ವಿಶ್ವ ಕೊಂಕಣಿ ಕೇಂದ್ರ, ವರ್ಧನಿ ಫೆಲೋಶಿಪ್ ಜೋಡ ಆಶ್ರಯಾರ್ ‘ಗೋಯಾಂತು ಬಂಡೆ ಫಾತೊರ್ ಕೆತ್ತವುನು ರಚನ ಕೆಲೆಲೆ ಗುಫಾಂ ಬದ್ದಲ ಕೊಂಕಣಿ ಪರಂಪರಾಚೆ ಪುರಾತತ್ವಾಚೆ ಶೋಧ್’ ಸಂಶೋಧನಾ ಉಪನ್ಯಾಸ ಕಾರ್ಯಾವಳ್ 22 – 08 – 2026 ತಾರ್ಕೆರ ಗೋಂಯಚೆ ಶೋಧ್ ತಜ್ಞ ಡಾ| ರೋಹಿತ್ ಫಳಗಾಂವಕಾರ್ ಹಾನ್ನಿ ದಿವೊ ಲಾವನ್ ಉಗ್ತಾವಣ್ ಕೆಲ್ಲೆಂ.
ಹಾನ್ನಿ ಗೋಯಾಂತು ಕೊಂಕಣಿ ಪರಂಪರಾ ಪುರಾತತ್ವ ಇತಿಹಾಸಾಚೆ ಬದ್ದಲ ಬಂಡೆ ಫಾತೊರ್ ಕೆತ್ತವುನು ರಚನ ಕೆಲೆಲೆ ಗುಫಾಂಚಾ ಬದ್ದಲ ಸಂಶೋಧನಾ ವಿಚಾರ ಉಪನ್ಯಾಸ ದಿತ್ತಚಿ, ಪ್ರಾಕಾಂತೂಚಿ ಮ್ಹಾಲ್ಗಡೆ ಕೊಂಕಣಿ ಲೋಕಾಂಗೆಲೆ ಒಟ್ಟು ಆಶಿಲೆ ಪುರಾತತ್ವ ಗುಫಾಂಚಾ ಕಲಾ ನಿರ್ಮಾಣ ಬದ್ದಲ ಆನಿ ತಾಜ್ಜೆ ವಾವರಾಚೆ ಕಲ್ಪನಾ ತಶೀಂಚಿ, ಗುಫಾಂ ಭಿತ್ತರಿ, ರಚನ ಕೆಲೆಲೆ ನಮೂನವಾರ್ಶಿವಲಿಂಗಾಚೆ ಚಿತ್ರೀಕರಣ ಬದ್ದಲ್, ಸಂಶೋಧನಾಚೆ ಅಧ್ಯಯನದ ಬದ್ದಲ, ಆನಿ ಪ್ರಾಕಾಂತೂ ಸಾಂಪ್ರದಾಯಿಕ ಜಾಲೆಲೆ ಆರಾಧನಾ, ನಂಬಿಕಾ ಆನಿ ಮಸ್ತ ಇತಲೆ ಮಾಹಿತ ದಿಲೆಂ.
ಫುಳ್ಲೆ ಕಾಳಾಂತ (ಪ್ರಾಕಾಂತು)ಆಶಿಲೆ ಗುಫಾಂಚಾ ನಿರ್ಮಾಣ ಆನಿ ತಾಜ್ಜೆ ಕಲಾ ಚೆ ಮಹತ್ವ ವಿಚಾರ ಸಂಶೋಧನಾ ಅಧ್ಯಯನ ಉಪನ್ಯಾಸ ದಿವಚಾಕ ಪ್ರೋತ್ಸಾಹ ಕರನು ಪಾಟಿಂಬಾ ದಿಲೆಲೆ ವಿಶ್ವ ಕೊಂಕಣಿ ಕೇಂದ್ರ ಆನಿ ವರ್ಧನಿ ಫೆಲೋಶಿಪ್ ಸಂಸ್ಥೆಕ ಅಭಿನಂದನ ಕೆಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ ಎ ನಂದಗೋಪಾಲ್ ಶೆಣೈ ಹಾನ್ನಿ ಸ್ವಾಗತ ಕೆಲೆಂ. ಸುಚಿತ್ರಾ ಎಸ್ ಶೆಣೈ ಹಾನ್ನಿ ಅಧ್ಯಯನ ಯೋಜನೆಚಾ ಸಂಶೋಧಕ ಡಾ| ರೋಹಿತ್ ಫಳಗಾಂವಕಾರ್ ಹಾಂಗೆಲೆ ವಳಕ ಕರುನು ಸತ್ರ ಸಂಚಲನ ಕೆಲೆಂ. ಹ್ಯಾ ಸಂಧರ್ಭಾರ ಸಂಶೋಧಕ ಡಾ. ರೋಹಿತ್ ಫಳಗಾಂವಕಾರ್ ಹಾಂಕಾ ವಿಶ್ವ ಕೊಂಕಣಿ ಕೇಂದ್ರಾಚೆ ವಿಶ್ವಸ್ಥ ಮಂಡಳಿನ ಸನ್ಮಾನ ಕರನು ಮಾನ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ವಿಲಿಯಂ ಡಿಸೋಜಾ, ರಮೇಶ ಡಿ ನಾಯಕ್, ವಿಶ್ವಸ್ಥೆ ಶಕುಂತಲಾ ಆರ್ ಕಿಣಿ ಆನಿ ವರ್ಧನಿ ಸಂಸ್ಥೆಚಾ ನಿಮಂತ್ರಕಿ ಉಷಾ ಶೆಣೈ ಆನಿ ಹೆರ ಕೊಂಕಣಿ ಅಭಿಮಾನಿ ಲೋಕ ಉಪಸ್ಥಿತ ಆಶಿಲಿಂಚಿ. ಕೇಂದ್ರಾಚೆ ವಿಶ್ವಸ್ಥ ಪ್ರಶಾಂತ ಶೇಟ್ ಹಾನಿ ದೆವು ಬರೆಂ ಕೊರೊ ಸಾಂಗಲೆಂ.
