ಬಾಂದ್ಪಾ ಉದ್ಯಮಾಂತ್ ಕೆನರಾ ಕರ್ನಾಟಕಾಂತ್ ಯಶಸ್ವೀ ಆನಿ ವಿಶ್ವಾಸಿ ಸಂಸ್ಥೊ ರೋಹನ್ ಕಾರ್ಪೊರೇಶನ್ ಹಾಂಚೆ ನವೆಂ ವಸ್ತೆ ಯೋಜನ್ ‘ರೋಹನ್ ಇಥೋಸ್’ ಸನ್ವಾರಾ, ಎಪ್ರಿಲ್ 19 ವೆರ್ ಕಂಕ್ನಾಡಿ ಫಾ। ಮುಲ್ಲರ್ ಆಸ್ಪತ್ರೆ ಲಾಗ್ಸಾರ್ ಸುರ್ವಾತ್ಲೆಂ. ಫಾ| ಮುಲ್ಲರ್ ಚಾರಿಟೆಬಲ್ ಸಂಸ್ಥ್ಯಾಚೊ ನಿರ್ದೇಶಕ್ ಅ| ಮಾ| ಬಾ| ರಿಚರ್ಡ್ ಕುವೆಲ್ಲೊ ಹಾಣಿ ಆಶೀರ್ವಚನ್ ಕರುನ್, ಯೋಜನ್ ವೆಳಾರ್ ಯಶಸ್ವೆನ್ ಪೂರ್ಣ್ ಜಾವ್ನ್ ಲೊಕಾವಸ್ತೆಕ್ ಲಾಬೊಂ ಮ್ಹಣ್ ಯೋಜನಾಕ್ ಬರೆಂ ಮಾಗ್ಲೆಂ.
“ಪಾಟ್ಲ್ಯಾ ಎಕಾಚ್ ಮಯ್ನ್ಯಾಂತ್ ರೋಹನ್ ಕಾರ್ಪೊರೇಶನಾನ್ ಚಾರ್ ಪ್ರಮುಕ್ ಯೋಜನಾಂ ಸುರ್ವಾತ್ಲ್ಯಾಂತ್ ಆಸೊನ್, ಚಡಾವತ್ ಯೋಜನಾಂನಿ ಎದೊಳ್‌ಚ್ ಚಡಾವತ್ ಫ್ಲೆಟಾಂ ವಿಕೊನ್ ಗೆಲ್ಯಾಂತ್. ಹ್ಯಾ ಸಂಕೀರ್ಣಾಂತೀ ಮುಲ್ಯಾ ಫಾತೊರ್ ದವರ್ಚೆ ಪಯ್ಲೆಂಚ್ 28 ಪಯ್ಕಿ 14 ಫ್ಲೆಟಾಂ ವಿಕೊನ್ ಗೆಲ್ಯಾಂತ್. ಲೊಕಾಚ್ಯಾ ಅಭಿರುಚಿಕ್ ಜಾಯ್ ತಶೆಂ, ನವೀನ್ ವಿನ್ಯಾಸ್ ಆನಿ ಆಧುನಿಕ್ ತಂತ್ರಜ್ಞಾನ್ ವಾಪಾರುನ್ ರೋಹನ್ ಘರಾಂ ಬಾಂದ್ತಾ ಜಾಲ್ಲ್ಯಾನ್; ತಾಚಿಂ ಘರಾಂ ಘಡ್ಯೆ ಭಿತರ್ ವಿಕುನ್ ವೆತಾತ್ ” ಮ್ಹಣ್ ಎಸ್.ಸಿ. ಡಿ.ಸಿ. ಸಿ. ಬ್ಯಾಂಕಾಚೊ ಅಧ್ಯಕ್ಶ್ ಡಾ| ಎಂ. ಎನ್. ರಾಜೇಂದ್ರ ಕುಮಾರ್ ಹಾಣಿ ಮ್ಹಳೆಂ.
