ಶಿಕೇರಾಮ್ ಸುರತ್ಕಲ್ ಲಿಖ್ಣೆನಾಂವಾನ್ ಕೊಂಕ್ಣಿ ಸಾಹಿತ್ಯಾಂತ್ ಆಪ್ಲ್ಯಾ ವಿಭಿನ್ಸ್ ಶಯ್ಲೆಚ್ಯಾ ಮಟ್ವ್ಯಾ ಕಾಣಿಯಾಂ ಆನಿ ಲಲಿತ್ ಪ್ರಬಂದಾಂ ಮುಕಾಂತ್ರ್ ವಿಶೇಷ್ ಮ್ಹೊರ್ ದಾಂಬ್‌ಲ್ಲೊ ಸುರತ್ಕಲ್‌ಚೊ ನಿವಾಸಿ ರೊನಾಲ್ಡ್ ಜೋಸೆಫ್ ಸಿಕ್ವೇರಾ, ಕಂಕ್ನಾಡಿ ಫಾದರ್ ಮುಲ್ಲರ್ ಆಸ್ಪತ್ರೆಂತ್, ಮಟ್ವ್ಯಾ ಆವ್ಧೆಚ್ಯಾ ಅಸ್ವಸ್ಥ್‌ಕಾಯೆನ್ ಸೊಮಾರಾ ಮಾಯ್ 6 ವೆರ್ ದೆವಾದೀನ್ ಜಾಲಾ. ಪಾಟ್ಲ್ಯಾ ದೋನ್ ಮಯ್ನ್ಯಾಂ ಥಾವ್ನ್ ತಾಂಚಿ ಭಲಾಯ್ಕಿ ಬರಿ ನಾತ್ಲಿ. 2024 ಜ್ಯೂನ್ 4 ವೆರ್ ತಾಂಕಾ 70 ವರ್ಸಾಂ ಭರೊಂಕ್ ಆಸ್ಲಿಂ.
ಮಾಧ್ಯಮಿಕ್ ಇಸ್ಕೊಲಾಂತ್ ಶಿಕ್ತಾನಾಂಚ್ ಕನ್ನಡ ತಶೆಂ ಕೊಂಕ್ಣೆಂತ್ ಮಟ್ವ್ಯೊ ಕಾಣಿಯೊ, ಲಲಿತ್ ಪ್ರಬಂಧ್, ಕವಿತಾ ಆನಿ ವೈಚಾರಿಕ್ ಲೇಖನಾಂ ಬರಂವ್ಚೆ ಮಾರಿಫಾತ್ ತಾಣಿ ಬರ್ಪಾಚಿ ಸುರ್ವಾತ್ ಕೆಲ್ಲಿ. ಉಪ್ರಾಂತ್ ನಾಟಕಾಂನಿಯ್ ನಟನ್ ಕರುಂಕ್ ಧರ್ಲೆಂ. ಫ್ರೆಡ್ ಎಸ್. ಕಾಮತ್, ಸನ್ನಿ ಡಿ ಸೊಜಾ, ವಿಲ್ಪಿ ರೆಬಿಂಬಸ್ ತಸಲ್ಯಾ ಮಾಲ್ಘಡ್ಯಾಂ ಸಾಂಗಾತಾ ತಾಣೆ ನಾಟಕಾಂನಿ ಕಾಮ್ ಕೆಲಾಂ. ವಿಲ್ಪಿಯಾಬ್, ರಫಿ, ಮನ್ನಾ ಡೇ ಚಿಂ ಚಡಾವತ್ ಪದಾಂ ತಾಂಚ್ಯಾ ಜಿಬೆತುದ್ಯೆರ್ ಆಸ್ತಾಲಿಂ. ನಿವೃತ್ತ್ ಜಾಲ್ಯಾ ಉಪ್ರಾಂತ್ ತಬ್ಲಾ, ಪಿರ್ಲುಕ್ ತಸಲ್ಯಾ ಶಾಸ್ತ್ರೀಯ್ ಸಂಗೀತ್ ಶಿಕ್ಪಾ ಕ್ಲಾಸಿಂಕ್ ಹಾಜರ್ ಜಾವ್ನ್ ಸದಾಂ ಸಕಾಳಿಂ ಘರಾ ಸಂಗೀತ್ ಅಭ್ಯಾಸಾಂತ್ ನಿರತ್ ಆಸ್ತಾಲೊ.
