ವಿಶ್ವ ಕೊಂಕಣಿ ಕೇಂದ್ರಾ ವತೀನ ವರಸ ವರಸ ದಿವಚೆ ಪುರಸ್ಕಾರ ಪ್ರದಾನ ಸುವಾಳೊ 1 ನವೆಂಬರ್ 2025. ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿಎ ನಂದಗೋಪಾಲ ಶೆಣೈ ಹಾನಿ ಸರ್ವಾಂಕಯ ಕರ್ನಾಟಕ ರಾಜ್ಯೋತ್ಸವಾಚೆ ಪರಬಿ ದಿಲೆಂ. ಆನಿ ರಾಷ್ಟ್ರ ಮಟ್ಟಾಚೆ ವಿಶ್ವ ಕೊಂಕಣಿ ಪುರಸ್ಕಾರ ಕಾರ್ಯಾವಳೀಕ ವೆವೆಗಳೆ ಸಂಘ ಸಂಸ್ಥೆ ತಾಕುನು ಹಾಜರ ಜಾಲೆಲೆ ಮಾನೆಸ್ತಾಂಕ ಸ್ವಾಗತ ಕೆಲೆಂ.
ಕೊಂಕಣಿ ಭಾಸ, ಸಾಹಿತ್ಯ, ಸಂಸ್ಕೃತಿಚೆ ವಾಡಾವಳೀಕ ವಿಶೇಷ ದೇಣೆ ದಿಲೆಲೆ ಕೊಂಕಣಿ ವಾವ್ರಾಡಿ ಪುಂಡಳೀಕ ಎನ್ ನಾಯಕ್ ಹಾಂಕಾ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಮ್ಮಾನ ಶಶಿಕಾಂತ ಪೂನಾಜಿ ಹಾಂಗೆಲೆ “ಗುಠೆಣಿ” ಕವಿತಾ ಕೃತಿಕ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಕವಿತಾ ಕೃತಿ ಪುರಸ್ಕಾರ, ಪ್ರಾಧ್ಯಾಪಕ ಭಾಲಚಂದ್ರ ಗಾಂವಕಾರ ಹಾಂಗೆಲ “ಪನವತ” ಕೊಂಕಣಿ ಸಾಹಿತ್ಯ ಕೃತಿಕ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಸಾಹಿತ್ಯ ಕೃತಿ ಪುರಸ್ಕಾರ ಪ್ರಶಸ್ತಿ ಪ್ರದಾನ ಕೆಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ವಿಲಿಯಂ ಡಿಸೋಜಾ ಹಾನಿ ಪ್ರಶಸ್ತಿಚೆ ಮಹಾ ಪೋಷಕ ಶ್ರೀ ಟಿ ವಿ ಮೋಹನದಾಸ ಪೈ ಹಾಂಗೆಲೆ ಉಪಕಾರ ಅಟೊವನ ಸಂದೇಶ ದಿಲೆಂ. ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪ್ರಶಸ್ತಿ, ಕುದ್ಮುಲ್ ರಂಗರಾವ ಸ್ಥಾಪಿತ ಈಶ್ವರಾನಂದ ಮಹಿಳಾ ಸೇವಾಶ್ರಮ ಸಂಸ್ಥೆಕ (ಅನಾಥಾಲಯ ಸೇವೆಕ) ಆನೇಕ ಪ್ರಶಸ್ತಿ ಹೊಸಬೆಳಕು ಸೇವಾ ಸಂಸ್ಥೆಕ (ನಿರ್ಗತಿಕಾಂಗೆಲೆ ಸೇವೆಕ) ಪ್ರದಾನ ಕೆಲೆಂ. ಪಾಂಚ ಪುರಸ್ಕಾರಯ ಏಕ ಲಾಖ ರುಪಯಿ ಸಮ್ಮಾನಧನ ಆನಿ ಫಲಕ, ಫಲವಸ್ತು, ಯಾದಸ್ತಿಕಾ ಜಾವನು ಆಸಾ.
ಮುಖೇಲ ಸೊಯರೆ ಜಾವನು ಆಯಿಲೆ ಕೇರಳ ರಾಜ್ಯ ಉಚ್ಚ ನ್ಯಾಯಾಲಯ ನ್ಯಾಯಮೂರ್ತಿ ಮಾನೆಸ್ತ್ ಎನ್ ನಗರೇಶ ಹಾನಿ ಸಕಡ ಪಾಂಚ ಪ್ರಶಸ್ತಿಯ್ ಪ್ರದಾನ ಕರನು ಮಾತೃ ಭಾಸ ಕೊಂಕಣಿಚೆ ಪಳವಣಿಗಾ ಆನಿ ಸಂರಕ್ಶಣ ಕರಚಾಂತ ವಿಶ್ವ ಕೊಂಕಣಿ ಕೇಂದ್ರಾನ ಕರಚೆ ಪ್ರಯತ್ನ, ಚಟುವಟಿಕಾ ಶ್ಲಾಘನೀಯ ಜಾವನು ಆಸಾ ಅಶಿಂ ಅಭಿನಂದನ ಕೆಲೆಂ.
