ಕ್ರೋಗ್ ಪ್ಯಾಟ್ರಿಕ್ ಪರ್ವತ್ ಐಯರ್ಲ್ಯಾಂಡಾಂತ್ಲೊ ದುಸ್ರೊ ಉಂಚ್ಲೊ ಪರ್ವತ್ ಜಾವ್ನಾಸಾ. ಹಾಕಾ ಐರಿಶ್ ಭಾಶೆಂತ್ ‘ಕ್ರುಅಖ್ ಪಾದ್ರೆಗ್’ ಮ್ಹುಣ್ ಆಪಯ್ತಾತ್. ಮಟ್ವ್ಯಾನ್ ‘ದ ರೀಕ್’ ಮ್ಹಣ್ಯ್ ಆಪಯ್ತಾತ್. ಐಯರ್ಲ್ಯಾಂಡಾಚ್ಯಾ ಪಶ್ಚಿಮಾಕ್ ಆಸ್ಚ್ಯಾ ‘ಕೌಂಟಿ ಮೆಯೊ’ ಮ್ಹಳ್ಳ್ಯಾ ಜಾಗ್ಯಾರ್ ಹೊ ಪರ್ವತ್ ಉಬೊ ಅಸಾ. ಹಾಚಿ ಉಂಚಾಯ್ ಸುಮಾರ್ 764 ಮೀಟರ್ (2507 ft) ಆಸಾ.
ಸಾಂತ್ ಪ್ಯಾಟ್ರಿಕಾನ್ ಹ್ಯಾ ಪರ್ವತಾಚ್ಯಾ ತಕ್ಲೆರ್ ಚಾಳೀಸ್ ದಿಸಾಂಚೊ ಉಪ್ವಾಸ್ ಕೆಲ್ಲೊ ಮ್ಹಳ್ಳಿ ಸಾಂಗ್ಣಿ ಆಸಾ. ಪಾಂಚ್ವ್ಯಾ ಶತಮಾನಾಂತ್ ಹಾಂಗಾಸರ್ ಏಕ್ ಲಾನ್ಶೆಂ ಫಾತ್ರಾಂನಿ ಬಾಂದ್ಲ್ಲೆಂ ಕೊಪೆಲ್ ಆಸ್ಲೆಂ. ವಿಸಾವ್ಯಾ ಶತಮಾನಾಚ್ಯಾ ಸುರ್ವೆರ್ ಹಾಚೆಂ ನವೀಕರಣ್ ಜಾಲೆಂ. 20 ಜುಲೈ 1905 ವೆರ್ ಹಾಚೆಂ ಉಗ್ತಾವಣ್ ಜಾಲೆಂ. ಚಾಪೆಲ್ ಬಾಂದುಂಕ್ ಕತ್ತ್ಯಾಂ ಕರ್ನಾಂ ಬಾಂದ್ಪಾ ವಸ್ತು ವಯ್ರ್ ಪಾವಿತ್ ಕೆಲ್ಲೊ ಮ್ಹಣ್ ವಾಚುನ್ ಸಮ್ಜಲ್ಯಾಂವ್.
ಹಾಂಗಾಸರ್ ಸಭಾರ್ ಭಕ್ತಿಕ್ ರಿತ್ಯಾ ಪಾಂಯಾನಿಂ ತಿ ಕಶ್ಟಾಂಚಿ ವಾಟ್ ಗುಡ್ಡಾವ್ನ್ ಪರ್ವತ್ ಚಡ್ತಾತ್ ತೆಂ ಅಜೂನ್ ಪಳೆಂವ್ಕ್ ಮೆಳ್ತಾ. ಜುಲಾಯ್ಚ್ಯಾ ಅಕೇರಿಚ್ಯಾ ಆಯ್ತಾರಾ ‘ರೀಕ್ ಆಯ್ತಾರ್’ ಹಾಂಗಾಸರ್ ವಾರ್ಶಿಕ್ ಯಾತ್ರಿಕ್ ಪಯ್ಣ್ ಆಸಾ ಕರ್ತಾತ್. ಸಬಾರ್ ಭಕ್ತಿಕ್ ರಿತ್ಯಾ ಪಾಂಯಾನಿಂ ಹೊ ಪರ್ವತ್ ಚಡ್ತಾತ್. ಆನಿ ಹಾಂಗಾಚ್ಯಾ ಕೊಪೆಲಾಂತ್ ಮೀಸ್ ಸಂಭ್ರಮ್ತಾತ್. ಹಿ ಪರಂಪರಾ ಸುಮಾರ್ ಶತಮಾನಾ ಥಾವ್ನ್ ಜ್ಯಾರಿ ಆಸಾ.