ಬಿ.ಕೊಮ್. ಪದ್ವೆದಾರ್ ಜಾವ್ನಾಸ್‌ಲ್ಲೊ ರೊನಾಲ್ದ್ ಸಿಕ್ವೇರಾ ವೃತ್ತೆನ್ ಇಲೆಕ್ಟ್ರಿಕಲ್ ಕಂತ್ರಾಟ್‌ದಾರ್ ಜಾವ್ನಾಸೊನ್ ದಕ್ಷಿಣ ಕನ್ನಡ, ಚಿಕ್‌ಮಗ್ಳುರ್, ಬೆಂಗ್ಳುರ್ ಆನಿ ಹಾಸನ್ ಜಿಲ್ಲ್ಯಾಂನಿ ಹೈ ಟೆನ್ಶನ್ ವೀಜ್ ಕೇಬಲಾಂ ಸಂಪರ್ಕಾಚಿಂ ಕಂತ್ರಾಟಾಚಿಂ ಕಾಮಾಂ ಕರುನ್ ನಿವೃತ್ತ್ ಜಾಲ್ಲೊ. ವೃತ್ತೆಚ್ಯಾ ದಬಾವಾನ್ ಆನಿ ವೆಳಾಚ್ಯಾ ಅಭಾವಾನ್ ಥೊಡೊ ತೇಂಪ್ ತಾಣೆ ಲಿಕ್ಣೆಕ್ ವಿರಾಮ್ ದಿಲ್ಲೊ ಜಾಲ್ಯಾರೀ, 2000 ವ್ಯಾ ವರ್ಸಾ ಉಪ್ರಾಂತ್ ತಾಣೆ ಪರತ್ ಬರಂವ್ಕ್ ಧರುನ್, ಕವಿತಾ ಡೊಟ್ ಕೊಮ್, ಕಿಟಾಳ್ ಡೊಟ್ ಕೊಮ್, ಆರ್ಸೊ ಆನಿ ಹೆರ್ ಕೊಂಕ್ಣಿ ಪತ್ರಾಂನಿ ತೋ ಸರಾಗ್ ಬರಯ್ತಾಲೊ.
ತಾಚ್ಯಾ ಗರ್ಜೆಕ್ ಪಡತ್ ಮಟ್ವ್ಯಾ ಕಾಣಿಯೆಕ್ 2013 ವ್ಯಾ ವರ್ಸಾ ಕಿಟಾಳ್ ವರ್ಸಾಚಿ ಉತ್ತೀಮ್ ಮಟ್ವಿ ಕಾಣಿ ಬಹುಮಾನ್ ಫಾವೊ ಜಾಲ್ಲೆಂ ಆಸಾ. 2017 ವ್ಯಾ ವರ್ಸಾ ಗರ್ಜೆಕ್ ಪಡತ್ ನಾಂವಾರ್ ಕಿಟಾಳ್ ಪ್ರಕಾಶನಾ ಥಾವ್ನ್ 12 ವಿಂಚ್ಣಾರ್ ಮಟ್ವ್ಯಾ ಕಾಣಿಯಾಂಚೊಂ ಜಮೊ ತಾಣೆ ಪಾಯ್ಸ್ ಕೆಲ್ಲೊ ಆಸುನ್, ಹ್ಯಾ ಜಮ್ಯಾಕ್ ಮಣಿಪಾಲ್‌ಚ್ಯಾ ಡೊ| ಟಿ.ಎಮ್.ಎ. ಪೈ ಫಾಂವ್ದೇಶನ್ ಥಾವ್ನ್ ವರ್ಸಾಚೊ ಉತ್ತೀಮ್ ಬೂಕ್ ಪ್ರಶಾಂಸಾ ಪುರಸ್ಕಾರ್ ಪಾವೊ ಜಾಲ್ಲೊ ಆಸಾ.
