ಎಪ್ರಿಲ್ 25 ವೆರ್ ಪಡ್ದ್ಯಾರ್ – ಫೊಂಡಾಚೊ ಮಿಸ್ತೆರ್

234

ಅಪ್ಲ್ಯಾ ಫುಡ್ಲದ್ ಫಿಲ್ಮ್ ಲಕ್ಕಿ ಡ್ರಾ 777 ಸವೆಂ ಕೊಂಕ್ಣೆಂತ್ ಅಪ್ಣಾಚಿಚ್ ಮ್ಹಳ್ಳಿ ಏಕ್ ವಳಕ್ ರುತಾ ಕೆಲ್ಲೊ ಕಿರೆಂ ಫಿರ್ಗಜಿಚೊ ರಾಯನ್ ಮ್ಯಾಗ್ನೀಟೊ, ಪರತ್ ಕೊಂಕ್ಣಿ ಫಿಲ್ಮ್ ಸಂಸಾರಾಕ್ ಅಪ್ಲಿ ದುಸ್ರಿ ದೆಣ್ಗಿ ದಿಂವ್ಚ್ಯಾಕ್ ಆಯ್ತೊ ಜಾಲಾ. ಹೆಂ ಫಿಲ್ಮ್ ಎಪ್ರಿಲ್ 25 ತಾರ್ಕೆರ್ ಮಂಗ್ಳುರ್ ಆನಿ ಉಡುಪಿಂತ್ ಲೊಕಾರ್ಪಣ್ ಜಾತೆಲೆಂ. ಮೇಯಾಂತ್ ಕುವೈಟಾಂತ್‌ಯ್ ಫಿಲ್ಮ್ ದಾಕವ್ಣಿ ಆಸೊಂಕ್ ಪುರೊ ಆನಿ ತಶ್ಂಚ್ ಹೆರ್ ಗಲ್ಫ್ ರಾಷ್ಟ್ರಾಂನಿಯ್ ಅವ್ಕಾಸ್ ಮೆಳ್ಳ್ಯಾರ್ ಫಿಲ್ಮ್ ದಾಕಂವ್ಕ್ ಅಪುಣ್ ತಯಾರ್ ಮ್ಹಣ್ತಾ ತೊ.

[blockquote align=”none” author=””]ಲಕ್ಕಿ … ಸುರ್ವಾತ್ [/blockquote]

ಭುರ್ಗ್ಯಾಂ ಥಾವ್ನ್ ವ್ಹಡಾಂ ಪರ್ಯಾಂತ್ ಸಾಂಗಾತಾ ಬಸೊನ್ ಪಳಂವ್ಚೆಂ ಏಕ್ ಹಾಸ್ಯ್ ಫಿಲ್ಮ್ – ಲಕ್ಕಿ ಡ್ರಾ 777.  ಏಕ್ ಸಾಧೊ ಲಾಟರಿ ಟಿಕೇಟಿಚೊ ವಿಷಯ್ ಘೆವ್ನ್, ಫಿಲ್ಮ್ ಪಳಂವ್ಚ್ಯಾ ಲೊಕಾಕ್ ಕುಸಳಾಂ ದುಖಾಸರ್ ಹಾಸವ್ನ್, ಫಿಲ್ಮಾಚ್ಯಾ ಆಖೇರ್ ಪರ್ಯಾಂತ್‌ಯ್ ಕದೆಲಾಕ್ ಚಿಡ್ಕೊನ್ ಬಸಂವ್ಚೆಂ ಮಾತ್ರ್ ನೈಂ, ಹಾಸೊನ್ ಹಾಸೊನ್ ದೊಳ್ಯಾಂನಿ ದುಃಖಾಂ ಹಾಡಯ್ತಾ. “ಪಯ್ಶಾಂಚಿ ಆಶಾ ಕರಿನಾಕಾ ಆನಿ ವ್ಹಡಿಲಾಂಕ್ ಉತರ್ ಪ್ರಾಯೆರ್ ಸಾಂಡಿನಾಕಾ”– ಹೆ ದೋನ್ ಸಂದೇಶ್ ದೀವ್ನ್ ಹೆಂ ಫಿಲ್ಮ್ ಸಂಪ್ತಾ.

ಪ್ರೇಕ್ಷಕಾಂಕ್ ಮೋಸ್ ಕರಿನಾ ತಸಲೆಂ ಫಿಲ್ಮ್ ‘ಲಕ್ಕಿ ಡ್ರಾ 777’

