A Good Administrator can’t be a Good Politician but a Dirty Politician can be a Good Administrator. ಆಮ್ಚ್ಯಾ ಸಮಾಜೆಚೊ ತಾಳೊ ಮ್ಹಣ್ ಆಮಿ ಭರ್ವಸೊನ್ ರಾವ್‍ಲ್ಲೊ ಆಮ್ಚ್ಯಾ ಮೊಗಾಚೊ ಲೊಬಾಮ್ ಹಾಚೆಂ ರಾಜಕೀಯ್ ಪಯ್ಣ್ ನಿಯಳ್ತಾನಾ ವ್ಹಯ್ಲಿ ಸಾಂಗ್ಣಿ ಕಿತ್ಯಾಕ್‍ಗೀ ಸತ್ ಮ್ಹಣೊನ್ ಮ್ಹಾಕಾ ಭಗ್ತಾ. ಲೊಬಾಮ್ ಏಕ್ ದಕ್ಷ್ , ನಿಷ್ಪಕ್ಷ್‍ಪಾತಿ ಆನಿ ಪಯ್ಸಾದೀಶ್ಟ್ ಆಸ್‍ಲ್ಲೊ ರಾಜಕಾರಣಿ ಮ್ಹಣ್ಚ್ಯಾಕ್ ದೋನ್ ಉತ್ರಾಂ ನಾಂತ್.
ತಾಚ್ಯಾ ಕಾರ್ಯಾವೈಖರಿ ವಯ್ರ್ ಮ್ಹಾಕಾ ವರ್ತೊ ಆಭಿಮಾನ್. ಆಮ್ಚೆಂ ಮಂಗ್ಳುರ್ ಸೊಭಂವ್ಚ್ಯಾಂತ್ ತಶೆಂಚ್ ದೇಶಾಂತ್ಲೆ ಏಕ್ ಬರೆಂ ಶಹರ್ ಜಾವ್ನ್ ಬದ್ಲಾವಣ್ ಹಾಡ್ಚ್ಯಾಕ್ ತಾಕಾ ಆಸ್‍ಲ್ಲಿ ಆಲೋಚನ್ … ಮ್ಹಾಕಾ ದಿಸಾನಾ ಸದ್ದ್ಯಾಚ್ಯಾ ಆಮ್ಚ್ಯಾ ದಕ್ಷಿಣ್ ಕನ್ನಡಾಚ್ಯಾ ಖಂಯ್ಚ್ಯಾಯ್ ದುಸ್ರ್ಯಾ ರಾಜ್‍ಕಾರಣಿಕ್ ಆಸಾ ಮ್ಹಣ್. ಇತ್ಲ್ಯಾ ವ್ಹಡ್ಲ್ಯಾ ಜಡಾಯೆಚಿ ಸಿ.ವಿ. ಆಸೊನೀ ಲೊಬಾಮ್ ಕಿತ್ಯಾಕ್ ಸಲ್ವಾಲೊ ಮ್ಹಳ್ಳೆಂ ಸವಾಲ್ ಆಮ್ಕಾಂ ಸರ್ವಾಂಕ್ ಧೊಸುನ್ ಆಸಾ.
ಲೊಬಾಮಾಕ್ ಕಳಿತ್ ನಾತ್‍ಲ್ಲೆಂಗೀ ?
ಹಾಂಗಾ ಹಿಂದುತ್ವಾಚೆಂ ಲ್ಹಾರ್ ಲೊಬಾಮಾಚ್ಯಾ ಸಲ್ವಣೆಂತ್ ವ್ಹಡ್ ಪಾತ್ರ್ ಖೆಳ್ಳಾಂ ಮ್ಹಣ್ಚ್ಯಾಕ್ ದೋನ್ ಉತ್ರಾಂ ನಾಂತ್. ಪುಣ್ ಹಾಂಗಾಚ್ ಲೋಬಾಮ್ ಆಡ್ಚಾಲೊ ಮ್ಹಣ್ಚ್ಯಾಕೀ ದೋನ್ ಉತ್ರಾಂ ನಾಂತ್. ಹಾಂಗಾ ಲೋಬಾಮಾಕ್ ಕಾಂಟ್ಯಾಂತ್ ಕಾಂಟೊ ಆರಾಮ್‍ಶೆ ಕಾಡ್ಯೆತ್ ಆಸ್‍ಲ್ಲೊ. ಮುಳಾವ್ಯಾಂತ್ಲ್ಯಾ ಮುಳಾವ್ಯಾ ಕೊಂಗ್ರೆಸ್‌ಗಾರಾಂಕ್ ಲೊಬಾಮ್ ಜಿಕ್ಚೊ ಆವ್ಕಾಸ್ ಉಣೊ ಮ್ಹಣೊನ್ ಕಳಿತ್ ಆಸ್‍ಲ್ಲೆಂ ಆಸ್ತಾಂ ಲೊಬಾಮಾಕ್ ಹಾಚಿ ಜಾಣ್ವಯ್ ನಾತ್‍ಲ್ಲಿ ಮ್ಹಳ್ಯಾರ್ ಆಮಿ ಪಾತ್ಯೆವ್ಯೆತ್‍ಗೀ ? ಲೊಬಾಮಾನ್ ಹಿಂದುತ್ವ ಮುಕಾರ್ ಹಿಂದುತ್ವಚೆಂ ಕಾರ್ಡ್ ಖೆಳೊನ್ ಆಪ್ಣಾಕ್ ಎಮ್ಮೆಲ್ಸಿ ಸೀಟ್ ಜಾಯ್ ಮ್ಹಣ್ ಥೊಡಿ ಸೊದ್‌ದೊಡ್ ಕೆಲ್ಲಿ ತರ್, ಮ್ಹಾಕಾ ಭೊಗ್ತಾ ಎಕಾ ಮಾರಾಕ್ ದೋನ್ ಸುಕ್ಣಿಂ ಮಾರ್‌ಲ್ಲ್ಯಾ ಬರಿಂ ಜಾತಿಂ ಆನಿ ಆತಾಂಚ್ಯಾ ಮಂತ್ರಿಮಂಡಳಾಂತ್ ತಾಕಾ ಏಕ್ ಜಾಗೊ ಮೆಳ್ಚೊ ಸಂಭವ್ ಚಡ್ ಆಸ್‍ಲ್ಲೊ ತೆಂ ಇನ್ಕಾರ್ ಕರುಂಕ್ ಜಾಯ್ನಾ.