ಪಂಚ್ವಿಸಾ ಪ್ರಾಸ್ ಚಡ್ ಮಟ್ವ್ಯೊ ಕಾಣಿಯೊ, ಪನ್ನಾಸಾ ವಯ್ರ್ ಪ್ರಬಂದ್ ಆನಿ ಲೇಖನಾಂ ತಶೆಂ ಜಾಯ್ತ್ಯೊ ಕವಿತಾ ತಾಣೆ ಬರಯ್ಲ್ಯಾತ್. ಏಕ್ ಉತ್ತೀಮ್ ಕಾರ್ಯಾನಿರ್ವಾಹಕ್ ತಶೆಂ ಸಂಘಟಕ್ ಜಾವ್ನಾಸ್ಚ್ಯಾ ತಾಣೆ ಕೊಂಕ್ಣಿ ಸಾಹಿತಿ ಆನಿ ಕಲಾಕಾರಾಂಚೆಂ ಸಂಘಟನ್ ( KWAA ) ಹಾಚೊ ಅಧ್ಯಕ್ಷ್ ಜಾವ್ನ್ ಸೆವಾ ದಿಲ್ಯಾ. ತಾಚ್ಯಾ ವಿಂಚ್ಣಾರ್ ಲಲಿತ್ ಪ್ರಬಂದಾಂಚೊ ಜಮೊ ಛಾಪ್ಯಾಂತ್ ಆಸೊನ್, ವೆಗಿಂಚ್ ಫಾಯ್ಸ್ ಜಾಂವ್ಚ್ಯಾರ್ ಆಸಾ.
ಗರ್ಜೆಕ್ ಪಡತ್ ಕಥಾ ಜಮ್ಯಾಕ್ ‘ಕುಟ್ಮಾ ಜಿವಿತಾಕ್ ಆರ್ಸೊ ಧರ್ಚ್ಯೊ ಕಾಣಿಯೊ’ ನಾಂವಾಖಾಲ್ ಬರಯಿಲ್ಲ್ಯಾ ಪ್ರಸ್ತಾವನಾಂತ್ ಆರ್ಸೊ ಪತ್ರಾಚೊ ಸಂಪಾದಕ್ ವಿಲ್ಸನ್ ಕಟೀಲ್ ಬರಯ್ತಾ “ಹ್ಯಾ ಕಾಣಿಯಾಂಚ್ಯಾ ನಾಂವಾಮದೆಂ ಏಕ್ ಸಂಬಂಧಾಚೆಂ ಸುತ್ ಆಸಾ ಮ್ಹಳೆಂ ಹಾಂವೆಂ. ಸಾರ್ಕೆಂಚ್, ಹ್ಯೊ ಕಾಣಿಯೊ ದಫ್ತರಾಂತ್ಲ್ಯೊ ನ್ಹಯ್, ಶೆರಾಂತ್ಲ್ಯೊ ನ್ಹಯ್, ಬಗಾರ್ ಘರಾಂತ್ಲ್ಯೊ. ಹೊ ಬಾರಾ ಕಾಣಿಯೊಯ್ ಏಕ್ ಕುಟಮ್ ಆನಿ ಎಕೇಕ್ ಕಾಣಿಯ್ ಎಕೆಕ್ ಕುಟ್ಮಾಸಾಂದ್ಯಾಬರಿ. ವಾಚುನ್ ಗೆಲ್ಯಾರ್ ತಾಂಕಾಂ ಸಮ್ಜಲ್ಯಾರ್ ತುಮ್ಕಾಂ ಖಂಡಿತ್ ತ್ಯೊ ನಿರಾಶಿ ಕರಿನಾಂತ್” ನಾಮ್ನೆಚೊ ಕಲಕಾರ್ ಪಿಂಟೊ ವಾಮಂಜೂರ್ ಹಾಣೆ ಗರ್ಜೆಕ್ ಪಡತ್ ಪುಸ್ತಕಾಚೆಂ ಮುಕ್‌ಪಾನ್ ವಿನ್ಯಾಸ್ ಕೆಲಾಂ. ಪುಸ್ತಕಾಚೊ ಪ್ರತಿಯೊ ಜಾಯ್ ಜಾಲ್ಯಾರ್ ಕ್ಲಿಕ್ ಕರ್ಯೆತ್ : https://kittall.com/product/gorjek_poddot/