ಅಗೋಸ್ತಾಚ್ಯಾ ಪಂದ್ರಾ ತಾರಿಕೆರ್ ಮರಿಯೆಚ್ಯಾ ಸ್ವರ್ಗಾರೋಹಣಾಚ್ಯಾ ದಿಸಾ ಆಮಿ ಹ್ಯಾ ಪರ್ವತಾಚ್ಯಾ ಯಾತ್ರಿಕ್ ಪಯ್ಣಾಚೊ ನಿರ್ದಾರ್ ಘೆತ್ಲೊ. ಫಾದರ್ ವಲೇರಿಯನ್ ಕ್ಯಾಸ್ಟಲಿನೊ ಆನಿ ಡಯನಾ ಪಿಂಟೊನ್ ಹ್ಯಾ ಯಾತ್ರಿಕ್ ಪಯ್ಣಾಚೆಂ ಮುಖೇಲ್ಪಣ್ ಘೆತ್ಲೆಂ. ಡಬ್ಲಿನ್ ಥಾವ್ನ್ ಹ್ಯಾ ಜಾಗ್ಯಾಕ್ ತೀನ್ ಘಂಟ್ಯಾಂಚಿ ವಾಟ್ ಅಸ್ಲಿ ದೆಕುನ್ ಫಾದರ್ ಪೇಯ್ಟನ್ ಮೆಮೋರಿಯಲ್ ಸೆಂಟರಾಂತ್ ಫಾದರ್ ವಲೇರಿಯನಾನ್ ಆಮ್ಕಾಂ ರಾಂವ್ಚಿ ವಿಲೆವಾರಿ ಕೆಲ್ಲಿ. ಐಯರ್ಲ್ಯಾಂಡಾಚ್ಯಾ ವಿವಿಂಗಡ್ ಜಾಗ್ಯಾಂ ಥಾವ್ನ್ ಚೊವ್ದಾ ಅಗೋಸ್ತಾಚ್ಯಾ ಸಾಂಜೆರ್ ಆಮಿ ಥಂಯ್ಸರ್ ಪಾವ್ಲ್ಯಾಂವ್. ಸಾಂಜೆಚ್ಯಾ ಜೆವ್ಣಾಕ್ ರಾಂದುನ್ ಹಾಡ್ ಲ್ಲೆಂ, ಸನ್ನಾಂ, ದುಕ್ರಾಮಾನ್, ಕುಂಕ್ಡಾ ಮಾಸ್, ಪುಲಾವ್, ಶಿತ್ ವಾಂಟುನ್ ಜೆವ್ಲ್ಯಾಂವ್. ಸಕಾಳಿಂ ವೆಗ್ಗಿ ಉಟೊಂಕ್ ಆಸ್ಲ್ಲ್ಯಾನ್ ರಾತಿಂ ವೆಗಿಂಚ್ ಉಶ್ಯಾಕ್ ಮಾತೆಂ ತೆಂಕ್ಲೆಂ.
ಆಗೋಸ್ತ್ ಪಂದ್ರಾ ತಾರಿಕೆರ್ ಸಕಾಳಿಂ ವೆಗ್ಗಿಂ ಉಟೊನ್ ಸಜ್ಜಿಗೆ, ಫೊವ್ ಆನಿ ಗೋಡ್ ನಾರ್ಲಾಚ್ಯಾ ಮುಟ್ಲ್ಯಾಂಚೊ ನಾಸ್ಟೊ ಕರ್ನ್, ಪಾವ್ಲ್ಯಾಂವ್ ಕ್ರೋಗ್ ಪ್ಯಾಟ್ರಿಕ್ ಪರ್ವತಾಚ್ಯಾ ಮುಳಾಕ್. ಪಯ್ಣಾಚ್ಯಾ ಸುರ್ವೆರ್ ಮಾಗ್ಣೆಂ ಕರ್ನ್ ಆಮ್ಚೆಂ ಯಾತ್ರಿಕ್ ಪಯ್ಣ್ ಆಮಿ ಸುರು ಕೆಲೆಂ.
