ರೋಶು ಬಜ್ಪೆಚೊ ‘ಪೋಲಿ-ಟಿಕಲ್’ ಬೂಕ್ ಮೊಕ್ಳಿಕ್

278

ರಾಜಕೀಯ್ ವಿಡಂಬನಾನಿಂ ವಿಣ್ಲಲೊ ರೋಶು, ಬಜ್ಪೆಚೊ ಬೂಕ್ ‘ಪೋಲಿ-ಟಿಕಲ್’ ಜುಲಾಯ್ 9 ತಾರಿಕೆರ್ ಆಯ್ತಾರಾ ಕಾರ್ಮೆಲ್ ಗುಡ್ಯಾರ್, ಕಾರ್ಮೆಲ್ ಕೊವೆಂತಾಚೆ ವ್ಹಡಿಲ್ ಬಾಪ್ ಮೆಲ್ವಿನ್ ಡಿಕುನ್ಹಾ ಹಾಣಿಂ ಮೊಕ್ಳಿಕ್ ಕೆಲೊ.

ಹೊ ಬೂಕ್ ಧ್ಯಾನವನ ಪಬ್ಲಿಕೇಶನ್ಸ್, ಬೆಂಗ್ಳುರ್ ಹಾಣಿಂ ಪ್ರಕಟ್ ಕೆಲ್ಲೊ ಜಾವ್ನಾಸೊನ್ ಹಾಂತುನ್ 25 ರಾಜಕೀಯ್ ವಿಡಂಬನಾಂ ಆಟಾಪ್ಲ್ಯಾಂತ್. ಹ್ಯಾ ಬುಕಾಕ್ ಕವಿ, ಲೇಖಕ್ ತಶೆಂಚ್ ಸಿನೆಮಾ-ಸಿರಿಯಲಾಂ ನಿರ್ದೇಶಕ್ ಸ್ಟ್ಯಾನಿ ಬೆಳಾ ಹಾಣೆಂ ಪ್ರಸ್ತಾವನ್ ಬರಯ್ಲಾಂ.

ಕಾರ್ಮೆಲ್ ಗುಡ್ಯಾರ್ ಸಾಂಜೆಚ್ಯಾ 4.30 ವೊರಾರ್ ನಮಾನ್ ಬಾಳೊಕ್ ಜೆಜು ಪತ್ರಾಚಾ ಪಂದ್ರಾವ್ಯಾ ವಾರ್ಶಿಕೋತ್ಸವ್ ತಶೆಂಚ್ ಕಾರ್ಮೆಲ್ ಕಿರಣ್ ಮೀಡಿಯಾ ಹಾಚಾ ಧಾವ್ಯಾ ವಾರ್ಶಿಕೋತ್ಸವಾಚೆಂ ಆಚರಣ್ ಹ್ಯಾಚ್ ಸಂದರ್ಭಾರ್ ಜಾಲೆಂ. ಹ್ಯಾ ಬಾಬ್ತಿನ್ ಕೊಂಕ್ಣಿ ಬರವ್ಪ್ಯಾಂಚೆಂ ಸಹಮಿಲನ್ ಆಸಾ ಕೆಲ್ಲೆಂ. ಹಾಚೆಂ ಸಂವೆಂ ‘ಮಾಧ್ಯಮಾನಿಂ ಕ್ರಿಸ್ತಾಂವ್ ಆನಿ ಕ್ರಿಸ್ತಾಂವಾಂಚಿಂ ಮಾಧ್ಯಮಾಂ’ ಹ್ಯಾ ವಿಶ್ಯಾಂತ್ ಬಾ| ಸುದೀಪ್ ಪಾವ್ಲ್, ದಿರೆಕ್ತೊರ್ ಸಂದೇಶ ಫೌಂಡೇಶನ್ ಹಾಂಚೆ ಸವೆಂ ಆಲ್ವಿನ್ ದಾಂತಿ ಪೆರ್ನಾಲ್ ಹಾಣಿಂ ಸಂವಾದ್ ಚಲವ್ನ್ ವೆಲೊ.

ಕಾರ್ಯಾಚಾ ಅಖ್ರೇಕ್ ನಮಾನ್ ಬಾಳೊಕ್ ಜೆಜು ಆದ್ಲೊ ಸಂಪಾದಕ್ ಬಾಪ್ ಜೊ.ಸಿ.ಸಿದ್ಧಕಟ್ಟೆ ಹಾಂಕಾಂ ಸನ್ಮಾನ್ ಕೆಲೊ.

ರೋಶು, ಬಜ್ಪೆಚಾ ಸಾಹಿತಿಕ್ ವಾವ್ರಾಂತ್ ವಿಡಂಬನಾಚಾ ಪ್ರಕರಾಂತ್ ಹೊ ತಾಚೊ ಚವ್ತೊ ಬೂಕ್ ಆಸೊನ್, ಸಾಹಿತ್ಯಾಚೊ ಸಾತ್ವೊ ಬೂಕ್ ಜಾವ್ನಾಸಾ. ಹ್ಯಾ ಬುಕಾಚೆಂ ಮೋಲ್ ರುಪಯ್ 200/ ಆಸೊನ್ ಪ್ರತಿಯಾಂ ಖಾತಿರ್ ರೋಶು, ಬಜ್ಪೆ, ವಾ ನಮಾನ್ ಬಾಳೊಕ್ ಜೆಜು ದಫ್ತರ್ ವಾ ಮೊಬಾಯ್ಲ್ ಸಂಖೊ 9880119515 ಹಾಕಾ ಸಂಪರ್ಕ್ ಕರ‍್ಯೆತ್. ಪ್ರತಿಯೊ ತಪ್ಪಲಾಂ ಮುಕಾಂತ್ರ್ ಧಾಡ್ನ್ ದಿಂವ್ಚಿ ವೆವಸ್ಥಾ ಆಸಾ.