ಕೊಂಕಣಿಂತ್ಲೊ ಹರ್ ಸಮುದಾಯ್ ಲಗ್ನಾ ಗಿತಾಂಚೆಂ ಹೆಂ ಜಾನ್‍ಪದ್ ಸಾಹಿತ್ಯ್ ಆಟಾಪ್ತಾ. ಹಾಂತ್ಲ್ಯಾ ಕಾಥೊಲಿಕ್, ಜಿಎಸ್‍ಬಿ ಆನಿ ಕುಡ್ಮಿ- ಹ್ಯಾ ತೀನ್ ಸಮುದಾಯಾಚೆಂ ಲಗ್ನಾ ಸಾಹಿತ್ಯ್ ವಿಶ್ಲೇಷಣ್ ಕರ್ಚ್ಯಾಕ್ ಸಾಂ ಲುವಿಸ್ ಕೊಲೆಜ್ ಕೊಂಕಣಿ ಸಂಸ್ಥ್ಯಾನ್‌ ಎಕಾ ದಿಸಾಚೆಂ ರಾಶ್ಟ್ರ್ ಮಟ್ಟಾಚೆಂ ವಿಚಾರ್ ಸಾತೆಂ ಮಾಂಡುನ್‌ ಹಾಡ್ಲಾಂ.
ಗೊಂಯ್‌, ಮಂಗ್ಳುರ್, ಕೇರಳ ಆನಿ ಮಹಾರಾಷ್ಟ್ರಾಂತ್‌ ಲಗ್ಬಗ್‌ 22.5 ಲಾಕ್‌ ಲೊಕಾನ್‌ ಉಲಂವ್ಚ್ಯಾ ಕೊಂಕಣಿಂತ್ 42 ಬೊಲಿ ಆಸಾತ್. ಹ್ಯಾ 42 ಬೊಲಿಂನಿ ಕೊಂಕಣಿಚೆಂ ಗಿರೇಸ್ತ್ ಜಾನ್‍ಪದ್ ಆಸಾ. ಗಿತಾಂ/ಪದಾಂ ರುಪಾರ್ ಆಸ್ಚ್ಯೊ ವೊವಿಯೊ/ಹೊವ್ಯೊ/ಗಾಣಿಂ ಕೊಂಕಣಿಂತ್ಲ್ಯಾ ಮುಖೆಲ್ ಜಾನ್‍ಪದ್ ಸಾಹಿತ್ಯಾ ಪಯ್ಕಿ ಏಕ್.
2023 ಎಪ್ರಿಲ್‌ 20ವೆರ್‌ ಚಲ್ಚ್ಯಾ ಹ್ಯಾ ವಿಚಾರ್ ಸಾತ್ಯಾಂತ್‌ ಹ್ಯಾ ತೀನ್ ಸಮಾಜಾಂತ್ಲ್ಯಾ ಲಗ್ನಾ ಗಿತಾಂಚೆಂ ಜಾನ್‍ಪದ್ ಸಾಹಿತ್ಯ್ ಶೈಕ್ಷಣಿಕ್ ಚರ್ಚೆಕ್ ಹಾಡ್ಚ್ಯೆ ಸಂಗಿಂ, ಹೆಂ ಗಿರೇಸ್ತ್ ದಾಯ್ಜ್ ಸಂಭ್ರಮುನ್ ಫುಡ್ಲ್ಯಾ ದಿಸಾಂ ಪಾಸತ್ ತೆಂ ಪುಂಜಾಂವ್ಚ್ಯೆ ಆನಿ ವಾಡಂವ್ಚ್ಯೆ ಉದೆಶಿಂ ವಿಚಾರ್ ಮಂಥನ್‌ ಚಲ್ತೆಲೆಂ.
ಆಸಕ್ತ್‌ ಆಸ್ಚ್ಯಾ ಸರ್ವಾಂಕೀ ಹ್ಯಾ ವಿಚಾರ್ ಸಾತ್ಯಾಕ್‌ ಮಾಯೆಮೊಗಾಚೊ ಯೆವ್ಕಾರ್‌ ಆಸಾ ದೆಕುನ್ ಹಾಜರ್‌ ಜಾತೆಲ್ಯಾಂನಿ ಎಪ್ರಿಲ್‌ 18 ತಾರಿಕೆ ಭಿತರ್‌ 9481527394 ನಂಬ್ರಾಕ್‌ WhatsApp ವಾ ಫೊನ್‌ ಕರ್ನ್‌ ಕಳಂವ್ಕ್‌ ಸಾಂ. ಲುವಿಸ್ ಕೊಲೆಜ್ ಕೊಂಕ್ಣಿ ಸಂಸ್ತ್ಯಾನ್ ಪತ್ರಾ ಪರ್ಗಟ್ಣೆಂತ್ ವಿನಂತಿ ಕೆಲ್ಯಾ.