ಲೊಬಾಮ್ ಸುಕ್ಯಾ ಸಯ್ಲಾಪಾಂಕ್ ಪಾತ್ಯೆಲೊಗೀ ?
ಚುನಾವ್ ಲಾಗಿಂ ಯೆತಾನಾ ಲೊಬಾಮಾಚ್ಯಾ ಭಂವ್ತಿ ಆಂಜ್ ಭಡ್ವ್ಯಾಂಚೊ ಕೋರ್ ಮ್ಹಳ್ಳ್ಯಾಪರಿಂ ಏಕ್ ಪಾಟ್ಲಾಮ್‍ಚ್ ಉಬಿ ಜಾತಾ. ಪಾಶಾರ್ ಜಾಲ್ಲ್ಯಾ ವರ್ಸಾಂನಿ ಖಂಯ್ಸರಿ ಹಾಂಚೊ ಪಾತ್ತೊ ಆಸಾನಾ. ಹೆ ಸಗ್ಳೆ ಪಾಟ್ಲಾವ್ದಾರಿ ಮ್ಹಣ್ಚ್ಯಾಕೀ ಹಾಣಿಂ ಲೊಬಾಮಾಕ್ ರಿಮೊಟ್ ಕಂಟ್ರೊಲಾಪರಿಂ ಉಪೆಗ್ ಕರುಂಕ್ ಪಳೆಲಾಂ ಮ್ಹಳ್ಯಾರ್ ಮ್ಹಜಿ ಚೂಕ್ ಜಾಂವ್ಚಿ ನಾ. ಹಾಕಾ ಸಾಕ್ಸ್ ಮ್ಹಳ್ಳ್ಯಾಬರಿ ಚುನಾವಾ ತೆದ್ನಾಂ ಹ್ಯಾ ರಾಕಣ್ ಭಡ್ವ್ಯಾಂ ಥಾವ್ನ್ ಸಂಘಟಿತ್ ವಾವ್ರ್ ದಿಸೊಂಕ್ ನಾ. ಖಂಡಿತ್ ಜಾವ್ನ್ ಹ್ಯಾ ರಾಕಣ್ ಭಡ್ವ್ಯಾಂಕ್ ತಾಂಚೊ ವೈಯುಕ್ತಿಕ್ ಎಜೆಂಡಾ ಮುಖ್ಯ್ ಜಾವ್ನಾಸ್‍ಲ್ಲೊ ಶಿವಾಯ್ ಲೊಬಾಮಾಚಿ ಜೀಕ್ ವಾ ಸಮಡ್ತಿಚಿ ಉದರ್ಗತ್ ಹ್ಯಾ ದಿಶೆನ್ ಕಿತೆಂಚ್ ಪಡೊನ್ ವಚೊಂಕ್ ನಾತ್‍ಲ್ಲೆಂ ಮ್ಹಳ್ಳೆಪರಿಂ ದಿಸ್ತಾ. ಸಾಂಗಾತಾಚ್ಚ್ ಥೊಡ್ಯಾ ಮಟ್ಟಾಕ್ ಲೊಬಾಮಾಚೊ ಒವರ್ ಕೊನ್ಫಿಡೆನ್ಸ್. ಬೋವ್‌ಶಾ ಲೊಬಾಮಾನ್ ಚಿಂತ್‍ಲ್ಲೆಂ ಆಸೊಂಕ್ ಪುರೊ ಏಕ್ ಸಮ್ಮೇಳ್ ಕರುನ್ ಕಥೊಲಿಕ್ ಸಭೆ ಮುಖಾಂತ್ರ್ ಗುರ್ಕಾರಾಂಕ್ ಆಪೊವ್ನ್ ಚಾರ್-ಪಾಂಚ್ ಸಾಯ್ಭಾಂಚೊ ಮುದಿಯೆ ಉಮೊ ದಿವಯ್ಲ್ಯಾರ್ ಲೋಕ್ ಆಪ್ಣಾ ಥಂಯ್ ಪವಿತ್ರ್ ಜಾತಾ ಮ್ಹಣ್. ತೊ ಕಾಳ್ ಆತಾಂ ಗೆಲಾ.
ಪೊದೊರ್ನಿಚೆರ್ ದೃಡ್ ಭರ್ವಸೊ ?
ಆತಾಂಚ್ಯಾ ಸ್ಪರ್ದಾತ್ಮಕ್ ಸಂಸಾರಾಂತ್ ಮುಕಾರ್ ಯೇಜೆ ತರ್ ಹರ್ಯೆಕ್ಲ್ಯಾಕ್ ತಾಂಚ್ಯಾ ಜಿಣ್ಯೆಂತ್ ಎಕಾ ಪೊದೊರ್ನಿಚಿ ಚಡ್ ಗರ್ಜ್ ಆಸ್ತಾ. ಪುಣ್ ಆಮ್ಚ್ಯಾ ಸಮಡ್ತಿಂತ್ ಆಮಿ ಪಾತ್ಯೆತಾಂವ್ ಎಕ್ಲ್ಯಾಕ್ ಎಕ್‍ಚ್ ಪೊದೊರ್ನ್ ಆಸೊಂಕ್ ಜಾಯ್. ಪುಣ್ ಎಕಾ ಪೊದೊರ್ನಿಕ್ ಕಿತ್ಲಿಂಯ್ ಫಿಲ್ಯಾದಾಂ ಆಸ್ಯೆತ್. ಲೊಬಾಮಾ ಥಂಯ್ ಜಾಲ್ಯಾರೀ ಆಶೆಂಚ್ ಘಡ್ಲಾಂ ಮ್ಹಣ್ ಸಾಂಗ್ಯೆತ್. ಪೊದೊರ್ನಿಕ್ ಫಿಲ್ಯಾದಾಂ ಜಾಯ್ತಿಂ ಆಸ್‍ಲ್ಲಿಂ ಜಾಲ್ಲ್ಯಾನ್ ಖಂಯ್ಚ್ಯಾ ಫಿಲ್ಯಾದಾ ಥಂಯ್ ಬಳ್ ಚಡ್ ಆಸಾ ತ್ಯಾ ಫಿಲ್ಯಾದಾಕ್ ಪೊದೊರ್ನಿನ್ ಆಪ್ಲ್ಯಾ ಸ್ವಂತ್ ಫಾಯ್ದ್ಯಾಕ್ ಲಾಗೊನ್ ಲಿಪೊನ್ ತರೀ ಸಹಕಾರ್ ದಿಲಾ ಮ್ಹಣ್ಚೆಂ ಕಾಂಯ್ ನೆಗಾರುಂಕ್ ಜಾಯ್ನಾ ತಸಲೆಂ ಸತ್ ನ್ಹಂಯ್. ಹ್ಯಾ ವ್ಯಾಪಾರಿ ಯುಗಾಂತ್ ಸಗ್ಳೆ ವ್ಯಾಪಾರಿ ಮನೋಭಾವಾಂತ್ ಚಿಂತುನ್ / ಪಾತ್ಯೆವ್ನ್ ಆಸ್ತಾನಾ ಲೊಬಾಮಾನ್ ಕಥೊಲಿಕ್ ಭಾವಾಡ್ತಾ ವಯ್ರ್ ಚಡ್ ಪಾತ್ಯೆಣಿ ದವರ್ಲಿ ಮ್ಹಣೊನ್ ಚಿಂತ್ಯೆತ್‌ಗೀ ?
