ಗಾವಾಂತು ಮಸ್ತ ಇತಲೆ ಸಿ.ಎ. ಪರೀಕ್ಷಾಪೂರ್ವ ತರಬೇತ ಲಭ್ಯ ಆಸಲಾರಿಯ್, ಸಾಮಾನ್ಯ ಸಾಮರ್ಥ್ ಆಸುಚೆ ಯುವಾಂಕ ಆತ್ಮವಿಶ್ವಾಸ ವಾಡೊವಚೆ ಆನಿ ಸರ್ವ ಆಸಕ್ತಾಂಕ ಮುಕ್ತ ಜಾವನು ಆಸುಚೆ, ವಿಶಿಷ್ಟ ರೀತಿಚೆ ತರಬೇತ ವಿಶ್ವ ಕೊಂಕಣಿ ಕೇಂದ್ರಾಚೆ ಸಿ.ಎ. ಪವರ್ 25 ತರಬೇತ ಜಾವನ ಆಸಾ.
ಹೆಂ ಪಾವಟಿ ಸಿ.ಎ. ಪವರ್ 25- ಸಿ.ಎ ಇಂಟರ್, ಸೀಸನ್ -4 ತರಬೇತ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನ್ನಿ ದಿ.15-02-2024 ತಾರ್ಕೆರ ಉಗ್ತಾವಣ ಕೆಲೆಂ. ಮುಖೇಲ ಸೊಯ್ರೆ ತ್ರಿಶಾ ಕ್ಲಾಸಸ್ ಸ್ಥಾಪಕ ಸಿ.ಎ. ಗೋಪಾಲಕೃಷ್ಣ ಭಟ್ ಹಾನ್ನಿ ಸಿ.ಎ. ಪರೀಕ್ಷಾ ಎದುರಿಸುನು ಬರೊವಚಾಕ ಪರೀಕ್ಷಾರ್ಥಿ್ಂಕ ಅವಶ್ಯಕ ಜಾಲೆಲೆ ಮನೋ ಸಾಮರ್ಥ್ಯ ಬದ್ದಲ ವಿವರಣ ದಿಲೆಂ. ಉಪನ್ಯಾಸಕ ಸಿ.ಎ. ಅಖಿಲೇಶ್ ಉಪಸ್ಥಿತ ಆಶಿಲಿಂಚಿ. ಡಾ. ಬಿ. ದೇವದಾಸ್ ಪೈ ಹಾನ್ನಿ ಕಾರ್ಯಕ್ರಮ ನಿರೂಪಣ ಕರನ ದೇವು ಬರೆಂ ಕೊರೊ ಸಾಂಗಲೆಂ.
ಧಾ ದಿವಸ ಭರ ಚಲಚೆ ಹೆಂ ಉಚಿತ ವಾಸ್ತವ್ಯ ತರಬೇತ ಶಿಬಿರಾಂತು ಸಿ.ಎ. ಇಂಟರ್ ಪರೀಕ್ಷಾರ್ಥಿಂಕ ಉತ್ತಮ ವಾಸ್ತವ್ಯ ಆನಿ ಖಾಣ ಜೆವಾಣಾಚೆ ವ್ಯವಸ್ಥಾ ಆಸುನು, ನವೀನ ರೀತೀಚೆ ಸಂಪೂರ್ಣ ಪುನರ ಅಭ್ಯಾಸ ಆನಿ ಪರೀಕ್ಷಾ(mock exam) ದಿವನು ಅಂತಿಮ ಮಟ್ಟಕ ತಯಾರ ಕರಚೆ ಆಸಾ. ಹೆಂ ಕಾರಣಾ ನಿಮಿತ್ತ ಮಾಗಶಿ ತೀನಿ ಬ್ಯಾಚ್ ಬರೆಂ ಸಂಖ್ಯೆರಿ ವಿದ್ಯಾರ್ಥಿಂ ಉತ್ತೀರ್ಣ ಜಾಲಾಂಚಿ.
ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ಸಂಸ್ಥೆ ವಿಶ್ವ ಕೊಂಕಣಿ ಕೇಂದ್ರ ಸಾಂಗಾ ತಕ ಮೆಳುನು ಹೆಂ ತರಬೇತ ಯೋಜನ ಮಾಂಡುನ ಹಾಳೆಲೆ ಆಸಾ.