ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಹಾಣಿ ಕ್ಯಾಲೆಂಡರ್ ವರ್ಸಾಕ್ ವಿವಿದ್ ಶೆತಾಂನಿ ಗೌರವ್ ಪ್ರಶಸ್ತ್ಯೊ ಆನಿ ಸಾಹಿತ್ಯಾಚಾ ವಿವಿದ್ ಪ್ರಕಾರಾಂನಿ ಫಾಯ್ಸ್ ಜಾಲ್ಲ್ಯಾ ಪುಸ್ತಕಾಂಕ್ ಪುರಸ್ಕಾರ್ ದಿಂವ್ಚೆ ದಿಶೆನ್ ಅರ್ಜ್ಯೊ ಆಪಯ್ಲ್ಯಾತ್.
ಪುಸ್ತಕ್ ಪುರಸ್ಕಾರ್ – 2025
ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿ 2025ವ್ಯಾ ಕ್ಯಾಲೆಂಡರ್ ವರ್ಸಾ (2025 ಜನೆರ್ 1 ಥಾವ್ನ್ 2025 ದಸೆಂಬ್ರ್ 31) ಪ್ರಕಟ್‌ ಜಾಲ್ಲ್ಯಾ (1) ಕೊಂಕ್ಣಿ ಕವಿತಾ, (2) ಕೊಂಕ್ಣಿ ಮಟ್ವ್ಯೊಕಾಣಿಯೊ ವಾ ಕಾದಂಬರಿ, (3) ಕೊಂಕ್ಣಿಕ್‌ ಭಾಸಾಂತರ್‌ ಕೆಲ್ಲ್ಯೊ ಕೃತಿಯೊ (ಪಯ್ಲಿ ಆದ್ಯತಾ) ವಾ ಲೇಖನ್/ ಅಧ್ಯಯನ್/ ವಿಮರ್ಸೊ ವಿಶ್ಯಾಂತ್‌ಲೇಖಕಾಂ ಥಾವ್ನ್, ಪ್ರಕಾಶಕಾಂ ಥಾವ್ನ್ ಪುಸ್ತಕ್ ಪುರಸ್ಕಾರಾ ಖಾತಿರ್ ಬುಕಾಚ್ಯಾ 4 ಪ್ರತಿಯಾಂ ಸಂಗಿಂ ಅರ್ಜಿ ಆಪಯ್ಲ್ಯಾ. ಪುಸ್ತಕ್ ಪುರಸ್ಕಾರಾಂತ್ ರೂ.25,000/- ಗೌರವಧನ್, ಶಾಲ್, ಸ್ಮರಣಿಕಾ, ಹಾರ್, ಪ್ರಮಾಣ್‌ಪತ್ರ್‌, ಫಳ್‌ವಸ್ತು ಆಸ್ತಲ್ಯೊ.
ಗೌರವ್ ಪ್ರಶಸ್ತಿ – 2025
ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿನ್ 2025ವ್ಯಾ ವರ್ಸಾ 1. ಕೊಂಕ್ಣಿ ಸಾಹಿತ್ಯ್, 2. ಕೊಂಕ್ಣಿ ಕಲಾ (ಕೊಂಕ್ಣಿ ನಾಟಕ್, ಸಂಗೀತ್, ಚಲನ್‌ಚಿತ್ರ್) 3. ಕೊಂಕ್ಣಿ ಜಾನಪದ್ ಹ್ಯಾ ತೀನ್ ವಿಭಾಗಾಂನಿಂ ಜೀವಮಾನ್‌ ಸಾಧನ್‌ ಕೆಲ್ಲ್ಯಾ ಅರ್ಹ್‌ ವ್ಯಕ್ತಿಂ ಥಾವ್ನ್ ಗೌರವ್ ಪ್ರಶಸ್ತೆ ಖಾತಿರ್‌ಅರ್ಜಿ ಆಪಯ್ಲ್ಯಾ. ಹ್ಯಾ ಪ್ರಶಸ್ತೆಂತ್ ರೂ 50,000/- ಗೌರವಧನ್, ಶಾಲ್, ಸ್ಮರಣಿಕಾ, ಹಾರ್, ಪ್ರಮಾಣ್ ಪತ್ರ್, ಫಳ್‌ವಸ್ತು ಆಸ್ತಲ್ಯೊ. ಸಾಧಕಾಂನಿಂ ಖುದ್ದ್ ವಾ ಸಂಘ್‌ಸಂಸ್ಥ್ಯಾಂನಿಂ ವಾ ಲೊಕಾಂನಿಂ ಸಾಧಕಾಂಚಿಂ ನಾಂವಾಂ, ಸೂಕ್ತ್‌ ದಾಖ್ಲ್ಯಾ ಸಂಗಿಂ ಅರ್ಜಿ ದಿಂವ್ಚಿ.
ಗೌರವ್ ಪ್ರಶಸ್ತೆಕ್‌ ಅರ್ಜಿ ಘಾಲ್ಚ್ಯಾಂನಿಂ “ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಗೌರವ ಪ್ರಶಸ್ತಿ-2025” ಆನಿ ಪುಸ್ತಕ್ ಪುರಸ್ಕಾರಾಕ್‌ ಅರ್ಜಿ ಘಾಲ್ಚ್ಯಾಂನಿಂ “ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುಸ್ತಕ ಬಹುಮಾನ -2025” ಮ್ಹಣ್‌ ಕಡ್ಡಾಯೆನ್‌ ಬರೊವ್ನ್, ರಿಜಿಸ್ಟ್ರಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಹಾನಗರ ಪಾಲಿಕಾ ಕಟ್ಟಡ, ಲಾಲ್‌ಭಾಗ್, ಮಂಗಳೂರು 575003, ಹಾಂಗಾಸರ್ ತಾ. 02.01.2026 ಭಿತರ್‌ ಪಾವಿತ್‌ ಕರ್ಚೆಂ.
