2026 ವರ್ಸಾಕ್ ಲಾಗೂನ್ ವಿಮಲಾ ವಿ. ಪೈ ವಿಶ್ವ್ ಕೊಂಕಣಿ ಪುರಸ್ಕಾರಾಂಕ್ ಅರ್ಜ್ಯೊ ಆಪಯ್ಲ್ಯಾತ್ ಆಸುನ್, ಪುರಸ್ಕಾರ್ 1 – ಜೀವನ್ ಸಿದ್ಧಿ ಸನ್ಮಾನ್ – ಕೊಂಕ್ಣಿ ಭಾಸ್, ಶಿಕ್ಷಣ್, ಕಲಾ ಆನಿ ಸಂಸ್ಕೃತೀಚ್ಯಾ ವಿಕಸನಾ ಖಾತೀರ್ ಜೀಣ್ಭರ್ ವಾವ್ರ್ ಕೆಲ್ಲ್ಯಾ ಎಕಾ ಜ್ಯೆಷ್ಠ್ ಕೊಂಕ್ಣಿ ನಾಗ್ರಿಕಾಕ್ ಹೊ ಸನ್ಮಾನ್ ಫಾವೊ ಜಾತಲೊ.
ಪುರಸ್ಕಾರ್ 2 & 3, ವಿಮಲಾ ವಿ. ಪೈ ವಿಶ್ವ್ ಕೊಂಕ್ಣಿ ಸಾಹಿತ್ಯ್ ಕೃತಿ ಪುರಸ್ಕಾರ್ ಆನಿ ಕವಿತಾ ಕೃತಿ ಪುರಸ್ಕಾರಾಕ್, 1 ಜನೆರ್ 2023 ತೆ 31 ಡಿಸೆಂಬರ್ 2025 ಹ್ಯಾ ಆವ್ಧೆಂತ್ ಪ್ರಕಾಶಿತ್ ಜಾಲ್ಲ್ಯಾ ದೇವ್ನಾಗರಿ ಲಿಪಿಯೆಂತ್ ಬರಯಿಲ್ಲ್ಯಾ ಕೊಂಕಣಿಂತ್ಲ್ಯಾ ಏಕ್ ಗದ್ಯ್ ಸಾಹಿತ್ಯ್ ಕೃತೀಕ್ ಆನಿ ಏಕ್ ಕವಿತಾ ಕೃತೀಕ್ ಪುರಸ್ಕಾರ್ ಫಾವೊ ಜಾತಲೆ. ಹ್ಯೊ ಕೃತಿಯೊ ಅನುವಾದಿತ್ ವಾ ಶಿಕ್ಷಣೀಕ್ ಅಭ್ಯಾಸ್ ಸಂಬಂದೀತ್ ಆಸೂಂಕ್ ನಜೊ.
ಪುರಸ್ಕಾರ್ 4 & 5, ಬಸ್ತಿ ವಾಮನ್ ಶೆಣಯ್ ವಿಶ್ವ್ ಕೊಂಕ್ಣಿ ಸೆವಾ ಪುರಸ್ಕಾರ್, ಮೂಳಾನ್ ಕೊಂಕ್ಣಿ ಭಾಶೀಕ್ ಆಸೂನ್, ಶಿಕ್ಷಣ್, ಸಾರ್ವಜನೀಕ್ ಸೆವಾ, ಪ್ರಶಾಸನ್, ಸಮಾಜಸೆವಾ, ಆರೊಗ್ಯ್ ಸೆವಾ, ವಿಜ್ಞಾನ್, ಪತ್ರಕಾರೀತಾ, ಪ್ರದರ್ಶನ್ ಕಲಾ, ಮಾನವೀಕ್ ಸೆವಾ, ಉದ್ಯೊಗ್-ವ್ಯಾಪಾರ್, ಕ್ರೀಡಾ ಆದಿ ಕ್ಷೆತ್ರಾಂತ್ ಉಚ್ಚ್ ದರ್ಜಾಚಿ ಪ್ರಾಮಾಣಿಕ್ ವಾವ್ರ್ ಕರೂನ್ ಜನಸೇವಾ ದಿಲ್ಲ್ಯಾ ವ್ಯಕ್ತಿ ವಾ ಸಂಸ್ಥಾ-ಸಂಘಟನಾಕ್ ಹ್ಯಾ ಪುರಸ್ಕರಾ ಖಾತೀರ್ ನಾಮ್ ನಿರ್ದೇಶನ್ ಕರ್ಪಾಕ್ ವಾ ಅರ್ಜಿ ಘಾಲುಂಕ್ ಅವ್ಕಾಸ್ ಆಸಾ.
ಹೆ ಪಾಂಚ್ ಪುರಸ್ಕಾರ್ ಪ್ರತ್ಯೇಕ್ ಜಾವ್ನ್ ರು. 1,00,000/- ನಕದ್, ಸನ್ಮಾನ್ ಪತ್ರ್, ಆನಿ ಸ್ಮೃತೀಫಲಕ್ ಆಟಾಪ್ತಲೆ. ಹೆ ಪುರಸ್ಕಾರ್ ವಿಶ್ವ್ ಕೊಂಕ್ಣಿ ಕೆಂದ್ರಾಚೆ ಮಹಾಪೋಷಕ್ ಮಾನೆಸ್ತ್ ಟಿ. ವಿ. ಮೋಹನ್ದಾಸ್ ಪೈ ಹಾಂಚ್ಯಾ ಮಾತೊಶ್ರೀ ವಿಮಲಾ ವಿ. ಪೈ ಹಾಂಚ್ಯಾ ಸ್ಮರಣಾರ್ಥ್ ದೀವ್ನ್ ಆಸಾ.
ಇಚ್ಛುಕ್ ವ್ಯಕ್ತೀಂನಿ ವಾ ಸಂಸ್ಥಾ-ಸಂಘಟನಾಂನಿ ವಿಶ್ವ್ ಕೊಂಕ್ಣಿ ಕೆಂದ್ರಾಚ್ಯಾ ವೆಬ್ಸಾಯ್ಟೀರ್ ಮಾಹೆತ್ ಘೆವ್ನ್ 31-08-2026 ಪರ್ಯಂತ್ ಆನ್ಲೈನಿರ್ ನಾಮ್ನಿರ್ದೇಶನ್ ನೋಂದಾಂವ್ಕ್ , ತಶೆಂಚ್ ಫೊಟೊ, ಪ್ರಶಂಶಾ ಪತ್ರ್, ಸಾಹಿತ್ಯ್ ಕೃತಿ ಆನಿ ಕವಿತಾ ಕೃತೀಂಚಿ 3 ಪುಸ್ತಕಾಂ ಅಶೆಂ ಸಗ್ಳಿಂ ದಸ್ತಾವೆಜಾಂ ಪೊಸ್ಟಾದ್ವಾರಿಂ ವಿಶ್ವ ಕೊಂಕಣಿ ಕೇಂದ್ರಾಕ್ ದಾಡೂನ್ ದಿಂವ್ಚ್ಯಾಕ್ ಪತ್ರಾ ಪರ್ಗಟ್ಣೆಂತ್ ಕಳಯ್ಲಾಂ.
ಪಾತ್ತೊ : ಅಧ್ಯಕ್ಷ್, ವಿಶ್ವ್ ಕೊಂಕ್ಣಿ ಕೆಂದ್ರ್, ಶಕ್ತೀನಗರ್, ಮಂಗ್ಳೂರ್ – 575016
