21-03-2026 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ, ಪ್ರಾಚೀನ ಸಂಪ್ರದಾಯ ಪ್ರಮಾಣೆ ಚಡಾವತ ಗೋಯಾಂತ ಚಾಲೂ ಆಸಚೊ ಸಂಪ್ರದಾಯ- ‘ಪ್ರಸಾದ ಪಾಕಳಿ’ ಹ್ಯಾ ವಿಧಿಂತ ಪುರೋಹಿತಾ ದ್ವಾರಿ, ಭಕ್ತಾಂನಿ ದೇವಾಲಾಗಿ ಪ್ರಾರ್ಥನ ಕರತಾನಾ ಮೂರ್ತಿ ಪೀಠಾರಿ ಲಾಯಿಲೆ ಫುಲ್ಲಾಚೆ ಪಾಕಳಿ ಸಕಲ ಪಡತಾ. ಹೊ ಪೊರನೊ ದೇವಾಲೆ ಸಂಪ್ರದಾಯ ಮಸ್ತ ಭಕ್ತೀನ ಕರಚೆ ಆಸೂನು, ಆರತಾಂ ಉಣೆ ಜಾಲ್ಲೆ ದಿಸೂನ ಯೆತಾ. ಹೆಂ “ಪ್ರಸಾದ ಪಾಕಳಿ” ದೈವಿಕ ಪರಿಕಲ್ಪನೆ ಬದ್ದಲ ಮಾನವಿಕಾ ಶಾಸ್ತ್ರಾ ಆಧಾರಾನ ಸಂಶೋಧನ ಕರತಾ ಆಸೂಚೆ ಗೊಂಯಚೆ ಡಾ. ಬಾಲಾಜಿ ಶೆಣೈ ಹಾನಿ ದಿವೊ ಲಾವನ ಪರಿಚರ್ಚಾ ಸತ್ರಾಚೆ ಉಗ್ತಾವಣ ಕೆಲೆಂ. ವಿವರಣಾತ್ಮಕ ಸಂಶೋಧನಾ ಅಧ್ಯಯನಾಚೆ ಚರ್ಚಾ ಗೋಷ್ಠಿಂತ ಸಭಿಕಾನಿ ವಿಚಾರಿಲ್ಲೆ ಪ್ರಶ್ನೆಂಕ ತಾನ್ನಿ ಉತ್ತರ ದಿತ್ತಚಿ ವೆವೆಗಳೆ ದೇವಳಾಂತ ಫುಲ್ಲಾಚೆ ಪಾಕಳಿ ಲಾವಚೆ ವಿನ್ಯಾಸ ಆನಿ ಅರ್ಥ ವಿವರಣಾ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ ಎ ನಂದಗೋಪಾಲ ಶೆಣೈ ಹಾನ್ನಿ ಸ್ವಾಗತ ಕೆಲೆಂ. ಕಾಯ್ರಕ್ರಮಾಂತ ಮ್ಹಾಲ್ಗಡೆ ಜಾಲೆಲೆ ಪಯ್ಯನೂರು ರಮೇಶ ಪೈ, ಸಿ.ಎ. ಜಯಂತ ಶೆಣೈ ನಗರ್, ಎಮ್ ಗಣೇಶ್ ಭಟ್, ವಸಂತ ಶೆಣೈ, ಸಿ. ಎ. ಎಮ್ ಎನ್ ಪೈ, ಪ್ರೊ ಪ್ರಕಾಶ ಮಲ್ಯ, ಅನ್ನು ಮಂಗಳೂರು, ಸ್ಥಳೀಯ ದೇವಳಾಚೆ ಪ್ರತಿನಿಧಿ ಆನಿ ಹೆರ ಮಾನೆಸ್ತ್ ಲೋಕ, ಛಾತ್ರಂ ಭಾಗಿ ಆಶಿಲಿಂ. ಸುಚಿತ್ರಾ ಎಸ್ ಶೆಣೈ ಹಾನ್ನಿ ಸತ್ರ ಸಂಚಾಲನ ಕರನು, ಸಂಶೋಧಕಾಲೆ ಪರಿಚಯ ದಿಲೆಂ. ಕೇಂದ್ರಾಚೆ ಸಿ ಎ.ಒ ಡಾ ಬಿ ದೇವದಾಸ ಪೈ ಹಾನಿ ಆಭಾರ ಮಾಗಲೆಂ. ಹೆಂ ಸಂಧರ್ಭಾರ ಸಂಶೋಧಕ ಡಾ. ಬಾಲಾಜಿ ಶೆಣೈ ಹಾಂಕಾ ಯಾದಸ್ತಿಕಾ ದೀವನ ಮಾನ ಕೆಲೆಂ.
