ʻಪಯಣ್ʼ ಸೆಂಚುರಿ ಪ್ರದರ್ಶನ್ ದಾದೊಸ್ಕಾಯೆಚೆಂ : ಐವನ್ ಡಿʼಸೋಜ

227

ಕೊಂಕ್ಣಿ ತಸಲ್ಯಾ ಪ್ರಾದೇಶಿಕ್ ಭಾಶೆಚೆಂ ಸಿನೆಮಾ ಪಯಣ್ ಶೆಂಬೊರ್ ದಿಸಾಂಚೆಂ ಪ್ರದರ್ಶನ್ ದೆಕ್ತಾ ತಿ ಗಜಾಲ್ ದಾದೊಸ್ಕಾಯೆಚಿ ತಶೆಂ ಕೊಂಕ್ಣಿ ಸಿನೆಮಾ ಶೆತಾಕ್ ನವ್ಯಾ ಭರ್ವಾಶ್ಯಾಚಿ. ಸೀಮಿತ್ ವೀಕ್ಷಕ್ ಆನಿ ಸಂಪನ್ಮೂಳಾಂನೀಯ್ ಕೊಂಕ್ಣಿ ಸಿನೆಮಾ ನಿರ್ಮಾಣ್ ಕರ್ಚೆಂ ಫಾಯ್ದ್ಯಾ ಖಾತಿರ್ ನಯ್, ಬಗಾರ್ ಕೊಂಕ್ಣಿ ಭಾಶೆಚ್ಯಾ ಮೊಗಾನ್ ಮ್ಹಳ್ಳೆಂ ವಿಸ್ರಾನಾಯೆ.  ಪಯಣ್ ಆಜ್ ಮೆರೆನ್ ಕೊಂಕ್ಣೆಂತ್ ಆಯಿಲ್ಲ್ಯಾ ಸರ್ವ್ ಸಿನೆಮಾಂ ಪ್ರಾಸ್  ವೆಗ್ಳೆಂ ಆಸೊನ್, ಧನಾತ್ಮಕ್ ಚಿಂತಪ್ ಪಾಸಾರ್ಚೆಂ ಆಪುರ್ಬಾಯೆಚೆಂ ಕಲಾತ್ಮಕ್ ಸಿನೆಮಾ. ಅಸಲೆಂ ಏಕ್ ಸಿನೆಮಾ ದಿಲ್ಲ್ಯಾ ಖಾತಿರ್ ಸಂಗೀತ್ ಘರ್ ಪ್ರೊಡಕ್ಶನಾಚ್ಯಾ ಮೆಲ್ವಿನ್ ಆನಿ ನೀತಾ ಪೆರಿಸ್ ಜೊಡ್ಯಾಕ್ ಅಭಿನಂದನ್ ಆನಿ ಶಾಭಾಸ್ಕಿ ” ಮ್ಹಣಾಲೊ ಕರ್ನಾಟಕ ವಿದಾನ್ ಪರಿಶದ್ ಸಾಂದೊ ಶ್ರೀ ಐವನ್ ಸೊಜ್

ಬಿಜೈ ಭಾರತ್ ಮಾಲ್ ಸಿನೆಮಾಂತ್ ಪಯಣ್ ಸಿನೆಮಾ ಶೆಂಭೊರ್ ದೀಸ್ ಪ್ರದರ್ಶನ್ ಸಂಭ್ರಮ್ ಸುವಾಳ್ಯಾರ್ ಮುಕೆಲ್ ಸಯ್ರೊ ಜಾವ್ನ್ ಹಾಜರ್ ಆಸುನ್ ತೋ ಉಲಯ್ತಾಲೊ. ಸುವಾಳ್ಯಾಕ್ ಸಾಂ. ಲುವಿಸ್ ಶಿಕ್ಪಾ ಸಂಸ್ಥ್ಯಾಂಚೊಂ ರೆಕ್ಟರ್ ಮಾ| ಬಾ| ಮೆಲ್ವಿನ್ ಪಿಂಟೊ, ಅನಿವಾಸಿ ಉದ್ಯಮಿ ಜೇಮ್ಸ್ ಮೆಂಡೋನ್ಸಾ,  ಮಾಂಡ್ ಸೊಭಾಣ್ ಅಧ್ಯಕ್ಶ್ ಲುವಿ ಪಿಂಟೊ ಮಾನಾಚೆ ಸಯ್ರೆ ಜಾವ್ನ್ ಹಾಜರ್ ಆಸ್ಲೆ. ಪಯಣ್ ಸಿನಿಮಾಚೊ ನಿರ್ದೇಶಕ್ ಜೊಯೆಲ್ ಪಿರೇರಾ ಹ್ಯಾ ಸಂದರ್ಬಾರ್ ವೆದಿರ್ ಹಾಜರ್ ಆಸ್ಲೊ. ನಿರ್ಮಾಪಾಕ್ ಮೆಲ್ವಿನ್ ಪೆರಿಸಾನ್ ಸಿನೆಮಾಚ್ಯಾ ಯಶಸ್ವೆಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊಂ ಉಪ್ಕಾರ್ ಭಾವುಡ್ಲೊ. ಲೆಸ್ಲಿ ರೇಗೊನ್ ಕಾರ್ಯೆಂ ಚಲಯ್ಲೆಂ.