ಉಡುಪಿ – ಮಂಗ್ಳೂರ್ಚ್ಯಾ ಜಾಯ್ತ್ಯಾ ಇಗರ್ಜಿ ವಟಾರಾಂನಿ, ಕೆನಡಾ – ಲಕ್ಸೆಂಬರ್ಗ್ ಸಯ್ತ್ ಪಾವೊನ್ ಅಪ್ಲೆ 50 ದಾಕವ್ಣ್ಯೊ ಸಂಪವ್ನ್ ಲಗ್ಭಗ್ 18,000 ಲೊಕಾಂಚಿ ಪಾವ್ಲಾಂ ತಾಣಿಂ ಮೆಜ್ಲ್ಯಾಂತ್. ಅಸ್ಲೊಏಕ್ ದಾಕ್ಲೊ ಭೋವ್ಶಾ ಕೊಂಕ್ಣೆಂತ್ ಪಯ್ಲೊ. ಫಿಲ್ಮ್ ಪಳಯ್ಲೆಲ್ಯಾ ಸಕ್ಡಾಂನಿ ಫಿಲ್ಮಾವಿಶಿಂ ಹೊಗ್ಳಿಕ್ ಉಚಾರ್ಲ್ಯಾ ಮಾತ್ರ್ ನೈಂ ಮುಖ್ಲ್ಯಾ ಫಿಲ್ಮಾಕ್ ಅಪ್ಲೊ ಅಧಾರ್ ಭಾಸಯ್ಲಾ.

https://en.wikipedia.org/wiki/Lucky_Draw_777

[blockquote align=”none” author=””]ದುಸ್ರೆಂ ಫಿಲ್ಮ್ –  ಫೊಂಡಾಚೊ ಮಿಸ್ತೆರ್ [/blockquote]

“ಫೊಂಡಾಚೊ ಮಿಸ್ತೆರ್” – ರಾಯನಾಚೆಂ ದುಸ್ರೆಂ, ಹಾಸ್ಯ್ ಆನಿ ಕುತೂಹಲ್‌ಭರಿತ್ ಫಿಲ್ಮ್. ಪಯ್ಲ್ಯಾ ಫಿಲ್ಮಾಚ್ಯಾಕಿ ಚಡಿತ್ ಮಾಪಾನ್ ಲೊಕಾಕ್ ಹಾಸಯ್ತೆಲೆಂ ಮಾತ್ರ್ ನೈಂ ಹರ್ಯೆಕ್ ಘಡಿ ಲೊಕಾಕ್ ತೆಮೆಟ್ಯಾಂನಿ ರಾವಯ್ತೆಲೆಂ ಮ್ಹಣ್ ತೊ ಸಾಂಗ್ತಾ. ಭರ್ಪೂರ್ ಮನೋರಂಜನ್ ಮಾತ್ರ್ ನೈಂ ಆಸ್ತಾಂ ಸುಮಧುರ್ ಸಂಗೀತ್‌ಯ್ ಹ್ಯಾ ಫಿಲ್ಮಾಂತ್ ಆಸಾ ಮ್ಹಣ್ಚ್ಯಾಕ್ ಥೊಡ್ಯಾಂ ದಿಸಾಂ ಆದಿಂ ಯೂಟ್ಯೂಬಾರ್ ಪ್ರಸಾರ್ ಜಾಲ್ಲೆಂ ‘ದೆಕ್ತನಾಂ’ ಪದ್’ಚ್ ಸಾಕ್ಸ್. ಲಗ್ಭಗ್ 40 ಚ್ಯಾಕೀ ಚಡ್ ಉಡುಪಿ – ಮಂಗ್ಳುರ್ಚ್ಯಾ ಕಲಾಕಾರಾಂಕ್ ಪಯ್ಲೆಂ ಪಾವ್ಟಿಂ ಫಿಲ್ಮಾಂತ್ ನಟನ್ ಕರ್ಚೆಂ ಭಾಗ್ ಲಾಭ್ಲಾಂ. ಹ್ಯಾ ಫಿಲ್ಮಾಚೆಂ ಟೀಸರ್ ಆನಿ ಟ್ರೈಲರ್ ಎದೋಳ್’ಚ್ ಯೂಟ್ಯೂಬರ್ ವಾದಾಳ್ ಉಟೊನ್ ಆಸಾ ತೆಂ ರಾಯನಾಚ್ಯಾ  Trending Shield ಚಾನೆಲಾರ್ ದೆಖ್ಯೆತ್.

[blockquote align=”none” author=””]ಪರ್ದ್ಯಾ ಪಾಟ್ಲ್ಯಾನ್[/blockquote]

ಫೊಂಡಾಚೊ ಮಿಸ್ತೆರ್ – ಫಿಲ್ಮಾಚ್ಯಾ ತಯಾರಾಯೆಂತ್ ಏಕ್ ಕ್ರಿಯಾಳ್ ಪಂಗಡ್ ಕಾಮ್ ಕರುನ್  ಆಸಾ. ಸಾಹಿತ್ಯ್ ಆನಿ ನಿರ್ಮಾಣ್ ಸಾಂಬಾಳ್ಳಾಂ: ಡಾ| ಮೆಲ್ವಿನ್ ಪೆರ್ನಾಲ್, ಏಕ್ ಫಾಂಕಿವಂತ್ ಕಾರ್ಯೆಂ ನಿರ್ವಾಹಕ್, ಬರವ್ಪಿ ಆನಿ ಇಂಜಿನಿಯರಿಂಗ್ ಕಾಲೇಜಿಚೊ ಪ್ರಾಧ್ಯಾಪಕ್. ಸಂಗೀತ್: ಪ್ರಜೋತ್ ಡೇಸಾ, ಆಸ್ಟ್ರೇಲಿಯಾ: ಅಪ್ಲ್ಯಾ ಮಧುರ್ ತಾಳ್ಯಾದ್ವಾರಿಂ ಸಗ್ಳ್ಯಾ ಸಂಸಾರಾರ್ ನಾಂವಾಡ್ಲಾ. ಸಾಂಗಾತ್ ದಿಲಾ: ರೋಶ್ ಫೆರ್ನಾಂಡಿಸ್, ಕುಮ್ಟಾ. ಕೆಮರಾ ಪಾಟ್ಲ್ಯಾನ್: ಆಲ್ವಿನ್ ಸಿಕ್ವೇರಾ

