ರೋನ್ ರೋಚ್, ಕಾಸ್ಸಿಯಾ

mm
ಪಾಟ್ಲ್ಯಾ 45 ವರ್ಸಾಂ ಪಾಸುನ್ ರೋನ್ ರೋಚ್ ಕಾಸ್ಸಿಯಾ ನಾಂವಾಖಾಲ್ ಕೊಂಕಣಿಂತ್ ಬರವ್ನ್ ಆಸ್ಚೊ ರೊನಾಲ್ಡ್ ರೋಚ್ ಕಾಸ್ಸಿಯಾ ಫಿರ್ಗಜೆಗಾರ್. ವಿಭಿನ್ನ್ ಶಯ್ಲೆಚೊ ಲೇಖಕ್ ಜಾವ್ನ್ ಆಸ್ಚೊ ರೋನ್ ರೋಚ್ ಕೊಂಕ್ಣೆಂತ್ ಸಸ್ಪೆನ್ಸ್ ಥ್ರಿಲ್ಲರ್ ಕಾಣಿಯೊ ಆನಿ ಕಾದಂಬರಿಂ ಖಾತಿರ್ ನಾಂವಾಡ್ಲಾ. ತಾಚ್ಯಾ ಕಾಣಿಯಾಂನಿ ಎಕಾ ಥರಾಚೆಂ ಕುತೂಹಲ್ ಆಸ್ತಾ, ಅತ್ರೆಗ್ ರಾಕೊನ್ ವ್ಹರ್ಚೊ ಗೂಣ್ ಆಸ್ತಾ. ದೆಕುನ್ ಚಡಾವತ್ ನೆಮಾಳ್ಯಾಂನಿ ತಾಚ್ಯೊ ಕಾದಂಬರಿ ಆತಾಂಯ್ ಸಾಂಕ್ಳೆ ರುಪಾರ್ ಫಾಯ್ಸ್ ಜಾತೇ ಆಸಾತ್. ಏಕ್ ಗಾವ್ಪಿ ಜಾವ್ನ್ ಕಾಸ್ಸಿಯಾಚ್ಯಾ ಲೊರೆನ್ಸ್ ಸೊಜಾಸವೆಂ ಮೆಳುನ್ ರೋನ್ - ಲೊರೆನ್ಸ್ ಬ್ಯಾನರಾಖಾಲ್ ಸಾಟಾಂ ವಯ್ರ್ ಪದಾಂ ಘಡುನ್ ನಾಟಕಾಂನಿ ಆನಿ ನಾಯ್ಟಾಂನಿ ಸಾದರ್ ಕೆಲ್ಯಾಂತ್. ಸಾಂಗಾತಾಚ್ ರೊನ್ - ಲೊರೆನ್ಸ್ ನೈಟ್ ನಾಂವಾಖಾಲ್ ಸಬಾರ್ ಸಂಗೀತ್ ಕಾರ್ಯಾವಳಿ ಸಾದರ್ ಕೆಲ್ಯಾತ್. ಸರಳಾಂ ಪಾಟ್ಲ್ಯಾನ್, ಆಮಿ ನೋವ್, ಹಾಂವ್ ರಡ್ತಾಂ, ಕಲಾವತಿ, ತಾಚಿಂ ಹಾಡಾಂ, ಠೋಕನ್ ನಂ 13, ಹೊ ಹಾತ್ ಖುನ್ಯೆಚೊ ಹಾತ್, ಮ್ಹಾಕಾ ಜಿಯೆಂವ್ಕ್ ಸೊಡಾ, ಹಾಂವ್ ತಾಚ್ಯೆ ಸೊಧ್ನೆರ್, ತಾಂಬ್ಡೊ ವಾಕೊರ್ ಆನಿ ಆತಾಂ ಕಿಟಾಳಾರ್ ಫಾಯ್ಸ್ ಜಾವ್ನ್ ಆಸ್ಚಿ ಜರ್ ಹಾಂವ್ ಸಾಂಗಿನ್ ತರ್ ... ಅಶೆಂ ಎಕುಣ್ ಇಕ್ರಾ ಕಾದಂಬರಿ ಆಜ್ ಪರ್ಯಾಂತ್ ಕೊಂಕ್ಣೆಂತ್ ತಾಣೆ ಬರಯ್ಲ್ಯಾತ್. ನಿಗೂಡ್ ಮಟ್ವ್ಯೊ ಕಾಣಿಯೊ ತಾಚೊ ಪರ್ಗಟಿತ್ ಕಾಣಿಯಾಂ ಪುಂಜೊ. 90 ಲಾಗಿಂ ಮಟ್ವ್ಯೊ ಕಾಣಿಯೊ, ತಿನ್ಶಾಂ ವಯ್ರ್ ಲೇಖನಾಂ ತಾಣೆ ಬರಯ್ಲ್ಯಾಂತ್. ಕೊಂಕ್ಣಿ ಪತ್ರಾಂನಿ ಆನಿ ಜಾಳಿಜಾಗ್ಯಾಂನಿ ನಿರಂತರ್ ತಾಚೆ ಸಾಂಕಳ್ ಕಾಣಿಯೊ, ಲೇಖನಾಂ ಫಾಯ್ಸ್ ಜಾತೇ ಆಸಾತ್. ತಾಚ್ಯಾ ಸಾಹಿತೀಕ್ ವಾವ್ರಾಕ್ ವಿಕ್ಟರ್ ರೊಡ್ರಿಗಸ್ ಸ್ಮಾರಕ್ ಸಾಹಿತ್ಯ್ ಪ್ರಶಸ್ತಿ, ದಾಯ್ಜಿ ದುಬಯ್ ಸಾಹಿತ್ಯ್ ಪುರಸ್ಕಾರ್ ಫಾವೊ ಜಾಲ್ಯಾತ್. ಮಾಲ್ಘಡ್ಯಾ ಆನಿ ತರ್ನ್ಯಾ ಸಾಹಿತಿಂ ಮಧೆಂ ಏಕ್ ಸಾಂಕೊವ್ ಜಸೊ ಆಸ್ಚೊ ರೋನ್ ರೋಚ್, ಪ್ರಸ್ತುತ್ ಆಪ್ಲಿ ಪತಿಣ್ ಶ್ರೀಮತಿ ಗ್ರೇಸಿ ಸೊಜ್, ವೃತ್ತೆನ್ ಶಿಕ್ಷಕಿ ( ಆತಾಂ ನಿವೃತ್ತ್ ) ಹಿಚೆ ಸವೆಂ ಕಾಸ್ಸಿಯಾಂತ್ ವಸ್ತಿ ಕರುನ್ ಆಸಾ. ಹ್ಯಾ ಜೊಡ್ಯಾಕ್ ತೆಗಾಂ ಚೆಡ್ವಾಂ ಭುರ್ಗಿಂ.

