯಕ್ ಹಾನಿ ಸತ್ರ ಸಂಚಾಲನ ಆನಿ ಧನ್ಯವಾದ ಸಮರ್ಪಣ ಕೆಲೆಂ.