ಚಲ್ತಾಂ ಚಲ್ತಾಂ ಕಳ್ಳೆಂ ಹೆಂ ಪಯ್ಣ್ ತಿತ್ಲ್ಯಾ ಸುಲಭಾಯೆಚೆಂ ನ್ಹಂಯ್ ಮ್ಹಳ್ಳೆಂ. ಹಾತಾಂತ್ ತೆಂಕೊ ಜಾವ್ನ್ ಬೇತ್ ಆಸ್ಲ್ಯಾರೀ ಪಾಂಯಾನಿಂ ಮುಖಾರ್ ವಚೊಂಕ್ ಇನ್ಕಾರ್ ಕೆಲೆಂ. ಬಾರಾ ವರಾಂಕ್ ಪರ್ವತಾಚ್ಯಾ ತುದ್ಯೆಕ್ (ಸಮ್ಮಿಟ್) ಪಾವ್ಲ್ಯಾಂವ್. ಮೀಸ್ ಆಸ್ಲೆಲ್ಯಾನ್, ವೇಳಾರ್ ಮಿಸಾಕ್ ಪಾವೊಂಕ್ ಎಕಾ ಪಾಟ್ಲ್ಯಾನ್ ಏಕ್ ಮೇಟ್ ಕಾಡ್ನ್ ಅಡೇಜ್ ಘಂಟ್ಯಾ ಉಪ್ರಾಂತ್ ಅಕ್ರೇಚ್ಯಾ ಹಂತಾ ಪರ್ಯಾಂತ್ ಪಾವ್ಲ್ಯಾಂವ್. ಆತಾಂ ಪರ್ವತಾಚಿ ತಕ್ಲಿ ದಿಸೊಂಕ್ ಲಾಗ್ಲಿ. ಪೂಣ್ ವಾಟ್ ಅನಿಕೀ ಸಂಪೊಂಕ್ ನಾತ್ಲಿ. ಅಕೇರಿಚೆಂ ತೆಂ ಅರ್ಧೆಂ ವೊರ್, ತಿ ಫಾತ್ರಾಂಚಿ ಚಡ್ಣಿ ಚಡೊಂಕ್ ಬೋವ್ ಕಶ್ಟ್ ಮಾರ್ಲೆ. ಕಶೇಂಯ್ ವೇಳಾರ್ ಆಮಿ ಮಿಸಾಕ್ ಪಾವ್ಲ್ಯಾಂವ್. ಫಾದರ್ ವಲೇರಿಯನಾನ್, ಅಗಿ ಪೌಲ್ ಮ್ಹಳ್ಳ್ಯಾ ಸಾಂಗಾತಿ ಪಾದ್ರ್ಯಾಬಾ ಸಂಗಿ ಮೆಳೊನ್ ಸಂಭ್ರಮಿಕ್ ಮೀಸ್ ಭೆಟಯ್ಲೆಂ. ಅನ್ಯೇಕಾ ಪಂಗ್ಡಾನ್ಯ್ ತಾಚ್ಯಾ ಕಡೆ ಸಾಂಗಾತಾ ಮೀಸ್ ಭೆಟಂವ್ಕ್ ವಿನಂತಿ ಕೆಲ್ಲ್ಯಾನ್ ಆಮ್ಚೆಂ ಕೊಂಕ್ಣಿ ಮೀಸ್, ಕೊಂಗ್ಲೀಶ್ ಮೀಸ್ ಜಾವ್ನ್ ಬದಲ್ಲೆಂ. ಮೀಸಾ ಉಪ್ರಾಂತ್ ಡಯಾನಾ ಪಿಂಟೊನ್ ಪಾದ್ರ್ಯಾಬಾಚೊ ಆನಿ ಜಮ್ ಲ್ಲ್ಯಾಂಚೊ ಉಪ್ಕಾರ್ ಬಾವುಡ್ಲೊ.