ಕ್ರೀಸ್ತ್ ರಾಯಾಚ್ಯಾ ಯೆಣ್ಯಾಚೊ ಕಾಳ್ … ಅದ್ವೆಂತ್

ವೇಳ್ ವೆತಾಂ ವೆತಾಂ ಸಂಸ್ಕೃತಿ ಬದ್ಲುನ್ ಆಯಿಲ್ಲೆಪರಿಂ ಆಚರಣಾಂತ್‌ಯೀ ಬದ್ಲಾವಣ್ ಜಾವ್ನ್ ಆಯ್ಲಿ. ಹ್ಯಾ ವರ್ವಿಂ ಆಮ್ಚ್ಯಾ ಮಾಲ್ಘಡ್ಯಾಂಚ್ಯಾ ಅದ್ವೆಂತ್ ಕಾಳಾಚ್ಯಾ ಆಚರಣಾಂತ್ಲೆ ಅಧ್ಯಾತ್ಮಿಕ್ ಮಹತ್ವ್, ಕಾಳ್ ಬದ್ಲುನ್ ಆಯ್ಲೆಲೆಪರಿಂ ಬದ್ಲೊನ್ ಯೇವ್ನ್ ಅದ್ವೆಂತಾಚೆಂ ಅಧ್ಯಾತ್ಮಿಕ್ ಆಚರಣ್ ಮಾಜ್ವೊನ್ ಗೆಲೆಂ ಮ್ಹಣ್ಯೆತ್. ಆನಿ ಆತಾಂ ಹೊ ಅದ್ವೆಂತಾಚೊ ಉಗ್ಡಾಸ್, ಫಕತ್ ಇಗರ್ಜೆ ಆಲ್ತಾರೆರ್ ಯಾಜಾಕಾಂಚ್ಯಾ ವೊಂಟಾಂರ್ ಮಾತ್ ಉರ್ಲಾ. ತರೀ ಕಿತ್ಯಾಕ್ ಅಶೆಂ ಮ್ಹಣ್ ನಿರಾಶ್ ಜಾವ್ನ್ ವಾದ್ ಮಾಂಡುನ್ ಆಮಿ ಆತಾಂಚ್ಯಾ ಸಂಸ್ಕೃತಿಕ್, ಆಚರಣಾಕ್, ದುರ್ಸೊಂಚೆಂ ನಯ್. ತ್ಯಾ ಕಾಳಾರ್ ತಶೆಂ ಆಚರಣ್ ಆಸ್‌ಲ್ಲೆಂ. ‘ಆತಾಂ ಕಿತ್ಯಾಕ್ ಅಶೆಂ?!’ ಮ್ಹಣ್ ಆಮಿ ಆತಾಂಚ್ಯಾ ಜನಾಂಗಾಕ್ ದುರ್ಸೊಂಚೆಂಯೀ ಸಾರ್ಕೆಂ ದಿಸಾನಾ.

Read More »

ಜರ್ ಹಾಂವ್ … ಸಾಂಗಿನ್ ತರ್ : 23

‘ಕಿತೆಂ ಜಾಲೆಂ?!...ಕಶೆಂ ಜಾಲೆಂ?! ...ಕಿತ್ಯಾಕ್ ಅಶೆಂ ಜಾಲೆಂ?!...’ ಮ್ಹಳ್ಳ್ಯಾವಿಶಿಂ ಕಿತೆಂಚ್ಚ್ ಕಳಿತ್ ಜಾಲೆಂನಾಂ. ಆನಿ ತ್ಯಾಚ್ಚ್ ಘಡ್ಯೆ ರೆಸ್ಪೆರಾ ಕಾರ್ಯೆಂ ಸಂಪೊವ್ನ್ ಯಾಜಕ್  ಪರತ್ ಪಾಟಿಂ ಆಲ್ತಾರೆಕ್ ಚಡೊಂಕ್ ಲಾಗ್ಲೊ. ಹೆಂ ಪಳೆತಾಂ...ಆನಿ ಆಪ್ಣಾಕ್ ಆಲ್ತಾರೆಕ್ ಪಾಟ್ ಕರುಂಕ್ ಸಾದ್ಯ್‌ಚ್ ನಾಂ...ಹ್ಯಾ ಉಪ್ರಾಂತ್ ಆನಿ ಕಿತೆಂಚ್ ಕರುಂಕ್ ಸಾದ್ಯ್‌ಚ್ ನಾಂ.!’ ಮ್ಹಳ್ಳೊ ಧಖೊ ತಾಚ್ಯಾ ಕಾಳ್ಜಾಕ್ ಆಪ್ಟಾತಾನಾಂ... ಹ್ಯಾ ಉಪ್ರಾಂತ್ ದಾರ್ವೊಟ್ಯಾ ಭಾಯ್ರ್ ರಾಕೊನ್ ಆಸ್ಚ್ಯಾ ರಿಶಭಾಕ್... ಭೆಟುಂಕ್ ಆಸಾಧ್ಯ್! ಮ್ಹಳ್ಳಿಂ ಆಘಾತೆ ಅಕಾಂತೆಂ ಚಿಂತ್ನಾಂ ಗಿನ್ಯಾನೆಕ್ ಆಪ್ಟಾಲಿಂ!