ಪಾಟಿಂ ಸರ್‌ಲ್ಲಿಂ ಮಾಧ್ಯಮಾಂ ?
ಆತಾಂಚ್ಯಾ ಪರಿಸರಾಂತ್ ಆಪ್ಲೊ ವಾವ್ರ್ , ಆಪ್ಲಿ ಒಳೊಕ್ ಲೊಕಾ ಪರ್ಯಾಂತ್ ಪಾಪಂವ್ಕ್ ಮಾಧ್ಯಮಾಂ ವ್ಹಡ್ ಪಾತ್ರ್ ಖೆಳ್ತಾತ್. ಆಡಳ್ತ್ಯಾ ಪಕ್ಷೆಚೊ ಚುಕಿ ಲಿಪವ್ನ್ ದವರ್ನ್ ಲೊಕಾಚೆಂ ಧ್ಯಾನ್ ಹೆರ್ ವಿಶಯಾಂ ಥಂಯ್ ಕಶೆಂ ಯಶಸ್ವಿ ಥರಾನ್ ಘುಂವ್ಡಾಯ್ತಾತ್ ಮ್ಹಣ್ಚ್ಯಾಕ್ ಆತಾಂಚಿಂ ಬಕೆಟ್ ಮಾಧ್ಯಮಾಂಚ್ ಸಾಕ್ಸ್ ಸಾವ್ನಾಸಾತ್. ಪುಣ್ ಆಮ್ಚ್ಯಾ ಲೊಬಾಮಾ ಗಿಂ ಲಿಪಮ್ವ್ಕ್ ಕಿತೆಂಚ್ ನಾತ್‍ಲ್ಲೆಂ. ಚಡಾವತ್ ಲೊಕಾಕ್ ಕಳಿತ್ ಆಸಾ ತಾಚೆಂ ಜೀವನ್ ಮ್ಹಳ್ಯಾರ್ ಉಗ್ತೆಂ ಪಾನ್ ಮ್ಹಣೊನ್. ಆಶೆಂ ಆಸೊನೀ ‘ಆಮ್ಚಿಂ’ ಮಾಧ್ಯಮಾಂ ಲೊಬಾಮಾಕ್ ಜೊಕ್ತೊ ಪ್ರಚಾರ್ ದೀಂವ್ಕ್ ಕಿತ್ಯಾಕ್ ಸಲ್ವಾಲಿಂ ?
ಸಗ್ಳಿಂ ಸೊಡ್ಯಾಂ ಮಂಗ್ಳುರ್ ದಿಯೆಸೆಜೆಚ್ಯಾ ಆಧಿಕೃತ್ ಹಪ್ತ್ಯಾಳ್ಯಾರ್ ತರೀ ಕಾಂಯ್ ಇಲ್ಲೊ ಪ್ರಚಾರ್ ಲೊಬಾಮಾಕ್ ದಿವ್ಯೆತ್ ಆಸ್ಲೊ. ಆತಾಂ ಆಮ್ಕಾಂ ತಶೆಂ ಕರುಂಕ್ ಜಾಯ್ನಾ ಸಾಮಾಜಿಕ್ ಬ್ಯಾಲೆನ್ಸ್ ರಾಕೊನ್ ವ್ಹರುಂಕ್ ಜಾಯ್ ಮ್ಹಣೊನ್ ಚಿಂತ್ಚ್ಯಾ ಮಾನೆಸ್ತಾಂಕ್ ಮ್ಹಜೆಂ ಸವಾಲ್ – ಹೆಂ ಸತ್ ವ್ಹಯ್ ತರ್ ಸಮ್ಮೇಳನಾಂತ್ ಇತ್ಲ್ಯಾ ಸಾಯ್ಭಾಚಿಂ ಆನಿ ಸಯ್ರ್ಯಾಂಚಿ ವೇದಿರ್ ಗರ್ಜ್ ಆಸ್‍ಲ್ಲಿಗಿ ? ( ತೆಂ ಚುನಾವಾಕ್ ಸಂಬಂದಿತ್ ಜಾಲ್ಲೆಂ ಕಾರ್ಯೆಂ ನ್ಹಂಯ್ ಮುಣೊನ್ ಚಿಂತ್ತೆಲ್ಯಾಂಕ್ White Wash ಕರುಂಕ್ ಸ್ವಾತಂತ್ರ್ಯ್ ಆಸಾ. )
ಸಾಮಾಜಿಕ್ ಮಾದ್ಯಮಾಂಚೊಂ ಸಾರ್ಕೊ ಉಪಯೋಗ್ ನಾತ್ಲ್ಲೊ ?