ಪತಿಣ್ ಶ್ರೀಮತಿ ಗ್ರೇಸಿ, ಧುವ್ ರೀಮಾ ಆನಿ ರೋಶನಿ ಸಾಂಗಾತಾ ಅಪಾರ್ ಇಶ್ಟಾಂಕ್, ಕೊಂಕ್ಣಿ ಸಾಹಿತ್ಯ್ ಪ್ರೇಮಿಂಕ್ ಸಾಂಡುನ್ ಗೆಲ್ಲ್ಯಾ ಶಿಕೇರಾಮಾಕ್ ಕಿಟಾಳ್ – ಆರ್ಸೊ ಕುಟಮ್, ಸಮಸ್ತ್ ವಾಚ್ಪಿ – ಬರವ್ಪ್ಯಾಂ ಸಾಂಗಾತಾ ಆದೇವ್ಸ್ ಆನಿ ಸಾಸ್ಣಿಕ್ ವಿಶೆವ್ ಮಾಗ್ತಾ ಆನಿ ತಾಚ್ಯಾ ದುಕೇಸ್ತ್ ಕುಟ್ಮಾಕ್ ಭುಜಾವಣ್ ಪಾಟಯ್ತಾ.
■ ಸಂಪಾದಕ್ ಆನಿ ಮಂಡಳಿ
- ಕಾಣಿಯಾಂಗಾರ್, ಲೇಖಕ್, ಸಂಘಟಕ್ ‘ಶಿಕೇರಾಮ್ ಸುರತ್ಕಲ್’ ದೆವಾದೀನ್
- ಗುರುಭ್ಯೋ ನಮಃ
- ಎಕಾಚ್ ವಾಲಿಚಿಂ ಫುಲಾಂ
- ಆಮಾಲ್ಯಾಂಚೊ ದೀಸ್
- ಮ್ಹಜ್ಯಾ ಲ್ಹಾನಾ ಭಾವಾಂಕ್
- ಮಂಡೆ ಬೆಚ್ಚ ಮಾಯ್ಕಲ್
- ಕಂತ್ರಾಟ್‌ದಾರ್ ಪೂತ್
- ಲೊಕರ್ ಲಿಲ್ಲಿ ಬಾಯ್
- ಥು . . . ಮ್ಹಜಿ ಅವಸ್ಥಾಗಿ ?
- ಮ್ಹಜ್ಯಾ ವೊನ್ಯೆಚಿ ವಾಸ್ತು
- ಟುನ್ ಟುನ್ ಟೀನಾ. . . ಬಾಯ್
- ಮೇಜರ್ ಪ್ರೋಬ್ಲೆಮ್
- ಗರ್ಜೆಕ್ ಪಡಾತ್
- ಕೊಂಕಣಿ ಅನರ್ಥಕೋಶ
15 comments
ಬೋವ್ ದುಕಾಚಿ ಗಜಾಲ್. ಹಾಂವ್ ಸುರತ್ಕಲ್ ಗೆಲ್ಲೆ ತೆದ್ನಾ ತಾಕಾ ಮೆಳ್ತಾಲೊಂ ಆನಿ ತೊ ಹಾಸನ್ ಆಯಿಲ್ಲೆ ವಗ್ತಾ ಮ್ಹಾಕಾ ಆನಿ ಮ್ಹಜಾ ಮಿವ್ಣ್ಯಾಕ್ ಭೆಟೊನ್‌‌ಂಚ್ ವೆತಾಲೊ.
