ಫಾ| ಆಗ್ನೆಲ್ ಕಾಲೇಜ್, ಗೊಂಯ್ ಹಾಂಗಾಸರ್, ಮಂಗ್ಳುರ್ ಕೊಂಕಣ್ಸ್, ದುಬಯ್ ಹಾಚೊ ಅಧ್ಯಕ್ಷ್ ಶ್ರೀ ಜೇಮ್ಸ್ ಮೆಂಡೋನ್ಸಾ, ವಾಮಂಜೂರ್ ಹಾಂಕಾ ತಾಣಿ ಕೊಂಕ್ಣಿ ಭಾಸ್ ಆನಿ ಸಂಸ್ಕೃತಾಯೆ ಖಾತಿರ್ ದಿಲ್ಲ್ಯಾ ಸೆವೆಕ್ ಕೊಂಕಣಿ ವಿಭೂಷಣ್ ಆನಿ ಮಂಗ್ಳುರ್ಚ್ಯಾ ಸಾಂ. ಲುವಿಸ್ ಕೊಲೆಜಿಂತ್ ಕೊಂಕ್ಣಿ ಪ್ರಾಧ್ಯಾಪಿಕಾ ಆನಿ ವಿಭಾಗ್ ಮುಕೆಲಿ ಶ್ರೀಮತಿ ಫ್ಲೋರಾ ಕಾಸ್ತೆಲಿನೊ ಹಿಕಾ ಕೊಂಕಣಿ ಭೂಷಣ್ ಪ್ರಶಸ್ತಿ ದೀವ್ನ್ ಸನ್ಮಾನ್ ಕೆಲೊ.
ಹ್ಯಾಚ್ ಕಾರ್ಯಕ್ರಮಾಂತ್ ಮಂಗ್ಳುರಾಕ್ ರಾಷ್ಟ್ರ್ ಮಟ್ಟಾರ್ ಕೀರ್ತ್ ಹಾಡ್‌ಲ್ಲಿ ಪ್ರತಿಭಾನ್ವಿತ್ ವಿದ್ಯಾರ್ಥಿ ಕು। ರೆಮೊನಾ ಪಿರೇರಾ ಹಿಕಾಯ್ ಸನ್ಮಾನ್ ಕೆಲೊ.
ವಿಶ್ವ ಗೊಂಯ್ ದೀಸ್ ( World Goa Day) ಆಚರಣ್ ಬಾಬ್ತಿನ್, ಕಲಾ ನಿಕೇತನ್ ಗೊಂಯ್, ಮಜೊರ್ಡಾ ಆನಿ ಗೊಂಯ್ ಸರ್ಕಾರಾಚ್ಯಾ ಕಲಾ ಆನಿ ಸಂಸ್ಕೃತಾಯ್ ನಿರ್ದೇಶನಾಲಯ್, ಹಾಂಚ್ಯಾ ಜೋಡ್ ಆಸ್ರ್ಯಾ ಖಾಲ್ ಅಗೋಸ್ತ್ 19 ಆನಿ 20 ವೆರ್ ಫಾ| ಆಗ್ನೆಲ್ ಕೊಲೆಜ್, ಗೊಂಯ್ ಹಾಂಗಾಸರ್ ದೋನ್ ದಿಸಾಂಚೆಂ ಕೊಂಕಣಿ ಸಮುದಾಯಾಂಚೇರ್ ರಾಷ್ಟ್ರೀಯ್ ವಿಚಾರ್‌ಸಾತೆಂ ಚಲ್ಲೆಂ. ಹ್ಯಾ ವಿಚಾರ್‌ಸಾತ್ಯಾಂತ್ ಕೇರಳ, ಕರ್ನಾಟಕ, ಮಹಾರಾಷ್ಟ ಆನಿ ಗೊಂಯ್ ರಾಜ್ಯಾಂ ಥಾವ್ನ್ ಜಾಯ್ತೆ ಪ್ರತಿನಿಧಿ ಹಾಜರ್ ಆಸ್ಲೆ.
ಶ್ರೀ ಜೇಮ್ಸ್ ಮೆಂಡೋನ್ಸಾ ಆನಿ ಶ್ರೀಮತಿ ಫ್ಲೋರಾ ಕಾಸ್ತೆಲಿನೊ ಹಾಂಕಾ ಗೊಂಯ್ಚೊ ಆದ್ಲೊ ಮುಕೆಲ್ ಮಂತ್ರಿ ಶ್ರೀ ದಿಗಂಬರ ಕಾಮತ್ ಹಾಣಿ ಗೌರವ್ ಪ್ರದಾನ್ ಕೆಲೊ. ಸಾಹಿತ್ಯ ಅಕಾಡೆಮಿ, ನವಿ ದಿಲ್ಲಿಂತ್ ಕೊಂಕಣಿ ಸಲ್ಹಾಗಾರ್ ಸಮಿತಿಚೊ ಸಾಂದೊ ಶ್ರೀ ಸ್ಟ್ಯಾನಿ ಬೇಳಾ ಆನಿ ಹೆರ್ ಮಾನಾಚೆ ಸೊಯ್ರೆ ಹ್ಯಾ ಸುವಾಳ್ಯಾರ್ ಹಾಜರ್ ಆಸ್ಲೆ.