ಏಕಾ ಲ್ಹಾನ್ ಫಿರ್ಗಜಿಂತ್ ಘಡ್ಚೆಂ ಏಕ್ ಅನಪೇಕ್ಶಿತ್ ಘಡಿತ್, ಫಿರ್ಗಜ್ ಗಾರಾಂಕ್ ಮಾತ್ರ್ ನೈಂ ಆಸ್ತಾಂ ವಿಗಾರ್, ಗೊವ್ಳಿಕ್ ಮಂಡಳಿ ಆನಿ ಲೊಕಾಂಕ್ ಸಯ್ತ್ ಖಂತ್ ಉಟಯ್ತಾ. ತೇಗ್ ಈಷ್ಟ್ ಕೆಲ್ಲಾಮ್, ರಾಯನ್ ಆನಿ ಲೆಸ್ಟನ್ ಹಾಂತು ಕಶೆಂ ಸಾಂಪಡ್ತಾತ್, ಕಶೆ ಸುಟ್ತಾತ್; ಆನಿ ಕೋಣ್ ಸಕ್ಕಡ್ ಹ್ಯಾ ಫಿಲ್ಮಾಂತ್ ಆಸಾತ್ ಮ್ಹಣ್ ತುಮಿಂ ಜಾಣಾಂ ಜಾಯ್ಜಾಯ್ ತರ್ ಎಪ್ರಿಲಾಚ್ಯಾ 25 ತಾರಿಕೆ ಪರ್ಯಾಂತ್ ರಾಕಾಜೆಚ್.

[blockquote align=”none” author=””]ಫಿಲ್ಮ್ ಪಂಗ್ಡಾ ಥಾವ್ನ್ ಏಕ್ ಉಲೊ[/blockquote]

ಜಶೆಂ ಲಕ್ಕಿ ಡ್ರಾ 777 ಫಿಲ್ಮಾಕ್ ಧಾರ್ಮಿಕಾಂನಿ, ಪೋಷಕಾಂನಿ ಆನಿ ಲೊಕಾಂನಿ ಆಧಾರ್ ಆನಿ ಸಹಕಾರ್ ದಿಲಾ ತಾಚ್ಯಾಕೀ ವರ್ತ್ಯಾ ಮಾಪಾನ್ ಪಾಟಿಂಬೊ ದೀಜಾಯ್ ಮ್ಹಣ್ ರಾಯನ್ ಆನಿ ಪಂಗಡ್ ಉಪ್ಕಾರ್ ಮಾಗ್ತಾ. “ಆಮ್ಚೆಂ ಸರ್ವಸ್ವ್‌ಚ್ ಸಮರ್ಪುನ್ ಹೆಂ ಫಿಲ್ಮ್ ತಯಾರ್ ಕೆಲಾಂ, ತುಮ್ಚೊ ಮೋಗ್ ಮೆಳ್ಳ್ಯಾರ್ ಹಾಚ್ಯಾಕೀ ಬರಿಂ ಫಿಲ್ಮಾಂ ಕರುಂಕ್ ಸಾಧ್ ಜಾತೆಲೆಂ. ಹೆಂ ಫಿಲ್ಮ್ ಹಾಸ್ಯ್ ದ್ವಾರಿಂ ಫಕತ್ ಮನೋರಂಜನ್ ದಿಂವ್ಚ್ಯಾಕ್ ತಯಾರ್ ಕೆಲ್ಲೆಂ ಆಸೊನ್ ಆಮ್ಚೊ ಕೊಂಕ್ಣಿ ಸಮುದಾಯ್ ಖಂಡಿತ್ ಸೋಡ್ನ್ ಘಾಲ್ಚೊ ನಾಂ”, ಮ್ಹಣ್ತಾ ರಾಯನ್.

ಮಂಗ್ಳುರ್, ದೇರಳಕಟ್ಟೆ, ಪುತ್ತೂರ್, ಕುಂದಾಪುರ್, ಉಡುಪಿ ಆನಿ ಪಡುಬಿದ್ರಿಂತ್ ಆಸ್ಚ್ಯಾ ಭಾರತ್ ಸಿನೆಮಾಚ್ಯಾ ಟಾಕೀಸಾಂನಿ ಲೊಕಾಂಕ್ ಹೆಂ ಫಿಲ್ಮ್ ಪಳೆಂವ್ಕ್ ಮೆಳ್ತಾಲೆಂ.

ಚಡಿತ್ ಮಾಹೆತಿ ಖಾತಿರ್:  Instagram: @fondacho_misther  YouTube: Trending Shield