“ಕಾಶ್ಮೀರಚೆ ಪೂಂಚ್ -ರಾಜೌರಿ ಪ್ರದೇಶಾಂತ ಏಕ ವೆಳಾ ಭಯೋತ್ಪಾದಕಾಂನಿ ಭಿತರಿ ರಿಗಲಾರಿ ಥೊಡೆಚಿ ವೇಳಾನ ರಾನ್ನಾ ಭಿತರಿ ಸೆರವನು ಮಸ್ತ ಅಪಾಯ ಹಾಡತಾಚಿ ತಶಿ ಜಾವನು ತಾನ್ನಿ ರಿಗಚೆ ಆರಂಭಾಚೆ ಕಾಲಾರೀಚ ತಾಂಕಾ ಮಾರನು ಘಾಲಕಾ ಜಾತ್ತಾ. ಅಸಲೆ ಏಕ ತುರ್ತು ಕಾರ್ಯಾಚರಣೆಚೆ ವೇಳ ಯುವ ಭೂಸೇನಾಧಿಕಾರಿ ಮರಣೋತ್ತರ ಶೌರ್ಯ ಚಕ್ರ ವಿಜೇತ ಲೆಫ್ಟಿನೆಂಟ್ ಕರ್ನಲ್ ಅಜಿತ ಭಂಡಾರಕಾರ ತಾಂಗೆಲೆ ಸೈನ್ಯ ಬಲಾ ಥಾವನು ದೊಗ ಜಣ ಉಗ್ರವಾದಿಂಕ ಜಿವಶಿ ಮಾರನು ಹೆರಾಂಕ ಗ್ರೇನೇಡ್ ಗುರಿ ದವರತಾನಾಚಿ ಶತ್ರುಂಗೆಲೆ ಗುಂಡೇಟಾಕ ಬಲಿ ಜಾಲಿಂತಿ. ಅಶಿಂ ತಾಂಗೆಲೆ 39 ವಯಾಂತೂಚಿ ದೇಶಾ ಖಾತಿರ ಪ್ರಾಣಾ ತ್ಯಾಗ ಕೆಲೆಲೆ ಅಜಿತ್ ಮೆಗೆಲ್ಯಾ ಪಶಿಂ ವಯಲೆ ಸ್ಥಾನ ಘೆತ್ತಾಂಚಿ” ಅಶಿಂ ಲೆಫ್ಟಿನೆಂಟ್ ಜನರಲ್ ಸೇನಾಧಿಕಾರಿ ಪದವಿಂತ ನಿವೃತ್ತಿ ಘೆತ್ತಿಲೊ ಲೇ.ಜ ಪಿಜಿ ಕಾಮತ್ ಹಾನ್ನಿ ಅಭಿಪ್ರಾಯ ಸಾಂಗಲೆ.
ಹಾನ್ನಿ ವಿಶ್ವ ಕೊಂಕಣಿ ಕೇಂದ್ರಾಂತ ದೇವಾಧೀನ. ಲೆ.ಕ ಅಜಿತ ಹಾಂಗೆಲೆ ಜೀವನ ಸಾಧನಾ ಬದ್ದಲ ತಾಂಗೆಲೆ ಬಾಯಲ ಶಕುಂತಲಾ ಅಜಿತ ಭಂಡಾರಕಾರ ಹಾನ್ನಿ ಬರಯಲೆಂ “ ದ ಸಗಾ ಆಫ್ ಎ ಬ್ರೇವ್ ಹಾರ್ಟ್” ಪುಸ್ತಕಾಚೆ ಕೊಂಕಣಿ ಭಾಷಾಂತರ ಕೃತಿ ‘’ಏಕ ಬಹಾದ್ದೂರಾಚಿ ಶೌರ್ಯ ಕಥಾ” ಪುಸ್ತಕ ಲೋಕಾರ್ಪಣ ಜಾಲೆಲೆ ಸಂಧರ್ಭ, “ಬಾಮಣಾಲೆ ದೇವಾಧೀನ ಜಾಲೆಲೆ ಹಾಜೆ ಮಧ್ಯೆ ತಾಂಗೆಲೆ ದೊಗಯ ಚೆರ್ಡುವಾಂಕ ಭಾರತೀಯ ಭೂಸೇನಾ ಆನಿ ಭಾರತೀಯ ನೌಕಾ ಪಡೆಕ ಸೇವಾ ಕರಚಾಖ ಧಾಡುನ ದಿಲೆಲೆ ಏಕ ಆದರ್ಶ ವೀರ ಮಾತೆ ಅಶಿಂ ಸಾಂಗುನ ಘೆತ್ತಾಚಿ”. ಅಶಿಂ ಶಕುಂತಲಾ ಭಂಡರಕರ ಹಾಂಗೆಲೆ ಬದ್ದಲ ಪ್ರಶಂಶಾ ವ್ಯಕ್ತ ಕೆಲೆಂ. ಪುಸ್ತಕ ಲೋಕಾರ್ಪಣಾ ಸುವಾಳ್ಯಾಂತ ಉಪಸ್ಥಿತ ಆಶಿಲೆಂ ಗೋಂಯಚೆ ನಾಮನೆಚೆ ಅನುವಾದಕ ರಮೇಶ ಲಾಡ ಹಾಂಗೆಲೆ ಭಾಷಾ ವಾವರ ಬದ್ದಲ ಕಾರ್ಯದರ್ಶಿ ಡಾ ಕಸ್ತೂರಿ ಮೋಹನ ಪೈ ಹಾನ್ನಿ ಬರಯಲೆ ಏಕ ಏಕ ಸಾಲ ಉಲ್ಲೇಖ ಕರನು ಪ್ರಶಂಶಾ ವ್ಯಕ್ತ ಕೆಲೆಂ.
ದುಃಖಾಂತ ಆಸಲಾರೀಯ “ಕರ್ತವ್ಯಗತ ಮರಣಹೆಂ ಶೌರ್ಯ ಲಕ್ಷಣ” ಮ್ಹಳೆಲೆ ಮ್ಹಣಕೆ ಹಾಂವ ವೀರ ನಾರಿ ಜಾವನು ಸಂಘಟನಾ ಬಾಂದುನು ವಾವರ ಕರೀತ ಆಸಾ. ಅಶಿಂ ಶಕುಂತಲಾ ಭಂಡಾರ್ಕರ ಹಾನ್ನಿ ತಾಂಗೆಲೆ ಉತ್ರಾಂನಿ ಸಾಂಗಲೆ. ಪುಸ್ತಕ ಪ್ರಕಾಶನ ಸಂಸ್ಥೆ ಸಂಜನಾ ಪ್ರಕಾಶನ್ ಗೊಂಯ ಪರ ಜಾವನು ಅನಂತ ಅಗ್ನಿ ಹಾನ್ನಿ ಉಲಯಲಿಂಚಿ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ ಎ ನಂದ ಗೋಪಾಲ ಶೆಣೈ ಹಾನಿ ಅತಿಥಿ ಗಣ್ಯಾಂಕ ಸ್ವಾಗತ ಕರನು ಕೊಂಕಣಿ ಮಾನ್ಯತಾಯ ದಿವಸಾಚೆ ಶುಭಾಶಯ ಸಾಂಗಲೆಂ. ಕೇಂದ್ರಾಚೆ ಉಪಾಧ್ಯಕ್ಷ ವಿಲಿಯಂ ಡಿಸೋಜಾ, ರಮೇಶ ಡಿ ನಾಯಕ್, ಟ್ರಸ್ಟಿ ಗಿಲ್ಬರ್ಟ್ ಡಿಸೋಜಾ, ವತಿಕಾ ಕಾಮತ್, ಆಡಳಿತ ಅಧಿಕಾರಿ ಡಾ. ಬಿ. ದೇವದಾಸ ಪೈ ಆನಿ ಪೂರ್ಣಾನಂದ ಸೇವಾ ಪ್ರತಿಷ್ಠಾನ, ಕೊಂಕಣಿ ಕುಡುಬಿ ಸಂಘಾಚೆ ಪದಾಧಿಕಾರಿ ಆನಿ ಹೆರ ಮಾನೆಸ್ತ ಉಪಸ್ಥಿತ ಆಶಿಲಿಂಚಿ. ಸುಚಿತ್ರಾ ಎಸ್ ಶೆಣೈ ಕಾರ್ಯಕ್ರಮ ನಿರೂಪಣ ಕೆಲೆಂ. ಖಜಾಂಚಿ ಬಿ ಆರ್ ಭಟ್ ಹಾನಿ ದೆವು ಬರೆಂ ಕೊರೊ ಸಾಂಗಲೆಂ.