ವಿಧಾನ ಪರಿಷತ್ ಸಾಂದೊ ಐವನ್ ಡಿ’ಸೋಜ ಹಾಣಿ “ಕಂಕ್ನಾಡಿಂತ್ ಎದೊಳ್ ಫಾದರ್ ಮುಲ್ಲರ್ಸ್ ಆಸ್ಪತ್ರ್ ಲ್ಯಾಂಡ್ ಮಾರ್ಕ್ ಜಾವ್ನ್ ಆಸಾ, ಫುಡಾರಾಂತ್ ರೋಹನ್ ಇಥೋಸ್ ಲ್ಯಾಂಡ್ ಮಾರ್ಕ್ ಜಾಂವ್ಚ್ಯಾಂತ್ ಕಾಂಯ್ಚ್ ದುಬಾವ್ ನಾ. ಪ್ರಾಮಾಣಿಕತೆನ್ ಆನಿ ಪರಿಶ್ರಮಾನ್ ಆಜ್ ರೋಹನ್ ಮೊಂತೇರೊ ಆಪ್ಲ್ಯಾ ಉದ್ಯಮಾಂತ್ ಹ್ಯಾ ಉಂಚಾಯೇಕ್ ಪಾವ್ಲಾ” ಮ್ಹಣ್ ಶಾಬಾಸ್ಕಿ ಉಚಾರ್ಲಿ.
ಆದ್ಲೊ ಶಾಸಕ್ ಜೆ.ಆರ್.ಲೋಬೊ ಆನಿ ದಾಯ್ಜಿ ವಲ್ಡ್ ಸ್ಥಾಪಕ್ ವಾಲ್ಟರ್ ನಂದಳಿಕೆ ಹಾಜರ್ ಆಸೊನ್ ಹ್ಯಾ ಸಂದರ್ಭಾರ್ ತಾಣಿ ರೋಹನ್ ಇಥೋಸ್ ಯೋಜನಾಕ್ ಬರೆಂ ಮಾಗ್ಲೆಂ.
ಜಿಲ್ಲ್ಯಾಚೊ ಕಾಂಗ್ರೆಸ್ ಅಧ್ಯಕ್ಷ್ ಹರೀಶ್ ಕುಮಾರ್, ಆದ್ಲೆ ಮೇಯರ್‌ ಎಂ. ಶಶಿಧರ ಹೆಗ್ಡೆ, ಭಾಸ್ಕರ್ ಕೆ, ಕಾರ್ಪೊರೇಟರ್‌ ನವೀನ್ ಡಿಸೋಜ, ಜೆಸಿಂತಾ ವಿಜಯ್ ಆಲ್ಪ್ರೆಡ್, ವಕೀಲ್ ಜಗದೀಶ್ ಶೇಣವ, ಆದ್ಲೊ ಮುಡಾ ಮಾಜಿ ಅಧ್ಯಕ್ಶ್ ರವಿಶಂಕರ್ ಮಿಜಾರ್, ರೋಹನ್ ಕಾರ್ಪೊರೇಷನಾಚೊ ನಿರ್ದೇಶಕ್ ಡಿಯೊನ್ ಮೊಂತೆರೊ ಹ್ಯಾ ಸುವಾಳ್ಯಾರ್ ಹಾಜರ್ ಆಸ್ಲೆ.
ಸಾಹಿಲ್ ಝಹೀರಾನ್ ಕಾರ್ಯೆಂ ಚಲಯ್ಲೆಂ, ರೋಹನ್ ಮೊಂತೇರೊ ಹಾಣಿ ದಿನ್ವಾಸ್ ಪಾಟಯ್ಲೆ.