Read More »

ಕುಟ್ಮಾ ನಕ್ತಿರ್ … ಮೊಂತಿ ಮರಿ

ಸಪ್ಟೆಂಬರ್ ಮಯ್ನೊ ಆಯ್ಲೊ ಮ್ಹಣ್ತಾನಾ ಉಗ್ಡಾಸ್ ಯೆತಾ ಕುಟ್ಮಾ ಎಕ್ತಾರಾಚೆಂ ಮೊಂತಿ ಮರಿಯೆಚೆಂ ಫೆಸ್ತ್. ಹೆಂ ಫೆಸ್ತ್ ಕುಟ್ಮಾಂತ್ ಎಕ್ವಟ್, ಮಾಯಾಮೋಗ್, ಎಕಾಮೆಕಾ ಹುಸ್ಕೊ ಸಹಕಾರಾಕ್ ಜಾಗೊವ್ನ್, ಮನಸ್ತಾಪ್ ವಿಸ್ರೊನ್ ಕುಟ್ಮಾ ಸಂಬಂದ್ ವಾಡೊವ್ನ್ ಕುಟ್ಮಾಬಾಂದ್  ಘಟ್ ಕರ್ಚೆಂ ಫೆಸ್ತ್. ಫೆಸ್ತಾಚೆಂ ಆಚರಣ್ ಫಕತ್ ಎಕಾ ದಿಸಾಕ್ ಮ್ಹಣ್ ಸಂಭ್ರಮಿನಾಸ್ತಾನಾ, ಸಗ್ಳೆ ಜಿಣ್ಯೆಂತ್ ತಾಚಿಂ ಪಾಳಾಂ ರೊಂಬೊವ್ನ್ ಮುಂದರುನ್ ವ್ಹರೊಂಕ್ ಫಾವೊ. ಅಸಲ್ಯಾ ಕುಟ್ಮಾ ಜಿವಿತಾಕ್, ಪ್ರಥಮ್ ಜಾವ್ನ್ ಕುಟ್ಮಾಂತ್ ವ್ಹಡಿಲಾಂಚಿ ನಿತಳ್ ನಿಶ್ಕಳಂಕ್ ಕುಟ್ಮಾಜಿಣಿ ಭುರ್ಗ್ಯಾಂಕ್ ಪ್ರೇರಿತ್ ಜಾಂವ್ಕ್ ಜಾಯ್. ಹ್ಯಾ ಖಾತಿರ್ ಪ್ರಪ್ರಥಮ್ ಜಾವ್ನ್ ವ್ಹಡಿಲಾಂನಿ ರಾಗ್ ಮಸರ್ ಕಪಟ್ಪಣ್ ನಾತ್ಲೆಲ್ಯಾ ಮುಗ್ಧ್ ಲ್ಹಾನಾಂ ಭುರ್ಗ್ಯಾಪರಿಂ ನಿಶ್ಕಳಂಕ್ ಜಿಣಿಂ ಜಿಯೆಂವ್ಕ್ ಜಾಯ್.

Read More »

ಜರ್ ಹಾಂವ್ … ಸಾಂಗಿನ್ ತರ್ : 22

ಆಜ್ ಕ್ಲೋಡಿಯಾ ...ವೆಳಾಕ್ ಸರಿ ಜಾವ್ನ್ ಆಪ್ಲೆಂ ಆಂಗ್... ಲಗ್ನಾಚ್ಯಾ ಧವ್ಯಾ  ಗವನಾರ್ ಸೊಬಯ್ ಲಾಗ್ಲೆಂ! ತ್ಯಾ ನಂತರ್....ನಕ್ಕೀ ವೆಳಾರ್ ನೊವ್ರ್ಯಾ ಕ್ಲೈವಾನ್ ಧಾಡ್ಲೆಲ್ಲೆಂ ಕಾರ್ ಘರಾ ಬಾಗ್ಲಾರ್ ಆವಾಜ್ ದಿತಾಸ್ತಾಂ...ತೆಂ ಧವೆಂ ಲಾಂಬ್ ಗವನ್ ಹಾತಿಂ ಉಕ್ಲೊನ್ ಧರುನ್ ಚತ್ರಾಯೆನ್ ಸಂಭಾಳುನ್, ಆಪ್ಲ್ಯಾ ರುಮಾ ಥಾವ್ನ್ ಭಾಯ್ರ್ ಆಯ್ಲೆಂ. ರುಮಾ ಭಾಯ್ರ್ ಮೇಟ್ ದವರ್ಲೆಂಚ್ಚ್ ಖಿಣಾನ್ ಏಕ್ ಪಾವ್ಟಿಂ ತೆಂ ಪಾಟಿಂ ಘುಂವ್ಲೆಂ. ಆನಿ ಆಪ್ಲ್ಯಾ ರಿತ್ಯಾ ಕುಡಾಚೆರ್ ದೀಶ್ಟ್ ಘಾಲುನ್ ತೆಂ ಪಳೆಂವ್ಕ್ ಪಡ್ಲೆಂ. ಘಡ್ಯೆನ್ ಸಿಂತಿಮೆಂತಾಳ್ ಭಾವಾನಾಂನಿಂ ಬುಡೊನ್ ಆಸ್‌ಲ್ಲೆಂ ತೆಂ, ಆಪ್ಣೆಂ ಸುಕ್-ದುಕ್...ಆವೇಶ್ -ವಿಳಾಪ್...ಉನ್ಮಾದ್ ಹೆಂ ಸರ್ವ್ ಎಕ್ಸುರೆಂ ಭೊಗ್ಲೆಲ್ಯಾ ತ್ಯಾ ಕುಡಾಚ್ಯಾ ಕೊನ್ಶಾಂಕ್ ನದರ್ ಭೊಂವ್ಡಾಯ್ಲಾಗ್ಲೆಂ.

