ರೋನ್ ರೋಚ್, ಕಾಸ್ಸಿಯಾ

mm
ಪಾಟ್ಲ್ಯಾ 45 ವರ್ಸಾಂ ಪಾಸುನ್ ರೋನ್ ರೋಚ್ ಕಾಸ್ಸಿಯಾ ನಾಂವಾಖಾಲ್ ಕೊಂಕಣಿಂತ್ ಬರವ್ನ್ ಆಸ್ಚೊ ರೊನಾಲ್ಡ್ ರೋಚ್ ಕಾಸ್ಸಿಯಾ ಫಿರ್ಗಜೆಗಾರ್. ವಿಭಿನ್ನ್ ಶಯ್ಲೆಚೊ ಲೇಖಕ್ ಜಾವ್ನ್ ಆಸ್ಚೊ ರೋನ್ ರೋಚ್ ಕೊಂಕ್ಣೆಂತ್ ಸಸ್ಪೆನ್ಸ್ ಥ್ರಿಲ್ಲರ್ ಕಾಣಿಯೊ ಆನಿ ಕಾದಂಬರಿಂ ಖಾತಿರ್ ನಾಂವಾಡ್ಲಾ. ತಾಚ್ಯಾ ಕಾಣಿಯಾಂನಿ ಎಕಾ ಥರಾಚೆಂ ಕುತೂಹಲ್ ಆಸ್ತಾ, ಅತ್ರೆಗ್ ರಾಕೊನ್ ವ್ಹರ್ಚೊ ಗೂಣ್ ಆಸ್ತಾ. ದೆಕುನ್ ಚಡಾವತ್ ನೆಮಾಳ್ಯಾಂನಿ ತಾಚ್ಯೊ ಕಾದಂಬರಿ ಆತಾಂಯ್ ಸಾಂಕ್ಳೆ ರುಪಾರ್ ಫಾಯ್ಸ್ ಜಾತೇ ಆಸಾತ್. ಏಕ್ ಗಾವ್ಪಿ ಜಾವ್ನ್ ಕಾಸ್ಸಿಯಾಚ್ಯಾ ಲೊರೆನ್ಸ್ ಸೊಜಾಸವೆಂ ಮೆಳುನ್ ರೋನ್ - ಲೊರೆನ್ಸ್ ಬ್ಯಾನರಾಖಾಲ್ ಸಾಟಾಂ ವಯ್ರ್ ಪದಾಂ ಘಡುನ್ ನಾಟಕಾಂನಿ ಆನಿ ನಾಯ್ಟಾಂನಿ ಸಾದರ್ ಕೆಲ್ಯಾಂತ್. ಸಾಂಗಾತಾಚ್ ರೊನ್ - ಲೊರೆನ್ಸ್ ನೈಟ್ ನಾಂವಾಖಾಲ್ ಸಬಾರ್ ಸಂಗೀತ್ ಕಾರ್ಯಾವಳಿ ಸಾದರ್ ಕೆಲ್ಯಾತ್. ಸರಳಾಂ ಪಾಟ್ಲ್ಯಾನ್, ಆಮಿ ನೋವ್, ಹಾಂವ್ ರಡ್ತಾಂ, ಕಲಾವತಿ, ತಾಚಿಂ ಹಾಡಾಂ, ಠೋಕನ್ ನಂ 13, ಹೊ ಹಾತ್ ಖುನ್ಯೆಚೊ ಹಾತ್, ಮ್ಹಾಕಾ ಜಿಯೆಂವ್ಕ್ ಸೊಡಾ, ಹಾಂವ್ ತಾಚ್ಯೆ ಸೊಧ್ನೆರ್, ತಾಂಬ್ಡೊ ವಾಕೊರ್ ಆನಿ ಆತಾಂ ಕಿಟಾಳಾರ್ ಫಾಯ್ಸ್ ಜಾವ್ನ್ ಆಸ್ಚಿ ಜರ್ ಹಾಂವ್ ಸಾಂಗಿನ್ ತರ್ ... ಅಶೆಂ ಎಕುಣ್ ಇಕ್ರಾ ಕಾದಂಬರಿ ಆಜ್ ಪರ್ಯಾಂತ್ ಕೊಂಕ್ಣೆಂತ್ ತಾಣೆ ಬರಯ್ಲ್ಯಾತ್. ನಿಗೂಡ್ ಮಟ್ವ್ಯೊ ಕಾಣಿಯೊ ತಾಚೊ ಪರ್ಗಟಿತ್ ಕಾಣಿಯಾಂ ಪುಂಜೊ. 90 ಲಾಗಿಂ ಮಟ್ವ್ಯೊ ಕಾಣಿಯೊ, ತಿನ್ಶಾಂ ವಯ್ರ್ ಲೇಖನಾಂ ತಾಣೆ ಬರಯ್ಲ್ಯಾಂತ್. ಕೊಂಕ್ಣಿ ಪತ್ರಾಂನಿ ಆನಿ ಜಾಳಿಜಾಗ್ಯಾಂನಿ ನಿರಂತರ್ ತಾಚೆ ಸಾಂಕಳ್ ಕಾಣಿಯೊ, ಲೇಖನಾಂ ಫಾಯ್ಸ್ ಜಾತೇ ಆಸಾತ್. ತಾಚ್ಯಾ ಸಾಹಿತೀಕ್ ವಾವ್ರಾಕ್ ವಿಕ್ಟರ್ ರೊಡ್ರಿಗಸ್ ಸ್ಮಾರಕ್ ಸಾಹಿತ್ಯ್ ಪ್ರಶಸ್ತಿ, ದಾಯ್ಜಿ ದುಬಯ್ ಸಾಹಿತ್ಯ್ ಪುರಸ್ಕಾರ್ ಫಾವೊ ಜಾಲ್ಯಾತ್. ಮಾಲ್ಘಡ್ಯಾ ಆನಿ ತರ್ನ್ಯಾ ಸಾಹಿತಿಂ ಮಧೆಂ ಏಕ್ ಸಾಂಕೊವ್ ಜಸೊ ಆಸ್ಚೊ ರೋನ್ ರೋಚ್, ಪ್ರಸ್ತುತ್ ಆಪ್ಲಿ ಪತಿಣ್ ಶ್ರೀಮತಿ ಗ್ರೇಸಿ ಸೊಜ್, ವೃತ್ತೆನ್ ಶಿಕ್ಷಕಿ ( ಆತಾಂ ನಿವೃತ್ತ್ ) ಹಿಚೆ ಸವೆಂ ಕಾಸ್ಸಿಯಾಂತ್ ವಸ್ತಿ ಕರುನ್ ಆಸಾ. ಹ್ಯಾ ಜೊಡ್ಯಾಕ್ ತೆಗಾಂ ಚೆಡ್ವಾಂ ಭುರ್ಗಿಂ.

