2026 ತೆ 2028 ಪರ್ಯಾಂತ್ ದೋನ್ ವರ್ಸಾಂಚ್ಯಾ ಆವ್ಧೆಕ್ ಚಲ್ಲೆಲ್ಯಾ ವಿಂಚ್ಣುಕೆಂತ್ ಅಲ್ಲಿಪಾದೆಚೊ ಡೊನಾಲ್ಡ್ ನೊರೊನ್ಹಾ , ಎಮಿರೆತಾಂತ್ಲ್ಯಾ ಯುನೈಟೆಡ್ ಲೊರೆಟ್ಟೊ ಫ್ರೆಂಡ್ಸ್ ಸಂಘಟನಾಚೊ ಅಧ್ಯಕ್ಷ್ ಜಾವ್ನ್ ವಿಂಚುನ್ ಆಯ್ಲಾ. ಸುರತ್ಕಲ್ ಚಿ ಜೇವಿಟಾ ರೊಡ್ರಿಗಸ್ ಕಾರ್ಯದರ್ಶಿ, ಅತ್ತೂರ್ ಚಿ ಗ್ಲೇವಿನಾ ಅರಾನ್ಹಾ ಸಾಂಗಾತಿ ಕಾರ್ಯದರ್ಶಿ, ಲೊರೆಟ್ಟೊ ಚೊ ರೋಯ್ ಡಿ ಸೊಜಾ ಖಜಾನ್ದಾರ್, ಲೊರೆಟ್ಟೊ ಚಿ ಸಿಲ್ವಿಯಾ ನೊರೊನ್ಹಾ ಸಾಂಸ್ಕೃತಿಕ್ ಕಾರ್ಯದರ್ಶಿ, ಲೊರೆಟ್ಟೊ ಚೊ ವಿನೋದ್ ಪಿಂಟೊ ಖೆಳಾ ಕಾರ್ಯದರ್ಶಿ, ಕೊರ್ಡೆಲ್ ಚಿ ಪ್ರೀತಿ ಡಿ ಸೊಜಾ ಮಾಧ್ಯಮ್ ಸಂಯೋಜಕಿ ಜಾವ್ನ್ ಆನಿ ವಿದೇಶಾಂತ್ ಪ್ರತಿನಿಧಿ ಜಾವ್ನ್ ಗ್ರೆಟ್ಟಾ ಫೆರ್ನಾಂಡಿಸ್, ಆಂಜೆಲೊರ್ ಆನಿ ಸಚಿನ್ ನೊರೊನ್ಹಾ, ಲೊರೆಟ್ಟೊ ತಾಕಾ ಸಾಂಗಾತ್ ದಿತಲೆ.
ಹ್ಯಾ ಸುವಾಳ್ಯಾರ್ ಸಂಘಟನಾಚೊ ಆದ್ಲೊ ಅಧ್ಯಕ್ಷ್ ರೂಪೇಶ್ ಪಿಂಟೊ ಆನಿ ತಾಚ್ಯಾ ಪಂಗ್ಡಾಚೊ ನವ್ಯಾ ಸಮಿತಿ ಸಾಂದ್ಯಾಂನಿ, ತಾಂಚ್ಯಾ ಮುಕೆಲ್ಪಣಾಕ್ ಆನಿ ಪಾಟ್ಲಿಂ ದೋನ್ ವರ್ಸಾಂ ತಾಣಿ ದಿಲ್ಲ್ಯಾ ಸೆವೆಚೊ ಮನಾ ಕಾಳ್ಜಾ ಪಾಸುನ್ ಉಪ್ಕಾರ್ ಭಾವುಡ್ಲೊ. ತಾಂಚ್ಯಾ ದಿಶ್ಟಾವ್ಯಾನ್ ಆನಿ ಖಳ್ಮಿತ್ ನಾತ್ಲೆಲ್ಯಾ ವಾವ್ರಾನ್ ಸಂಘಟನ್ ವಾಡ್ಲಾಂ ಆನಿ ವಿಸ್ತಾರ್ಲಾಂ ಮಾತ್ ನಯ್, ಸಂಘಟನಾಚ್ಯಾ ಸೆವೆಚೊ ಪ್ರಭಾವ್ ಸಮುದಾಯಾಂತ್ ಫಾಂಕ್ಲಾಂ ಮ್ಹಣ್ ನವ್ಯಾ ಸಮಿತಿನ್ ಅಭಿಪ್ರಾಯ್ ವೆಕ್ತ್ ಕೆಲಿ.
2019 ವ್ಯಾ ವರ್ಸಾ ‘ಎಕ್ವಟ್ ಆನಿ ಸೆವಾ’ ಹ್ಯಾ ಧ್ಯೇಯಾಖಾಲ್ ಯುನೈಟೆಡ್ ಲೊರೆಟ್ಟೊ ಸಂಘಟನ್ ಅಸ್ತಿತ್ವಾಕ್ ಆಯಿಲ್ಲೆಂ. ಸಂಘಟನಾನ್ ಕೊಂಕ್ಣಿ ಸಾಂಸ್ಕೃತಿಕ್ ಮಾಳಾರ್ ಜಾಯ್ತಿಂ ಕಾರ್ಯಕ್ರಮಾಂ ರೆಂವೆಚ್ಯಾ ಗಾಂವಾಂತ್ ಮಾಂಡುನ್ ಹಾಡ್ಲ್ಲಿಂ ಆಸುನ್, ‘ಕೊಂಕ್ಣಿ ಉಡ್ಕಾಣಾಂ’ ತಾಂಂಚೆ ಗಾಜ್ಲೆಲೆಂ ಫಾಮಾದ್ ಕಾರ್ಯಕ್ರಮ್ ಜಾವ್ನಾಸಾ. ಇತ್ಲೆಂ ಮಾತ್ ನಯ್ ಚಿಕಿತ್ಸಾ, ವಸ್ತಿ ಆನಿ ಶಿಕಪ್ ತಸಲ್ಯಾ ಗಹ್ಜಾಲಿಂನಿ ಸಮುದಾಯಾಂತ್ಲ್ಯಾ ಗರ್ಜೆವೊಂತಾಂಕ್ ಯುನೈಟೆಡ್ ಲೊರೆಟ್ಟೊ ಫ್ರೆಂಡ್ಸ್ ಸಂಘಟನ್ ಸದಾಂಚ್ ಪಾವ್ಲಾಂ ಆಸುನ್, ವಿದೇಶಾಂತ್ ಕಾಮಾಚೆ ಅವ್ಕಾಸ್ ಸೊಧುನ್ ಆಯಿಲ್ಲ್ಯಾಂಕೀ ಸಂಘಟನಾನ್ ಕಾಮ್ ಮೆಳೊಂಕ್ ಮಜತ್ ಕೆಲ್ಯಾ.