Read More »

ಕೊರೋನಾ ಆಕಾಂತ್ ಆನಿ ಕುಮ್ಸಾರಾ ಅತ್ರೆಗ್!

ಆತಾಂಚಾ ಹ್ಯಾ ಆಧುನಿಕ್ ಕಾಳಾರ್ ಕ್ರೀಸ್ತೀ ಸಂಸಾರಾಂತ್ ಏಕ್ ಚಿಂತಾಪ್ ಅಶೆಂ ಆಸಾ ಕೀ, ‘ಯಾಜಾಕಾ ಲಾಗಿಂ ಕುಮ್ಸಾರ್ ಕಿತ್ಯಾಕ್ ಜಾಂವ್ಕ್ ಜಾಯ್ ?!. ಖುದ್ ದೆವಾಲಾಗಿಂಚ್ಚ್ ಕಾಳ್ಜಾಂತೂನ್ ಪಾತಾಕ್ ರಡೊನ್ ಭೊಗ್ಸಾಣೆಂ ಮಾಗೊನ್ ಘೆವ್ಯೆತ್ ನಂಯ್ಗೀ?’.ಪೂಣ್ ಜೆಜುನ್ ಆಪ್ಲ್ಯಾ ಶಿಕೊಣೆವೆಳಾ, ಶಿಸಾಂಕ್ ಸಾಂಗ್ಲಾಕೀ ‘ಕೊಣಾಚಿ ಪಾತ್ಕಾಂ ತುಮಿ ಭೊಗ್ಸಿತಾತ್‌ಗೀ ತಾಂಚಿ ಪಾತ್ಕಾಂ ಭೊಗ್ಸಾತಾಲಿಂ’ ಮ್ಹಣ್. ಹ್ಯಾ ವರ್ವಿಂ ಆಮ್ಕಾಂ ಕಳಿತ್ ಜಾತಾಕೀ, ದೆವಾಪುತಾ ಜೆಜುಚಿಚ್ ಶಿಕೊಣ್ ಜಾವ್ನಾಸಾ ಯಾಜಕಾದ್ವಾರಿಂ ದೆವಾಲಾಗಿಂ ಕುಮ್ಸಾರ್ ಜಾಂವ್ಚೆಂ ಮಾತ್ರ್ ಸಂಪೂರ್ಣಾಯೆಚೆಂ ಮ್ಹಣ್. ಪಾಪಾ ಪ್ರಾನ್ಸಿಸ್ ಖುದ್ದ್ ಜಾವ್ನ್ ತವಳ್ ತವಳ್ ಕುಮ್ಸಾರ್ ಜಾವ್ನ್ ಭೊಗ್ಸಣೆಂ ಜೋಡುನ್ ದೇಖ್ ದಿವುನ್ ಆಸಾ.

