ಕೊಂಕ್ಣಿ ಕವಿ ತಶೆಂಚ್ ಸಾಹಿತಿ ರೋಶು ಬಜ್ಪೆ ಹಾಣೆ ಆನಿ ಪಂಗ್ಡಾನ್, ಜಾಯ್ತ್ಯಾ ಮ್ಹಿನತೆನ್ ಆನಿ ಜವಾಬ್ದಾರೆನ್ ತಯಾರ್ ಕೆಲ್ಲೆಂ ‘ವಚ್ ರೆ’ ಕೊಂಕ್ಣಿ ಗಝಲ್ ವಿಡಿಯೋ ಪದ್, ಸೊಮಾರಾ ಫೆಬ್ರವರಿಚ್ಯಾ 12 ತಾರಿಕೆರ್ ಮೊಕ್ಳಿಕ್ ಜಾತೆಲೆಂ. ಕೊಂಕ್ಣೆಂತ್ ಗಝಲ್ ಬರಂವ್ಚಿ ವಿಶೇಸ್ ತಾಂಕ್ ಆಸ್ಚ್ಯಾ ರೋಶುಚೆಂ ಹೆಂ ಪಯ್ಲೆಂ ಗಝಲ್ ವಿಡಿಯೋ ಪದ್. ಹ್ಯಾ ಪದಾಕ್ ಜೇಸನ್ ಸಿಕ್ವೇರಾ ಗಾವ್ಪಿ ಆಸೊನ್ ತಾಣೆಂಚ್ ಸಂಗೀತ್ ದಿಲಾಂ.
ಅಭಿನಯಾಂತ್ ರೋಹನ್ ಅಡ್ಕಬಾರೆ ಆನಿ ಗ್ಯಾಬ್ರಿಯೆಲ್ ವೇಗಸ್ ಆಸೊನ್ ಆಲ್ವಿನ್ ದಾಂತಿ, ಅನಿಲ್ ಪೆರ್ನಾಲ್, ಸತೀಶ್ ಪಿಲಾರ್, ಪುಷ್ಪ ಫೆರ್ನಾಂಡಿಸ್, ಕ್ಯಾರಲ್ ದಾಂತಿ ಆನಿ ಸ್ನೇಹಾ ಹಾಣಿಂ ಪೋಷಕ್ ಪಾತ್ರ್ ಸೊಭಯ್ಲ್ಯಾತ್. ಕ್ಯಾಮೆರಾಂತ್ ಸಜಂವ್ಚೆಂ ಸುಂಕಾಣ್ ಪ್ರಕಾಶ್ ಕೆ. ಹಾಣಿಂ ಘೆತ್ಲಾಂ. ಶ್ರೀರಾಮ್ ಹಾಣಿಂ ಕ್ಯಾಮೆರಾ ಸಹಾಯಕ್ ಜಾವ್ನ್ ವಾವ್ರ್ ದಿಲಾ. ಮೇಕಪಾಂತ್ ಡೊನ್ನ ಶಾರೊನ್ ಡಿಸೋಜಾ, ಕಲೆಂತ್ ಜ್ಯಾಕ್ಸನ್ ಡಿಕುನ್ಹಾ, ಪ್ರೊಡಕ್ಷನ್ ಮ್ಯಾನೇಜರ್ ಜಾವ್ನ್ ಆನ್ಸ್ಟಿನ್ ಮಚಾದೊ ಹಾಣಿಂ ಸಾಂಗಾತ್ ದಿಲಾ.
ಕಯ್ಯಾರ್ ಆರ್ಟ್ ನೆಟ್ಸ್ಟ್, ರಾಂಪೋಣಿ ಫ್ಯಾಮಿಲಿ ರೆಸ್ಟೋರೆಂಟ್, ವೆಲಂಕಣಿ ಬೋಟ್ಸ್ ತೊಕ್ಕೊಟ್ಟು, ಮಲ್ಪೆ ದರ್ಯಾ ತಡ್ ಅಶೆಂ ವಿಂಚ್ಣಾರ್ ಜಾಗ್ಯಾಂನಿ ಪದಾಂಚೆಂ ಚಿತ್ರೀಕರಣ್ ಜಾಲಾಂ.
ಅನಿವಾಸಿ ಉದ್ಯಮಿ ಶ್ರೀಮಾನ್ ದಿನೇಶ್ ಕೊರೆಯಾಚ್ಯಾ ಪ್ರೊಡಕ್ಷನಾಖಾಲ್ ಹೆಂ ಪದ್ ತಯಾರ್ ಜಾಲಾಂ ಆಸೊನ್ ರೋಶು, ಬಜ್ಪೆಚ್ಯಾ ‘ರೋಶು ರೇ’ ಚಾನೆಲಾರ್ ಮೊಕ್ಳಿಕ್ ಜಾತೆಲೆಂ.
1 comment
ವರ್ದಿ ವಾಚುನ್ ತುಜೆರ್ ಬರ್ಪೂರ್ ಅಭಿಮಾನ್ ಭೊಗ್ಲೊ ರೋಶು, ತುಂವೆಂ ಕೊಂಕ್ಣೆಂತ್ ಎದೊಳ್ ಕೆಲ್ಲೊ ವಾವ್ರ್ ಭಾರಿಚ್ ಮಹತ್ವಾಚೊ. ಹೊ ’ಗಝಲ್’ ಪ್ರಯೋಗ್ ನವೊ ಜಾಲ್ಯಾರೀ, ತುಂವೆಂ ಹೊ ಪ್ರಯೋಗ್ ಯಶಸ್ವೀ ಕರ್ಚಾ ವಾಟೆನ್ ಜಮಯಿಲ್ಲ್ಯಾ ಪಂಗ್ಡಾಂತ್ಲ್ಯಾಂಚಿಂ ನಾಂವಾಂ ವಾಚ್ತಾನಾ, ಕಿತೆಂ ತರೀ ನವೆಸಾಂವ್ ಆಮ್ಕಾಂ ರಾಕೊನ್ ಆಸಾ ಮ್ಹಣ್ಚಾಕ್ ದುಬಾವ್ ನಾ. ತುಜಾ ಸಾಹಸಾಕ್ ಶಾಬಾಸ್ಕಿ ಫಾವೊ. ತುಜಾ ಸಾಹಿತಿಕ್ ಪಯ್ಣಾಂತ್ ತುಕಾ ಸರ್ವ್ ಜಯ್ತ್ ಮಾಗ್ತಾಂ.