ತಾಚಾ ಕುಟ್ಮಾಕ್ ತಾಚಿ ಅನುಪಸ್ಥಿತಿ ಸೊಸುನ್ ವ್ಹರುಂಕ್ ದೇವ್ ತ್ರಾಣ್ ದೀಂವ್ದಿ ಮ್ಹಣ್ ಮಾಗ್ತಾಂ.
ಸಾಸ್ಣಾಚೊ ವಿಶೆವ್ ದೀ ತಾಂಕಾ ಏ ಸೊಮ್ಯಾ ದುಖ್ತೆಸ್ ಕುಟ್ಮಾಂಕ್ ಭುಜಾವಣ್ ಲಾಬೊಂವ್ ಕೊಂಕಣಿ ಶೆತಾಂತ್ಲೆ ಅಮೊಲಿಕ್ ಥಿಕ್ ಅಮ್ಚೆ ಥಾವ್ನ್ ಪಂಯ್ಸ್ ಜಾಲೆಂ
Profound in thoughts, simple in life.
Pain for self, laughter for others.
Your life left a treasure of heartbeats in poetry and stories….
Your passing, a void for no one to fill in Konkani language and culture.
You will be missed dear friend Sequiram. Rest in peace dear soul.
Your sudden passing has left us heartbroken. Your infectious joy, laughter, and ability to brighten any moment will be deeply missed. From our countless adventures to the hilarious inside jokes, the memories we made together will forever be cherished. Thank you for the boundless laughs, unwavering support, and unconditional friendship. The world is a little less vibrant without your radiant spirit. Until we meet again, may your joyful soul continue to shine bright. Rest easy, my friend.
ದೂಖ್ ಆನಿ ವಳ್ವಳ್ಯಾಥಾಂವ್ನ್ ತುಕಾ ದೆವಾನ್ ನಿವಾರ್ಲೆ ಮುಣೊಂನ್ ಚಿಂತಾಪ್ ಯೆತಾನಾ, ಸೀಕೆರಾಮಾಕ್ ಮೆಳೊಂನ್ ತಾಚೆ ಲಾಗಿ ಗಜಾಲಿ ಕರ್ಚೆ ಸ್ವಪಣ್ ಮಜೆ ಅಧುರೆಂಚ್ ಉರ್ಲೆಂ.
ಅದೇವ್ಸ್ ತುಕಾ ಸೀಕೆರಾಮಾ ಪರತ್ ಮೆಳ್ತಾಸರ್.
ದುಖಾಚಿ ಖಬರ್. ಸಾಸ್ಣಿಕ್ ವಿಶೆವ್ ಮಾಗ್ತಾಂ. ಸಿಕೇರಾಮ್ ಸದಾಂಚ್ ಆಮ್ಚ್ಯಾ ಯಾದಿಂತ್ ಉರ್ತಲೊ.
ಆದೇವ್ಸ್ ಮೊಗಾಳ್ Sikeram…
May his soul rest in peace
Very sad and Shocking news. Such a gentleman. May you Rest in Peace Sikeram.
Dev thujya Authmyak sasann sukh labov mhonn magtham, Ani kutmachnk hya mukanthr bhuzavonn patoitham.
