ಸಾಂಗತ್ಪಣ್ ಆನಿ ಏಕತಾ ಘಟ್ ಕರ್ಚೆ ದಿಶೆನ್ ಯುನೈಟೆಡ್ ಲೊರೆಟ್ಟೊ ಫ್ರೆಂಡ್ಸ್ ಸಮಾಜಿಕ್ ಸಂಘಟನ್ ಮಂಗ್ಳುರ್ ಆನಿ ಉಡುಪಿ ದಿಯೆಸೆಜಿಚ್ಯಾ ಸಮಾನ್ ಆಸಕ್ತೆಚ್ಯಾ ಇಶ್ಟಾಂಕ್ ಸಾಂಗಾತಾ ಘೆವ್ನ್ , ಆಯ್ತಾರಾ ನವೆಂಬರ್ 23 ತಾರಿಕೆರ್ ಸಂಗೀತ್ ಆನಿ ಸಂಸ್ಕೃತೆಚೆಂ ಫೆಸ್ತ್ ಕೊಂಕಣ್ ಉಡ್ಕಾಣಾಂ 2025 ಸಂಭ್ರಮುಂಕ್ ಆಯ್ತೆಂ ಜಾಲಾಂ. ಏಕತಾ ಆನಿ ಸೆವಾ – ಆಪ್ಲೆಂ ಮಿಸಾಂವ್ ಜಾವ್ನ್ ಘೆವ್ನ್ ದುಬಂಯ್ತ್ ಉದೆಲ್ಲೆಂ ಯುನೈಟೆಡ್ ಲೊರೆಟ್ಟೊ ಸಂಘಟನ್ ಆಪ್ಲ್ಯಾ ಸ್ಥಾಪನಾ ಪಾಸುನ್, ಧರ್ಮ್ – ಜಾತಿಚೊ ದೊರೆ ಉತ್ರೊನ್ ಇಶ್ಟಾಗತ್, ಬಾಂದವ್ಪಣ್, ಸೌಹಾರ್ದತಾ, ಸಹಕಾರ್ ರುತಾ ಕರ್ಚೆ ದಿಶೆನ್ ನಿಷ್ಠೆನ್ ವಾವುರ್ನ್ ಆಯ್ಲಾಂ.
ಹ್ಯಾಚ್ ಮಿಸಾಂವಾಚೊ ವಾಂಟೊ ಜಾವ್ನ್ ಲೊಕಾಕ್ ಸಾಂಗಾತಾ ಹಾಡ್ಚೆ ಖಾತಿರ್ ಯುನೈಟೆಡ್ ಲೊರೆಟ್ಟೊ ಫ್ರೆಂಡ್ಸ್ ದುಬಯ್ ಶಾರ್ಜಾ ವಾಂಡರರ್ಸ್ ಸ್ಪೋಟ್ಸ್ ಕ್ಲಬ್ ಹಾಂಗಾಸರ್ 23 ನವೆಂಬರ್, ಆಯ್ತಾರಾ ಸಕಾಳಿಂ 8.00 ಪಾಸುನ್ ಕೊಂಕಣ್ ಉಡ್ಕಾಣಾಂ ಮಾಂಡುನ್ ಹಾಡುನ್ ಆಸಾ. ಯುನೈಟೆಡ್ ಲೊರೆಟ್ಟೊ ಫ್ರೆಂಡ್ಸ್ ಪಂಗ್ಡಾಕ್ ಅಧ್ಯಕ್ಷ್ ಜಾವ್ನ್ ಪ್ರಸ್ತುತ್ ರೂಪೇಶ್ ಪಿಂಟೊ ಮುಕೆಲ್ಪಣ್ ದೀನ್ ಆಸಾತ್. ಆನಿ ತಾಕಾ ಕಾರ್ಯದರ್ಶಿ ಜಾವ್ನ್ ಅರ್ಜುನ್ ಬರ್ಬೋಜಾ, ಸಹ ಕಾರ್ಯದರ್ಶಿ ಜಾವ್ನ್ ವಿಜೇಶ್ ಡಿ ಸೊಜಾ, ಖಜಾನ್ದಾರ್ ಜಾವ್ನ್ ರೊಯ್ ಡಿ ಸೊಜಾ, ಖೆಳಾ ಕಾರ್ಯದರ್ಶಿ ಜಾವ್ನ್ ನಿತೇಶ್ ಮೊಂತೇರೊ, ಮಾಧ್ಯಮ್ ಕಾರ್ಯದರ್ಶಿ ಜಾವ್ನ್ ಡೆಸ್ಮಂಡ್ ನೊರೊನ್ಹಾ ಆನಿ ಸಾಂಸ್ಕೃತಿಕ್ ಕಾರ್ಯದರ್ಶಿ ಜಾವ್ನ್ ಗ್ರೆಟ್ಟಾ ಫೆರ್ನಾಂಡಿಸ್ ತಶೆಂ ಸಿಲ್ವಿಯಾ ನೊರೊನ್ಹಾ ಸಾಂಗಾತಿ ಸಾಂಸ್ಕೃತಿಕ್ ಕಾರ್ಯದರ್ಶಿ ಜಾವ್ನ್ ಮೊಟೊ ಸಾಂಗಾತ್ ದೀವ್ನ್ ಆಸಾತ್.