ಆತಾಂಚ್ಯಾ ವೈಜ್ಞಾನಿಕ್ ಸಂಸಾರಾಂತ್ ಸಾಮಾಜಿಕ್ ಜಾಳಿ ಜಾಗೆ / ಮಾದ್ಯಮಾಂ ಲೊಕಾಮುಕಾರ್ ಆಪ್ಲ್ಯಾ ವಾವ್ರಾಚಿ ಝಳಕ್ ದೀಂವ್ಕ್ ಮಹತ್ವಾಚೊ ಪಾತ್ರ್ ಖೆಳ್ತಾತ್. ಥೊಡ್ಯಾಂಕ್ ಹಿಂ ಮಾಧ್ಯಮಾಂ ಆಪ್ಲೆಂ ಫೊಟ್ ಭರುಂಕ್, ದಿಸ್ಪಡ್ತೊ ಗ್ರಾಸ್ ಜೊಡುಂಕ್ ಆಸ್ರೊ ಜಾಂವ್ಕ್ ಪಾವ್ಲ್ಯಾಂತ್ ತರ್ ಜಾಯ್ತ್ಯಾ ನಿಸ್ವಾರ್ಥಿ ಸಮಾಜ್ ಸೇವಕಾಂಕ್ ಆಪ್ಲ್ಯಾ ವಾವ್ರಾಚಿ ಝಳಕ್ ಲೊಕಾ ಪರ್ಯಾಂತ್ ಪಾವಂವ್ಚಿಂ ಬಳಾಧಿಕ್ ಹಾತೆರಾಂ ಜಾಂವ್ಕ್ ಪಾವ್ಲ್ಯಾಂತ್. (ಸುರತ್ಕಲ್ ಟೋಲ್ ಗೇಟ್ ಕಾಡುಂಕ್ ಶ್ರೀ ಮುನಿರ್ ಕಾಟಿಪಳ್ಳ ಆನಿ ಸಾಂಗಾತ್ಯಾಂನಿ ಸಾಮಾಜಿಕ್ ಮಾಧ್ಯಮಾಂಚೊ ಕಸೊ ಪ್ರಭಾವಿಕ್ ರಿತಿನ್ ಉಪಯೋಗ್ ಕೆಲಾ ಮುಣ್ಚ್ಯಾಕ್ ಆಪುರ್ಬಾಯೆಚೆಂ ಉದಾಹರಣ್ )
ಕೋಣ್ ಆಪುಣ್ ಸಮಾಜೆಚೆಂ ಬರೆಂಪಣ್ ಕರುನ್ ಆಸಾಂ ತ್ಯಾ ದೆಕುನ್ ಆಮ್ಚ್ಯಾ ಚಾನೆಲಾಕ್ ಲೈಕ್ ಕರಾ , ಶೇರ್ ಕರಾ ಆನಿ ಸಬ್‌ಸ್ಕ್ರೈಬ್ ಕರಾ ಮ್ಹಣ್ತೆಲ್ಯಾಂಕ್ ಸಮಾಜೆಚ್ಯಾ ನಾಂವಾರ್ ಆಪ್ಲೆಂ ಪೋಟ್ ಭರ್ಚೊಚ್ ಉದ್ದೇಶ್ ಸೊಡ್ಲ್ಯಾರ್ ಸಮಾಜೆಚೆಂ ಕಿತೆಂಚ್ ಪಡೊನ್ ವಚೊಂಕ್ ನಾ. ಆಸಲ್ಯಾ ಪರಿಸ್ಥಿತೆಂತ್ ಲೊಬಾಮಾನ್ ಸಾಮಾಜಿಕ್ ಮಾದ್ಯಮಾಂನಿ ಆಪ್ಲೊ ವಾವ್ರ್ ಮುಕಾರ್ ದವರ್ನ್ ಬಳಿಷ್ಟ್ ರಿತಿನ್ ಉಪಯೋಗ್ ಕರ್ಯೆತ್ ಆಸ್‍ಲ್ಲೊ. ಪುಣ್ ಲೊಬಾಮ್ ಹಾಂತುಂ ಸಲ್ವಾಲೊ ಮ್ಹಣ್ಯೆತ್.
ಲೊಬಾಮಾಚ್ಯಾ ಸಮಾಜಿಕ್ ಮಾಧ್ಯಮಾಚೊ ಉಪ್ಯೊಗ್ ಪಕತ್ ಘರ್ ವೊಕ್ಲಾಂಕ್ , ಕಾಜಾರಾ ಸಂಭ್ರಮಾಂಕ್ , ಮೊರ್ನಾಕ್ ವೆಚೆ ಆಸಲೆ ವಿಡಿಯೊ ಘಾಲ್ಚ್ಯಾಕ್ ಸೀಮಿತ್ ಜಾವ್ನ್ ಗೆಲ್ಲೆಂ. ಲೊಬಾಮ್ ಆಪ್ಲ್ಯಾ ಕಾರ್ಯಾಕ್ ಆಯ್ಲಾ ಮ್ಹಣೊನ್ ವೊವ್ಳಿಗ್ ದಿಲ್ಲ್ಯಾಂನಿ ವಿಡಿಯೊ ಘಾಲ್ನ್ ಲೊಬಾಮಾಚೊ ಪ್ರಚಾರ್ ಕರಿಜೆ ಆಸ್‍ಲ್ಲೊ. ಪುಣ್ ಹಾಂಗಾ ಲೊಬಾಮ್ ತಾಂಚೊ ಪ್ರಚಾರ್ ಕರುನ್ ಆಸ್‍ಲ್ಲೊ. ಲೊಬಾಮಾಚೆಂ ನಾಂವ್ ಇತ್ಲ್ಯಾಕ್‍ಚ್ ಸೀಮಿತ್ ಜಾಂವ್ಕ್ ನಜೊ ಆಸ್‍ಲ್ಲೆಂ. ಅನಿಕೀ ಬರ‍್ಯಾನ್ ಸಾಮಾಜಿಕ್ ಮಾಧ್ಯಮಾಂಚೊ ಲೊಬಾಮಾನ್ ಉಪಯೋಗ್ ಕರ್ಯೆತ್ ಆಸ್‍ಲ್ಲೊ.
ಲೊಕಾಲಾಗಿಂ ಪಾವೊಂಕ್ ಕೆಲ್ಲಿ ಘಳಾಯ್ ?