ಅಮ್ಚ್ಯಾ ಸರ್ವಾಂಚೊ ಮೊಗಾಳ್ ಈಷ್ಟ್ ಸಿಕೆರಾಮ್ ಆನಿ ಮುಖಾರ್ ಆಮ್ಚ್ಯಾ ಸಂಗಿಂ ಆಸ್ಚೊ ನಾ ಮುಳ್ಳೆಂ ಸತ್ ಜೀರ್ಣ್ ಕರುಂಕ್ ಭೊವ್‍ಚ್ ಕಷ್ಟ್ ಮಾರ್ತಾತ್.ಜೀವ್ ತಾಚೊ ದಡಂಗ್ ತರೀ ತಾಚೆಂ ಕಾಳಿಜ್ ಮಾತ್ರ್ ಏಕ್ ಲ್ಹಾನ್ ಭುರ್ಗ್ಯಾಚೆಂ.ವಾಚುನ್ ತಾಕಾ ಜಾಯ್ತ್ಯಾಂ ವರ್ಸಾಂ ಥಾವ್ನ್ ಜಾಣಾಂ ತರೀ ಮುಖಾಮುಖಿ ವ್ಹಳೊಕ್ ಥೊಡ್ಯಾಚ್ ವರ್ಸಾಂಚಿ.ಆನಿ ತ್ಯಾ ಪಯ್ಲ್ಯಾ ಮುಲಾಕತೆಂತ್‍ಚ್ ಆಪ್ಲೊ ಮುಣೊನ್ ಕರುನ್ ಘೆಂವ್ಚಿ ತಾಚಿ ಶ್ಯಾಥಿ ಕಾಳ್ಜಾಕ್ ನಾಟ್ವೊಂಚ್ಯಾ ತಸಲಿ.ತಾಚ್ಯಾ ಸಾಂಗಾತಾ ಇಷ್ಟಾಗತ್ ಕರುಂಕ್ ಪ್ರಾಯೆಚಿ ಬಂದಡ್ ನಾತ್‍ಲ್ಲಿ.ಹರ್ಯೇಕ್ ಪ್ರಾಯೆಚ್ಯಾಂಕ್ ಸಮಾನ್ ಜಾವ್ನ್ ದೆಖ್ಚೊ ತಾಚೊ ವಿಶೇಷ್ ಗೂಣ್ ಮ್ಹಾಕಾ ತಶೆಂಚ್ ಮೊಜ್ಯಾ ಇಷ್ಟಾಂಕ್ ಚಡ್ Comfortable ಜಾಂವ್ಕ್ ಕಾರಣ್ ಜಾತಾಲೆ.ಆಮಿಂ ಸಾಂಗಾತಾ ಮೆಳ್ಳ್ಯಾಂವ್ , ಸಾಂಗಾತಾ ಪಯ್ಣ್ ಕೆಲೆಂ , ಸಾಂಗಾತಾ ಜೆವ್ಲ್ಯಾಂವ್ , ಸಾಂಗಾತಾ ಗಮ್ಮತ್ ಕೆಲೆಂ , ಸಾಂಗಾತಾ ಹಾಸ್ಲ್ಯಾಂವ್ , ಸಾಂಗಾತಾ ವಿಚಾರ್ – ವಿನಿಮಯ್ ಕೆಲೆಂ.ಕೊಂಕ್ಣಿ ಪದಾಂ ಥಂಯ್ ತಾಚಿ ಜಾಣ್ವಾಯ್ ಭೊವ್ ವರ್ತಿ.
ಆಮ್ಚ್ಯಾ ಘರಾ ಆಯಿಲ್ಲ್ಯಾ ತೆದ್ನಾಂ ಆಮಿಂ ಉಪಯೋಗ್ ಕರಿನಾತ್‍ಲ್ಲೆ ವಸ್ತು ಕೊಣಾಕ್ ತರೀ ಉಪಯೋಗ್ ಜಾತಾಲೆ.ಆಪುಣ್ ತೆ Repair ಕರುನ್ ಗರ್ಜೆವಂತ್ ದುಬ್ಳ್ಯಾಂಕ್ ದಿತಾಂ ಮುಳ್ಳೆಂ ತಾಚೆಂ ಚಿಂತಾಪ್ ಹೆರಾಂ ಥಂಯ್ ತಾಚೊ ಹುಸ್ಕೊ ದಾಕಯ್ತಾ.ಕಿತೆಂ ಮುಳ್ಳ್ಯಾರಿ ಹಾಸೊನ್ ಕಾಣ್ಘೆಂವ್ಚೊ ತಾಚೊ ಜಿನೊಸ್ ತಾಚ್ಯಾ ವರ್ತ್ಯಾಪಣಾಕ್ ಸಾಕ್ಸ್ ಜಾವ್ನಾಸಾ.