ವಿಲ್ಫಿ ತುಜೊ ಉಗ್ಡಾಸ್ ಧೊಸ್ತಾನಾ…

ವಿಲ್ಫಿ ತುಜೊ ಉಗ್ಡಾಸ್ ಮಾಕಾ ಧೊಸ್ತಾನಾ… ತುಂ ಸರ್ಗಿಂ ದಾರಾರ್ ಥಾವ್ನ್ ಮ್ಹಜೆಂ ಕಾಳ್ಜಾ ದಾರ್ ಬಡಯ್ತಾಯ್ ಆನಿ ಮ್ಹಾಕಾ ಭುಜಯ್ತಾಯ್. ತುಜೊ ತಾಳೊ ಮ್ಹಜ್ಯಾ ತಾಳ್ಯಾಕ್ ಜಾಗೊವ್ನ್, ತುಜಿ ಗಾಯಾನಾಂ ಗಾಂವ್ಕ್ ಪ್ರೇರಣ್ ದಿತಾಯ್ ಆನಿ ತುಜ್ಯಾ ತ್ಯಾ ಗಾಯಾನಾಂ ಸ್ವಾದಾಂತ್ ತುಂ ಮ್ಹಜೆಸಂಗಿ ಆಸ್ತಾಯ್. ಅಶೆಂ ವಿಲ್ಫಿ ಮಾಕಾ ಧೊಸುಂಕ್ ಭುಜಂವ್ಕ್ ಸದಾಂ ಮ್ಹಜ್ಯಾ ಕಾಳ್ಜಾಂತ್ ರಾಜ್ ಕರುನ್ ಆಸೊಂಕ್, ಕಾರಣ್ ಆಸಾ. ಮನಿಸ್ ಅಸಾಧ್ಯ್ ಮ್ಹಣ್ ಚಿಂತ್ಲೆಲೆಂ …

Read More »

ಅದ್ವೆಂತ್ ಆತಾಂ ಅಪ್ರಸ್ತುತ್ ?