ಲೊಬಾಮಾನ್ 2018 ಎಲಿಸಾವಾಂತ್ ಸಲ್ವಾಲ್ಲ್ಯಾ ತವಳ್ ಥಾವ್ನ್ ಥಳಾ ಹಂತಾರ್ ಕಾಮ್ ಸುರು ಕರಿಜೆ ಆಸ್‍ಲ್ಲೆಂ. ಪುಣ್ ಲಗ್ಭಗ್ ಸಾಡೆ ಚ್ಯಾರ್ ವರ್ಸಾಂ ಪರ್ಯಾಂತ್ ಲೊಬಾಮಾ ಥಂಯ್ ಆಸಲೆಂ ಎಕ್ ಪ್ರಯತ್ನ್ ದಿಸೊನ್ ಯೆಂವ್ಕ್ ನಾ. ಆಖ್ಖ್ಯಾ ಮಂಗ್ಳುರ್ ಆನಿ ಉಡುಪಿ ದಿಯೆಸಿಜಾಂಕ್ ನ್ಹಂಯ್ ತರೀ ಆಪ್ಲ್ಯಾ ಕ್ಷೇತ್ರಾ ಭಿತರ್ ಯೆಂವ್ಚ್ಯಾ ಇಗರ್ಜಾಂನಿ, ಪ್ರದೇಶಾಂನಿ ಆಪ್ಣೆ ಲೊಕಾ ಪರ್ಯಾಂತ್ ಪಾಂವ್ಚಿ ಪ್ರಯತ್ನಾಂ ತಾಣೆ ಚಾಲು ದವರಿಜೆ ಆಸ್‍ಲ್ಲಿಂ. ಸರ್ಕಾರಾ ಥಾವ್ನ್ ಸಭಾರ್ ಥರಾಂಚಿ ಆನುದಾನಾಂ ಆಮ್ಚ್ಯಾ ಲೊಕಾಕ್ ಮೆಳ್ತಾತ್. ಪುಣ್ ಚಡ್ ಆನಿ ಚಡ್ ಲೊಕಾಂಕ್ ಹಾಚಿ ಖಬರ್ ಸಯ್ತ್ ಆಸಾನಾ. ಬರೊ ಆವ್ಕಾಸ್ ಆಸ್‍ಲ್ಲೊ ಆಮ್ಚ್ಯಾ ಇಗರ್ಜಾಂನಿ. ಹರ್ಯೆಕ್ ಹಪ್ತ್ಯಾಂತ್ ನ್ಹಂಯ್ ತರೀ ಮಯ್ನ್ಯಾಕ್ ಏಕ್ ಇಗರ್ಜೆಕ್ ವಚೊನ್ ಥೊಡ್ಯಾ ಯುವಕಾಂಕ್ ಜಮೊವ್ನ್ ಏಕ್ ಸಂಘಟನ್ ಕರುನ್ ಸರ್ಕಾರಾಚ್ಯಾ ಸವ್ಲಾತಾಯಾಂ ಥಂಯ್ ಉಜ್ವಾಡ್ ಘಾಲ್ಲೊ ತರ್ ಮ್ಹಾಕಾ ಭಗ್ತಾ ಎಕ್ ದಾಕ್ಟುಲೆಂ ಯುವ ಸಯ್ನ್‌ಚ್ ಆಜ್ ತಯಾರ್ ಜಾತೆ ಆಸ್‍ಲ್ಲೆಂ. ಆಡಳ್ತ್ಯಾಂತ್ ಆಸ್‍ಲ್ಲ್ಯಾ ಸರ್ಕಾರಾಕ್ ದುರ್ಸಾನಾಸ್ತಾನಾ ಲೊಕಾಚ್ಯಾ ಹಕ್ಕಾಂ ವಿಶಿಂ ತಾಂಚೆ ಥಂಯ್ ಜಾಗೃತಿ ಹಾಡ್ಚೆಂ ಪ್ರಯತ್ನ್ ಕೆಲ್ಲೆಂ ತರ್ ಪಾಂಚ್ ವರ್ಸಾಂನಿ ಬರಿಚ್ ಬದ್ಲಾವಣ್ ಯೆತಿ ಆಸ್‍ಲ್ಲಿ. ಪುಣ್ ಪಾಶಾರ್ ಜಾಲ್ಲ್ಯಾ ಪಾಂಚ್ ವರ್ಸಾಂನಿ ಆಸಲೆಂ ಏಕ್ ಪ್ರಯತ್ನ್ ಘಡ್‍ಲ್ಲೆಂ ದಿಸೊನ್ ಯೆಂವ್ಕ್ ನಾ.
ಆನ್ಯೇಕ್ ಗಮನಾರ್ಹ್ ಗಜಾಲ್ ಕಿತೆಂಗಿ ಮುಳ್ಳ್ಯಾರ್ ಲೊಬಾಮಾನ್ ಕಿತ್ಲಿಂಯ್ ಆಬಿವೃದ್ದೆಚಿಂ ಕಾಮಾಂ ಕೆಲ್ಯಾರೀ ವಾ ಕಿತ್ಲಿಂಯ್ ತಾಚಿಂ ಆಬಿವೃದ್ದಿ ಸಂಬಂದಿ ಯೋಜನಾಂ ಆಸ್ಲ್ಯಾರೀ ತಿಂ ಪರಿಣಾಮ್‍ಕಾರಿ ರಿತಿನ್ ಲೊಕಾ ಪರ್ಯಾಂತ್ ಪಾವಂವ್ಚ್ಯಾಂತ್ ತಾಚೊ ತಾಳೊ ಸಲ್ವಾಲಾ. ಕಿತ್ಲೆಶೆಗಿ ಸಮಸ್ಯೆ ಆಸ್‍ಲ್ಲೆ ತೆ ಆನಿಕೀ ಬರ‍್ಯಾ ರಿತಿನ್ ಉಲ್ಲೇಕ್ ಕರ್ಯೆತ್ ಆಸ್‍ಲ್ಲೆ. ಪುಣ್ ಲೊಬಾಮ್ ಫಕತ್ ಆಡಳ್ತ್ಯಾ ಪಾಡ್ತಿ ವಯ್ರ್ ಆರೋಪ್ ಮಾಂಡುನ್ ಹಾತ್ ಧುವ್ನ್ ಬಸ್ಲೊ.
