ಮಂಗ್ಳುರ್ ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಷಧೆಕ್ ಕಾರ್ಯದರ್ಶಿ ಜಾವ್ನ್ ದುಸ್ರ್ಯಾ ಅವ್ಧೆಕ್ (2023 – 2025 ) ಬಹುಮತಾನ್ ಚುನಾಯಿತ್ ಜಾಲಾ. ತೋ ಕಥೊಲಿಕ್ ಕಾವ್ನ್‌ಸಿಲ್ ಒಫ್ ಇಂಡಿಯಾ (CCI) ರಾಷ್ಟ್ರೀಯ್ ಮಟ್ಟಾರ್ ಮಂಗ್ಳುರ್ ದಿಯೆಸೆಜಿಚೆಂ ಪ್ರತಿನಿಧಿತ್ವ್ ಕರ‍್ತಾಲೊ.
ಜೂನಾಚ್ಯಾ 28 ತಾರಿಕೆರ್ ಕೊಡಿಯಾಳ್‌ಬಯ್ಲ್ ಧರ್ಮಾಧ್ಯಕ್ಷಾಚಾ ನಿವಾಸಾಂತ್, ಧರ್ಮಾಧ್ಯಕ್ಷ್ ಅ| ಮಾ| ದೊ| ಪೀಟರ್ ಪಾವ್ಲ್ ಸಲ್ಡಾನ್ಹಾ ಹಾಂಚ್ಯಾ ಅಧ್ಯಕ್ಷ್‌ಪಣಾರ್ ಚಲ್ಲೆಲ್ಲ್ಯಾ ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಷಧೆಚ್ಯಾ ಜಮಾತೆರ್ ಹಿ ವಿಂಚವ್ಣ್ ಜಾಲಿ. ಹ್ಯಾಚ್ ಜಮಾತೆರ್ ಕಾರ್ಯಕಾರಿ ಸಮಿತಿಚಿ ವಿಂಚವ್ಣ್‌‌ಯ್ ಚಲ್ಲಿ. ಲೂವಿಸ್ ಜೆ. ಪಿಂಟೊ ಆನಿ ಪ್ರಮೀಳಾ ಶೈಲಾ ಪೆರಿಸ್ – ಕಾರ್ಯಕಾರಿ ಸಮಿತಿಚೆ ಸಾಂದೆ ಜಾವ್ನ್ ತೀನ್ ವರ್ಸಾಂಚ್ಯಾ ಆವ್ಧೆಕ್ ವಿಂಚೊನ್ ಆಯ್ಲಿಂ.
ಮೂಡನಿದ್ರಿ ವಾರಾಡ್ಯಾ ಥಾವ್ನ್ ಆಲ್ವಿನ್ ಸಂತೋಷ್ ಮಿನೇಜಸ್, ಸಿಟಿ ವಾರಾಡ್ಯಾ ಥಾವ್ನ್ ಉಷಾ ಫೆರ್ನಾಂಡಿಸ್ ಕರ್ನಾಟಕಾ ಕಥೊಲಿಕ್ ಕಾವ್ನ್‌ಸಿಲ್ (CCK) ಸಾಂದೆ ಜಾವ್ನ್ ವಿಂಚೊನ್ ಆಯ್ಲಿಂ.
ದಿಯೆಸೆಜಿಚೊ ಜ್ಯುಡಿಷಿಯಲ್ ವಿಗಾರ್ ಮಾ| ಬಾ| ನವೀನ್ ಪಿಂಟೊನ್ ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಷಧೆಚ್ಯಾ ಸಾಂದ್ಯಾಂಕ್ ತಾಂಚೊ ಪಾತ್ರ್ ಆನಿ ಜವಾಬ್ದಾರೆ ವಿಶ್ಯಾಂತ್ ಮಾಹೆತ್ ಆನಿ ಸಮ್ಜಣಿ ದಿಲಿ. ಹಾಜರ್ ಅಸ್ಲೆಲ್ಯಾ ಸಾಂದ್ಯಾಥಾವ್ನ್ ವಿಶಯಾಚೆರ್ ಸಂವಾದ್ ಚಲ್ಲೊ.
ಧರ್ಮಾಧ್ಯಕ್ಶ್ ಅಧ್ಯಕ್ಶ್ ಜಾವ್ನಾಸ್ಚ್ಯಾ ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಷದೆಂತ್, ವಿಗಾರ್ ಜೆರಾಲ್ ಉಪಾಧ್ಯಕ್ಶ್ ಜಾವ್ನಾಸೊನ್, ರೆಲಿಜಿಯೊಸಾಂಚೊಂ ಎಪಿಸ್ಕೊಪಲ್ ವಿಗಾರ್, ಚಾನ್ಸಲರ್, ಜ್ಯುಡಿಷಿಯಲ್ ವಿಗಾರ್, ಪ್ರೊಕ್ಯುರೇಟರ್ ಆನಿ ಯಾಜಕಾಂಚ್ಯಾ ಕಾವ್ನ್‌ಸಿಲಾಚೊ ಕಾರ್ಯದರ್ಶಿ ಸಾಂದೆ ಜಾವ್ನಾಸ್ತಾತ್. ಸಾಂಗಾತಾ ಆಯೊಗಾಂಚೆಂ ಸಂಚಾಲಕ್, ಸಂಸ್ಥ್ಯಾಂಚೆಂ ವ್ಹಡಿಲ್, ಆತ್ಮೀಕ್ ನಿರ್ದೇಶಕ್ ಆನಿ ಬಾರಾ ವಾರಾಡ್ಯಾಂ ಥಾವ್ನ್ ಧರ್ಮಾಧ್ಯಕ್ಷಾನ್ ನೇಮಕ್ ಕೆಲ್ಲೆ ಸಾಂದೆಯ್ ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಷದೆಂತ್ ಸಾಂದೆ ಜಾವ್ನ್ ಆಸ್ತಾತ್.
1 comment