Read More »

ಜರ್ ಹಾಂವ್ … ಸಾಂಗಿನ್ ತರ್ : 21

“ಹಾಂವ್ ಏಕ್ ಫಿರ್ಗಜೆ ಖಾತಿರ್ ವಾವ್ರ್ ದಿಂವ್ಚೊ ಅಸಹಾಯೆಕ್ ಯಾಜಕ್ ಮ್ಹಳ್ಳೆಖಾತಿರ್ ಪುಣೀ ...ಮ್ಹಜ್ಯಾ ಸಮಸ್ಯಾಕ್ ಪರಿಹಾರ್ ದಿಂವ್ಚೆ ವಿಶಾಲ್ ಮನ್ ದಾಕಯ್...ಕಾರ್ಡಿಯಾನ್.” “ಫಾದರ್... ತುಮಿ ಸಹಕಾರ್ ಮಾಗ್ಚೊ ಸಹಜ್ ...ಪೂಣ್ ಹ್ಯಾವಿಶಿಂ ಸಾಂಗ್ಚೆಂ ತರ್...ಹ್ಯಾವಿಶಿಂ ತುಮಿಂಚ್ ಚಿಂತೂನ್ ಪಳೆಯಾ ಫಾದರ್. ತುಮಿ ಕೆಲ್ಲ್ಯಾ ಚುಕಿಚ್ಯಾ ಪರಿಣಾಮಾಕ್... ಮ್ಹಾಕಾಯೀ ಭಾಗಿದಾರ್ ಕರುನ್ ಹಾಂವೆಯೀ ಮ್ಹಜಾ ನಿತಿಚ್ಯಾ ವಾಟೆಕ್ ಕುರಾಡ್ ಮಾರಿಜಾಯ್ ಮ್ಹಣ್ ಮ್ಹಣ್ಚೆಂಗೀ ತುಮಿ?” “ನಿತಿಕ್ ವಿರೋಧ್ ವಚೊಂಕ್ ಹಾಂವ್ ಸಾಂಗಿನಾಂ. ಬಗಾರ್ ಜಾಲ್ಲೆಂ ಜಾವ್ನ್ ಗೆಲಾಂ...ಆತಾಂ ಹ್ಯಾ ಸಮಸ್ಯಾ ಪರಿಹಾರಾಕ್ ಹಾಂವ್ ತುಜೆಲಾಗಿಂ ಭಿಕ್ ಮಾಗೊನ್ ಆಸಾಂ.”

Read More »

