ಮೋನಿಕಾ ಶಾಂತಿಪುರ

ಮೋನಿಕಾ, ಶಾಂತಿಪುರ ಹ್ಯಾ ಲಿಕ್ಣೆನಾಂವಾನ್ ಆಮ್ಚೊ ಯುವಕ್, ಸೆವಕ್, ಝೆಲೊ ತಶೆಂ ಸುವಾದ್ ಆನಿ ಖುರ್ಸಾಚೊ ತಾಳೊ ಹ್ಯಾ ಫಿರ್ಗಜ್ ಪತ್ರಾಂನಿ ಚಡುಣೆ ಹರ್ ಮಯ್ನ್ಯಾಕ್ ಮ್ಹಳ್ಳೆಪರಿಂ 1998 ತೆ 1999 ಹ್ಯಾ ಆವ್ಧೆಂತ್ ಪನ್ನಾಸಾಂಚ್ಯಾಕೀ ವಯ್ರ್ ಮಟ್ವ್ಯೊ ಕಾಣಿಯೊ ಬರವ್ನ್ ಕೊಂಕ್ಣಿ ಕಥಾಸಾಹಿತ್ಯಾಕ್ ಭರ್ಪೂರ್ ಯೋಗ್‌ದಾನ್ ದಿಲ್ಲಿ ಮೊನಿಕಾ ಮಥಾಯಸ್ ಪಾಟ್ಲ್ಯಾ ಸಬಾರ್ ವರ್ಸಾಂ ಥಾವ್ನ್ ಡಬ್ಲಿನಾಂತ್ ಜಿಯೆತಾ. ಕೊಂಕ್ಣೆಂತ್ ಮಾತ್ ನಯ್, ಹಿಂದೀ ತಶೆಂ ಕನ್ನಡ ಭಾಶೆಂತೀ ತಿಣೆ ಕಾಣಿಯೊ ಬರಯ್ಲ್ಯಾತ್ ಆನಿ ಮುಂಬಯ್ ಥಾವ್ನ್ ಫಾಯ್ಸ್ ಜಾಂವ್ಚ್ಯಾ ’ಮೊಗವೀರ’ ಪತ್ರಾಂತ್ ತಿಚ್ಯೊ ಕಾಣಿಯೊ ಫಾಯ್ಸ್ ಜಾಲ್ಯಾತ್. 1995 ಇಸ್ವೆಂತ್ ಬರಂವ್ಕ್ ಧರ್ನ್ 2002 ಇಸ್ವೆ ಪರ್ಯಾಂತ್ ತಿಣೆಂ ಖಳನಾಸ್ತಾನಾ ಬರಯ್ಲಾಂ, ಸಾಹಿತ್ಯ್ ಸ್ಪರ್ಧ್ಯಾಂನಿ ಚಾರ್ ಪಾಂಚ್ ಪಾವ್ಟಿಂ ಇನಾಮಾಂಯ್ ಜೊಡ್ಲ್ಯಾಂತ್. ಆತಾಂ ಪರತ್ ಕಿಟಾಳಾದ್ವಾರಿಂ ಆಪ್ಲ್ಯಾ ಲಿಕ್ಣೆಕ್ ಚಾಲನ್ ದಿತೇ ಆಸಾ. ಮೊಗಾಚ್ಯೊ ಆನಿ ಸಸ್ಪೆನ್ಸ್ ಕಾಣಿಯೊ ತಿಕಾ ಚಡ್ ಆಂವಡ್ತಾತ್. ವೃತ್ತೆನ್ ನರ್ಸ್ ಜಾವಾಸ್ಚಿ ಮೋನಿಕಾ, ಪ್ರಸ್ತುತ್ ತಿ ಆಪ್ಲ್ಯಾ ಕುಟ್ಮಾಸವೆಂ ಐರ್ಲೆಂಡಾಂತ್, ಡಬ್ಲಿನ್ ಹಾಂಗಾಸರ್ ಜಿಯೆತಾ.