ಕೊಂಕಣ್ ಉಡ್ಕಾಣಾಂ 2025 ಕಾರ್ಯಾವಳಿಚೆಂ ಸುಂಕಾಣ್ ಲೋಯ್ಡ್ ರೊಡ್ರಿಗಸ್ ಹಾಣೆ ಘೆತ್ಲಾಂ ಆಸುನ್, ಭುರ್ಗ್ಯಾಂ ಪಾಸುನ್ ಮಾಲ್ಘಡ್ಯಾಂ ಪರ್ಯಾಂತ್ ಸರ್ವ್ ಪ್ರಾಯೆಚ್ಯಾ ಲೊಕಾಚ್ಯಾ ಮನಾ ಕಾಳ್ಜಾಂನಿ ಕೊಂಕಣ್ ಉಡ್ಕಾಣಾಂ 2025 ಯಾದ್‌ಗಾರ್ ಜಾಂವ್ಚೆ ದಿಶೆನ್ ತೋ ಆನಿ ತಾಚೆ ಸಾಂಗಾತಿ ವಾವುರ್ನ್ ಆಸಾತ್.
ಫ್ಲೊಯ್ಡ್ ಕಿರಣ್ ಹಾಚೆ ಥಾವ್ನ್ ಮಝೆದಾರ್ ಖೆಳ್, ಬ್ಯಾಂಡ್ ಓಪನ್ ಹೈ ಹಾಂಚೆ ಥಾವ್ನ್ ಪದಾಂ – ಸಂಗೀತ್ , ಡಿ ಜೆ ನೋರ್ಮನ್ ಥಾವ್ನ್ ಜಮ್ಯಾಕ್ ನಾಚೊಂಕ್ ನಾಚ್ಪಾ ಸಂಗೀತ್, ಆಫ್ರಿಕನ್ ಡ್ರಮ್ಮರ್ಸ್ ಆನಿ ಪಿಲಿ ನಲಿಕೆ ದುಬಯ್ ಪಂಗ್ಡಾಂ ಥಾವ್ನ್ ಮನಾಂ ಪಿಸ್ವೊಂಚೆಂ ಪ್ರದರ್ಶನ್, ಪ್ರಜೋತಾ ಡೆಸಾ, ಆಸ್ಟ್ರ‍ೇಲಿಯಾ ಥಾವ್ನ್ ಕಾಳ್ಜಾಕ್ ಆಪಡ್ಚಿಂ ಪದಾಂ, ಖಾಣಾಂ – ಜೆವ್ಣಾಚಿಂ ವಿಶೇಸ್ ಸ್ಟೋಲಾಂ, ಭುರ್ಗ್ಯಾಂ ಖಾತಿರ್ ವಿಶೇಸ್ ಕೊನ್ಸೊ ಆನಿ ಪಯ್ಲೆ ಪಾವ್ಟಿಂ ಕೆನಾರಾಚೊ ಫಾಮಾದ್ ಕಾರ್ಯಾನಿರ್ವಾಹಕ್ ವಿಜೆ ಡಿಕ್ಸನ್ ದುಬಂಯ್ತ್ ಕಾರ್ಯೆಂ ಸಾದರ್ ಕರುನ್ ಇತಿಹಾಸ್ ರಚ್ತಲೊ.
ಸಂಗೀತ್ ಆನಿ ಸಂಸ್ಕೃತೆಚ್ಯಾ ಮಾದ್ಯಮಾನ್ ಕೊಂಕಣ್ ಸ್ಪಿರಿತ್ ಸಾಂಗತ್ಪಣಾನ್ ಸಂಭ್ರಮುಂಕ್ ಎಮಿರೆತಾಂತ್ಲ್ಯಾ ಕೊಂಕಣ್ ಮುಳಾಚ್ಯಾ ಲೊಕಾಕ್ ಯುನೈಟೆಡ್ ಲೊರೆಟ್ಟೊ ಫ್ರೆಂಡ್ಸ್ ಸಂಘಟನ್ ಮಾಯಾಮೊಗಾಚೆಂ ಆಮಂತ್ರಣ್ ದೀವ್ನ್ ಆಸಾ.
ದೀಸ್ : ಆಯ್ತಾರ್ ನವೆಂಬರ್ 23
ವೇಳ್ : ಸಕಾಳಿಂ 8.00 ಪಾಸುನ್
ಜಾಗೊ : ಶಾರ್ಜಾ ವಾಂಡರರ್ಸ್ ಸ್ಪೋಟ್ಸ್ ಕ್ಲಬ್
