ವಿಲ್ಸನ್ ಲೋಬೋ ಆನಿ ಲೋಬೋ ಪ್ರೊಡಕ್ಶನ್ ಹಾಣಿಂ ನಿರ್ಮಾಣ್ ಕೆಲ್ಲೆಂ ಕೊಂಕ್ಣಿ ಸಿನೆಮಾ ’ವೇಳ್‍ಘಡಿ’ ಪೋಸ್ಟರ್ ಮೊಕ್ಳಿಕ್ ಕಾರ್ಯೆಂ ಅಕ್ಟೋಬರ್ 9 ತಾರಿಕೆರ್ ಕರ್ನಾಟಕ ಸರ್ಕಾರಾಚೊ ಭಲಾಯ್ಕಿ ಆನಿ ಕುಟ್ಮಾಕಲ್ಯಾಣ್ ಮಂತ್ರಿ, ಆದ್ಲೊ ಸ್ಪೀಕರ್ ಯು. ಟಿ. ಖಾದರ್ ಹಾಂಚ್ಯಾ ಘರಾ ಚಲ್ಲೆಂ. ಖುದ್ ಮಂತ್ರಿ ಯು. ಟಿ. ಖಾದರ್ ಹಾಣಿಂ ಸಿನೆಮಾಚೆಂ ಪೋಸ್ಟರ್ ಉಗ್ತಾವಣ್ ಕೆಲೆಂ.
“ಕೊಂಕ್ಣಿ ಭಾಸ್ ಆನಿ ಸಂಸ್ಕೃತಿಚ್ಯೆ ವಾಡವಳಿಂತ್ ಸಿನೆಮಾಚೊ ಪಾತ್ರ್ ಬೊವ್ ಗರ್ಜೆಚೊ. ಥಳಾವ್ಯಾ ಭಾಶೆಚಿಂ ಸಿನೆಮಾಂ ಲೊಕಾಚಿ ಸಂಸ್ಕೃತಿ, ಸಂಪ್ರದಾಯ್ ಆನಿ ಜಿಣಿಯೆಶಯ್ಲಿಂಕ್ ಪ್ರತಿಬಿಂಬಿತ್ ಕರ್ತಾತ್. ಅಸಲ್ಯಾ ಸಿನೆಮಾಂಕ್ ಪಾಟಿಂಬೊ ದಿಂವ್ಚೆಂ ಗರ್ಜೆಚೆಂ” ಅಶೆಂ ತಾಣೆಂ ಆಪ್ಲ್ಯಾ ಉಲೊವ್ಪಾಂತ್ ಸಾಂಗ್ಲೆಂ.
ಲೋಬೋ ಫೌಂಡೇಶನಾಚೊ ಅಧ್ಯಕ್ಷ್ ಆನಿ ಸಿನೆಮಾಚೊ ನಿರ್ಮಾಪಕ್ ಜೊನ್ ವಿಲ್ಸನ್ ಲೋಬೊ ಹಾಣಿಂ ಯು. ಟಿ. ಖಾದರ್ ಹ್ಯಾ ವೆಳಿಂ ಹಾಂಕಾಂ ಸನ್ಮಾನ್ ಕೆಲೊ.
ಹ್ಯೆ ಘಡಿಯೆ ‘ವೇಳ್‍ಘಡಿ’ ಕೊಂಕ್ಣಿ ಸಿನೆಮಾಚೊ ಕಾಣಿಯೆಗಾರ್ ಆನಿ ಸಹ ನಿರ್ದೇಶಕ್ ರೋಶನ್ ನೆಲ್ಲಿಗುಡ್ಡೆ , ನಟ್ ಸುನಿಲ್ ನೆಲ್ಲಿಗುಡ್ಡೆ, ಚಿತ್ರೀಕರಣ್ ನಿರ್ದೇಶಕ್ ಫೆಸ್ವಿತ್ ಡಿಸೋಜಾ ಆನಿ ರಾಯನ್ ಡಿಸೋಜಾ ಹಾಜರ್ ಆಸ್‍ಲ್ಲೆ.