ಸಿಕೇರಾಮಾ ಸಂಗಿಂ ಖರ್ಚಿಲ್ಲ್ಯೊ ಮಧುರ್ ಘಡಿಯೊ ಆಜ್ ಥಾವ್ನ್ ಉಗ್ಡಾಸ್ ಮಾತ್ರ್.ತಾಚ್ಯಾ ಪತಿಣೆಕ್ , ತಾಚ್ಯಾ ಭುರ್ಗ್ಯಾಂಕ್ ಆನಿ ಸಮೇಸ್ತ್ ಕುಟ್ಮಾಧಾರಾಂಕ್ ಹಾಂವ್ ಭುಜಾವಣ್ ಪಾಟಯ್ತಾಂ.ಆಮ್ಚ್ಯಾ ಮೊಗಾಚ್ಯಾ ಸಿಕೇರಾಮಾಚ್ಯಾ ಮರ್ಣಾಚಿ ದೂಖ್ ಸೊಸುನ್ ವ್ಹರುಂಕ್ ಜಾಯ್ ಜಾಲ್ಲೆಂ ಬಳ್ ತೊಚ್ಚ್ ಸರ್ವೆಸ್ಪರ್ ದೇವ್ ತುಮ್ಕಾಂ ಫಾವೊ ಕರುಂದಿ.
ಆದೇವ್ಸ್ ಸಿಕೇರಾಮಾ ಆದೇವ್ಸ್ ಪರ್ತುನ್ ಆಮಿಂ ಸಾಂಗಾತಾ ಮೆಳ್ತಾ ಪರ್ಯಾಂತ್.
– ನಾನು ಮರೋಲ್ ತೊಟ್ಟಾಮ್ ಆನಿ ಕುಟಾಮ್
Sad to know about the demise of Sequeram. You were such a jolly good fellow never missed an opportunity to make others laugh. I fondly recall your contribution to KWAA and the fighting spirit you exhibited in making KWAA a formidable organisation. Despite your hectic schedule you never hesitated to spare your valuable time for us when we needed you the most. Your contribution to Konkani literature through your short stories and lighter vein talks will be cherished for a long time to come. Miss you Sequeram. May your soul rest in peace.
Sombondhahim sutam mekllim korun saxvilie nidek nisorul’lea Sikeram tuka adevs…
ಸಿಕೆರಾಮ್,
ಜಲ್ಮಾ ದಿಸಾಕ್ ಚುಕಾನಾಸ್ತಾನಾ ಫೋನ್ ಕರ್ತಾಲೊಯ್.
ಆನಿ ಆಮ್ಚೆ ಜಲ್ಮಾ ದೀಸ್ ತುಜ್ಯಾ ಉಲ್ಲಾಸಾ ವಿಣೆಂ ಅಧುರೆ.
ಮನ್ಶ್ಯಾ ಸಂಬಂದಾ ವರ್ತೆಂ ಕಿತೆಂ ಆಸಾ? ಮ್ಹಳ್ಳೆಂಯ್ ತುವೆಂ.
ಆದೇವ್ಸ್ ತುಕಾ ಸಿಕೆರಾಮಾ.
ತುಜಿಂ ಹಾಸ್ಯ್ ಬರ್ಪಾಂ ಆಜ್ ಆಮ್ಕಾಂ ಹಾಸಯ್ನಾಂತ್.
ಸಾಸ್ಣಿಕ್ ವಿಶೆವ್🙏🏻
RIP Sikeram. He is really a great person. Always enjoyed his company. Will miss you.