ವಿಶ್ವ ಕೊಂಕಣಿ ಕೇಂದ್ರಾ ಕಡಲ್ಯಾನ 2025 – 2026 ವರ್ಸಾಂ ಖಾತೀರ “ಡೊ.ಪಿ.ದಯಾನಂದ ಪೈ ವಿಶ್ವ ಕೊಂಕಣಿ ರಂಗ-ಶ್ರೇಷ್ಠ ಪುರಸ್ಕಾರ” ಆನಿ “ಡೊ. ಪಿ. ದಯಾನಂದ ಪೈ ವಿಶ್ವ ಕೊಂಕಣಿ ಅನುವಾದ ಪುರಸ್ಕಾರ” ಹ್ಯಾ ಪ್ರಶಸ್ತಿ ಖಾತೀರ ಅರ್ಜ ಆಪಯ್ಲ್ಯಾ ಆಸುನ್, ರಂಗ ಶ್ರೇಷ್ಠ ಪುರಸ್ಕಾರಾ ಖಾತೀರ ಸಾಠ ವರ್ಸಾಂ ವಯರ ಪಿರಾಯೇಚ್ಯಾ, ಕೊಂಕಣಿ ಉಲೊವಪಿ, ಆನಿ ಚಿತ್ರಪಟ, ನಾಟಕಾಂತ ಅಭಿನಯ, ದಿಗ್ದರ್ಶನ, ನಾಟಕ ಲೇಖನಾಚ್ಯಾ ಮಳಾರ ಜೀಣಭರ್ ವಾವ್ರ ದಿಲ್ಲ್ಯಾ ನಾಟ್ಯ ವೆವಸಾಯಿಕಾಂ ಕಡಲ್ಯಾನ ಥೆಟ ವಾ ಬರ್ಯಾಂ ಮಾಗಪ್ಯಾಂ ಕಡಲ್ಯಾನ ಪ್ರಸ್ತಾವ ಆಮಂತ್ರಣ ಕರತಾತ.
ಅನುವಾದಾ ಪುರಸ್ಕಾರಾ ಖಾತೀರ ಅಣಕಾರಾಚ್ಯಾ ಮಳಾರ, ಬರೋಚ ಕಾಳ (ಫಕತ್ ಏಕ ದೋನ ಪುಸ್ತಕಾಂಚೋ ಅಣಕಾರ ನ್ಹಯ) ಉತ್ಕೃಶ್ಟ ಸೇವಾ ದಿಲ್ಲ್ಯಾ ಲೊಕಾಂ ಕಡಲ್ಯಾನ, ಖಾಸ ಕರೂನ ಹೇರ ಭಾಶಾಂತಲ್ಯಾ ಗ್ರಂಥಾಂಚೊ ಕೊಂಕಣಿಂತ ಅಣ್ಕಾರ ಕೆಲ್ಲ್ಯಾ ಅನುವಾದಕಾಂ ಕಡಲ್ಯಾನ, ಥೇಟ ವಾ ಬರ್ಯಾಂ ಮಾಗಪಿ ಲೊಕಾಂ ಕಡಲ್ಯಾನ ಪ್ರಸ್ತಾವ ಆಪಯತಾತ.
ಅರ್ಜದಾರಾಂನಿ ಪಯಲೆಂ www.vishwakonkani.org ಹ್ಯಾ ಸಂಕೇತಥಳಾರ ಆಪಲಿಂ ನಾಂವಾಂ ನೋಂದ ಕರಚಿಂ ಆನಿ ಉಪರಾಂತ 05 ಜಾನೆವರಿ 2026 ದಿಸಾ ವಾ ತಾಚೆ ಆದಿಂ ಟಪಾಲಾಂತಲ್ಯಾನ ಅಧ್ಯಕ್ಷ, ವಿಶ್ವ ಕೊಂಕಣಿ ಕೇಂದ್ರ, ಶಕ್ತೀನಗರ, ಮಂಗಳೂರ 575 016 ಕಡೇನ ಸವಿಸ್ತರ ಪ್ರಸ್ತಾವ ಅರ್ಜ ಧಾಡಚೊ. ಪುರಸ್ಕಾರ ಸುವಾಳೊ 31 ಜಾನೆವರಿ 2026 ದಿಸಾ ಜಾತಲೊ ಮ್ಹಣ್ ಕೇಂದ್ರಾನ್ ಕಳಯ್ಲಾಂ.