ಹ್ಯಾ ಸಂದರ್ಭಾರ ಮುಕುಂದ ಪ್ರಭು, ರೋಕಿ ಮಿರಾಂದ, ಎರಿಕ್ ಒಝೇರಿಯೊ, ಮಾಧವಿ ಸರದೇಸಾಯಿ, ಗೋಕುಲದಾಸ ಪ್ರಭು, ಉಳ್ಳಾಲ ಮೋಹನ ಕುಮಾರ ಹೆಂ ‘ಸ’ ಜನ ಮಾನೆಸ್ತಾಂಗೆಲೊ ಭಾವಚಿತ್ರ ವಿಶ್ವ ಕೊಂಕಣಿ ಕೀರ್ತಿಮಂದಿರಾಂತ ಲೋಕಾರ್ಪಣ ಜಾಲೆಂ. ಡಾ ಕಸ್ತೂರಿ ಮೋಹನ್ ಪೈ, ಚಂದ್ರಿಕಾ ಮಲ್ಯ ಆನಿ ವೆಂಕಟೇಶ ಎನ್ ಬಾಳಿಗಾ ಹಾನಿ ಹೆಂ ಸಾಧಕಾಂಗೆಲೆ ಲ್ಹಾನಶೆಂ ಪರಿಚಯ ಕೆಲೆಂ.
ಪುಷ್ಪಾಂಜಲಿ ರಾಜಶ್ರೀ ಪಂಗಡಾ ಥಾವನ ಪ್ರಸ್ತುತ ಕೆಲೆಲೆ ಭರತನಾಟ್ಯ ನೃತ್ಯ ಪ್ರದರ್ಶನ ಸಭಿಕಾಂಗೆಲೊ ಮನ ಜಿಕವಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ರಮೇಶ್ ಡಿ ನಾಯಕ್, ಖಜಾಂಚಿ ಬಿ.ಆರ್. ಭಟ್, ಟ್ರಸ್ಟಿ ಶಕುಂತಲಾ ಆರ್ ಕಿಣಿ, ವತಿಕಾ ಕಾಮತ ಪೈ, ಗಿಲ್ಬರ್ಟ್ ಡಿಸೋಜಾ, ಕುಡ್ಪಿ ಜಗದೀಶ ಶೆಣೈ, ಎಸ್ ಶಿವಶಂಕರ ನಾಯಕ್, ಸಿ ಎ ಒ ಡಾ ಬಿ ದೇವದಾಸ ಪೈ, ಮಾಂಡ್ ಸೋಬಾಣ್ ಸಂಸ್ಥೆಚೊ ಅಧ್ಯಕ್ಷ ಲೂಯಿ ಪಿಂಟೊ ಆನಿ ವೆವೆಗಳೆ ಸಂಘ ಸಂಸ್ಥೆ ಥಾವನ ಮ್ಹಾಲ್ಗಡೆ ಪದಾಧಿಕಾರಿಂ ಆನಿ ಹೆರ ಪ್ರಮುಖ ಮಾನೆಸ್ತ್ ಲೋಕ ಕರ್ನಾಟಕ, ಕೇರಳ, ಗೊಂಯ ರಾಜ್ಯ ಥಾವನ ಆಯಿಲೆ ಮಾತೃಭಾಷಾಭಿಮಾನಿ ಲೋಕ, ಸಾಹಿತ್ಯ ಮೋಗಿಂ ಲೋಕ ಹಾಜರ ಅಶಿಲಿಂಚಿ. ವಿ.ಕೊ. ಕೇಂದ್ರಾಚೆ ಕಾರ್ಯದರ್ಶಿ ಡಾ. ಕೆ ಮೋಹನ ಪೈ ಹಾನಿ ದೇವು ಬರೆಂ ಕೊರೊ ಸಾಂಗಲೆಂ ಡಾ ವಿಜಯಲಕ್ಷ್ಮೀ ನಾಯಕ ನ ಕಾರ್ಯಕ್ರಮ ನಿರೂಪಣ ಕೆಲೆಂ. ಕೊಂಕಣಿ ಶಿಕ್ಷಕಿ ಐಷ್ವರ್ಯಲಕ್ಷ್ಮಿ ಭಟ್ ಹಾನಿ ಪ್ರಶಸ್ತಿ ಫಾವೊ ಜಾಲೆಲೆ ಮಾನೆಸ್ತಾಂಗೆಲೊ ಪರಿಚಯ ಸಾಂಗಲೆ. ಸಾಧನಾ ಬಳಗ ಪಂಗಡಾಚೆ ಭುರ್ಗ್ಯಾಂನಿ ಕೊಂಕಣಿ ಅಭಿಮಾನ ಗೀತ ಗಾಯಲೆಂ.