ನವೆಂಬರ್ ಮಹಿನ್ಯಾಚಾ ಆಂಗ್ಣಾಂತ್ ಹಿಂವ್ ಆಪ್ಲಿಂ ಪಾವ್ಲಾಂ ಘಾಲುಂಕ್ ಆರಂಭ್ ಕರ್ತಾಸ್ತಾನಾ, ಆಮ್ಕಾಂ ಜೆಜುಚಾ ಜಲ್ಮಾಚ್ಯಾ ಕ್ರಿಸ್ಮಸ್ ಪರ್ಬೆಚೊ ಯಾದ್ ಯೆತಾ. ನೀಜ್ ತರ್ ಹೊ ಕಾಳ್ ಕ್ರಿಸ್ಮಸ್ ಆಚರಣಾಕ್ ಬುನ್ಯಾದ್ ಘಾಲ್ಚೊ ಕಾಳ್. . . ಅದ್ವೆಂತ್ ಕಾಳ್. ಅದ್ವೆಂತ್ ಕಾಳ್ ಮ್ಹಳ್ಯಾರ್ ಕ್ರೀಸ್ತ್ ರಾಯಾಚ್ಯಾ ಯೆಣ್ಯಾಚೊ ಕಾಳ್. ಆದಿಂ ಆಮ್ಚೆ ಮಾಲ್ಘಡೆ ಹೊ ಅದ್ವೆಂತ್ ಕಾಳ್  ಭಕ್ತಿಪಣಾನ್ ಆನಿ ಅಧ್ಯಾತ್ಮಿಕ್ ಥರಾನ್ ಪಾಳ್ತಾಲೆ ಜಾಲ್ಲ್ಯಾನ್ ತಾಂಚೆಂ ಕ್ರಿಸ್ಮಸ್ ಪರ್ಬೆಚೆಂ …

Read More »

ಆನಿ ಮ್ಹಾಕಾ ಸೊಧಿನಾಕಾ . . . !

ಕೋರ್ಟ್ ಆವರಣಾಂತ್ …… ದೋನ್ ಜೊಡಿ ದೊಳೆ, ಮತಿಂತ್ ಕರಂದಾಯ್ ತಶೆಂಚ್ಚ್  ಧೆಧೆಸ್ಪರಾನ್ ಭರೊನ್ ಆಪ್ಲ್ಯಾ ಪುತಾಚೆ ಭೆಟೆಕ್ ರಾಕೊನ್ ಆಸ್ ಲ್ಲೆ!. ಪೂಣ್ ತಾಂಚೊ ಪೂತ್ ಡೆಸ್ಮಂಡ್ ಮಾತ್ರ್….ಆಪ್ಲೆ ಪೊಲಿಸ್ ಸುಟ್ಕೆಚಾ ಚಿಂತ್ನಾಂನಿಂ ಮಿಸ್ಳೊನ್ ಆಸುಲ್ಲೊ. ಕೋರ್ಟ್ ಆವರಣಾಂತ್ ಉಬೆಂ ಜಾಲ್ಲ್ಯಾ ಪೊಲಿಸ್ ವ್ಯಾನಾ ಭಿತರ್ ಪೊಲಿಸ್ ಕೈದಿ ಜಾವ್ನ್ ಆಸ್ಲೊಲೊ ತೊ, ಆತಾಂ ಆಪ್ಲೆ ಜಾಮೀನ್ ಸುಟ್ಕೆ ಪಾಸೊನ್ ಚಡ್ಪಡೊನ್ ಆಸ್-ಲ್ಲೊ! ಏಕ್ಪಾವ್ಟಿಂ ಜಾಮೀನ್ ಮೆಳ್ಳೆನಂತರ್ ಆಪುಣ್ …

Read More »

ಬಚಾವೆ . . . .ಹಾತೆರ್!

ಟಾಂಯ್…..ಟಾಂಯ್…..ಟಾಂಯ್… ‘ವೊರಾಂ ರಾತಿಚಿಂ ಇಕ್ರಾ’….. ಅಶೆಂಮ್ಹಣ್ ಘಡ್ಯಾಳ್….ಜಾಸಿಂತಾಕ್ ಜಾಗಯ್ತಾಸ್ತಾಂ….ಜಾಸಿಂತಾ ನಿದೆನಟನ್ ಕರುನ್ ಘಾಢ್ ನಿದೆಂತ್ಲ್ಯಾ ಆರ್ಥರಾಕ್ ವೆಂಗುನ್ ಫೆಡ್ರಿಕಾಕ್ ರಾಕೊನ್ ಆಸ್-ಲ್ಲೆಂ. ಹ್ಯಾಉಪ್ರಾಂತ್ ಖೈಂಯ್ಚ್ಯಾಘಡ್ಯೆಯೀ…..ದಾರಾಭಾಯ್ರ್ ಆವಾಜ್-ದಿಂವ್ಚಿಂ ಫ್ರೆಡ್ರಿಕಾಚಿಂ ಮೌನ್-ಮೆಟಾಂ,ದಾರಾರ್ ಪಡ್ಚೆ ತಾಚೆ ಮೋವ್ ಠೊಕೆ….ಹಾಕಾ ಕಾನ್ ದೀವ್ನ್ ತೆಂ ರಾಕೊನ್ ರಾವ್ಲೆಂ.!. ಚಡಾವತ್…..ಅಮಾಲ್-ಭೊರೊ ಘೆವ್ನ್0ಚ್ಚ್ ರಿಗ್ಚೊ ಫೆಡ್ರಿಕ್ ಬಾಗ್ಲಾರ್ ಆಸ್ಚಾ ಜಾಸಿಂತಾಕ್ ಥಂಯ್ಚ್ ಆಪ್ಲ್ಯಾ ಪಾಶಾಂವಿ ವೆಂಗೆಂತ್ ಆರಾವ್ನ್ ತಾಚೆ ಹಾಲ್-ಹವಾಲ್ ಕರ್ಚೆತೆಂ ಜಗ್ಲಾತಾನಾಂ…. ‘ದೆವಾಮ್ಹಜಾ!’ಮತಿಂತ್-ಚ್ಚ್ ಉದ್ಗಾರ್ಲೆಂ ಜಾಸಿಂತಾ. ‘ಸೈರಣ್ …

