ಸಾಂ. ವಿಶೆಂತ್ ಪಾವ್ಲ್ ಸಭಾ( SSVP) ಮಂಗ್ಳುರ್, ಕೇಂದ್ರ್ ಮಂಡಳೆನ್ ಬೆಂದೂರ್ ಘಟಕಾಚ್ಯಾ ಜೋಡ್ ಆಸ್ರ್ಯಾಖಾಲ್ ಆಯ್ತಾರಾ 22 ಮಾರ್ಚ್ 2026 ವೆರ್ ಬೆಂದೂರ್ ಇಗರ್ಜೆ ಸಾಲಾಂತ್ ಏಕ್ ಅರ್ಥಾಪೂರ್ಣ್ ವಿಚಾರ್ ಸಾತೆಂ ಆನಿ ಸಂವಾದ್ ಕಾರ್ಯಾವಳ್ ಮಾಂಡುನ್ ಹಾಡ್ಲ್ಲಿ. ಸಕಾಳಿಂ ಧಾ ವರಾರ್ ಸುರ್ವಾತ್ಲೆಲ್ಯಾ ಕಾರ್ಯಾವಳಿಂತ್ ಸುಮಾರ್ 100 ಹುದ್ದೆದಾರ್ ಆನಿ ಸಾಂದ್ಯಾಂನಿ ಉರ್ಭೆನ್ ವಾಂಟೊ ಘೆತ್ಲೊ. ಮಂಗ್ಳುರ್ ಕೇಂದ್ರ್ ಮಂಡಳೆಚೊ ಆತ್ಮೀಕ್ ನಿರ್ದೇಶಕ್ ಮಾ| ಬಾ| ಫ್ಲೇವಿಯನ್ ಲೋಬೊ ಹಾಣಿ ಪ್ರಾಥನಾದ್ವಾರಿಂ ಕಾರ್ಯಾವಳಿಕ್ ಚಾಲನ್ ದಿಲೆಂ. ಜ್ಯೊ ಕುವೆಲ್ಹೊ ಹಾಣಿ ಕಾರ್ಯೆಂ ಚಲವ್ನ್ ವೆಲೆಂ.
ಆವೆ ಮರಿಯಾ ಪಾಲಿಯೇಟಿವ್ ಕೇರ್ ಸೆಂಟರ್ ಹಾಚಿ ಡಾ. ಲವೀನಾ ನೊರೊನ್ಹಾ ಪ್ರಮುಖ್ ಉಲವ್ಪಿ ಜಾವ್ನ್ ಹಾಜರ್ ಆಸೊನ್ ತಿಣೆ ಆಪ್ಲ್ಯಾ ಉಲವ್ಪಾಂತ್ “ಆಮಿ ಸೆವೆಕ್ ವಿಂಚುನ್ ಕಾಡ್ಲಲೆ” ಮ್ಹಳ್ಳ್ಯಾ ವಿಶಯಾಚೆರ್ ಆಪ್ಲೆ ವಿಚಾರ್ ವೆಕ್ತ್ ಕೆಲೆ. ದುಬ್ಳ್ಯಾ – ಧಾಕ್ಟ್ಯಾಂಕ್ ಘನತಾ ಆನಿ ಗವ್ರವಾನ್ ಪಳೆಂವ್ಚಿ ಗರ್ಜ್ ಆಸಾ ಮ್ಹಣ್ ಆಪ್ಲ್ಯಾ 36 ವರ್ಸಾಂತ್ಲಿಂ ಕಾಂಯ್ ನೀಜ್ ಘಡಿತಾಂ ದಾಕ್ಲೊ ಜಾವ್ನ್ ಘೆವ್ನ್ ಅನ್ಭೊಗ್ ವಾಂಟುನ್ ಘೆತ್ಲೆ. ಕುಮಕ್ ಕರ್ಚೆ ಪಯ್ಲೆಂ ನೀಜ್ ಗರ್ಜ್ ಸಮ್ಜೊಂಚೆಂ ವಿಶಿಂಯ್ ತಿಣೆ ಜಾಗ್ವಣಿ ದಿಲಿ.
ನಾಮ್ಣೆಚೊ ಉದ್ಯಮಿ ಜೋಸೆಫ್ ಮಿನೇಜಸ್ ಹಾಣಿ, “ಉತರ್ ಪ್ರಾಯೆರ್ ದಾನ್ ಕರುಂಕ್ ಶಿಕಜೆ” ಮ್ಹಳ್ಳೆ ವಿಶ್ಯಾಂತ್ ಆಪ್ಲೆ ಪ್ರಾಯೋಗಿಕ್ ವಿಚಾರ್ ಮಾಂಡ್ಲೆ. ಆರ್ಥಿಕ್ ಭದ್ರತಾ, ಶಿಸ್ತೆಚಿ ಉರವ್ಣಿ ಆನಿ ಪಯ್ಸಾದಿಶ್ಟಿಚಿ ಯೆವ್ಜಣ್ ಕಶೆಂ ಉತರ್ ಪ್ರಾಯೆರ್ ಭರ್ಮಾಚೆಂ ಜಿವಿತ್ ಜಿಯೊಂಕ್ ಉಪ್ಕಾರ್ತಾ ಮ್ಹಳ್ಳೆವಿಶ್ಯಾಂತ್ ಗರ್ಜೆಚಿ ಮಾಯೆತ್ ದಿಲಿ.
ಬೆಂದೂರು ಘಟಕಾಚ್ಯಾ ಫ್ಲೇವಿ ಲೋಬೊ ಹಿಣೆ ದಿನ್ವಾಸ್ ಪಾಟಯ್ಲೆ.