ಕಂಕ್ನಾಡಿ ಫಾದರ್ ಮುಲ್ಲರ್ ಆಸ್ಪತ್ರೆ ಬಗ್ಲೆನ್ ವಾಲೆನ್ಸಿಯಾ ವೆಚ್ಯಾ ಮುಕೆಲ್ ರಸ್ತ್ಯಾಕ್ ಲಾಗೊನ್ ಆಸ್ಚ್ಯಾ ಸುವಾತೆರ್ ಪಂದ್ರಾ ಮಾಳಿಯಾಂನಿ ವಿಶಾಲ್, ಆಧುನಿಕ್ ಸವ್ಲತ್ಯಾಂನಿ ಭರ್ಲೆಲಿಂ, ತೀನ್ ಆನಿ ಚಾರ್ ಬೆಡ್‌ರೂಮಾಂಚಿಂ ಫಕತ್ 28 ಐಶಾರಾಮಿ ಫ್ಲೆಟಾಂ ಆಸ್ಚೆಂ ವಸ್ತೆ ಸಂಕೀರ್ಣ್ ರೋಹನ್ ಇಥೋಸ್ ನಿರ್ಮಾಣ್ ಜಾತೇ ಆಸಾತ್. ಹ್ಯಾ ವಸ್ತೆ ಸಂಕೀರ್ಣಾಂತ್ ಇನ್‌ಫಿನಿಟಿ ಸ್ವಿಮ್ಮಿಂಗ್ ಫೂಲ್, ಆಧುನಿಕ್ ಜಿಮ್, ಇಂಡೋರ್‌ ಗೇಮ್ಸ್, ಯೋಗಾ ರೂಮ್, ಭುರ್ಗ್ಯಾಂಕ್ ಖೆಳಾ ಸುವಾತ್ ಆನಿ ಏಕ್ ಸಭಾಂಗಣ್ ಆಸಾ. ತಳ್ ಆನಿ ಸಕಯ್ಲ್ಯಾ ಮಾಳಿಯಾಂನಿ ವಿಶಾಲ್ ಪಾರ್ಕಿಂಗ್ ವೆವಸ್ತಾ ಕೆಲ್ಯಾ.
ಸಗ್ಳಿಂ ಅಪಾರ್ಟ್‌ಮೆಂಟಾಂ ವಾಸ್ತು ಪ್ರಕಾರ್ ವಿನ್ಯಾಸ್ ಕೆಲ್ಲಿಂ ಆಸುನ್, ಸಿಸಿ ಕೆಮರಾ, ಸ್ವಯಂಚಾಲಿತ್ ಲಿಫ್ಟ್, ಜನರೇಟರ್ ಮತ್ತು ಇಲೆಕ್ಟ್ರಿಕ್ ಕಾರ್ ಚಾರ್ಜಿಂಗ್ ಸವ್ಲತ್ ಆಸಾ. ಆಸ್ಪತ್ರ್, ಇಗರ್ಜ್, ಮಾಗ್ಣ್ಯಾ ಸುವಾತ್ಯೊ, ರೈಲ್ವೆ ಸ್ಟೇಶನ್, ಸೂಪರ್ ಮಾರ್ಕೆಟ್, ಸಾರ್ವಜನಿಕ್ ಉದ್ಯಾನ್ ಆನಿ ಉಂಚ್ಲ್ಯಾ ಶಿಕ್ಪಾ ಸಂಸ್ಥೆ ಸಗ್ಳೆ ಲಾಗ್ಸಾರ್‌ಚ್ ಆಸಾತ್.
ಚಡಿತ್ ಮಾಹೆತ್ ಆನಿ ಬುಕಿಂಗಾ ಖಾತಿರ್ – ರೋಹನ್ ಕಾರ್ಪೊರೇಶನ್, ರೋಹನ್ ಸಿಟಿ, ಬಿಜೈ, ಮಂಗ್ಳುರ್ ಹ್ಯಾ ದಫ್ತರಾಕ್ ವಾ https://rohancorporation.in/ ಜಾಳಿಸುವಾತೆಕ್ ಭೆಟ್ ದಿವ್ಯೆತ್.