ಆಶೆಂ ಆಮಿ If and Buts ವಯ್ರ್ ಜಾಯ್ತೆಂ ಉಲವ್ಯೆತ್ ತರೀ ಸದ್ದ್ಯಾಚಿ ಪರಿಸ್ಥಿತಿ ಲೊಬಾಮಾನ್ ಸಮ್ಜೊನ್ ಘೆಂವ್ಕ್ ಜಾಯ್. ಆಧಿಕಾರಾರ್ ನಾಂ ತರೀ ಲೊಕಾ ಪರ್ಯಾಂತ್ ಕಶೆಂ ಪಾವೊಂಕ್ ಜಾಯ್ ಮ್ಹಳ್ಳೆಂ ಆನಿಕೀ ದಾಕವ್ನ್ ದಿವ್ಯೆತ್. ಎಕಾ ಪಾಡ್ತಿ ವಯ್ರ್ ಆಮಿ ಭರ್ವಸೊನ್ ರಾವ್ಲ್ಯಾಂವ್ ಮ್ಹಣ್ಚ್ಯಾಕೀ ಹೆರ್ ಪಾಡ್ತಿಂನಿ ಆಮ್ಕಾಂ ಕಿತೆಂ ದಿಲಾಂ ಆನಿ ಮುಕಾರಿಂ ಆಮಿಂ ಕಿತೆಂ ಆಪೇಕ್ಶಾ ದವರ್ಯೆತ್ ಮ್ಹಣೊನ್ ಸಯ್ತ್ ಚಿಂತುನ್ ಪಳೆಂವ್ಚಿ ಗರ್ಜ್ ಆಸಾ. ಕೊಂಗ್ರೆಸ್ ಪಾಡ್ತಿನ್ ಮಾತ್ರ್ ಕ್ರೀಸ್ತಾಂವಾಂ ವಿಶಿಂ ಚಿಂತ್ಲಾಂ ಸೊಡ್ಲ್ಯಾರ್ ಹೆರ್ ಪಾಡ್ತಿಂಕ್ ಕುಸ್ಕುಟಾಚೊ ಹುಸ್ಕೊ ಸಮೇತ್ ಕ್ರೀಸ್ತಾಂವಾಂ ವಯ್ರ್ ನಾ. ತಶೆಂ ಆಸ್ತಾಂ ಆಮ್ಚಿ ಕ್ರೀಸ್ತಾಂವಾಂಚಿ ಸೀಟ್, ಕ್ರೀಸ್ತಾಂವಾಂಚಿ ಸೀಟ್ ಮ್ಹಣೊನ್ ಫಕತ್ ಕೊಂಗ್ರೆಸ್ ಪಾಡ್ತಿಕ್ ಮಾತ್ರ್ ಉಟ್-ಬಸ್ ಕರ್ಚ್ಯಾ ಬದ್ಲಾಕ್ ತಾಣಿಂ ಸೀಟ್ ಕೊಣಾಕ್ ದಿಲ್ಯಾರೀ ಪಾರ್ಟಿ ಸಾಂಗಾತಾ ರಾವೊನ್ ಆಮ್ಚ್ಯಾ ಸಮುದಾಯಾಕ್ ಬರೆಂಪಣ್ ಮೆಳ್ಚ್ಯಾಬರಿ ಪಳೆವ್ಯೆತ್ ಆನಿ ಹಾಂಗಾ ಹೆರ್ ಪಾಡ್ತಿಚೆ ಚುನಾಯಿತ್ ಪ್ರತಿನಿಧಿ ಆಸ್ಲ್ಯಾರಿ ತಾಂಕಾಂ ಭರ್ವಾಶ್ಯಾಂತ್ ಘೆವ್ನ್ ಸಮಡ್ತಿ ಲಾಗೊನ್ ಕಾಮ್ ಕರ್ಚೆಂ ಆತಾಂ ಥಾವ್ನ್ಂಚ್ ಗರ್ಜೆಚೆಂ. ಆನಿ ಹ್ಯಾ ದಿಶೆನ್ ಲೊಬಾಮ್ ಆತಾಂ ಥಾವ್ನ್ಂಚ್ ಮೆಟಾಂ ಕಾಡ್ತಲೊ ಮ್ಹಣ್ ಹಾಂವ್ ಭರ್ವಾಸ್ತಾಂ.
– ನಾನು ಮರೋಲ್ , ತೊಟ್ಟಾಮ್
8 comments
ಕೊಣೆಂ, ವೋಟ್ ಗಾಲ್ಚೆಂ ಪ್ರಯತ್ನ್ ಕೆಲಾಂ?
ಕಾಣಿಯೊ ಬರವ್ನ್ ನುತ್ತಾ ನಿದ್ಲ್ಯಾರ್ ವೋಟ್ ಗಾಲ್ಚೊ ತ್ಹರೀ ಕೊಣೆಂ!
ವೋಟಾಂತ್ ಜಿಕ್ತಾ ಶಿವಾಯ್, ಕಾಣಿಯೊ, ವಿಮರ್ಶ್ಯಾನ್ ನ್ಹಹಿಂ.
2024ಂತ್ ಲೋಕ್ ಸಭಾ ಎಲಿಸಾಂವ್ ಆಸಾ.
ಸರ್ವ್ ಪರ್ದೆಶ್ಯಾಂನಿಂ, ತ್ಯಾಚ್ಚ್ ವೆಳಾರ್ ಪಾಂವ್ಚೆಂ.
ತಾಚ್ಯಾಕೀ ಪಯ್ಲೆಂ Voter Id Update ಕರ್ಚಿ.
ತೆದ್ನಾಂ ಕಾಂಯ್, ಭೊಲ್ತೆಂಚ್ಚ್ ಪಲಿತಾಂಶ್ ಆಪೇಕ್ಶಿಯೇತ್!!
A friend of mine was narrating hat the communal or religious compulsion is such, an employee of Lobo sirs office went ahead and voted for his party and he was very apologetic about it. It is majority vs minority, one can walk on his head, but unless light is seen by many of majority community, none will win, even one from majority community on non BJP ticket.
Yes surely more grass root work will help create more foot soldiers for the politician. We Christians are lazy enough to drive away a stray dog from the compound, we would rather put a stone fencing and feel secure than take the risk.
By winning the elections one becomes good politician ? If this is the case, look at our PM.
Good administrator can be a good politician, living example is our former PM Dr. Manmohan Singh.
Everyone, even his enemies know that Lobo mam is honest and hardworking politician, but Mr Lobo is not belonging to particular community and not in particular party.
As you explained in the article, present scenario in coastal districts are not favourable to other than this particular party and community. Unfortunately venom is deeply rooted and will not clear soon. Even well know leaders like Vinaya Kumar sorake from Kaup, Muniyal Shetty from Karkala, Gopal poojai from Byndoor, Mr Rai from Moodabidiri who work hard and matching with same community but lost the election, because of this craziness. End of the day it is not loss for Mr Lobo, it is loss for the Mangalore city and people.