Read More »

ಮೊಡ್ಕೊರ್ ಜನೆಲ್

ಹರ್ಶೆಂಯಿ ರಾತಿಂ… ದೀಪು ಘರಾ ಬಾಗ್ಲಾರ್ ಪಾವ್ತಾಸ್ತಾನಾ ಘರ‍್ಚೆಂ ದಾರ್ ಧಾಂಪುನ್ಂಚ್ ಆಸ್ತಾಲೆಂ. ತ್ಯಾ ವೆಳಾ… ತೊ ದಾರ್ ಬಡಯ್ತಾಲೊ ಆನಿ ತೆಂ ಖಿಳ್ ಕಾಡುನ್ ದಾರ್ ಉಗ್ತೆಂ ಕರ‍್ತಾಲೆಂ. ಪುಣ್ ಆಜ್… ದೀಪುನ್ ದಾರಾಚೆರ್ ಠೊಕೆ ಮಾರುಂಕ್ ಹಾತ್ ಬಾಗ್ಲಾರ್ ದವರಿಜಾಯ್ ತರ್ ಕರ್ರ್‌ರ್ ಆವಾಜಾನ್ ಬಾಗ್ಲಾಕ್ ಇಡೆಂ ಸುಟ್ಲೆಂ! ‘ಅರೆ ರಾಣಿನ್ ಖಿಳ್ ಘಾಲುಂಕ್ನಾಂ?! , ಎಕಾಚ್ಚಾಣೆಂ ಮತಿಂ ಉದೆಲ್ಲ್ಯಾ ದುಬಾವಿ ಚಿಂತ್ನಾಂ ಬರಾಬರ್ ತೊ ಏಕ್ …

Read More »

ದೆವಾಕ್ ಧೊಸ್ಚೊ ವಿಲ್ಫಿ!

ವರಸ್ ಏಕ್ ಸಂಪ್ಲೆಂ. ವಿಲ್ಫಿ, ವಿಲ್ಫಿ ರೆಬಿಂಬಸ್, ಮ್ಹಾಕಾ ಮೆಳಾನಾಸ್ತಾನಾ! ತೊ ಮೆಳ್ಳೊ ನಾ, ಮೆಳ್ಳೊಚ್ ನಾ. 2009ಇಸ್ವೆಚ್ಯಾ ನವೆಂಬರಾಂತ್ ಹಾಂವ್ ತಾಚ್ಯಾ  ಘರಾ ಗೆಲ್ಲ್ಯಾವೆಳಾ ಮ್ಹಾಕಾ  ತೊ ಭೆಟ್ ಲ್ಲೊ.  ಪರತ್ ದಸೆಂಬ್ರಾಂತ್‌ಯೀ ತಾಚಿ ಭೆಟ್ ಜಾಲ್ಲಿ, ಮ್ಹಜ್ಯಾ ’ರೊನ್- ಲೊರೆನ್ಸ್’ ನಾಯ್ಟ್ ಕಾರ್ಯಕ್ರಮಾಚ್ಯಾ  ಅಧ್ಯಕ್ಷ್ ಪಣಾಕ್ ತಾಕಾ ಪಾಟ್ಲ್ಯಾ ನವೆಂಬರಾಚಾ ಭೆಟೆವೆಳಾ ದಿಲ್ಲ್ಯಾ ಆಪೊವ್ಣ್ಯಾಚೊ ಪರತ್ ಉಗ್ಡಾಸ್ ಕರ್ಚ್ಯಾ  ಖಾತಿರ್ ತಾಚಾ ಘರಾ ದಾರಾರ್  ಪಾವ್‌ಲ್ಲ್ಯಾವೆಳಾ . ಪೂಣ್ …

Read More »