ಜರ್ ಹಾಂವ್ … ಸಾಂಗಿನ್ ತರ್ : 20

ಫಾ|ಫ್ರ್ಯಾಂಕ್ಲಿನಾನ್ ಆಪ್ಣಾ ಥಂಯ್ ವೊಡ್ಡಾಯಿಲ್ಲ್ಯಾ ಸ್ಕ್ರಿಬ್ಲಿಂಗ್ ಪ್ಯಾಡಾಚೆರ್ ಬದ್ಲಿಲಿ. ದುಸ್ರೆ ಘಡ್ಯೆ...ತಾಚೊ ದಾವೊ ಹಾತ್ ತ್ಯಾ ಸ್ಕ್ರಿಬ್ಲಿಂಗ್ ಪ್ಯಾಡಾರ್ ಬಸ್ಲೊ. ಆನಿ ಉಜ್ವ್ಯಾ ಹಾತಾಂತ್ಲೆ ಆಪ್ಲೆಂ ಪೆನ್ನ್ ತಾಚೆರ್ ಝರಯ್ತೇ ಗೆಲೊ. ಪೂಣ್ ಕಸಲೆಂಚ್ ಚಡ್ತಿಕ್ ಬರಂವ್ಕ್ ತೊ ಗೆಲೊನಾಂ. ಫಕತ್ತ್ ಥೊಡಿಂಚ್ ಥೊಡಿಂ ಉತ್ರಾಂ. ಆನಿ ತೊ ಬರಯ್ತೇ ಆಸ್ತಾಂ ...ವಿಗಾರ್ ಫ್ರ್ಯಾಂಕ್ಲಿನ್ ತಾಚ್ಯಾ ಹರ್ಯೆಕಾ ಸಭ್ಧಾಚೆರ್ ಸೂಕ್ಶ್ಮ್ ದೀಶ್ಟ್ ಚರಯ್ತೇ ಗೆಲೊ. ಪಳೆತ್ತ್ ಗೆಲ್ಲ್ಯಾ ಪರಿಂ ....ಫಾ| ಪ್ರ್ಯಾಂಕ್ಲಿನ್ ಏಕ್ ಪಾವ್ಟಿಂ ಧಿಘ್ಮೂಢ್ ಜಾಲೊ! ಕಾರ್ಡಿಯಾನಾನ್ ಪ್ಯಾಡ್ ವಿಚಾರ್ಲೆಲ್ಯಾ ವೆಳಾಚ್ ತೊ ... ‘ಹ್ಯಾಚ್ಚ್ ಖಾತಿರ್ ಜಾಂವ್ಕ್ ಪುರೊ.!’ ಮ್ಹಳ್ಳ್ಯಾ ದುಬಾವೆ ನಿರೀಕ್ಶೆಕ್ ವೊಳಗ್ ಜಾಲ್ಲೊ ವ್ಹಯ್. ತರೀ... ‘ಕಾರ್ಡಿಯಾನ್ ಇತ್ಲೆಂ ಅನಿರೀಕ್ಶಿತ್ ಮೇಟ್ ಕಾಡಿಸೊನಾ!’ ಮ್ಹಳ್ಳೊ ಕಸಲೊಗೀ ಆಶಾವಾದ್ ತಾಚೆ ಮತಿಂ ತಾಕಾ ಧಯ್ರ್ ದಿತೇ ಆಸ್‌ಲ್ಲೊ.

Read More »

ಜರ್ ಹಾಂವ್ … ಸಾಂಗಿನ್ ತರ್ : 19