ದುಕ್ರಕ್ ನಾಣೊವ್ನ್ ಕಾಂಯ್ ಪಾಯ್ದೊ ಅಸಾಗಿ
Good article
Good article,
Bore vishleshan. Ekass uthran sangche thor , zon ek hindu abyarthi ravullo thor jikso sambav asthona na thye Kondith. Amcha samudayeso vote pole zavnche boree catholic sabhecha mukel ponaar vavr zaitho zala ani 90% kristavani vote gala mulli pathyeni Muji. Atha vissheyek yevya…. Ashe Korije thoshe Korije asolle mun boroilyaar puro gee ?? Kai tummee ek team bandun kai vavr kela?
ಹಾಂವ್ ನವಿ ಮುಂಬೈಚ್ಯಾ ಏಕಾ ಅಸೆಂಬ್ಲಿ ಶೆತಾಂತ್ ರೆಜಿಸ್ಟರ್ಡ್ ಮತ್‍ದಾರ್ ತರ್-ಯೀ ಕರಾವಳಿಚ್ಯಾಂ ಸಂಗ್ತಿಂ ವಿಷಿಂ ಖಬರ್ ದವರ್ತಾಂ. ಹ್ಯಾ ಪಾವ್ಟಿಂ, ಶ್ರೀ ಜೆ. ಆರ್. ಲೋಬೊಚ್ಯೆಂ ತಶೆಂ ಶ್ರೀ ವೇದವ್ಯಾಸ್ ಕಾಮತಾಚ್ಯೆಂ ಫೇಸ್‍ಬುಕ್ ಪಾನ್ ಹಾಂವೆಂ follow ಕೆಲಾಂ. ಮಾಯ್ 8-ವ್ಯೆರ್, ಅಧಿಕ್ರತ್ ಪ್ರಚಾರ್ ಅಭಿಯಾನ್ ಸಂಪ್ಲೆಲ್ಯಾ ನಂತರ್, ಸಾಂಜೆಚ್ಯಾ evening prime ವೇಳಾರ್, ಭಾಜಪಾ ಉಮೇದ್ವಾರ್ ಕಾಮ್ತಿಚ್ಯೆಂ facebook live ಪ್ರೋಗ್ರೆಮ್ ಪಳೆವ್ನ್ ಬಸ್ಲೊಂ. ಉಪ್ರಾಂತ್, ಜೆ. ಆರ್. ಲೋಬೊ ಮತ್ತೊಮ್ಮೆfacebook live ಪಳೆಲೆಂ. ನಿಸ್ಪಕ್ಷ್ ಜಾವ್ನ್ ಸಾಂಗ್ತಾಂ. ಹ್ಯಾ ಮಾಧ್ಯಮಾ ದ್ವಾರಿಂ ವೇದವ್ಯಾಸ್ ಕಾಮತ್ ಆಪ್ಲೊ ಸಂದೇಶ್ ಮತದಾರಾಂಕ್ ಪಾವಂವ್ಚ್ಯಾಂತ್ ಚಡ್ ಯಶಸ್ವಿ ಜಾಲೊ ಮ್ಹಣ್ ಮ್ಹಜಿ ಅಭಿಪ್ರಾಯ್. ತಾಚ್ಯಾ ತುಲನಾಂತ್ ಜೆ. ಆರ್. ಲೋಬೊಚೊ ಸಂದೇಶ್ ತಿತ್ಲೊ positive ಆನಿಂ visionary ದಿಸೊಂಕ್ನಾಂ.
ಲೋಬೊ ಕಿತ್ಯಾಕ್ ಸಲ್ವಾಲೊ ಮ್ಹಣ್ ವಿಶ್ಲೇಶಣ್ ಕರ್ಚ್ಯಾ ಬದ್ಲೆಕ್ ಕಾಮತ್ ಕಿತ್ಯಾಕ್ ಜಿಕ್ಲೊ ಮ್ಹಣ್ ಭಾಸಾಭಾಸ್ ಕರ್ಚ್ಯೆಂ ಬರೆಂ.
ಪೈಲೆಂ: ಹ್ಯಾ ಶೆತಾಂತ್ ವ್ಹಡ್ ಆಂಕ್ಡ್ಯಾಂನಿಂ ಮತ್‍ದಾರ್ ಆಸ್ಚ್ಯಾ ಸಾರಸ್ವತ್ ಬಾಮ್ಣಾಂಕ್ ಕಾಮತ್ “ಮಿಗೆಲೊ” ಚೆರ್ಕೊ. ಲೊಬೊ ಬಾಮೊಣ್ ವ್ಹಯ್, ಪುಣ್ “ತಿಂಗೆಲೊ”.
ದುಸ್ರೆಂ, ಕರಾವಳಿ ಜಿಲ್ಲ್ಯಾಂನಿಂ ಕೇಸರಿ ಧ್ವಜ ಧಾರಕಾಂ ಪೈಕಿಂ ಕೊಂಕ್ಣಿ ಸಾರಸ್ವತ್ ಬಾಮೊಣ್ ಪೈಲೆ ಪಂಕ್ತಿರ್. ಶೆಕ್ಡ್ಯಾಂಚ್ಯೆ ಮಿನೆತೆ ಉಪ್ರಾಂತ್, ಕೇಸರಿ ದ್ವಜಾ ಸಕ್ಲಾ ಹೆರ್ “ಜಾತಿಂಚ್ಯಾಂ” ಹಿಂದ್ವಾಂಕ್ ಎಕ್ವಟಾಂವ್ಕ್ ತೆ ಯಶಸ್ವಿ ಜಾಲ್ಯಾತ್. ಪ್ರತ್ಯೇಕ್ ಜಾವ್ನ್ ಬೊಂಟ್ ಆನಿಂ ಬಿಲ್ಲವ ಹ್ಯಾ ಕೇಸರಿ “ಸಮಾಜಿಕ್-ಸಾಂಸ್ಕ್ರತಿಕ್-ರಾಜಕೀಯ್” ಘಠ್-ಬಂಧನಾಚ್ಯೆ ಭಾಗಿದಾರ್ ಜಾಲ್ಯಾತ್.
