2025 ಇಸವಿಚ್ಯಾ ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ ಆನಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಮ್ಮಾನ, ಸಾಹಿತ್ಯ ಕೃತಿ, ಕವಿತಾ ಕೃತಿ – ಹೇಂ 5 ಪ್ರಶಸ್ತಿ ಖಾತಿರ ವಿಶ್ವ ಕೊಂಕಣಿ ಕೇಂದ್ರ ಹಾನ್ನಿ ಅರ್ಜಿ ಆಹ್ವಾನ ಕೆಲ್ಯಾ.
ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ : ಮೂಳಾನ ಕೊಂಕಣಿ ಭಾಶಿಕ ಆಸೂನ, ಶಿಕ್ಷಣ, ಆಡಳಿತ, ಕೊಂಕಣಿ ಬಾಯಲೆ ಸಾಹಿತ್ಯ, ಪ್ರದರ್ಶನ ಕಲಾ, ಆರೋಗ್ಯ-ವೈದ್ಯಕೀಯ, ವಿಜ್ಞಾನ-ತಂತ್ರಜ್ಞಾನ, ಪತ್ರಿಕೋದ್ಯಮ, ಲೆಕ್ಕಪರಿಶೋಧನೆ, ಬ್ಯಾಂಕಿಂಗ, ವಾಣಿಜ್ಯೋದ್ಯಮ, ರಕ್ಷಣಾಪಡೆ, ಕ್ರೀಡೆ, ಮ್ಹಾಲ್ಗಡ್ಯಾಲೆ-ಚೆರಡುವಾಂಲೆ -ಮಹಿಳಾಂ- ಸೇವಾ, ಜನ-ಸಮಾಜ-ದೇಶಸೇವಾ ಇತ್ಯಾದಿ ಶೆತಾಂತ ಉನ್ನತ ಪ್ರಮಾಣಾಚಿ ಪ್ರಾಮಾಣಿಕ ಸೇವಾ ದಿಲ್ಲೆ ವ್ಯಕ್ತಿ ವಾ ಸಂಘ ಸಂಸ್ಥೆ-ಸಂಘಟನಾ ಸಯತ, ಏಕ ದಾರಲೆಂ ಆನಿ ಏಕ ಬಾಯಲಾಂಕ ವೆವೆಗಳೆ , ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ ಪ್ರಶಸ್ತಿಕ ನಾಮನಿರ್ದೇಶನ ಸೂಚಿಸುಚಾಕ ಆಪೊವ್ಣೆ ದಿಲಾಂ.
ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಮ್ಮಾನ : ಕೊಂಕಣಿ ಭಾಷಾ, ಶಿಕ್ಷಣ, ಕಲಾ, ಸಂಸ್ಕೃತಿಚ್ಯಾ ವಾಡಾವಳೀಕ ಜೀಣ ಭರ ವಾವುರಲೆಂ ಏಕ ಕೊಂಕಣಿ ಮ್ಹಾಲ್ಗಡೆಂಕ ದಿವಚೆ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಮ್ಮಾನ ಹ್ಯಾ ಪ್ರಶಸ್ತಿಕಯ ಅರ್ಜಿ ಆಹ್ವಾನ ಕೆಲಾಂ.
ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಸಾಹಿತ್ಯ ಕೃತಿ ಆನಿ ಕವಿತಾ ಕೃತಿ ಪುರಸ್ಕಾರ : ಜನವರಿ 1, 2022 ಥಾವನ ಡಿಸೆಂಬರ 31, 2024 ಚ್ಯಾ ಅವಧೀಂತ ಪ್ರಕಟ ಜಾಲ್ಲೆ ಉತ್ತಮ ಏಕ ಸಾಹಿತ್ಯ ಕೃತಿ (ಗದ್ಯ) ಆನಿ ಏಕ ಕವಿತಾ ಕೃತಿಕ ದೋನ ಪ್ರಶಸ್ತಿ ಆಸತಾ . ಅರ್ಹ ಕೃತಿಚೆ ನಾಂವ ಫಾವೋ ಜಾಲ್ಯಾ ಸೂಚನ ಕರನ, ಅರ್ಜಿ ಆಹ್ವಾನ ಕೆಲಾಂ. ಅನುವಾದಿತ ಯಾ ಶಿಕ್ಷಣಾಧ್ಯಯನಾಕ ಸಂಬಂಧ ಪಾವಿಲೆ ಕೃತಿ ಜಾಯನಾಂತ್.
ಹರ ಏಕ ಪ್ರಶಸ್ತಿಕ ಏಕ ಲಾಖ್ ರೂಪಾಯಿ ನಗದ್ ಆನಿ ಸನ್ಮಾನ ಪತ್ರ ಆನಿ ಯಾದಸ್ತಿಕಾ ಆಸತಲೆಂ. ಹೆಂ ಪುರಸ್ಕಾರ ವಿಶ್ವ ಕೊಂಕಣಿ ಕೇಂದ್ರಾಚೆ ಮಹಾಪೋಷಕ ಶ್ರೀ ಟಿ. ವಿ. ಮೊಹನದಾಸ್ ಪೈ ಹಾಂಗೆಲೆ ಆವಯ ಶ್ರೀಮತಿ ವಿಮಲಾ ವಿ. ಪೈ ಹಾಂಚೆ ಸ್ಮರಣಾರ್ಥ ಆಸಾ.
ಆಸಕ್ತ ವ್ಯಕ್ತಿಂನಿ ವಾ ಸಂಘ ಸಂಸ್ಥೆಂನಿ ವಿಶ್ವ ಕೊಂಕಣಿ ಕೇಂದ್ರಾಚ್ಯಾ ವೆಬ್ ಸೈಟ್ www.vishwakonkani.org ಥಾವನ ಮಾಹಿತಿ ಘೇವನ, ತಾ. 30-09-2025 ಭಿತರಿ ಆನ್-ಲೈನ್ ರೂಪಾಂತ ನಾಮನಿರ್ದೇಶನ ನೊಂದಾವಣಿ ಕರನು, ಹ್ಯಾ ಬದ್ದಲ ದಿವಚೆ ತಸಲೆ ಭಾವಚಿತ್ರ, ಪ್ರಶಂಸಾ ಪತ್ರ ಆನಿ ಸಾಹಿತ್ಯ ಕೃತಿ ಆನಿ ಕವಿತಾ ಕೃತಿ ಬದ್ದಲ ಪುಸ್ತಕಾಂ ಇತ್ಯಾದಿ ಸರ್ವ ದಾಖಲಾಂ ಪೋಸ್ಟ್ ಮುಖಾಂತರ ಅಧ್ಯಕ್ಷ, ವಿಶ್ವ ಕೊಂಕಣಿ ಕೇಂದ್ರ, ಶಕ್ತಿನಗರ, ಮಂಗಳೂರು-575016 ಹಾಂಗಾ ಧಾಡುನ ದೀವಕಾ.