“ತುಂ ಹೆಂ ನೆಣಾಂಯ್?!” ಆಜಾಪ್ಲೊ ಕಾರ್ಡಿಯಾನ್ ಆನಿ ತಕ್ಶಣಾಂಚ್ ತೆಂ ದೆದೆಸ್ಪೊರ್ ಜಾಯ್ನಾಶೆಂ ಮ್ಹಣಾಲೊ.  “ಕಿತೆಂಯೀ ಜಾಂವ್  ಆತಾಂ ತ್ಯಾ ವಿಶಿಂ ಚಿಂತ್ತಾ ನಾಕಾ. ಹಾಂವ್ ಸಗ್ಳೆಂ ಪಾಟ್ಲಾವ್ ಕರುನ್ ಆಸಾಂ...ಕಸಲೆಂಯೀ ತೆಂ ದೆದೆಸ್ಪೊರ್‌ಪಣ್ ಉಗ್ತ್ಯಾನ್ ದಾಕಯ್ನಾಕಾ” “ಮ್ಹಳ್ಯಾರ್” “ಮ್ಹಳ್ಯಾರ್ ತುಂ ತೆಂ ಮತಿಂ ಧರ್ನ್ ಬಸ್ಲೆಂಯ್ ತರ್... ಘರ್ಚ್ಯಾಂಕ್ ಯಾ ಹೆರಾಂ ಕೊಣಾಯ್ಕೀ ತುಜ್ಯಾ ದೆದೆಸ್ಪೊರ್ ಮತಿವಿಶಿಂ ತಾಂಚ್ಯಾ ಗಿನ್ಯಾನಾಕ್ ಆಪ್ಟಾಲೆಂ ತರ್ ಆಮ್ಚ್ಯಾ ಮುಕ್ಲ್ಯಾ  ಯೋಜನೆಕ್ ಖಂಡಿತ್ ಅಡ್ಕಳ್ ಜಾತೆಲೆಂ. ದೆಕುನ್ ಹ್ಯಾವಿಶಿಂ ತುಂವೆಂ ಬೋವ್ ಜಾಗ್ರುತ್ಕಾಯೆನ್ ಆಸೊಂಕ್ ಜಾಯ್. ತುಂ ಫಕತ್ತ್  ಮ್ಹಜೆರ್ ಭರ್ವೊಸೊ ದವರ್ನ್ ರಾವ್. ಆನಿ ಸಾರ್ಕೆಂ ಆಯ್ಕ್... ಮ್ಹಜೆಂ ಫೋನ್ ಕೋಲ್ ಕೆನ್ನಾಂ ತುಕಾ ಯೇತ್ ಮ್ಹಣ್ ಮ್ಹಾಕಾ ಸಾಂಗೊಂಕ್ ಜಾಯ್ನಾಂ. ದೆಕುನ್ ಹರ್ಯೆಕ್ ಘಡಿ ತುಜ್ಯಾ ಮೊಬಾಯ್ಲಾರ್ ಗಮನ್ ದವರ್ನ್ ಸಯ್ರಾಣೆನ್  ರಾವ್!” “ಆನಿ ಕಸಲೆಂ ಸಯ್ರಣ್ ಸರ್... ಸಗ್ಳೆಂ ಸಂಪ್ತಾ ವರೇಗ್ ಕಸಲೆಂ ಸಯ್ರಣ್?!”ಯೆಕಾಚ್ಚಾಣೆಂ ಮತಿಂತ್ಲೊ ಕ್ರೋದ್ ಉಸಾಳ್ಳೊ ಕ್ಲೋಡಿಯಾಚ್ಯಾ ಉತ್ರಾಂನಿ.