ಆಮ್ಚ್ಯಾ ಐರಿಶ್ ಭುರ್ಗ್ಯಾಂನಿ ತಾಂಚೊ ಬಾವ್ಟೊ ಉಬಯ್ತಾನಾ, ಆಮಿ ಭಾರತೀಯ್ ವ್ಹಡಿಲಾಂನಿ ಆಮ್ಚ್ಯಾ ದೇಶಾಚೊ ಬಾವ್ಟೊ ಉಬವ್ನ್ ಆಮ್ಚೆಂಯ್ ರಾಶ್ಟ್ರ್ ಗೀತ್ ಗಾಯ್ಲೆಂ. ಥೊಡ್ಯೊ ತಸ್ವೀರೆ ಕ್ಯಾಮೆರಾಂತ್ ಕಯ್ದ್ ಕರ್ನ್ ಹಳ್ತಾರ್ ಪರ್ವತ್ ದೆಂವ್ಲ್ಯಾಂವ್. ಮ್ಹಾಕಾ ತೀನ್ ವೊರಾಂ ಚಡೊಂಕ್ ಆನಿ ತೀನ್ ವೊರಾಂ ದೆಂವೊಂಕ್ ಲಾಗ್ಲಿಂ. ಸಕಾಳಿಂ ಸಾಡೆ ನೊವಾಂ ಥಾವ್ನ್ ಸಾಂಜೆರ್ ಸಾಡೆ ಚಾರಾಂ ಪರ್ಯಾಂತ್ ಏಕ್ ಘಡಿಯ್ ಬಸಾನಾಸ್ತಾಂ, ವೀಸ್ ಹಜಾರ್ ಮೆಟಾಂ ಚಲೊನ್ ಹಾಂವೆ ಮ್ಹಜೊಚ್ ದಾಕ್ಲೊ ರಚ್ಲ್ಲೊ.
ಸಕಯ್ಲ್ ಪಾವ್ತಾನಾ ಹುನೊನಿ ಚಾಯೆ ಸಾಂಗಾತಾ ಸ್ಯಾಂಡ್ ವಿಚ್, ಸ್ಕೋನ್ಸ್, ಪೊಣ್ಸಾಚೆ ಪಾತೊಳ್ಯೊ ಆನಿ ಗೋಡ್ ನಾರ್ಲಾಚ್ಯಾ ಮುಟ್ಲ್ಯಾಂನಿ ಭುಕೆಲ್ಲ್ಯಾ ಪೊಟಾಕ್ ಸಮಾದಾನ್ ಕೆಲೆಂ. ಥೊಡೊ ವೇಳ್ ವಿರಾಮ್ ಘೆವ್ನ್ ಆಪಾಪ್ಲ್ಯಾ ಘರ್ಚ್ಯಾ ವಾಟೆಕ್ ಲಾಗ್ಲ್ಯಾಂವ್.
■ ಮೋನಿಕಾ ಡೆ’ಸಾ ಮಥಾಯಸ್
3 comments
It sure is “prachit”. I am not religious but would have climbed once for excitement. It might take me twice the time the author took. My last climb was the 1000 steps in Bacchus Marsh, Victoria, Australia. That climb is about half of this one and a haunt for fitness buffs.
I am not a climber either Bab Philip. I did it as part of excitement too. We had big group and I had few slow walking buddies. Taking pictures and videoes helped me too. As it was a great achievement I had to treasure it in my kittall travelogue journal. Thank you for your encouraging words 🙏
Monica Mathias
Thank you so much for capturing such a beautiful video of the Croagh Patrick Pilgrimage. The footage truly captures the spirit, scenery, and reflection of the journey, bringing the entire experience to life so vividly.
Your eye for detail and ability to record such meaningful moments is wonderful. It is a fantastic keepsake of the pilgrimage that will be cherished for a long time.