ತಿಸ್ರೆಂ, ಕೇಸರಿ ಘಠ್-ಬಂದನಾಚ್ಯೆ ಕರ್ಯಕರ್ತಾ RSS, VHP, ABVP, Bajarang Dal, ಆನಿಂ ಅರ್ಧೆಂ ಡಜನ್ ಹಿಂದು ಸಂಘಟನಾಚ್ಯೆ ಸ್ವಯಂಸೇವಕ್. ಕೇವಲ್ ದುಡ್ವಾ ಖಾತಿರ್ ತೆ ಚುನಾವಿ ಪ್ರಚಾರ್ ಕಾಮಾಂತ್ ನಾಂತ್. ಕೇಸರಿ volunteer cadres ಭಾಜಪಾಚಿ ಸಕತ್.
ಚವ್ತೆಂ, ಮಂಗ್ಳುರ್ ದಕ್ಶಿಣ್ ಶೆತಾಂತ್ 972 ದೇವಸ್ತಾನಾಂ, ದಿವ್ಳಾಂ, ಮೊಟಾಂ, ದೈವ ಸಾನಾ, ಭೂತಾ-ಗುಡಿ ತಸ್ಲಿಂ ಜಾತಿ-ಜಾತಿಂಚಿಂ ಪುಜಾ ಭೆಟಾಂವ್ಚಿಂ “ಭಕ್ತಿ ಆನಿಂ ಪವಿತ್ರ್ ಜಾಗೆ” ಆಸಾತ್. ಪಾಟ್ಲ್ಯಾಂ ಪಾಂಚ್ ವ್ಹರ್ಸಾಂನಿಂ ಶಾಸಕ್ ಕಾಮ್ತಿನ್ ಹಾಂಚ್ಯೆ “ಜೀರ್ಣೊದಾರ್” ಕರುಂಕ್ ಸರ್ಕಾರಿ ಅನುದಾನ್ ಹಾಡಯ್ಲಾಂ ಮ್ಹಣ್ ತೊ ಮಣ್ತಾ. ವಯ್ಲ್ಯಾನ್, ಕ್ರಿಸ್ಚನ್ ಡಿವಲಪ್‍ಮೆಂಟ್ ಬೋರ್ಡಾಚೆಂ ಅನುದಾನ್ CSI ಕ್ರಿಸ್ತಾಂವಾಂಚ್ಯಾ ಇಗರ್ಜ್ಯೆಂಕ್ ಆನಿಂ ಸಿಮೆತ್ರೆಂಕ್ ತಾಣೆಂ ವಾಪರ್ಲಾಂ ಮ್ಹಣ್ ತೊ ಸಾಂಗ್ತಾ.
ಪಾಂಚ್ವೆಂ, ಅಭಿವ್ರದ್ಧಿ ಕಾಮಾಂಚಿ ವ್ಹಡ್ ಏಕ್ ಪಟ್ಟಿ ಸಯ್ತ್ ತಾಣೆಂ ಪುಸ್ತಿಕಾ ರೂಪಾರ್ ಛಾಪುನ್, ಶೆತಾಂತ್ ಘರಾಂ ಘರಾಂಕ್ ವಾಂಟ್ಲ್ಯಾ. ಮುಕ್ಲ್ಯಾಂ ಪಾಂಚ್ ವ್ಹರ್ಸಾಂನಿಂ ಕಿತೆಂ ಕರ್ತಾಂ ಮ್ಹಳ್ಳಿ “ಪ್ರಣಾಲಿಕಾ” ಛಾಪುನ್, ಮತ್‍ದಾರಾಂಚ್ಯಾ ಘರಾ ಪಾವಯ್ಲ್ಯಾ.
ನಿಮಾಣೆಂ, ಪೂಣ್ ಅಧಿಕ್ ಘರ್ಜ್ಯೆಚ್ಯೆಂ, ತೊ ತರುಣ್ ಆನಿಂ ಕರಾವಳಿ ರಾಜಕಾರಣಾಂತ್ ಉದೆವ್ನ್ ಯೆಂವ್ಚೊ ಗತಿಶೀಲ್ ಮುಖೆಲಿ. ಮ್ಹಜೆಂ ಹೆಂ ನಿಮಾಣೆಂ ಎಲಿಸಾಂವ್ ಮ್ಹಣೊನ್ “ರಿಟಾಯರ್ಡ್” ಜಾಂವ್ಚೊ ಉಮೇದ್ವಾರ್ ನಹಿಂ.
I agree with you in most, but disagree with your last point. You said, Mr Kamath is young and rising leader, I don’t think this fact much affected to the voters. As coastal districts voters are like free filled computers machines, it really doesn’t matter for them, candidates young or old and educated or uneducated, as long as he or she carries that particular agenda, people will vote, even donkey stands for election, under this agenda, people will vote.
As you mentioned, I sure Mr Kamath have spent huge money for campaigning, because he was sitting MLA and has access to the public fund, unlike Mr Lobo who have to take out from his pocket. BJP have National gang for this purpose, in the last leg of the campaign chief minister of Maharashtra and chief minister of Assam, was there in coastal districts. I am sure they done their best to woo the voters in their special way, as Mr Sindhe, and Mr Sharma are best corrupt chief minister of India.
ಲೊಬಾಮ್ ಸಲ್ವೊಂಕ್‍ ನಾಂ ಬಗಾರ್ ಲೊಬಾಮಾನ್ ಕ್ರೀಸ್ತಾವಾಂಕ್ ಸಲ್ವಯ್ಲೆಂ. ತಾಚ್ಯಾ ಆನಿಂ ತಾಚ್ಯಾ ಪೊದೊರ್ನಿಚ್ಯಾ ಹಠಾಕ್ ಲಾಗೊನ್ ಮುಕ್ಲ್ಯಾ ಥೊಡ್ಯಾ ವರ್ಸಾಂಕ್ ಮಂಗ್ಳುರ್ ಆನಿಂ ಆಸ್‍ಪಾಸ್‍ಚ್ಯಾ ಕ್ಷೇತ್ರಾನಿಂ ಕ್ರೀಸ್ತಾವಾಂಕ್ ಕಾಂಗ್ರೇಸಾ ಥಾವ್ನ್ ಮೆಳಾತ್ ಆಸ್ಲಿ ಟಿಕೇಟ್ ಶಾಶ್ವತ್ ರಿತಿನ್ ಬಂದ್ ಜಾಲಿ.
Good article, good analysis. Hope some corrections will be possible in future elections. We need development and not religion based agenda, for sure in Udupi and Mangalore any person under BJP will win as of now. Can not predict how long! For sure Lobam would’ve brought big development without making noise and without corruption.