Read More »

ಜರ್ ಹಾಂವ್ … ಸಾಂಗಿನ್ ತರ್ : 18

“ಕೊಣಾ ಥಂಯ್ ನಿತಳ್ ನಿಶ್ಕಳಂಕ್ ಕಾಳಿಜ್ ಆಸಾ...ಕೊಣಾ ಥಂಯ್ ಪ್ರಮಾಣಿಕ್ಪಣ್ ಆಸಾ.... ತಾಂಚೆ ಥಂಯ್ ಪ್ರಮಾಣಿಕ್ಪಣಿಂ ನಿತಿನ್ ಚಲ್ಚೊ ವೆಕ್ತಿ ಕಾರ್ಡಿಯಾನ್. ಆನಿ ಜರ್ ತರ್ ತೊ ಕುಯುಕ್ತ್ಯೊ ಅಪ್ರಮಾಣಿಕ್ಪಣಾಚ್ಯೊ ವಾಯ್ಟ್ ಬುದಿ ದಾಕವ್ನ್ ...ಅನೀತಿಚಿ ದೇಕ್ ಸಮಾಜೆಕ್ ಪಾಟಯ್ತಾ. ತರ್... ನಿತಿಕ್ ನೀತ್...ಅನೀತೆಕ್ ಅನೀತೆನ್ ಜಾಪ್ ದಿಂವ್ಚೊ ಕಾರ್ಡಿಯಾನ್  ...ಅನೀತಿಚ್ಯಾಂಕ್  ಸೊಸುಂಕ್ ಅಸಾಧ್ಯ್ ಜಾಂವ್ಚಿ ಅನೀತಿಚಿಚ್ ತಲ್ವಾರ್ ರೊಂಬೊಯ್ತಾಂ ಆನಿ  ಚಾಚಾಯ್ತಾ! ತೊ ನಿತಿಕ್ ಶರಣಾಗತ್ ಜಾಂವ್ಚೆ ಮ್ಹಣಾಸರ್ !” “ನಿತಿಚ್ಯಾ ಕಾರ್ಡಿಯಾನ್ ಸರಾಕ್ ಶರಣಾಗತ್ ಜಾಂವ್ಚೆಂ ಪರ್ಯಾಂತ್!”  ಅಭಿಮಾನಾಚೊ ಮುಸ್ಕುರೊ ಹಾಸೊ ದಿಲೊ ಕ್ಲೋಡಿಯಾನ್. ಆನಿ ಪರತ್ ಮ್ಹಣಾಲೆಂ... “ತುಮ್ಚಿ ಪರ್ವಣ್ಗಿ ಮಾಗೊನ್ ಮ್ಹಣ್ತಾಂ...ಮ್ಹಜೊ ರಿಶಭ್‌ಯೀ ತುಮ್ಚ್ಯಾ ತಸಲೊಚ್! ”

Read More »
Kindly Share ....Please do not COPY !